_(( الأخلاق قبل الرياضة ))_

[رامي عيسى]

تشرفنا أخ مجد بس ماذكرتلي تاريخك بنادي حطين( لاعب أو مدرب أو حتى مرافق فريق) وتضحياتك للنادي حتى أعرف كيف عم تحكم على الناس وتهمش تضحياتهم؟

[حطيني للموت]

أرسل أصلا بواسطة حطيني فقط

الله يعطيكم العافية يا شباب
أخ رامي لكل انسان وجهة نظرو ونحنا منحترم وجهة نظرك ولا نستطيع الرد عليها بل سيقوم بالرد الأخ صلاح أو السيد فواز لأن هذه الدقائق الصغيرة لا يعرفها الا أصحاب الشأن.
وبتمنى الموضوع ما يزيد عن حدو الاخ رامي عرض وجهة نظرو وبكرا الاخ صلاح بيرد عليه باذن الله .
ولا داعي للمهاترات التي لا تغني ولا تسمن من جوع .
تقبلو كلامي بشكل أخوي

يسلمك تمك أخوي
وكلامك على العين والراس

[رامي عيسى]

لأتمنى تكون وجهات النظر لأضافة جديد ومفيد للموضوع وليس للتجريح مثل قول: كل من يذهب للكرامة يصبح عديم الأخلاق.
لذلك قبل أن يتكلم أي شخص عن لاعب بنادي حطين ياريت يكون قد ضحى قد بنصف ماضحى هذا اللاعب.فالذي يأكل العصي ليس مثل الذي يعدهم.
على فكرة من لم يبلغ سن 18 عام لا يحق له أخراج أجازة قيادة.
وشكرا

[فيدوووووو حطين بحبك]

والله يا عمي صار شحيده لاعب وصار يحكي يا شباب كان معي بمدرس الله وكيلكون كل يوم من حديقه لحديقه والسيكاره ما بتشال من تموو حطين يلي ضبو وتعب عليه حطين يلي ساوه لاعب حطين يلي لمو من الشارع وخله يتمرن وصرف عليه وعلموو
يعني اسالكم بالله نزل من بطن اموو بيدو سله وفنان مستحيل الشغله موهبه تدريب كبيررر كل يلي كان يحضرو التمارين بيعرفواوو شو قدم لحطين لهاد الاعب
وغير هيك يا استاذ رامي انت او غيرك لما بدجك تفكر بحطين بهيك نظره وتفكير مادي كان عارف الاغاا و وسيلم وانشاء الله الدكتور عمار عوض وهيك ابطال بحياتهم ما رجعو على حطين لانو يلي كسبوه من غير حطين ومن غير انديه بشعر سنين ما بكسبوه بحطين

[علي الحطيني]

أرسل أصلا بواسطة رامي عيسى

لأتمنى تكون وجهات النظر لأضافة جديد ومفيد للموضوع وليس للتجريح مثل قول: كل من يذهب للكرامة يصبح عديم الأخلاق.
لذلك قبل أن يتكلم أي شخص عن لاعب بنادي حطين ياريت يكون قد ضحى قد بنصف ماضحى هذا اللاعب.فالذي يأكل العصي ليس مثل الذي يعدهم.
على فكرة من لم يبلغ سن 18 عام لا يحق له أخراج أجازة قيادة.
وشكرا

اخي العزيز رامي بما انك لاعب و نحن نعتز بك في هذا الموقع اهلا وسعلا بك في منتدانا الغالي حطين ونشكرك ع هذا التوضيح ولكن كنا نحن نتمنئ ع الاعب احمد ان يقوم هو بتقديم التبرير على فعلته لانه هو المخطئ انت غير مجبر فيالدفاع اوتبرير اي عمل يقوم به اي شخص اخر


الرجاء من الجميع عدم التجريح

[رامي عيسى]

[quote=وغير هيك يا استاذ رامي انت او غيرك لما بدجك تفكر بحطين بهيك نظره وتفكير مادي كان عارف الاغاا و وسيلم وانشاء الله الدكتور عمار عوض وهيك ابطال بحياتهم ما رجعو على حطين لانو يلي كسبوه من غير حطين ومن غير انديه بشعر سنين ما بكسبوه بحطين[/quote]
------------------
عزيزي أنا لاعب محترف وطبعا نظرتي رح تكون مادية وهاد مو غلط .... أما تقارني بعارف أغا أو غيرو فرجاءا ماتقارني فيهم أبدا لأنو يلي بينصرف على كرة القدم لو بيتحول لكرة السلة لأخدت بطولة أسيا بجدارة .
أما تبريري عن أحمد فهو أولا لأني أعده أخي الصغير وأحاول دائما مساعدته بحكم اني مررت بنفس الظروف الصعبة التي مرة هو بها بالنادي. ولأنه هو لا يجيد أستخدام الانترنت.

