وما أدراك ما الرابيدشيرRapidshare

السلام عليكم

نظرا لزيادة استعمال الرابيدشير زيادة كبيرة وتحسين خدماته فوجب على هذا الشعب الفقير متايعة التطورات العالمية.

الرابيدشير بكل بساطة هو موقع تحميل وتنزيل عالمي ورائع (برأيي طبعا)

يمكنك تحميل أي ملف عليه بشرط أن تكون مساحته تحت 300 ميغا (كانت سابقا 100 ميغا)
طبعا الحيلة المعتادة هي تقسيم الملفات الكبيرة بواسطة أي برنامج ضغط (المفضل هو الWInrar)
إلى عدة أجزاء حجم كل واحد مثلا 200 ميغا

الموقع عنده ميزات كبيرة لكن للأسف يحتاج لبعض النقود (بس ما على الشعب السوري )
إذا كان عندك حساب عليه يمكنك استعمال مسرعات التنزيل وتنزيل في اليوم ما يقارب 3 غيغا

بس هو ليش مشهور ؟؟
لأنه في مئات المواقع التي بتقدم أفلام أو برامج أو كتب .طبعا بتكون رافعتهم على الرابيدشير
لأنه بضل حافظهم على السرفر لشهر على الأقل (يعني إذا ما حدا نزلهم يتم حذفهم .أم إذا تم تنزيلهم قيبقى لمدة شهر بعد آخر تنزيل)

أصل الموقع ألماني وبتلاحظ هالحكي من اللاحقة Rapidshare.de

طيب وبن المشكلة؟؟؟
المشكلة هي كالتالي :
إذا ما عندك حساب وبدك تنزل ببلاش (متلنا يعني) الموقع بحجملك الميزات يعني
إذا نزلت من الموقع ملف حجمه 60 ميغا .ما بيسمحلك الموقع تنزل مرة تانية لحتى يمضي 60 دقيقة لآخر تنزيل .(ما حدا يتحربأ ويقول منحذف الكوكيز بيمشي الحال )(لأنه يعتمد على الip ما على الكوكيز)

طبعا عمكم أبو حميد حل هالمشكلة بس بعدين منعطيكم الحل.

المهم طريقة التنزيل هي كالآتي
تضع رابط التحميل بالمتصفح وبتكبس انترEnter
بتتطلعلك الصورة التالية


بتنزل على آخر هالصفحة بطلعلك الصورة التالية وبتكبس على كلمة Free


بيقوم بيطلعلك بأسفل الصفحة هالصورة اللي بتقلك انتظر الوقت (ممكن يطلب تنتظر دقيقة أو أربع دقايق أو ساعة)

المهم بعد ما ينتهي الوقت بتطلعلك هالصورة

هلق بتدخل الحروف بالمكان المطلوب وبتكبس انتر

هالثلاث خيارات هي عبارة عن بدائل يعني إذا ما مشي الحال مع أول خيار حط على التاني أو التالت

كمثال ادخول على هالموقع Http://alagnaby.blogspot.com
اللي طبعا هو موقعي (تواضع) نقيلك شي ملف والكل على الرابيدشير وحاول تنزل وانشالله يمشي الحال

انشالله برد قادم ( كيف التنزيل بدون انتظار لا دقيقة ولا بلوط)
أي سؤال.ما بعتقد

السلام عليكم

[SALAHDIN]

مافي أسئلة

[hakkomeh]

أبو حميد ... عنجد بتستاهل تلات بوسات ... بس مرّشح و بخاف أعديك....

أخوي عنجد متعوب عليه كتييير .... الله يجعلو بميزان حسناتك......
.
.
حكيم ... كأني فهمت منك أنك عندك حساب بالرابيد شير .... فكيف ذلك يا طويل العمر.... هل دفعت كمية من القروش أم ماذا.....
.
.
.
بزمانو كنت أستعمل الرابيد شير من على إيام و قت اللي كان يسمحلك تحمّل 20 ميغا و تستنى 79 ثانية لحتى تحمّل مرّة تانية... يا ترى هالشي تغير .... كأني فهمت منك إنو صارو 60 ميغا....
.
.
.

بصراحة أنا من أكتر من سنة بطّلت أستعمل الرابيد شير لانو الرابيد معروفا نو بغير سكربتاتو كل كم شهر و لذلك انا كرهت هاد الموقع الي عم يتفنن باذلالك.....
بزمانو كنت غيّر الآيبي عن طريق الدوس بقا يا ترى هالطريقة شغالة و لاّ صارت من الماضي....بس المشكلة احيانا انو بفكر اي كمبيوتر ورا هو هاد البروكسي هو كمبيوترك.....يعني يمكن ما يمشي الحال حتى لو بلطت الزرقا
.
.
.
إذا عندك غيرها أتحفنا و إلا بشكيك لصاحبتك داستي....
.
.
ألف بوسة مّرة تاني.. و هيك دائماً.....

