استطلاع حول تشكيلة الفريق لنهاية الموسم

[مهند شاويش]

أخي عضو منتدى حطين

أنت كحطيني أصيل تعرف خفايا النادي وتعرف كيف تطبخ المباريات وبما ان نادينا دخل مرحلة الأمان هل تؤيد جلوس عمار ياسين والسيد بيازيد وهشام عابدين وسليم جبلاوي وطلال عبدو على دكة البدلاء واشراك كل لاعبي الشباب من خليل حموي لعبد الله جمعة لمحمود اليوسف ........ حتى نهاية الدوري ؟؟؟؟؟
أليس في ذلك مصلحة حطين العليا ؟

أليس في ذلك تخطيط سليم؟

عبر عن رأيك بالمشاركة في هذا الاستطلاع
مهند شاويش

[قلب حطين النابض]

يا اخي الكريم ما في حدا بحب حطين الا وبيتمنى انو يتم الزج باللاعبين الشباب لانو رح يكونو امل حطين بالمستقبل القريب وانا معك بهالفكرة
بس ضدك في الكلام يلي قلتو عن عملية البيع والشراء وكأنك عم تحط هاللاعبين يلي ذكرتم بخانة اليك ومافي شي ملموس ونسيت كل شي قدموا وعم يقدمو للحوت

[مهند شاويش]

أرسل أصلا بواسطة قلب حطين النابض

يا اخي الكريم ما في حدا بحب حطين الا وبيتمنى انو يتم الزج باللاعبين الشباب لانو رح يكونو امل حطين بالمستقبل القريب وانا معك بهالفكرة
بس ضدك في الكلام يلي قلتو عن عملية البيع والشراء وكأنك عم تحط هاللاعبين يلي ذكرتم بخانة اليك ومافي شي ملموس ونسيت كل شي قدموا وعم يقدمو للحوت

بالعكس تماما اخي الكريم أنا هيك بكون عم احمي اللاعبين اللي ذكرتن وعلى ما يبدو ما نتبهت اني ذكرت كل اللاعبين الكبار وما تركت حدا يعني القصد واضح ومنعا للقيل والقال ومعلشي نكون واقعيين شوي النا تجارب واضحة وما ننساها بهيك امور

[basharo13]

نحنى بنتمنى مشاركة اللاعبين الشباب بس يا حبيبي ما تنسى انو المركز السادس بيأهل للمشاركات الاسيوية فبدنا نامن الركز وبعدين يلعب الشباب والكل

[مهند شاويش]

أرسل أصلا بواسطة basharo13

نحنى بنتمنى مشاركة اللاعبين الشباب بس يا حبيبي ما تنسى انو المركز السادس بيأهل للمشاركات الاسيوية فبدنا نامن الركز وبعدين يلعب الشباب والكل

معلومة خاطئة اخي الكريم بتمنى تتأكد منها

[مهند شاويش]

يرجى التعبير بالتصويت والموضوع واضح لا يحتاج الى تعليق

[hutteen my love]

أخي مهند قبل أن نطلب هذه الطلبات نطالب بدفع مقدمات عقود اللاعبين المتأخرة منذ نهاية فترة الذهاب.

كيف نطلب بإبعادهم حتى أنهم لم ياخذو حقوقهم كاملة .

[syriana]

تتحدث يا عزيزي و كأن نادينا يمتلك ادارات تعمل وفق خطط واستراتيجيات واهداف مدروسة وواضحة المعالم (الحديث ليس عن اﻻدارة الحالية فقط) او ان لدينا جمهور .. يعرف ان الﻻعب يحتاج الى ان يخطىء مرات ومرات كي يصبح جيدا ..
او كادر تدريبي يمتلك اﻻمكانات واﻻمكانيات ليعمل وفق خطة واضحة ..
نحن يا صديقي .. اشبه بناد ..
لسنا نادي رياضي للهواة حتى ...
بكل اﻻحوال انا مع منح الفرصة للشبان فيما تبقى من دوري وكاس د<ون تطرف (اي دون اهمال الكبار)..

[Fadi]

أخوي أبو مروان كلامك والله سليم وصحيح لأنو عنا خامات من اللاعبين الشباب بيتقلوا بالدهب مع احترامي الشديد للاعبين اللي انت ذكرت أسماؤون لأنه في مرحلة سابقة أعطو الكثير لنادينا بس كمان العمر له حق ....وهالخامات الشابة اللي ناطرة عدكة الإحتياط واللي نفد صبرها بتشوفها بكل مبارة ناطرة نظرة من المدرب ليسمح لها بالدخول على أرض الملعب إلى متى سيطول إنتظارهم أنا معك بهالفكرة وبتمنى تكون مشاركاتهم فورية وقريبة وإلا سنخسرهم .....