وشكرا

[فيدوووووو حطين بحبك]

حبيبي لقلك شغله النظره الماديه اكيد لا ي شخص بعالم من شان العيش بس ما بعرف يمكن ما قدرت وصلك الفكره منيح وهي روح حطين وعشق حطين جنون بحوت هاد الشي يلي بخلي عارف وغيرو يرجع وما يهمت بماده تاني شي شحيده يلي بتعبرو اخوك ومريت بنفس تجربتوو مهما كان كل شخص بملعب بعبر عن تربايتوو واخلاق قبل ولادئوو لنادي او فريق فكيف النادي يلي علمو يمسكوت الطابه

[سامر حنونة]

انا شفت انو الموضوع فقد الجوهر الي بلشنا فيه زوانا أخوي رامي بعرف و عشت التقصير و اكلت العصي بالنادي وانت يتعرف انا اديش تعبت لحتى وصلت
بس انا بشوف انو شو ما صار الأخلاق ثم الأخلاق ثم الأخلاق سواء للنادي الأم او لأي نادي تاني بلأساس اللاعب ما بصير يسب اي نادي عم يلعب معو سواء من نفس البلد او من غيروا فما بالك اذا كان هذا النادي نادي بلش في يعرف لو بس اول خطوة بالسلة
فلهيك نحن لازم اول شي ننزعج من الي صار و نحاسب سواء هذا الشي صار مع حطين او غيروا لأنو السلة بتتميز عن الألعاب البقية بلأخلاق و هذا اجمل شي بهذه اللعبة
مثلا انا ولا مرة بقدر فكر او شوف انو رامي عيسى عم يسب حطين رغم كل الي داقو من النادي و هو بتوقع اكتر مين داق الويل بس اكيد ما رح يسب و هذا الشي للأخلاق المثالية الي رامي بتمتع فيها وهيك لازم كل العالم تكون و ما بصير قول والله انو هلأ بدو ينتقم
ومثلا الكل داق الويل ايام المدرسة من عصي و حرمان و بهادل بس بس كبرنا و صرنا بالجامعة بضل المدرسة احلى الأيام و بتشوفنا ما منسبا بالعكس بنحنلا وبتمنى انو لو فينا نرجع لو يوم واحد رغم كل الدلال و الحياة الحلوة بالجامعة

[الحوت المهاجر]

على الرغم من عدم معرفتي بامور ومشاكل كرة السلة بالنادي

بس بظن ما بيصير اي لاعب او اداري او حتى مرافق يسب اي نادي او اي شخص

الاخلاق الرياضية اساس كل شي

يعني معقول بكرة يختلف اللاعب المذكور مع نادي الكرامة ويبلش سب فيهم ؟؟؟!!!

اخوي رامي انت بما انك تعتبر حالك اخوه الكبير والكل بيشهدلك بالمنتدى ( انا للاسف ما بعرفك شخصيا ) بالاخلاق والادب

لهيك حاول تغير فيه وتعلمه يكون خلوق وما ينكر اي شخص عمل معو ولو موقف كويس

(( من عملني حرفا كنت له عبدا )) ص

لهيك انت خليك واسطة خير وحاول تصفي الامور بين الاطراف المعنية باقرب فرصة

لان صدقني انت ولا غيرك ( وحتى انا ) ما رح يضل معكم غير سمعتكم و اعمالكم الي بتنذكر وبحفظها التاريخ

[syriana]

يا جماعة : العزير رامي قال جملة في تعقيبة اﻻول (هو يتفهم تصرف احمد شحيدة لكنه يرفضة بﻻ ادنى شك)

فضوها سيرة بقا , لك تﻻت ارباع لعيبتنا , وبعض ادارينا اخﻻقهون اسوا من شحيدة وغيرو ..
شحيدة غلط ..خلص ..الله يصلحو...ويصلحنا جميعا ..
نقطة انتهى.

