تعليقات الاعضاء :: حطين * الجيش :: ( 4/4)

[Saeedoo]

أرسل أصلا بواسطة روحي حطين

أخ سعيد ما بعرف يعني انتة عم تحكي على محمود بالكول التالت يعني من ايمت طابة على خط الستة بتنلعب على الزاوية البعيدة ضربت بالدفاع وغيرت مسارا صار الحق على الحارس محمود ما طلع ولا طابة غلط حتى الرابع كانت الو شالا من ايدو الدفاع وكأ نك ما شفت الكرات الكتيرة اللي صدا ومنها كرة على خط الستة شالا بفدائية اللي بدي اولو محمود ما فلت طابة بكولو ولا رجعا للمهاجم ولا طعمانا كوال طرائف من العالم يعني بدك حارس اتعرض مرماه ل3 اهداف ودفاعو كان كأنو ما بيتمرن مع بعضو كل لاعب من الجيش ياخد 3 فينك اتئلي شو كان لا عب وسطنا الكبير
شو كان وائف عم يسوي ابل ما تصل الطابة للمهاجم كان بعيد عنو مترين ورد لاعبنا نفسو شال الطابة بالكول الرابع لورا في لاعب بالعالم بشيل طابة مرفوعة لورا بعدين اللي بدي إلك ياه انو محمود مابيفلت ولا بيخاف وراتبو 7000 وما ابض مليون وكسور لوقع وعقدو 3سنين ب7000 والطابة اللي شالها اول المباراة بتتدرس لحراس سوري كلن ارجع شوف فيديو اللعبة ورح تشوف كيف طار لسوية العارضة واكتر شي مستغربو منك كلامك على الطابات المرفوعة يعني اللي بيسمعك عم تئول هالكلام بيئوول انو فلت اربع خمس طابا ت حبيب شفناه وشفنا غيرو وماشفتك انتقدت اهداف طرائف من العالم اللي دخلت علينا بأول خمس مباريات بهل الحماس كنت اتمنى منك تشجع هالحارس وتعطيه ثقة مو هيك كلام

أخي أنا كلامي عن الكول الرابع ...عفوا" غلطت بردي ..

أنا ماقصدي انتقد الحارس فقط للنقد ...بس للبحث عن هالنقاط الضعف

يا أخي لقلك شغلة

الحارس مالازم يطلع من مرماه أبدا" إذا عندو شك 10 بالمية أنو مارح يوصل للطابة

الحارس طلع بطابة الركنية بالكول الرابع مع أنو الطابة عراس المدافع يعني ما لمس الطابة الحارس ووقع بالأرض ...لذلك طلعتو غلط بكل تأكيد ...وبتشبه طلعات مصعب بلحوس تماما" ..

شغلة تانية ...ياريت ترجع تشوف شريط المباراة شوي خاصة بالشوط التاني

في كتير طابات رفعات للجيش قريبة من الكول وكان ممكن بخطوة أو اتنين يمسكهم الحارس لو طلع ...هون كان لازم يطلع...وشغلة تانية إذا بتذكر أنو الحارس قلما مسك طابة يإيدو ...يعني أغلب الطابات شالها بالبوكس وبالعلامة في طابة صدها هيك وإجت عند السنغالي بالجيش بس الله سترنا وصدها اليوسف بالمرة التانية
وإذا كنت غلطان بكلامي ...صلحولي ...

وبرجع بقول والله بحبو لليوسف...وهو حارس كويس ...بس بدو شغل على هالكام نقطة منشان يصير أحسن وأحسن وبتمنى يضل يلعب أساسي لياخد ثقة ....وشوف ردودي قبل إذا ذكرت أنو بدي يلعب الحارس التاني ..!!!

[hutteen my love]

شباب محمود مانو سيئ بس بدو شغل كتير ورعاية وأهتمام وصقل لموهبتو وكلنا أمل بالشكوحي اذا أجا

[YOUSEF..MS]

الاهداف الاربعة بيتحمل مسؤوليتها خط الدفاع والحارس ..

10 اهداف في 3 مباريات ... جريــــــــــــــمة

[T . AJJAN]

فريقنا كبير وأثبت أنو كبير
وراح يصير أجمل مع بداية الاياب قولو يارب
المهم
محمود ضعيف الخبرة وهيدا أمر بسيط بيتعالج مع مرور المباريات بس هو لازم يتعب على حالو شوي لانو راح نكسب حارس لمدة 10 سنوات
الفريق بخط الدفاع كان جيد بس في شوية عدم تفاهم كمان هي بتنحل واخطاء بسيطة وسهلة كمان بتنحل مع الكابتن كيفورك
خط وسطنا رائع دفاعيا وهجوميا مرورا بالتايغر هشام والمبدع اركان والدهب ابوعلي هجومنا انا من وجهة نظري رجعت الايام الخوالي وبظن بالاياب راح ترجع اكتر
سليم خضرة انت لاعب فنان وبتمنى انو تزيد اكتر واكتر لانو عندك اقوى واكتر من هيك وشد الهمة
انا بشكر الفريق يلي رجع بعد الهدفين بقوة وعادل للمباراة سريعا
شكرا لكم جميعا شكرا لجمهورنا
شكرا الى ادارة النادي بكافة اعضائها على حسن اختيارها الموفق
ننتظركم لاعبينا وحيتاننا في الاياب بفارغ الصبر

[BaTiGoAl]

أرسل أصلا بواسطة hutteen my love

شباب محمود مانو سيئ بس بدو شغل كتير ورعاية وأهتمام وصقل لموهبتو وكلنا أمل بالشكوحي اذا أجا

ما بس من الشكوحي بدو اعطاء ثقة
كمان من اللاعبين
يعني اذا كل كول بيجي حدى من اللاعبين الكبار بعيط عليه ؟!!!
وبحط الحق عليه والله بحياتو ما رح ياخد ثقة
وكانو الدفاع ما زنبو شي وبقي عم يتفرج عالكول الاول ناطر حكم الراية يرفع تسلل وفي لاعب من عنا واقف عخط الركنية
لك لايمت لايمت
والله العظيم هالدفاع !!!!!!

