أرحمو عزيز قوم ذل

[hutteen my love]

أخواني الحطينية الأعزاء

كثرت في الأونة الأخيرة وخصوصا بعد مباراة عفرين المواضيع والردود التي تعبر عن عدم رضاؤكم عن مستوى الفريق والمدرب وحتى أن بعضها كانت مشحونة بكثير من العصبية والاستهجان من كل شيئ لذلك دعوني أن أتكلم معكم بواقعية، أرجو عند قراءة هذا الموضوع التروي وعدم الرد بالعاطفة (محبتنا لحطين ) ولكن بالعقل والتفكير العميق .

الجميع أنزعج من تعادلنا مع عفرين في حلب مع العلم أن عفرين حتى عند خسارته مع الفرق المجهزة أفضل من فريقنا لم يفز عليه ألا بفارق هدف وبشق الأنفس ومن منا لا يذكر كيف فاز الاتحاد على عفرين ،بصراحة عفرين فريق رائع ولا يستهان به وحتى لايستهان بأي فريق بالدوري والدليل على كلامي أنه لماذا الكرامة لم يفز على فرق المؤخرة بأربع أو خمس أهداف أو حتى الطليعة أو الجيش مع العلم اننا فزنا على الحرية وبعقر داره وبرباعية .

الجميع يعلم كيف بدأنا الدوري ، أغلبية اللاعبين أنضمو الى الفريق قبل بداية الدوري بأسبوعين فقط وأنتم تعلمون أن عارف لم يتدرب في فترة التحضير تدريب جيد لأنه أنتقل بين الطليعة وحطين وتوقف وتدرب لوحده فترة كبيرة، أي ان الفريق لم يتجمع الا قبل أسبوعين من بدء الدوري ، هل تعلمون أن اللاعبين لم يوقعو على كشوف نادينا الا قبل مباراة الكرامة بخمسة أيام حتى ان معظمهم لم يقبضو مقدمات عقودهم الا بعد انطلاق الدوري .

مرحلة التحضير نعم أنا لا أنكر أن فريقنا استعد جيدا وبقيادة الدحبور المتميز بتمرينه فقط هو مساعده الشربيني ولكن هلتعلمون أن الدحبور كان يركز على اللاعبين الشبان في تمارينه ، ولكن بعد عودة الأغا والجبلاوي والعبدو ووجود الياسين والعابدين والسيد والطه تغير كل تكتيكه وتخربطت كل حساباته ولو كانت مع أكبر المدربين لكان حصل معه نفس الشيئ .

هل نستطيع أن نطالب عارف والسيد وعمار والعبدو والعابدين أن يقدمو نفس المستوى الذي كانو يقدموه في عمر العشرين أكيد لأ .

أكبر فرق العالم لايستطيعون تقديم نفس المستوى طيلة الموسم والبرهان برشلونة والريال ومانشستر .

من المعروف أن فريقنا مزاجي وصاحب نفس قصير فماعدى مابدى .

هل تعلمون أن المدرب ياسر مكيس أتى كمدرب مؤقتي ولكن توفيق الله وشعور اللاعبين بحراجة الموقف هي من أبقته مدربا مع العلم انه كان رافضا استلام الفريق بشكل دائم .

بعد هذا كله ولولا طول الموضوع لكنت قد وضعت المزيد، تريدون الأن من فريقنا المنافسة على اللقب (بصراحة كل شخص يعتقد ان فريقنا قادر على النافسة سأقول عنه جاهل كرويا)

يا حطينية أفهمو المنافسة لها أسس وقواعد ( الأستقرار الاداري (سنتين على الأقل ) + أعطاء الثقة لمدرب على اقل تقدير (سنتين) + وجود مدخول ثابت + عقود اللاعبين لمدة ثلاث سنوات + تخريج كل موسم أربع لاعبين من فرق القواعد لفريق الرجال على مستوى ممتاز)

وقتها نستطيع المنافسة على الدوري وغير هذا مرفوض بتاتا .