[علي بدر الدين زوزو]

يا أحباء حطين.اسمحوا لي بمشاركة صغيرة لعلها تساهم في تهدئة النفوس الغيورة على سلة حطين.
أولا لي عتب محب على أخونا رامي.أخي رامي لايجوز في أي حال من الأحوال أن نحمل سوء سلوك أي لاعب على مدرب أو اداري أو نادي وكيف اذا كان المحمل عليه هو الذي بنى هذا البناء الذي اسمه سلة حطين(طبعا أقصد الأستاذ فواز دالي) بل العكس صحيح تماما يجب أن نحمل أي نجاح للاعب في أية مرحلة من نجاحه الرياضي الى ناديه و مدربيه واسمح لي أن أعطيك مثال:الآن عمار عوض مدرب ناجح في الأمارات وقد استغنى عن عمله كطبيب أسنان كمصدر رزق واستبدله بمجال الرياضة هل يستصيع عمار عوض أن ينكر فضل نادي حطين عليه أو مدربيه؟أقول لك مستحيل.
أنا أوافقك أن البناء اليوم ليس على مايرام لأسباب كثيرة تحتاج ربما الى سنوات لحلها ولكن هذا لايلغي الموجود أو يقلل من جهدهم و عطائهم وتاريخهم.أرى أن النادي بحاجة الى جيل جديد قيادي يمتلك مقومات عديدة للبدء بعملية النهوض والسيولة المادية مهمة جدا ولكنها ليست الأهم فالبناء السابق بني على الأخلاق ثم النظام ثم العمل ولم يكن المال قبلهم.
فالولد عندم ياتي الى صغار نادي حطين ليلعب كرة السلة يجب أن لا يكون هدفه أنه سيكسب رزقه من كرة السلة عندم يكبر ولكن لابأس اذا أتى مايساعده في تحسين معيشته اذا وصل الى مستوى عالي من اللعب كما هو الحال معك الآن.ولكن هذه الحالة لايمكن أن تطبق على جميع ممارسي كرة السلة في النادي.
أتمنى أن تكون فكرتي قد وصلت بلا أية حساسية وبالتوفيق للجميع مع خالص تحياتي للجميع.

[رامي عيسى]

أولا شكرا للجميع من اعقب علا الموضوع واشدد بالشكر على الأخ العزيز :سيريانا وعلى اللاعب سامر حنونة وعلى المدرب والحكم الكبير علي زوزو فهم أكثر من رد بطريقة راقية وهم كانو على قدر عال من الشجاعة بحيث كتبو ا أسمائهم الحقيقية .

صحيح قد اتفق او أختلف معكم بالأراء ولكن أحترم وجهات نظركم لأنها نابعة عن أشخاص يملكون شجاعة وتاريخ وليس عن أطفال يختبؤون وراء أسماء وهمية.

بالنسبة للأستاذ علي :أود ان أقول لك شيئ هو أني لم أحمل المسؤولية للأستاذ فواز بل على العكس احييه على غيرته على النادي ولكن أحمل المسؤولية للمدربين الذين كانو يرون اللاعبون قليلوا الأدب والأخلاق ويصرون على وجودهم بالفريق.

أم موضوع أحمد شحيدة فانا لا أبرر فعلته بل على العكس ألومه وأعتبره تصرف خاطئ كل مافي الأمر أفهم وجهة نظره وأحاول أفهامها للأعضاء (ولكن لا حياة لمن تنادي ) فهم مثل الذي فهم من القرأن فقط أية: لا تقربوا الصلاة , دون أن يكمل بقية الأية.

حطين هو أنتمائي وليسأل الذين يراهنون بحطينيتي أهل حلب عني وماذا أقول لهم عن حطين.

في الأخير شكرا لكل من تفهمي وجهة نظري , وشكرا لكل من لم يفهم وجهة نظري فهو على الأقل قرأ كلماتي.

[حطيني للموت]

أرسل أصلا بواسطة رامي عيسى

أولا شكرا للجميع من اعقب علا الموضوع واشدد بالشكر على الأخ العزيز :سيريانا وعلى اللاعب سامر حنونة وعلى المدرب والحكم الكبير علي زوزو فهم أكثر من رد بطريقة راقية وهم كانو على قدر عال من الشجاعة بحيث كتبو ا أسمائهم الحقيقية .
صحيح قد اتفق او أختلف معكم بالأراء ولكن أحترم وجهات نظركم لأنها نابعة عن أشخاص يملكون شجاعة وتاريخ وليس عن أطفال يختبؤون وراء أسماء وهمية..

