لحظة شباب - نادي حطين السوري

مهند شاويش · #1 (**permalink**) 10/12/07

شباب خبرونا كمان وين أبو هشام الحطيني ووين أبو ناظم شتقنالن ما عم نشوف مشاركتن معنا وسعيد كمان مامبين؟؟؟
انشالله يكون خير
احلى شباب

Rana · #2 (**permalink**) 10/12/07

italiano....

عندك حق والله.. أبو هشام ما بنشوفو من فترة ويادوب بيفوت المنتدى دقايق وبيطلع...

أما أبو ناظم .. أبو كمال زيدان كاتب اسمه في إعلانه عن خسارة حوت جديد للأسف....

اقتباس:

فبعد أن خسر موقعنا الكثير من الحيتان ومنهم محمد نور و أبوناظم والسبب واحد دائما لقمة العيش المرة

ابو البحر · #3 (**permalink**) 14/12/07

اخوي مهند مشكور على سؤالك وانا بحب ضيف كمان الحكيم نديم كمان مو مبين
يا ريت شباب يلي بيعرف اي شي عنو يخبرنا

حسن مكيس · #4 (**permalink**) 14/12/07

أخوي ابو البحر
الحكيم كل فترة منحكي انا وهوة
كمان الموضوع موضوع وقت ما عما يفضي وعندو مشروع شغل عما يحضرلو
بالتوفيق لكل الشباب علميا وعمليا

لولو 16 · #5 (**permalink**) 14/12/07

طيب شباب ...
السيد طارق السيد ( عاشق الآغا ).
طول الغيبة عن المنتدى ..
و ما عاد يفوت لهون ..
خير إن شاء الله ...ليكون معه شي ..
يلي بيعرف عنه شي يا ريت يخبرنا .

حطيني مغترب · #6 (**permalink**) 16/12/07

عاشق الاغا
للاسف هالزلمه اكتر واحد اشتهيت شوفه شخصي بنزلتي ع سوريا
عنجد شب محترم واكابر
الله يذكرو بالخير وانشاء الله بيكون ب الف خير

Mohd Nour · #7 (**permalink**) 17/12/07

شباب بالنسبة لسعيد فشفتو من فترة وقلي انو عندو مشاكل بالنت لانو لهلق ما وصللو النت بالسكن الجديد

ابو البحر · #8 (**permalink**) 17/12/07

بالنسبة لعاشق الاغا اتزوج عئبال عنكم
والزواج شاغلو شوي عن المنتدى واكيد محمد رح يرجع وهو من الاعضاء المميزين
بالنسبة لسعيد الله يكون معو مغير مكان السكن وان شاء الله عن قريب بيبين

لولو 16 · #9 (**permalink**) 18/12/07

اقتباس:

بالنسبة لعاشق الاغا اتزوج عئبال عنكم

ألف ألف مبروك .. إذا القصة فيها زواجه .. مو مشكلة ..
بس الحق عليك أخوي أبو البحر ..
بما أنك كنت بتعرف بهي الشي ..
كان لازم تكتب هي الخبر هون بالمنتدى ..
لشان الشباب يباركوله و يشاركوه بفرحته .
يلا بسيطة .. عقبال ما يفرح بولاده .. و ما يطول الغيبة أكتر من هيك.

أبو هشام الحطيني · #10 (**permalink**) 31/12/07

السلام عليكم

تحياتي للجميع

و شكرا" على استفقادكم إلنا

ما بدي اتحجج

بس اللي صار معي انو تعطل الانترنت عندي بالشركة و بنفس الوقت صاير عم اشتغل دوام اضافي (لتشوفو المغترب قديش عم يتبهدل)

حتى مرتي عم تشتكي انو ما عم تشوفني
و كنت عم ادخل من فترة لتانية لأتطمن على الأخبار

على كل حال أنا بهالكام يوم عم غيّر شغلي لشغل أحسن و رح وقف الشغل الإضافي و ساعتها بوعد الشباب نرجع أكتر من قبل نشارك بمنتدانا الغالي

و شكرا": مرة تانية على الاستفقادة

أخوكم أبو هشام

Rana · #11 (**permalink**) 31/12/07

اقتباس:

أرسل أصلا بواسطة أبو هشام الحطيني

السلام عليكم
تحياتي للجميع
و شكرا" على استفقادكم إلنا
ما بدي اتحجج
بس اللي صار معي انو تعطل الانترنت عندي بالشركة و بنفس الوقت صاير عم اشتغل دوام اضافي (لتشوفو المغترب قديش عم يتبهدل)
حتى مرتي عم تشتكي انو ما عم تشوفني
و كنت عم ادخل من فترة لتانية لأتطمن على الأخبار
على كل حال أنا بهالكام يوم عم غيّر شغلي لشغل أحسن و رح وقف الشغل الإضافي و ساعتها بوعد الشباب نرجع أكتر من قبل نشارك بمنتدانا الغالي
و شكرا": مرة تانية على الاستفقادة
أخوكم أبو هشام

ألف حمدالله على سلامتك أبو هشام...

موفق إن شا الله بشغلك ... ورح نضل بانتظارك إنت وكل الشباب الطيبة...

T . AJJAN · #12 (**permalink**) 31/12/07

انا رجعت ما حدى سال عني لانو طلع ما بقدر ابتعد عن المنتدى بس كانت فترة حرجة ومرت فيها والان انا احمد الله اني معكم وسابقى معكم
شكرا لصاحب الموضوع وشكرا لكل من سال عني واستفقدني

أحمد وزان · #13 (**permalink**) 31/12/07

اقتباس:

أرسل أصلا بواسطة حطيني ولهان

انا رجعت ما حدى سال عني لانو طلع ما بقدر ابتعد عن المنتدى بس كانت فترة حرجة ومرت فيها والان انا احمد الله اني معكم وسابقى معكم
شكرا لصاحب الموضوع وشكرا لكل من سال عني واستفقدني

ليش نحنة ألنا غنا عنك يا حبيبنا
منور برجعتك الميمونة

سلمات

أدوات الموضوع	البحث في الموضوع
عرض نسخة للطبع إرسال هذه الصفحة إلى بريد إلكتروني	البحث في الموضوع: بحث متقدم
أنماط العرض
النمط الخطي الانتقال إلى النمط المختلط الانتقال إلى النمط الموضوعي

مستخدمين موجودين حالياً يشاهدون الموضوع: 1 (0 أعضاء و1 ضيوف)

اعلانات