ملاحظة ممكن أخلال شرط من هذه الشروط اي أن لاتجتمع كلها ، في نهاية موضوعي الطويل كله أتمنى منكم أن لا تطالبو فريقنا ونادينا أن يفعل أكثر مما لا يستطيع فعله .

ألاحظ على جمهورنا أن مبادئهم وأعتقاداتهم الكروية تتبدل بين ليلة وضحاهى وأنا لن أسمح بتجريح أي لاعب في هذه المرحلة الصعبة ( لأنهم ساعة اللاعب الفلاني مميز وأصيل وشهم وساعة لأ يعني لعبة اذا كان كويس يالطيف ولعبة اذا كان سيئ يالطيف ايضا ) .

حرام عليكون ارحمو عزيز قوم ذل يا حطينية .

[Kh@led]

بس هاد الشي يا ابوكمال .. ما بيمنع انو الواحد يبدي برايو بالفريق .. بالاخير المدرب حر .. في حال تطبيق الحكي او لاء.

[hutteen my love]

خالد يبدي رأيو شي و التهجم أو وصف الفريق أنو سيئ جدا شي تاني بس لأنو مباراتين كنا فيون سيئين مع العلم أنو فريقنا مستواه من مستى فرق الوسط واللي بقول غير هيك بيكون عم يضحك على حالو

[ابو بشار الحطيني]

اخي ابو كمال كلامك صحيح مية بالمية .............ولكن يجب ان نقول انه بالامكان افضل مما كان ........... ويجب ان نقول بصراحة بان اداء الفريق قد تراجع في اخر لعبتين ..... واعتقد ان السبب تدريبي بحت في الدرجة الاولى ........... فالتدريب يحتاج الى وضع خطط جديدة احيانا بالاضافة الى رفع لياقة بعض اللاعبين ...................... واعود و اقول باننا من حقنا ان نرى الحوت من الاربعة الكبار وليس بالضرورة ان يكون بطل الدوري .............فهناك ثلاث مباريات على ارضنا في الاياب مع المجد و الطليعة و الجيش ثم مباشرة تبدا مرحلة الاياب بثلاث مباريات متتالية على ارضنا مع الكرامة وتشرين وجبلة ...........يعني خمس مباريات متتالية على ارضنا ........فبمؤازرة جمهورنا العريض و عدم سفر الفريق خارج المحافظة في تلك الفترة و اذا وضع المدرب الخطة المناسبة لهذه المباريات واذا اراد فريقنا الفوز و صمم عليه .........فعندها يمكن ان تتغير خارطة الترتيب ................. هذه مجرد حسابات يمكن ان تحدث ......... فالكثير من جمهورنا الحبيب بما فيهم لاعبي الحوت يتوقعون الفوز في مباراة الكرامة ............. فلنتفائل ........تفاؤلوا باخير تجدوه .........و لننتظر مباراة المجد لعل الاداء يتحسن و نحقق نتيجة ايجابية .........و اتمنى ان لا يتم تاجيل لعبتنا مع المجد كثيرا لكي لا يلتقط فريق المجد انفاسه وبالتالي نحقق الفوز عليه .

[hutteen my love]

أخوي أبو بشار أولا

برايك مين في مدرب بسورية على مستوى عال هلأ ليستلم الفريق والمدرب اللي بيحترم حالو مابيستلم الفريق هلأ

تانيا مين الك أنو أنا عم قول أنو مارح نربح من هاللعب لا سمح الله بالعكس أنا شايف أنو فريقنا قادر يربح بأربع لعب على أقل تقدير بس أنا قصدي اذا تعادلنا وهيك بقا كيف لو خسرنا وفريقنا معرض للخسارة

تالتا اكبر خطأ برأيي هلأ تغيير المدرب أو حتى توجيه ملاحظات كبيرة جدا واتهامات له وللاعبين لأنو فريقنا ماشي والحمد لله حتى لو كان فريقنا سيئ

[BaTiGoAl]

