ما هكذا تورد الإبل يا زيدان

[مهند شاويش]

غريب ما فعلته يا زيدان ولا مبرر لهكذا فعل مهما كان السبب
عمرك 34 وهيدا تالت مونديال الك وعندك خبرة دولية بتكفي وبتوفي ونحطيت بهيك مواقف واصعب ما عم اقدر ولا رح اقدر بررلك تصرفك الأرعن
خاصة انو لعبة نهائية وهيدي آخر لعبة الك غلط يا زيدان غلط يا كبير
مع انو هيدا ضمن عاداتك وما مننسى لما دعست على فؤاد انور بال 98وانطردت من وراها

ليش لتصغر بعيونا يا زيدان يعني لو شتم امك وكل سليلتك لازم تكون انت بالذات غير هيك
على كل حال ما رحمت نهايتك وما حبيت تترك بلا أثر سيء عند كتير ناس وانا أولون مع اني كنت من اشد الناس دفاع عن مستواك
بس صعب دافع عن لاعب بهيك اخلاق وللتاكيد هيدي مو اول مرة

[abu kamal]

لك له لك مهند لازم نشكروا سهلنا الفوز
اليوم تاريخي للأزوري وبس

[juventini]

يا خسارة يا زيدان.. انقهرت عليك متل ما كتير عالم انقهرت عليك.. بس ما هيك بتنختم.. ما حرام تحرم لعيبة فريقك من تكريمك بمباراة اعتزالك؟؟ ما شفت كيف كل فريقك لابس كنزات مكتوب عليها اسمك؟ ليش حرمت لعيبتك من هيك فرحة ليش؟ حتى لو ما أخدتوا الكأس شو انتهى العالم؟؟؟ يا خسارة يا زيدان.. على قد ما فرحت بالكأس على قد ما انقهرت عليك لإني و بالرغم من إنك من أصل أمازيغي متل ما عرفت و مانك عربي بس كنت بحبك و بحترمك و بتمنالك الأفضل لإنك عبقري بكرة القدم..

[syriana]

يا شباب ..
عادي ... انا كتير زعلت على زيدان بس اكيد صار شي ما منعرفو لحتى عمل زيدان هيك ...
بيضل زيدان لاعب من اعظم لاغبي القرن الماضي واسمو الى جانب ماردونا وبيليه حتما وفان باستن ..
ووالافضل في خط الوسط ربما على الاطلاق ...

[juventini]

بالتأكيد زيدان رح يضل من أروع نجوم كرة القدم بالعالم و اسمو رح ينحفر بالدهب بين عظماء الكرة.. كنت بتمنى تكون النهاية غير هيك..