تعليقات الاعضاء :: حطين * الجيش :: ( 4/4)

[الحوت المهاجر]

هنا تعليقات الاعضاء لمباراة حطين والجيش

التي انتهت بالتعادل 4/4

[wassem]

الحمد لله أنو فريقنا رجع يلعب بروح قوية ويلعب على دمو لاخر دقيقة بالتوفيق وانشالله الاخطاء الدفاعية بتتصلح قبل الاياب

[Achilles OF Hutteen]

ما بعرف إذا رح قول مبرووك التعادل ولا هاردلك
المهم أنو كان الفريق عم يلعب بروح عالية والجمهور كان معو لآخر لحظة

[wala fil a7lam]

حطين : له 22 (ثالث أقوى هجوم)
عليه 23 (ثاني أضعف دفاع)

لابد من حل لهذه المصيبة الدفاعية... الدفاع يتحمل مسؤولية الاهداف الأربعة

واليوسف يتحمل القليل من مسؤولية الهدفين الثالث والرابع

لمسات كيفورك واضحة عل الفريق... ولكن أخطاء الدفاع أضاعت مجهود الفريق

[InVaDeR]

الدفاع اليوم كان مصيبة..........


مع تألق الديب

و اليوسف أخطىء أخطاء صغيرة كلفتنا كولين ببلاش و مع هيك أداء جيد منّو ان شاء الله يكون أخد خبرة من هل لعبة مشان ما يدخل عليه هدف متل اللي دخلوا اليوم

[الحوت المهاجر]

اخي الهدف الثالث الكرة مغيرة اتجاها من قدم المدافع وما عليه اي ذنب بس العتب على الدفاع

والواضح ان الاهداف التلاتة الي شفتها من جهة اليمين

[الحوت المهاجر]

بس برأي الاهم خلي اليوسف يكسب خبرة لان رح يكون الحارس القادم للحوت لعشر سنوات قادمة واتمنى مشاهدة لاعبين شباب جدد بكل مباراة

[hmo]

لازم ايحطو حد للدفاع لانو ما راح يمشي الحال هيك بخرق الانفاس بن جيب كول بيجي الدفاع ابيعطيون كول

[wassem]

شباب علي شعبان وينو

[syriana]

اليوسف لا يتحمل مسؤولية اي هدف .. ختى الهدف الرابع كمثال رغم خروجة للكرة بفدائة ومغامرة .. لكن دفاعنا اصﻻ لم يتحرك للكرة ...

اليوم اﻻداء جيد بشكل عام ونجما فريقنا هما البيازيد الرائع (اتمنى ان تكون اصابته خفيفة ويعود بالسﻻمة ), والخضرة سليم , الذي امتعني شخصيا (مع تاكيدي ان مكانه في الوسط وليس الدفاع )

بعض اشارات اﻻستفهام على مستوى هشام وعمار ياسين ..اليوم

بالتوفيق

[InVaDeR]

أرسل أصلا بواسطة الحوت المهاجر

بس برأي الاهم خلي اليوسف يكسب خبرة لان رح يكون الحارس القادم للحوت لعشر سنوات قادمة واتمنى مشاهدة لاعبين شباب جدد بكل مباراة

ان شا الله بنشوف يئية الشباب بالاياب ز بتمنى نختار المدرب المثالي

[wala fil a7lam]

شباب أنا قلت جزء قليل من مسؤولية الهدفين الثالث والرابع... وهيدا رأيي الشخصي

وبالتأكيد أنا مع إشراكه في كل المباريات القادمة لاكتساب الخبرة

وشكراً للجميع...

[ehab]

ما بدنا نقول مبروك التعادل لحطين لانو على ما يبدو انو كان بالامكان احسن مما كان بس الحمدلله على كل شي وبتمنى تصحيح اخطاء الدفاع بالسرعة القصوى لانو اخطائو مميتة الكوال الاربعة من الدفاع لازم يلتقى حل لهالمصيبة بس الواضح انو الفريق رجعتلو الثقة والحمدلله اتمنى رؤية الحارس اساسي على طول لانو مكسب

[حطيني للموت]

الفريق كان ممتاز وهناك بعض اللاعبين رجعوا لمستواهم
واتوزيع و انتشار اللاعبين بالملعب كان كتير حلو
بس بظن لحد الأن في مشكلة بالدفاع عنا وثغرات واضحة
وانشاء الله منكمل الدوري هيك بهاللعب الحلو

[الاسطورة زيدان]

الاخطاء مو من الحارس ابدا و لكن هناك يوء تفاهم بين هشام عابدين و الحارس يعني الكول التالت الطابة غيرت اتجاهها بعد ما ضربت برجلو لهشام و الكول الرابع طابة مرفوع طلع عليها الحارس ليمسكها ام هشام عابدين ضربا براسو يعني مو ذنب الحارس المشكلة مشكلة دفاع
الحمد لله وسط ممتاز وهجوم ممتاز يعني حطين سجل 4 اهداف هيدا اكيد انو المستوى في تطور ملحوظ من ناحيو الوسط و الهجوم و برز اكتر الشي اليوم اركان و السيد و الجبلاوي و الخضرة
انشاء الله بتنحل مشكلة الدفاع

[ابو بشار الحطيني]

لنحمد الله على نقطة التعادل لان نتيجة المباراة كانت تميل لمصلحة الجيش ..........اتمنى معالجة اخطاء الدفاع المتكررة و اخطاء حارسنا الشاب ................وشكر خاص للاخ عبد الباسط الذي يبذل جهدا خارقا في موقعنا الحطيني كما رايته اليوم خلال المباراة ..................

[ابراهيم الحطيني]

ياشباب لعب الفريق كان أحسن من رائع سليم جبلاوي كان بأحسن حالاتو وهدفو بجنن سلامات للسيد على الإصابة القاسية ومنتمنى يتعالج الضعف بالدفاع بأسرع فرصة طبعاًالحكي غير موجه للكابتن عمار ياسين يلي عم يقوم بكل واجباتو أبو ديب موفق بإختيارو للمدرب كيفوركوالحمدلله الثقة رجعت للفريق وبالتوفيق لحطين بالإياب

[أبو أحمد الحطيني]

بعد التحية والسلام:
مبروك لنا الأداء في مباراة اليوم وهاردلك النتيجة والتي كانت أقرب لنا
خط الوسط والهجوم أكثر من جيدين وأقرب إلى الممتاز...........
خط الدفاع وخصوصا الظهيرين بحاجة لإعادة نظر!!!!!!!!
الحارس يحتاج لمزيد من الخبرة والتشجيع.......

[بيبو 7]

الروح موجودة..........ولكن مشاكل الدفاع مع الحارس مرعبة......وسليم وسيد ضيعوا هدفين

[Saeedoo]

هاردلك التعادل اليوم شباب

كان ممكن ننهي المباراة لما تقدمنا 3-2 وتتحول لـ4-2

بس للأسف أخطاء الدفاع والحارس لا تصدق


بس الأداء لخط الوسط والهجوم روعة

والله كيفورك أعاد الحياة للفريق

بس يا خسارة لو كملت معنا