ابو الكيم انا بتفق معك ...
باللي قلته
بس انا لاحظت انو الاعضاء هون كانو عم ينتقدو ضمن الحدود وابدو رايهم بصراحة ومن دون تجريح وصدقني تراجع اداء الفريق بيحتم علينا نتكلم عليه بصراحة مشان نقدر نصحح الاخطاء... الجميع هدفه بقاء سير فريق حطين ضمن ال4 الكبار...
انا حاليا صار عندي قناعة
أي مدرب اجنبي حتى او سوري
رح يفشل بتدريب حطين لانو لعيبتنا واداء الفريق وجمهورنا بدهم ناس تفهم عليون
لذلك انا لا اتمنى ابدا تغيير المدرب حاليا
فقط الاهتمام بالقواعد اكتر من هيك والكابتن يعمل اضافة بسيطة للخطة اللي عم نلعبا كل مرة

[ابو بشار الحطيني]

اخي الكريم انا لا اطالب بتغيير المدرب في هذه الفترة لان تغيير المدرب له تاثيرات سلبية على الفريق .............و لكن اطلب من المدرب ومساعده ان لايلعب بنفس الخطة في كل مباراة و اجراء نفس التبديلات في كل مباراة .............فجميعنا حفظ هذه التبديلات عن ظهر قلب ........فانت تعلم ان كل شيء يتطور ....... فيجب تطوير خطة اللعب و رفع لياقة اللاعبين المتراجعة .......و مدربنا صرح للصحف الرياضية الصادرة انه يحمد الله اننا خرجنا بالتعادل من مباراة عفرين وان نتيجة المباراة غير عادلة اي ان عفرين اجدر بالفوز ..............فيجب على الحاج ياسر بعد هذه التصريحات ان يقوم بمعالجة الاخطاء في المباريات الاخيرة وان يقوم بتطوير اداء الفريق حسب الامكانيات المتوفرة .......................

[الامير totti]

انا معك ابو كمال بكل كلمة قلتها ..
بس نقطة صغيرة ابو كمال .. جمهورنا متل ما بتعرفوا معاهم معاهم عليهم عليهم ..
بس هاد الشي متل ما قال خالد ما بيمنع انو العالم تبدي رأيها .. ووصف الفريق بالسيء امر طبيعي كتير ..خليني دافع عن اعضاء الموقع على اقل تقدير ... من سنة مضت او اكتر بشوي ..كنت تشوف الانتقاد احد من هيك بكتير وكان يصير بالاسم مع فرضية السب والشتم الواردة باي لحظة ... بس هلق اعضاء الموقع عم تحمل المسؤولية للفريق بشكل عام ..وهاد الشي اذا صح التعبير يعتبر مرض صحّي صحيح .. لان الفريق 11 لاعب مو لاعب واحد .. والتقصير اذا كان من لاعب مو اللاعب اللي رح يتحمل المسؤولية .. المدرب رح يتحمل المسؤولية .. ومال ما وضح خالد بالنقاش التكتيكي .. انو خطة الحاج صارت مكشوفة للقاصي والداني ..وهيدا الشي عم يسبب قراءة المدربين للعبة من قبل ما تبلّش ..
لهيك لازم الحاج يعيد شوي بحسابات الخطة اللي عم يلعب فيها ..والتشكيلة كمان .. وبظن انت وكل حطيني بيوافقني الرأي هيدا ... لان بنعرف عارف والسيد ..عمرهن صار كبير .. واذا بتحط لواحد منهن لاعب مساك ..اعتبر الهجوم عنا خالص .. ..
بالنهاية نحنا عم نقول رأينا وعلى من يقرأ ان يتحمل النقد قبل المدح .. وكلو في سبيل حطين ...