حبيبي أنا بظن ما أختبئت ورا أسماء وهمية وعرفتك عن حالي و أنت سألتني أنا شو مقدم للنادي
أنا ما بحب أحكي شو مقدم للنادي بس بحب أنو مو بس أنتو اللعيبة قدمتوا للنادي
أنا قدمت شي يلي بقدر عليه للنادي وما بحب أحكي شو قدمت لأنو طول ما أنا حطيني فهذا
واجبي وعيب الواحد يضربو للنادي بمنية أنو قدملو للنادي لأنو برجع وبقلك هاد واجبو
بس ما حلوة منك هي كلمة أطفال كونو على أساس أنت لاعب كبير
مع أنو أنا من متابعي كرة سلة بشكل دائم بس هي أول مرة بسمع فيك وبتمنالك التوفيق

[ابو البحر]

اخوي مجد مافي داعي تدئئ على كل كلمة بيكتبها رامي
هيدي وجهة نظرو يمكن هو كاتب اسمو منشان نعرفو انو لاعب سلة بس نحن يا حرام علينا
كان لازم نكون لاعبين لحتى نفرجي العالم شو عم نقدم لحطين
الدنيا يا رامي ادوار وكل واحد كاتبلو رب العالمين شو هو ومخيرو
اخ رامي معلومة صغيرة يمكن تفيدك بما انو انت غير متابع بشكل دائم للمنتدى
بحب ئلك انو اغلب الاعضاء بالمنتدى بيعرفو بعض او بالاحرى تعرفو على بعض
من خلال المنتدى وبالنسبة الي صار عندي اخوات بعهد الله وصارت حياتي معلئة بحياتهم يوم
يلي ما منحي مع بعض او ما منشوف بعض منحس شي ناقصناتعليق اخير
بتمنى انك تقريه منيح
انا قبل عيد الاضحى بيوم حكيت معك منشان حل مشكلة بينك وبين شخص
هو موجود بالمنتدى بعد ما حضرتك اخدت رقمو وسبيتو وهددتو على التليفون
تذكر منيح وطلبت منك نلتقى منشان نفرط القصة
بس انت يلي ما رجعت وحكيت مع انو حددنا موعد
بئا فينك تقلي مين هو يلي متخبي ورى اسم وهمي
ما كنت حابب اذكر هالشي بس طريقة كتابتك واسلوبك غلط ونصيحة اخوية
لاتصغر قدر العالم يلي عم تناقشك على اساس انك لاعب وابن النادي يلي هو جمعنا هون

[ابو الليل]

السلام عليكم


كلمتين صغار

احمد شحيدة غلطان ولو لم يكن غلطان لم يكتب هذا الموضوع في هذا المنتدى وبعتقد انو حتى اللآعب نفسو قد ندم على ماقال ولكن صارت ومشي الحال


لسانك حصانك إن صنته صانك وإن خنته خانك

[LIVERPOOL 22]

انا قبل عيد الاضحى بيوم حكيت معك منشان حل مشكلة بينك وبين شخص
هو موجود بالمنتدى بعد ما حضرتك اخدت رقمو وسبيتو وهددتو على التليفون
تذكر منيح وطلبت منك نلتقى منشان نفرط القصة
بس انت يلي ما رجعت وحكيت مع انو حددنا موعد
بئا فينك تقلي مين هو يلي متخبي ورى اسم وهمي
ما كنت حابب اذكر هالشي بس طريقة كتابتك واسلوبك غلط ونصيحة اخوية
لاتصغر قدر العالم يلي عم تناقشك على اساس انك لاعب وابن النادي يلي هو جمعنا هون ؟؟؟؟؟؟؟؟؟؟؟

هلق هاده هو التاريخ يلي عم تسال عنو العضو حطيني للموت يا كابتن رامي
وشهادة سواقة وما بعرف شو و17 سنة وما بحقلوا
كابتن رامي خليك كبير بنظرنا وكل انسان بدافع عن حالو
يعني الغلط راكبو لاحمد شحيدة من قدمه حتى رأسه
ولما ادارة حطين بتستغنى عن لاعب بتعرف ليش عم تستغنى عنه
حتى لو كان افضل لاعب بالعالم قال شو تاريخك قال

[hutteen my love]

ملاحظة : ماذا قدمت لحطين

كلمة متداولة كثيرا

وأنا سأفسرها بعض الأشخاص يعتبرون نادي حطين ملكية خاصة للاعبين والاداريين و المدربين واذا لم تكن من هؤلاء فانت لم تقدم شيئ لحطين

وأنا أقول كلمة واحدة فقط

اللاعبون ذاهبون والمدربون ذاهبون والاداريون ذاهبون اما الجمهور باق طالما بقي حطين على وجه الارض