[الحوت المهاجر]

شباب موضوع الحارس ياريت الكل يدعموا لان صدقوني ما شاء الله جسم حارس وعندو الموهبة وبدها شوية صبر وتعب وشوية خبرة ورح نكسب حارس مرمى لعشر سنين عل الاقل

تذكروا كل اندية العالم ( بارسا ريال مدريد ... ) حراسهم الان من الشباب واستملوا الفريق بعمر صغير للان هم مع الفريق

بتمنى من الكل ندعم الحارس وكل الشباب الطالعين لانهم امل الحوت ونتغاضى شوي عن اخطاؤهم لان الكل بيخطأ وحتى

احسن حراس العالم وصدقوني على شعبان مو دايم مع الفريق متل الثلاج والعيسى وحارتس تاني نسيت اسمو

وهادا الشي الي كسبناه من استقدام الحراس لهلاء انو ما عنا حارس من النادي جاهز للعلب عند الحاجة

[ابو عدنان الحطيني]

أرسل أصلا بواسطة الحوت المهاجر

شباب موضوع الحارس ياريت الكل يدعموا لان صدقوني ما شاء الله جسم حارس وعندو الموهبة وبدها شوية صبر وتعب وشوية خبرة ورح نكسب حارس مرمى لعشر سنين عل الاقل

تذكروا كل اندية العالم ( بارسا ريال مدريد ... ) حراسهم الان من الشباب واستملوا الفريق بعمر صغير للان هم مع الفريق

بتمنى من الكل ندعم الحارس وكل الشباب الطالعين لانهم امل الحوت ونتغاضى شوي عن اخطاؤهم لان الكل بيخطأ وحتى

احسن حراس العالم وصدقوني على شعبان مو دايم مع الفريق متل الثلاج والعيسى وحارتس تاني نسيت اسمو

وهادا الشي الي كسبناه من استقدام الحراس لهلاء انو ما عنا حارس من النادي جاهز للعلب عند الحاجة

كلامك دهب وعين العقل مارح ضيف شي عليه مشكور أخوي

[غونزاليس المارتقلا]

والله العظيم حطين مارح يخلصنا من هالقصة ...... يعني بيكون الهجوم تمام بيطلع الدفاع مهرهر .... بيصير الدفاع منيح بيموت الهجوم ..... بيرجع الدفاع والهجوم تمام .... بيقوم الحارس بيخبص شي تخبيصة ..... عقدتونا يابو والله

[ابو الليل]

السلام عليكم


الله يعطيهم العافية لجميع اللآعبين

إلى الأمام شباب

[ابو عدنان الحطيني]

يا شباب كمان في شغلة عجبتني وترفع لها القبعة
طبعا الاعبين كلن خير وبركة
بس عجبتني الطريقة يلي شاط فيها أركانوو ضربة الجزاء
يعني الضغط النفسي وبالدقيقة90 والفريق خسران
هيك موقف كبار اللاعبين ممكن يضيعو فيه
بس أركان فات عليا للطابة بهدوء وثقة وتركيز
شكرررررررررررراا أركان مبيض

[LIVERPOOL 22]

اخطاء قاتلة من الدفاع والحارس ونقطة ضعف الحارس عدم التمركز والخروج على الكرات العرضية .
والمشكلة الاهم والكل غفلان عنها ولم ارى اي شخص ذكرها وهي( لاعب الوسط المتاخر ) معدووووووووووووووووووووووووووم
ولذلك يتعرض دفاعنا وحارسنا عبأ كبيررررررررررررررر وبالتوفيق بالمباريات القادمة .

[ammardar]

أرسل أصلا بواسطة ابو عدنان الحطيني

يا شباب كمان في شغلة عجبتني وترفع لها القبعة
طبعا الاعبين كلن خير وبركة
بس عجبتني الطريقة يلي شاط فيها أركانوو ضربة الجزاء
يعني الضغط النفسي وبالدقيقة90 والفريق خسران
هيك موقف كبار اللاعبين ممكن يضيعو فيه
بس أركان فات عليا للطابة بهدوء وثقة وتركيز
شكرررررررررررراا أركان مبيض

وانا كمان معك فعلاً هدف رائع وببرودة أعصاب يحسد عليها و ما بتوقع شفت ركلة جزاء بالدوري السوري تتنفذ بهالطريقة

[حطيني وبس]

شباب لازم نحكي بشكل منطقي
اول شي فريقنا قدم مباراة حلوة
جمهورنا بالنسبة للنتائج كمان كان منيح
لمسات المدرب كيفورك واضحة والله يعطي العافي
بس يا شباب لازم نلاقي حل للدفاع
كل هجمة منحس بخطرها
مع احترامي لأراء الجميع
حطين انت الغااااااااااااالي

[حطيني وبس]

نسيت قول شغلة كتير مهمة انو يا شباب عنا لاعب بتقل الألماس وهو سليم خضرة
الكل اليوم بعتقد بيرفعولك القبعة يا كبير يا سليم
قدممباراة كبيرة وبيستحق الشكر