[الحوت المهاجر]

اخوي ابو كمال اسمحلي اختلف معك شوي :

عم تحكي عن لاعبين صارو فوق التلاتينات

بس سؤال مين السنة الجاية رح يغطي محلهم اذا عنا المهاجمين الشباب ما شافوا الملعب لهلاء

السنة رح نضطر نعتمد على لاعب خبرته صفر وعدد مبارياته صفر وهيك رح نكون مجبرين نطول بالنا عليه لحتى يصير

لكل بيعرف مستوى خط هجومنا مش ولا بد ولحد الان عارف وسيد اساسية دائما

مروان سيدة تألق بكام مباراة كان لازم نعطيه فرصة ليكون اساسي كام لعبة وهيك منحفزو ومنحفز اللاعب الاساسي الي قعد

عل الخط

بالبداية سمعنا رح يبنوا فريق شاب ؟؟

وين اللاعبين الشباب بالفريق ؟؟

وبكرة صدقوني رح نرجع نعاني من مركز حارس المرمى لان علي شعبان ما رح يضل معنا العمر كلو

ومنرجع نجيب حراس من برا وهيك حراسنا كلهم ع الخط وما رح نستفاد منهم

لازم يتغير التفكير بالنادي ولازم نعتمد على شباب يعطونا عل الاقل 8 سنين

يعني كل لعبة جرب لاعب شاب طول ما انو هدفنا المركز الرابع وما ئادرين ننافس عل الدوري لان فريقنا ما عندو امكانيات بطل دوري

[hutteen my love]

وأنا مع خالد أنوالتكتيك لازميتغير بس أنو الفريق لساتو ماشي والمهم عندي ال3 نقاط وما أنو أذا خسرنا لعبة تخرب الدنيا هيدا كل همي

[الامير totti]

أرسل أصلا بواسطة hutteen my love

وأنا مع خالد أنوالتكتيك لازميتغير بس أنو الفريق لساتو ماشي والمهم عندي ال3 نقاط وما أنو أذا خسرنا لعبة تخرب الدنيا هيدا كل همي

هيدا الكلام كلنا بنوافق عليه ابو كمال .. وقلناه باكتر من موضوع انو ما فيه فريق بالعالم بيربح كل اللعب .. ولا فيه فريق بيتعادل كل اللعب ..والخسارة واردة باي مباراة ....

[ehab]

