ماذا يحدث لو؟؟؟؟؟؟؟؟؟؟؟؟؟؟؟ - نادي حطين السوري

روبا · #1 (**permalink**) 13/01/08

مرحبا شباب

ماذا يحدث لو؟ 000 دى لعبة
كل اللى يدخل بيسأل سؤال مثلا : ماذا يحدث لو ائتمنت صديق وخانك؟
يلى بعده بيجاوب على السؤال وبيسأل سؤال تانى للشخص التالى
بتمنى تشاركو

انا سؤالى:
ماذا يحدث لو 000 انت وماشى بالشارع لقيت دش مى باردة وقع عليك من بلكون؟

لولو 16 · #2 (**permalink**) 14/01/08

لعبة كتير حلوة .. يلا راح ابلش ..

اقتباس:

ماذا يحدث لو 000 انت وماشى بالشارع لقيت دش مى باردة وقع عليك من بلكون؟

لأصيح بنصف الشارع بأعلى صوتي و أخلي كل العالم تسمعني

س : ماذا يحدث لو خرب عندك الجهاز شي يومين نظاف ؟

ابو البحر · #3 (**permalink**) 15/01/08

اقتباس:

س : ماذا يحدث لو خرب عندك الجهاز شي يومين نظاف

اكيد بط ولا طاقق خلئة
طيب السؤال شو بتسوي هجم عليك كلب شرس

LIVERPOOL 22 · #4 (**permalink**) 15/01/08

طيب السؤال شو بتسوي هجم عليك كلب شرس
بلش الركيض و غادة شعاع ما بتلحقني

طيب اذا شفت طفل صغير بالشارع عم يبكي وما بتعرف شو بدوا

أحمد وزان · #5 (**permalink**) 15/01/08

اقتباس:

طيب اذا شفت طفل صغير بالشارع عم يبكي وما بتعرف شو بدوا

بتكرو وبمشي ( حدة بجيب الولد لكرمو هــــــــــــــع )

شو بتعمل إذا كان عندك جهاز تحكم بدون تلفزيون؟

سلمات

الحوت المهاجر · #6 (**permalink**) 15/01/08

اقتباس:

أرسل أصلا بواسطة أحمد وزان

بتكرو وبمشي ( حدة بجيب الولد لكرمو هــــــــــــــع )
شو بتعمل إذا كان عندك جهاز تحكم بدون تلفزيون؟
سلمات

بهديه لواحد عندو تلفزيون وما عندو ريموت كونترول

طيب س :: شو بتعمل اذا كنت قاعد بالشغل ومالل وبردان ؟؟

نديم منلا · #7 (**permalink**) 15/01/08

بسكر الشباك المفتوح وبدخل النت ( متل حالتي هلأ ).

سؤال : شو بتعمل إذا طلب منك مديرك تخبر صديق وزميل الك في الشغل إنه انطرد من الشغل ??

lulata · #8 (**permalink**) 15/01/08

ههههههههههههه
مابخبره انا شو دخلني خليه يخبره هوه افضل

ياداخل بين البصله وقشرتها مابينوبك الا ريحتها

لو حدا طلب منك تنتحر من 24 ؟ شو ردك عليه ؟

bluestar1980 · #9 (**permalink**) 15/01/08

بقلوا يبدى بحالووو وينتحر

شو بتعمل اذا كنت جوعان كتير واحترقت الطبخة

لولو 16 · #10 (**permalink**) 16/01/08

اقتباس:

شو بتعمل اذا كنت جوعان كتير واحترقت الطبخة

راح أقعد ابكي ..

س : شو لو طلبوا منك تروح عل المقبرة الساعة وحدة باليل ؟

دل بــييرو · #11 (**permalink**) 16/01/08

عادي باخد تكسي عالمقبة روحة رجعة

بس شو لوطلبو منك بيوم من ايام شهر كانون التاني انك تستحم
الساعة 12 بالليل ومي ساقعة وباردة
وتطلع على البلكون وتصيح وتصرخ وتقول
اناأهبل اناأهبل

lulata · #12 (**permalink**) 16/01/08

لا مجنونه اذا بعملها

ال اتحمم بالبرد ال

اذا قلتلك اعمل رجيم مابتاكل اي شئ غير الفاكهه شو بتقول؟

ابو عدنان الحطيني · #13 (**permalink**) 16/01/08

اقتباس:

أرسل أصلا بواسطة lulata

لا مجنونه اذا بعملها

ال اتحمم بالبرد ال

اذا قلتلك اعمل رجيم مابتاكل اي شئ غير الفاكهه شو بتقول؟

والله انا اساسا نحيف يعني اذا لسا بعمل رجيم بصير غير مرئي خيال يعني

شو بتعمل اذا في مليون شغلة براسك والشغل لفوق راسك و عقلك براسك بتعرف خلاصك
و100 ضربة بالراس توجع؟؟؟

دل بــييرو · #14 (**permalink**) 17/01/08

اقتباس:

أرسل أصلا بواسطة ابو عدنان الحطيني

والله انا اساسا نحيف يعني اذا لسا بعمل رجيم بصير غير مرئي خيال يعني

شو بتعمل اذا في مليون شغلة براسك والشغل لفوق راسك و عقلك براسك بتعرف خلاصك
و100 ضربة بالراس توجع؟؟؟

والله بمارس هواياتي المعهودة اللي هنن الاكل والنوم
بس في سؤال هالمرة جد اذا في صبية عاجبتك وبدك تعبرلها عن شعورك بس ما عتلاقي الفرصة االمناسبة أو ما عندك الجرأة شو بتعمل؟؟؟؟؟؟؟؟؟؟؟؟؟؟

Rana · #15 (**permalink**) 18/01/08

اقتباس:

بس في سؤال هالمرة جد اذا في صبية عاجبتك وبدك تعبرلها عن شعورك بس ما عتلاقي الفرصة االمناسبة أو ما عندك الجرأة شو بتعمل؟؟؟؟؟؟؟؟؟؟؟؟؟؟

بما إني ماعم لاقي الفرصة المناسبة... بأنتظر لحتى تيجيني الفرصة أو بحاول أخلق الفرصة بأي طريقة وساعتها بتجرأ وبحكيلها إللي بدي إياه.. بس طبعا شوي شوي حتى ما أتفاجأ بردة فعل عنيفة...

..
ماذا يحدث لو:
كنت واقف على البلكون وعم تتفرج على فرح قدام البيت وشايف السيارات والعريس وأهلو عم يزفو فيه وبيجهزو في حالهم لحتى يطلعو على صالة الأفراح وقبل طبعا لازم يروح العريس في طريقو يجيب العروس من عند الكوافير لحتى يدخلو قاعة الأفراح سوا.. وفجأه وإنت عم تضحك ومبسوط سمعت صوت طيارة إف 16 (حربية) وقامت بلمح البصر ضربت صاروخ على البرج المقابل.. وماعدت تميز إنت بفرح ولا بمجزرة...

أو بمعنى آخر: ماذا يحدث لو: (في حالة كان المجيب شاب): لو كنت إنت مكان هالعريس ياللي إنقلب فرحه إلى جنازة لإمه وصحابو..

(ولوكان المجيب صبية): ماذا يحدث لو: كنتي إنتي العروس ياللي عم تستنى عريسها لحتى يمر عليها وياخدها لقاعة الأفراح ويكملو فرحتهم ياللي ماتمت...؟؟!!!

(بعيد الشر عن الجميع والله لا يورجيها لحداا .. )

lulata · #16 (**permalink**) 20/01/08

عيوني رنا
الحال مثل بعضه
دوما ينقلب العرس الى جنازه وهذا حصل كثيرا في العراق
فلا تسالي المجروح عن جرحه وين يذكر لو دمعته بعينه
المهم ماذا يحدث لو فاضت الدنيا بسبب المطر وغرقت سيارتك بالميه؟

فاروق ابن البحر · #17 (**permalink**) 20/01/08

بسيطة كتير بسرق سيارة ابوي هههههههههههههه

طيب شو بصير اذا كنت نعساااااااااااااااااااااان و ناطر تلفون متاخر من خطيبتك ؟؟؟؟؟؟؟؟؟؟؟؟؟؟

طبعا السؤال للخاطبين هههههههههههههههههه

lulata · #18 (**permalink**) 21/01/08

غصب عنك تصحى ال نعسان ال

لو كنت بتفكر بشغله ومحتاره فيها وبحاجه لقرار مصيري لمين بتلجا لحتى يشارك الراي ؟

روبا · #19 (**permalink**) 21/01/08

لو كنت بتفكر بشغله ومحتاره فيها وبحاجه لقرار مصيري لمين بتلجا لحتى يشارك الراي ؟
بصراحة بعد الله ما بلجأ لحد غير رأيى لانو بحب اعمل اللى براسى واتحمل انا عواقبه لانو من اخطائنا بنتعلم

طيب لو اساء اليك صديق اساءة كبيرة لا تغتفر شو بتعمل بتستمحه وترجعو اصدقاء تانى ولا000 ؟

سامر خالد منى · #20 (**permalink**) 22/01/08

أسامحه

لأنني بشر مثله وقد اخطئ أيضاً

قال الشافعي :

وعاشر بمعروف وسامح من اعتدى ++++ وفارق ولكن بالتي هي أحسن

ما رأيكم ؟

طالب راسب عندي تواً جاء وقال : (( أستاذ نجحني )) ؟؟

ماذا تفعلون لو كنتم مكاني ..؟

أدوات الموضوع	البحث في الموضوع
عرض نسخة للطبع إرسال هذه الصفحة إلى بريد إلكتروني	البحث في الموضوع: بحث متقدم
أنماط العرض
النمط الخطي الانتقال إلى النمط المختلط الانتقال إلى النمط الموضوعي

مستخدمين موجودين حالياً يشاهدون الموضوع: 1 (0 أعضاء و1 ضيوف)

اعلانات