.
سلااام

[Saeedoo]

الله يسلم إيديك أبو حميد

بس كأني فهمت منك أنو هو موقع تحميل ملفات أكتر من موقع تنزيل

بذكر أنو منزل منو بعض ملفات فيديو خصوصي بعض الأفلام والاسكتشات الرياضية

بس أنا غرضي برنامج تنزيل ملفات يكون أفضل الموجودين والمجربين
اللي بيسموهم : P2P Program Reviews

من أمثال : Warez , LimeWire ,Shareaza,Kazaa

علما أنو المذكورين جربتهم كلهم ...وأظبط شي اشتغل معي الـ Shareaza

بس صرلو فترة دايخ وماعاد يجمع

بقى إذا عندك خبرة بالموضوع وممكن تزكيلي برنامج أفضل إلك بوستين
ببعتلك ياهن مع أبو مالك صهرك اللي نازل بعد يومين

حكومة الغالي
الرابيدشير حدث نفسه جذريا منذ ما يقارب الشهر
1-ألغى الحسابات المجانية التي كان يقدمها كل يومين (كان عندي 17 حساب )
2-عند الاشتراك بحساب مدفوع أصبح يقدم نقاط مجانية (عندما تجمع 10000 نقطة بيتمدد حسابك شهر)
3-المدة بين تنزيلين متتاليين تحسب بحسب كمية التنزيل السابقة بحيث يسمح ب 1.2 ميغا كل دقيقة
يعني إذا نزلت ملف 12 ميغا بدك تنتظر 10 دقائق
إذا نزلت 60 ميغا بدك تنتظر 50 دقيقة

4-ممكن أنك تنزل بملف واحد 300 ميغا بس بدك تنتظر منيح بعدها

أنا كان عندي حساب وحصلت عليه بطريقة غريبة حكيتها بهالمقال

يا هيك العالم يا بلا
أو في بالجمعية المعلوماتية بطاقة كريدت كارد بس للانترنت فينك عن طريقها تشترك

أما كيف بدنا نأنشح ونلطش ببلاش
فمتل ما قلت أنت يمكن تغيير الip ما يمشي حالو طالما نفس البروكسي يؤدي
منغير البروكسي (ههههههههههه) وهذا اللي أنا عمأعملو

وبهالطريقة دائما بتنزل وقت اللي بيجي على بالك

بس أنا بخالفك الرأي بشغلة أنو ما عاجبك الموقع لأنو بالنسبة إلي هو أحسن موقع تحميل





أما أخوي سعيد فشو بدي قلك بتعرف الحال عنَّا
هاذا يا سيدي قلنا بدن نتشاطر ونفهم ببرامج P2P وقريت وقريت جينا لنجرب طلع الروتر اللي عندي ما بيدعم الForwarding قام تحايلنا عليه طلعت السرعة بطيئة كتير .

المهم خلال بحثي (وهاد الحكي من زمان) كأنو قرأت أنو الأفضل حاليا هو برنامج EMULE أو Edonky
بس متل ما قلتلك وقت ما مشي الحال وقفت المعرفة بهذه الناحية لذلك ما بتوقع بقدر فيدك

بس جرب ابحث بالغوغل عن كلمة (منتدى)+(Emule) وبتوقع بتلاقي الجواب المناسب

والسلام

[hakkomeh]

عنجد ثانكس فور يو أبو حميد و شو مشان الوعد تبع الروابط إني أعطيك و تنزل لسّه كفوووووووووووووو
.
.
.
لأنو في كام كتاب طبي عنجد خيلة....
.
.
.
شووووووووووو

[SALAHDIN]

أرسل أصلا بواسطة hakkomeh

لأنو في كام كتاب طبي عنجد خيلة....
.
.
.
شووووووووووو

أخوي حكمت أنا كفو

بنزلك الكتب يلي بدك مقابل ............

علاج لمدة 3 سنين (طبعاُ بعد التخرج إن شاء الله )

[hakkomeh]

أخوي حكمت أنا كفو

بنزلك الكتب يلي بدك مقابل ............

علاج لمدة 3 سنين (طبعاُ بعد التخرج إن شاء الله )

أخوي من أين لك هذا الكرم....... هو أنا بعرفك حاتم طي.... بس يعني أخوي تكارم على أدك....
.
.
.
يعني على حد علمي خطك دايل آب .... و لا أنا عم بيض....
.
.
إلا إذا زرعتني و جبت Adsl من وراييي....
.
.
.
على كل كفوووووووووووووو أبو سهل و الله بعرفك قدها ....

[SALAHDIN]

[quote=hakkomeh]
يعني على حد علمي خطك دايل آب .... و لا أنا عم بيض....
.
.
إلا إذا زرعتني و جبت Adsl من وراييي....
quote]

ما زرعتك ولا شي
بالبيت دايل أب
بس بالشغل ADSL

منشان هيك طلوب وتنمى

[Saeedoo]

لك صلاح بدك تنزل من النترنت بالشغل ؟؟!!!

وعمتتكارم عالناس من مال غيرك

لك ما بتخاف الله ...

لا حول ولا قوة إلا بالله ....

قربت ياشباب والله قربت

[باتيستوتا]

مشكور

[ابو علي الحطيني]

يسلم ايديك على الشرح ..وموقع الرابيدشير تعتبر من اقوى المواقع
لتنزيل البرامج والملفات ..