[quote=hutteen my love;154012]أخواني الحطينية الأعزاء
كثرت في الأونة الأخيرة وخصوصا بعد مباراة عفرين المواضيع والردود التي تعبر عن عدم رضاؤكم عن مستوى الفريق والمدرب وحتى أن بعضها كانت مشحونة بكثير من العصبية والاستهجان من كل شيئ لذلك دعوني أن أتكلم معكم بواقعية، أرجو عند قراءة هذا الموضوع التروي وعدم الرد بالعاطفة (محبتنا لحطين ) ولكن بالعقل والتفكير العميق .
الجميع أنزعج من تعادلنا مع عفرين في حلب مع العلم أن عفرين حتى عند خسارته مع الفرق المجهزة أفضل من فريقنا لم يفز عليه ألا بفارق هدف وبشق الأنفس ومن منا لا يذكر كيف فاز الاتحاد على عفرين ،بصراحة عفرين فريق رائع ولا يستهان به وحتى لايستهان بأي فريق بالدوري والدليل على كلامي أنه لماذا الكرامة لم يفز على فرق المؤخرة بأربع أو خمس أهداف أو حتى الطليعة أو الجيش مع العلم اننا فزنا على الحرية وبعقر داره وبرباعية .
الجميع يعلم كيف بدأنا الدوري ، أغلبية اللاعبين أنضمو الى الفريق قبل بداية الدوري بأسبوعين فقط وأنتم تعلمون أن عارف لم يتدرب في فترة التحضير تدريب جيد لأنه أنتقل بين الطليعة وحطين وتوقف وتدرب لوحده فترة كبيرة، أي ان الفريق لم يتجمع الا قبل أسبوعين من بدء الدوري ، هل تعلمون أن اللاعبين لم يوقعو على كشوف نادينا الا قبل مباراة الكرامة بخمسة أيام حتى ان معظمهم لم يقبضو مقدمات عقودهم الا بعد انطلاق الدوري .
مرحلة التحضير نعم أنا لا أنكر أن فريقنا استعد جيدا وبقيادة الدحبور المتميز بتمرينه فقط هو مساعده الشربيني ولكن هلتعلمون أن الدحبور كان يركز على اللاعبين الشبان في تمارينه ، ولكن بعد عودة الأغا والجبلاوي والعبدو ووجود الياسين والعابدين والسيد والطه تغير كل تكتيكه وتخربطت كل حساباته ولو كانت مع أكبر المدربين لكان حصل معه نفس الشيئ .
هل نستطيع أن نطالب عارف والسيد وعمار والعبدو والعابدين أن يقدمو نفس المستوى الذي كانو يقدموه في عمر العشرين أكيد لأ .
أكبر فرق العالم لايستطيعون تقديم نفس المستوى طيلة الموسم والبرهان برشلونة والريال ومانشستر .
من المعروف أن فريقنا مزاجي وصاحب نفس قصير فماعدى مابدى .
هل تعلمون أن المدرب ياسر مكيس أتى كمدرب مؤقتي ولكن توفيق الله وشعور اللاعبين بحراجة الموقف هي من أبقته مدربا مع العلم انه كان رافضا استلام الفريق بشكل دائم .
بعد هذا كله ولولا طول الموضوع لكنت قد وضعت المزيد، تريدون الأن من فريقنا المنافسة على اللقب (بصراحة كل شخص يعتقد ان فريقنا قادر على النافسة سأقول عنه جاهل كرويا)
يا حطينية أفهمو المنافسة لها أسس وقواعد ( الأستقرار الاداري (سنتين على الأقل ) + أعطاء الثقة لمدرب على اقل تقدير (سنتين) + وجود مدخول ثابت + عقود اللاعبين لمدة ثلاث سنوات + تخريج كل موسم أربع لاعبين من فرق القواعد لفريق الرجال على مستوى ممتاز)
وقتها نستطيع المنافسة على الدوري وغير هذا مرفوض بتاتا .
ملاحظة ممكن أخلال شرط من هذه الشروط اي أن لاتجتمع كلها ، في نهاية موضوعي الطويل كله أتمنى منكم أن لا تطالبو فريقنا ونادينا أن يفعل أكثر مما لا يستطيع فعله .
ألاحظ على جمهورنا أن مبادئهم وأعتقاداتهم الكروية تتبدل بين ليلة وضحاهى وأنا لن أسمح بتجريح أي لاعب في هذه المرحلة الصعبة ( لأنهم ساعة اللاعب الفلاني مميز وأصيل وشهم وساعة لأ يعني لعبة اذا كان كويس يالطيف ولعبة اذا كان سيئ يالطيف ايضا ) .
حرام عليكون ارحمو عزيز قوم ذل يا
طيب هلق اول شي اذا لاعب مانو جاهز ليش ليتعاقدو معو هي اول شي مع العلم انو عارف هداف الدوري السنة الماضية يعني المفروض انو جاهز 100% انا للامانة ما شفت ولا لعبة للفريق هالسنة بس تعليقات الاعضاء بتقول انو عارف ما جاهز وحركتو تقيلة يعني ممنوع عارف يكون احتياط او انو يتبدل بحدا تاني عارف او غيرو انا ما بحكي عن عارف بس
اذا ما فينا نطالب عارف وغيرو بمستوى عالي ليش لنتعاقد معهم من البداية اذا ما بدنا نطالبهم بمستوى عالي لو انو عارف بيقدم المستوى الي ظهر عليه السنة الماضية مع الطليعة بيكون حال خط الهجوم من اقوى خطوط الهجوم بكل سوريا كل الاهداف عمتكون عن طريق الدفاع او خط الوسط.
هلئ بالنسبة للمدرب الادارة اقدر على انتقاء المناسب انا بالنسبة الي ما بيحقلي احكي شي واذا كنت حكيت شي فهو مجرد فكرة لا اكتر ولا اقل يعني اذا الجمهور ما طالب الفريق بالمنافسة على الالقاب ليش وجود الفريق كلو بالدوري من حقنا وليش الجمهور موجود اصلا ماتواخذني بهالحكي اخوي الله يخليك انا بالنسبة الي ما بحب الالقاب لاي لاعب كان مهما على شأنه فلتكن الالقاب للفريق كلو .
وبعتذر مرة تانية وبالتوفيق لحطين في القادمات