ايهما حطيني اكثر برايك

اللاعب او المدرب او الاداري يقبض ويستفيدمن حطين أما المشجع للأسف يدفع عمره وحياته وماله كي يرى بطولة لناديه وحبيبه

أنت أستفدت من حطين بالشهرة وتمثيل الاتحاد والكرامة وقبلهما المنتخب وأكيد أنك تحصل على مقابل مادي

أما نحن على ماذا نحصل يا كابتن الا على المأسي من وراء عشقنا حطين ومع هذا كله نحن راضون ولكن الذي لا نرضاه هو مساومتنا على حطين وعلى محبتنا له وما قدمناه له يا كابتن

ملاحظة اخيرة: أنا كنت لاعب كرة سلة ولكن فاشل

[LIVERPOOL 22]

أرسل أصلا بواسطة hutteen my love

ملاحظة : ماذا قدمت لحطين
كلمة متداولة كثيرا
وأنا سأفسرها بعض الأشخاص يعتبرون نادي حطين ملكية خاصة للاعبين والاداريين و المدربين واذا لم تكن من هؤلاء فانت لم تقدم شيئ لحطين
وأنا أقول كلمة واحدة فقط
اللاعبون ذاهبون والمدربون ذاهبون والاداريون ذاهبون اما الجمهور باق طالما بقي حطين على وجه الارض
ايهما حطيني اكثر برايك
اللاعب او المدرب او الاداري يقبض ويستفيدمن حطين أما المشجع للأسف يدفع عمره وحياته وماله كي يرى بطولة لناديه وحبيبه
أنت أستفدت من حطين بالشهرة وتمثيل الاتحاد والكرامة وقبلهما المنتخب وأكيد أنك تحصل على مقابل مادي
أما نحن على ماذا نحصل يا كابتن الا على المأسي من وراء عشقنا حطين ومع هذا كله نحن راضون ولكن الذي لا نرضاه هو مساومتنا على حطين وعلى محبتنا له وما قدمناه له يا كابتن
ملاحظة اخيرة: أنا كنت لاعب كرة سلة ولكن فاشل

وبعد هذا الكلام ليس عندي اي كلمة او حرف
نعم انتم واموالكم ذاهبون يا لاعبين واداريين ومدربين ونحن الباقيين
( حطين انت او لا احد )
( حطين انت بريئ منهم )

[علي الحطيني]

أرسل أصلا بواسطة hutteen my love

ملاحظة : ماذا قدمت لحطين
كلمة متداولة كثيرا
وأنا سأفسرها بعض الأشخاص يعتبرون نادي حطين ملكية خاصة للاعبين والاداريين و المدربين واذا لم تكن من هؤلاء فانت لم تقدم شيئ لحطين
وأنا أقول كلمة واحدة فقط
اللاعبون ذاهبون والمدربون ذاهبون والاداريون ذاهبون اما الجمهور باق طالما بقي حطين على وجه الارض
ايهما حطيني اكثر برايك
اللاعب او المدرب او الاداري يقبض ويستفيدمن حطين أما المشجع للأسف يدفع عمره وحياته وماله كي يرى بطولة لناديه وحبيبه
أنت أستفدت من حطين بالشهرة وتمثيل الاتحاد والكرامة وقبلهما المنتخب وأكيد أنك تحصل على مقابل مادي
أما نحن على ماذا نحصل يا كابتن الا على المأسي من وراء عشقنا حطين ومع هذا كله نحن راضون ولكن الذي لا نرضاه هو مساومتنا على حطين وعلى محبتنا له وما قدمناه له يا كابتن
ملاحظة اخيرة: أنا كنت لاعب كرة سلة ولكن فاشل

صدقت وبالحق نطقت

[حطينية حلب]

ليست المسألة مسألة ما نقدم للنادي فكل ذرة حب وعشق لحطين هي تقديم للنادي العريق الذي كان وما يزال اكاديمية تخرج النجوم اخلاقيا قبل الموهبة والاحتراف فأنا حين اشجع حطين وان كان عن طريق محبتي للنادي ومشاهدة مباراة على التلفاز فقط كوني بعيدة عن النادي ومتابعة جميع اخبار النادي عن طريق المنتدى الغالي فأنا اقدم حبي لحطين فمحبتنا واخلاصنا ومشاعرنا العفوية الصادقة هو مانقدمه لحطين بغض النظر من نكون وما هي اعمارنا