يالله تعوا حكولنا ......

[أحمد وزان]

موضوع حلو برجعنا لأيام الطفولة وذكرياتنا ونحن صغار مع أهالينا والناس الكبار ..

وأنت صغير أكيد الكبار كانوا يلعبو بعقلاتك يحكولك أشياء إما يخوفوك أو بتكون أشياء

طريفة .. وما إلى ذلك ..

حابين نسمع من كل واحد شو كانوا أهلو يحكولو وهو صغير ويضحكوا عليه فيه ..

هاتوا لشوف ... حكولنا ....



سلمات

[روبا]

موضوع جميل اخى احمد مثل ما عودتنا على موضوعاتك

فكرتنا باحلى ايام والله انا وصغيرة كان ابوى على طول يخوفنى بالعفريت لانى كنت شيطانة كان يقوللى نامى والا يطلعلك العفريت كلى والا يطلعلك العفريت ماتلعبى بالشارع والا بيطلعلك العفريت بس مين دى اللى تخاف وحياتك انا وصغيرة كنت انا اللى بخوف العفريت كان بس يجى الليل كنت البس عباية سودا كبيرة واغطى وشى واخرج الشارع واجرى ورا الاولاد وهما بيصرخوا وياسلام لو الكهربا تكون مقطوعة تبقى الظروف مساعدانى كتير هههههههههههههههه

[lulata]

شوف احكيلك احمد
احنا كانوا اهلنا بيخوفنا بشغله
بالعراق بزمن الرئيس البكر
كان في مجرم معروف يطلق عليه ابو طبر هذا المجرم بيقتل العائله كلها بشو بالطبر مابعرف انتو شو بتسموه مثل الفاس هو
المهم كان اهلنا لما بنعمل خطا او مابناكل او اي شئ بيقولونا
جاكم ابو طبر
هههههههههههههه
والله لايجيب عليك ابو طبر يااحمد

[Rana]

خوووووووووووود عندك أحمد:

حتى أنام بدري وما أغلب إمي ومش أنا لحالي طبعا أنا وخواتي كانو دائما بيهددونا بعدة شغلات وهي:

أولا: اليهودي واقف ورا الباب وإذا سمع صوتك رح يطخك..

ثانيا: بعد فشل المحاولة الأولى... في شي اسمه الغول واقف ع الشجرة ورح ياكلك..

ثالثا: بعد فشل المحاولة الثانية.. أبو رجل مسلوخة عم يدووور في الشوارع بيدّور على الأطفال الفايقين لهلأ..

رابعا: بعد فشل المحاولة الثالثة.. أبو عين حمـــــــــرا... بيطلّع عليكي من تحت الباب...

خامسا: بعد فشل المحاولة الرابعة: نعنوش رح ياخدك معه...( واحد شكلوو مرعب ومعروف بالمنطقة... بصراحة لازلت بخاف منه..) على فكرة أخته اسمها جميلة مع إنها بتشبهوو كتير.. :d

سادسا: بعد فشل كل المحاولات..

أبـــــــــــــــــــوكي رح يجيلك هلأ... قبل مايتحرك.. بكون في سابع نومــــــــــــه..

[أميرة البحر]

كانوا أهالينا يخوفونا بأم رعيدة <معروفة عند أهل اللاذقية>و حتى الآن نخوف بها أولادنا

لماكانوا يقولولنا ناموا قبل ماتجي أم رعيدة تاخدكم كنا نخاف وننام فورا

أماالآن عندما نقول لهم ذلك يضحكون وكأننا نلاعبهم

[ابو البحر]

أرسل أصلا بواسطة أميرة البحر

كانوا أهالينا يخوفونا بأم رعيدة <معروفة عند أهل اللاذقية>و حتى الآن نخوف بها أولادنا

لماكانوا يقولولنا ناموا قبل ماتجي أم رعيدة تاخدكم كنا نخاف وننام فورا

أماالآن عندما نقول لهم ذلك يضحكون وكأننا نلاعبهم

[دل بــييرو]

أرسل أصلا بواسطة lulata

شوف احكيلك احمد
احنا كانوا اهلنا بيخوفنا بشغله
بالعراق بزمن الرئيس البكر
كان في مجرم معروف يطلق عليه ابو طبر هذا المجرم بيقتل العائله كلها بشو بالطبر مابعرف انتو شو بتسموه مثل الفاس هو
المهم كان اهلنا لما بنعمل خطا او مابناكل او اي شئ بيقولونا
جاكم ابو طبر
هههههههههههههه
والله لايجيب عليك ابو طبر يااحمد

منسميه البلطة متل الفاس بس اقصر

[سامر خالد منى]

أما أنا فكان الكابوس الأكبر الآنسة عنايات كنا في الابتدائي في الصف الأول في مدرسة سيف الدولة ، وما كانت تدرسنا بس كانت تناوب في الباحة ، ويا ويلوا اللي يوقع بين إيديها - عفواً رجليها - لأنَّها كانت تلبطوا لبطة تلزقوا بالحبط ، ومحسوبكم أكلها منها مرة وفتت بالمديرة التي كانت لسوء حظها طالعة من الإدارة ، وكانت شوطة ولا شوطات أركان مبيض البعيدة ..
فصرنا بالليل ننام ونحلم كوابيس فيها ..

اسمحوا لي كتبت بالعامية لأن هذه الذكرى لا تصلح إلا بالعامية ...

[حسون الحطيني]

انا بتذكر ستي الله يرحمها كانت تخوفني وتقلي شايف هداك الشباك- وكان شباك بعيد في برداية عم يلعب فيها الهوا-في وراه ابو الدبي وجايه عليك اذا ما بتسمع الكلمة

بس انا ماكان في شي يخوفني