[ابو البحر]

اخوي ابو كمال الغالي
بكل صراحة الفريق مستواه غير ثابت هيدي النقطة والمنطلق الرئيسي للنقاش حول وضع الفريق
واكبر دليل على هالشي الحارس علي شعبان مستواه غير ثابت والحمد لله بلش يتحسن وترجع الثقة بالنفس واذا بدك تحكي بالمنطق بحب قلك انو يلي صار بالشعبان صار بعماد عيسى لو طلعت برة الموضوع شوي بس هيدا شي ضروري لازم ينذكر عماد عيسى لعب بمباراة تشرين وخسرنا وقتها وكان بيتحمل مسؤلية الخسارة طبعا ما مننسى هون انو مباراة الديربي جماهيريا مصنفة التالتة على الوطن العربي وفقد الثقة بنفسو وبعدين بلش شوي شوي يرجع مستواه وكمان بعدين بلش يهبط وكذلك الامر مع علي شعبان لعبة قدام الكرامة في بداية الموسم ضغط جماهيري واثبات للذات وبعدها لعبة جماهيرية مع تشرين كانت ضربة قاضية الو ومن هون بلش الفريق يفقد الثقة .
فريقنا يمتلك اسماء مرعبة بس خلص مفعولها ولازم نحكي هالشي والا المنتدى بيفقد قيمتو
طيب المنتدى هو للاخبار بس ام للنقاش ؟
اكيد لكل شي وما غلط اذا عضو نقد لاعب على مستواه بعدين لما اي لاعب عم يقدم مستوى جيد بأي مباراة الاخوة الاعضاء ما عم ينسوه ويحكو عنو يعني لازم نحكي بس على الشي الجيد والمستوى الرفيع
اكيد اي عضو لما عم يكتب عم يحاول يوصل فكرة معينة بس هون المشكلة اخوي يعني مع احترامي للجميع بيجي عضو لينقد او يحكي شي واقعي بس طريقة او صياغة موضوعو بتكون خاطئة هلئ انا بلاحظ كتير اعضاء بيكتبو مواضيع نصف كلماتهم فيها اخطاء املائية فظيعة
منرجع للفريق
الكابتن هشام عابدين مستواه متراجع كتير هالموسم معقول اجي اكتب عنو انو كان كويس والله يعطيه العافية ؟
عارف الاغا كمان نفس الشي مستواه كتير هابط
سيد بيازيد مستواه كتير كويس لحد هلئ ورغم هالشي من وجهة نظري مالازم يلعب مباراة كاملة
مروان سيدة مستغرب وجودو على مقاعد الاحتياط ووقت ينزل يغير نتيجة المباراة
سليم خضرة مستواه متراجع بس بدو فرصة متل السنة الماضية
خلاصة الموضوع انو فريقنا متقلب كتير واغلب لاعبينا مستواهم غير ثابت
واكيد الاخوة الاعضاء عم يكتبو حبا بالفريق وخوفا على مصلحة الفريق بس يمكن تكون الصيغة غلط
تقبل كلامي بكل ود
تحياتي

[hutteen my love]

أكيد المنتدى للمناقشة ولكن أن تكون المناقشة عقلانية

يعني أحد الأعضاء تكلم عن أنذار للاعب حطين في مباراة عفرين بطريقة لا توصف ومن ثم عاد و تكلم عليه لأنه قال أن لي ثقة بالبديل

مابعرف لكن اللاعب شو بدكون ياه يقول لأ أنا خايف من بديلي والله يستر من اللعبة ومايشجعو أبدا

مابعرف هي طريقة يعني

[أبو حطيني المغترب]

أنا معك 100% حرام عليكون ارحمو عزيز قوم ذل يا حطينية

ليست حملة على المدرب لكن هو من يتحمل المسؤلية من تراجع وتخبط بالأداء

[syriana]

عزيزي اسمح لي ان اعلق على نقطة واحدة فقط ..من خلال مثال واحد
تقول :

أغلبية اللاعبين أنضمو الى الفريق قبل بداية الدوري بأسبوعين فقط وأنتم تعلمون أن عارف لم يتدرب في فترة التحضير تدريب جيد لأنه أنتقل بين الطليعة وحطين وتوقف وتدرب لوحده فترة كبيرة، أي ان الفريق لم يتجمع الا قبل أسبوعين من بدء الدوري

اغلبية اللاعبين بينهم عارف والعبدو الجبلاوي .. الخ ..انضمو في الاسبوع الاخير .. ولم يكونو قد تدربوا مع الفريق ..


اعتقد ان هذا المثال يمثل لب المشكلة ..ز

كيف يكون بعض هؤلاء اللاعبين اساسيا وهم ليسوا بالجاهزية الفنية والبدنية المطلوبة ..وكيف اضع على الخط من استعد معي وتاقلم مع الفريق لمدة شهرين من اجل خاطر لاعب لم يتدرب مع اي فريق ...ويحتاج (حسب علم كرة القدم ) فترة ليست بالقليلة ليعيش اجواء الفريق ولو كان ماردونا بعينه ..

اليس هذا خطا اداري وتدريبي .. ومن المهم الاشارة له .. (لكي لا يتكرر)..ولنتداركه ..

ثانيا ..
تم التعاقد مع ايمو باعتبار انه مهاجم ..(حسب علمي)
هل من المعقول كرمال لاعب غير جاهز..ان اغير من مركز لاعب (ادفع له بالدولار)والعبه في مركز (رغم تالقه ) لكنه ليس مركزة المفضل ..
ثالثا ..
في ثمان مباريات .. لم نشاهد اي لاعب من فريق الشباب . ولو لعشر دقائق (الجمعة ..الحموي ..) ولا عبي الاحتياط الباقين ..هل يعقل انه خلال ثمانية مباريات لم يستطع المدرب ان يجد وقتا ليشارك به لاعبي الشباب او رفاقهم في خط الاحتياط ولو لدقائق ) كي يبقوا على اهبة الاستعداد النفسي للمشاركة على الاقل ...وللاستمرار في جدية التدريب بالنسبة لهم على امل المشاركة ...

هناك اخطاء عديدة يا عزيزي ارتكبت وما تزال ترتكب .. وليس الهدف منها الفوز ببطولة الدوري ..بل ترسيخ نظام وبناء فريق وفق قواعد سليمة ..

مع فائق مودتي واحترامي للجميع ..

[mido31]

والله يااخوي ابو كمال انا بعتئد الشباب كفو وفوا ليوصلو الصورة التي كانت في مخيلتنا وخاصة الاخ
الحوت المهاجر

[LIVERPOOL 22]

صدقوني يا شباب المشكلة ليست عند المدرب بل عند جميع
اللاعبين الجدية بالتمرين غير موجودة والثقة عندهم ذائدة
بعدين انا من وجهة نظري انتقدت الفريق بمبارتين وليس بكل المباريات
لاني عندي شك بان الفريق عنده الكثير ستسألوني ليش ؟؟؟؟؟؟؟ الفريق منذو
بداية الدوري يقدم مستوى ثابت اي لعب7مباريات بمستوى رائع الى ان جاءت
مباراة الشرطة وعفرين وكان ادائنا غير مرضي عند جماهير الحوت لانهم تعودوا
على مشاهدة فريق قوي منذو البداية ويجب علينا ان لا ننسى ان اي فريق بسوريا قادر
على تقديم مستوى ثابت وبرجع على المباراتين السيئتين للحووت ماذا احرزنا منهما اي من
6 نقاط احرزنا 4 هذا دليل ان الفريق ما زال بخير هذا دليل ان الحوووووووت عنده الكثير ليقدمه ......

[الريس مادووو]

الحكي الكتير بيأثر

[بيبو 7]

كلامك منطقي وصحيح يا سيد ابو كمال