[مهند شاويش]

ابو كمال الغالي من ناحية الادارة اللي لهلأ ما دفعت مقدم العقود انا من زمان غسلت ايدي منها ورأيي فيها واضح وصريح التخبط والفشل سمات مميزة لادارتنا الحالية وصدقا الواحد ما بيعرف كيف بدو يتعامل مع هيك وضع.
اخي احمد بكداش انا بحترم رأيك وبضم صوتي لصوتك بإنو نحنا حاليا نادي أحياء شعبية ان صح التعبير حتى نادي هواة افتقدنا هالصفة اللي كانت موجودة بيوم من الايام.
فادي بيرقدار الغالي رفيقي وحبيبي مشكور على المشاركة وكتير مبسوط بمشاركاتك معنا

[ابو فارس الحطيني المشتاق]

هنود الغالي كلامك مظبوط مليون بالمية حبيب القلب بس كمان ما بتقدر تعتمد ع الشباب بكل فترة المباراة بدك قائد االون بالملعب لانو الكل جداد و ما خرج تروح مركزك بهل والوقت من عمر الدوري يعني انا معك بفكرت تنزيل لاعبين شباب بس مو كل وقت المباراة

اهلين بالتشريني ( قل اعوذ برب الفلق ) فادي بيرقدار بين اهلك موقع حطين





بحبك يا حطين بحبك

[مهند شاويش]

مشكور أبو فارس الغالي على المشاركة يمكن وافقك نوعا ما انو لازم للفريق يكون في قائد بالملعب بس كمان لازم نجهز لاعب بديل لكل لاعب بفريقنا وخليل حموي حاليا لاعب موهوب وخامة ممتازة بتمنى يلعب بمركزو حتى يتطور مستواه و يجهز للموسم الجاية هوة وكل لاعب صغير موجود بالنادي

[ابو فارس الحطيني المشتاق]

هنود طيب منجهز خليل حموي ع العين و الراس بس انو مباشرة تسلم خليل القيادة مع احترامي الو اسى بكير كتير عليه يا هنود يعني لازم ينعطى الثقة الكاملة من كل اللاعبين و المدرب لحتى يقدر يستلم هيك منصب و برجع بقول مع احترامي الشديد للسيد خليل حموي

هنود يعني نحنا هلئ ع مفرق طرق و هل المفرق كتير مهم بالنسبة للنادي و للجمهور
يعني مشاركة حطين بالبطولة الاسيوية شغلة كتير حلوة و بتعطي دفع كتير كبير للاعبين الشباب
حتى لو ما طلع معنا شي ( بعيد الشر ) بس جرعة الثقة يلي راح ياخدوها الشباب من المعلب هي يلي راح تخلينا نرجع نأنشأ فريق جديد بالكامل
و بتصور وصلت فكرتي لعندك هنود


بحبك يا حطين بحبك

[مهند شاويش]

حلو كلامك ابو فارس بس سؤال لو سمحت ؟
بشرفك بهيك ادارة رح نوصل لبطولة آسيوية؟
نحنة قادرين نربح على الطليعة والاتحاد بنهاية الدوري ؟؟؟؟
برأيك ما لازم نتعامل مع الواقع بشكل عقلاني ولا نعيش بأحلام كل موسم
بعدين حسون والله لهلأ ما في خبر بأكدلك انو صاحب المركز السادس رح يشارك ببطولة آسيوية يعني كل الموضوع اشاعات وما بعتقد بكل واقعية لعب حساسة معينة تمر مرور الكرام وفهمك كفاية
اما بالنسبة لخليل انا ما قصدت نعملو كابتن فريق من اول يوم اللي قصدتو يلعب بمركزو مو اكتر اما كابتن الفريق فبغياب الكابتن ابو رامز ممكن يكون هشام او السيد او ابو علي المهم عندي نلعب باللاعبين الصغار المواهب اللي رح يفلحوا الارض ليثبتوا حالن ادام الجمهور


بسيطة يا ابو فارس انا بفرجيك واليوم يا قاتل يا مقتول

مشكور على النقاش حسون الغالي

[syriana]

ﻻ يوجد بطولة اسيوية يا شباب .. اصﻻ حتى لو كان القانون بيسمحلنا بدي اسال ليش عنا فريق وعنا قدرة لمصاريف واستعداد .. وعنا ﻻعبين بيقدروا يلعبو بطولة ..
بالعذر من الجميع ..
ﻻ اريد ﻻ دوري وﻻ كايس ﻻ هذا العام (قال يعني صايرلي..) وﻻ العام القادم ..
احلم ان يكون لدينا فريق جيد في 2010 , وربما ننافس بجدية (وليس مجرد كم فوز بالعبطة ) في 2011...

[مهند شاويش]

كلامك سليم احمد وهيدا كل هدفي من الموضوع

[ابو فارس الحطيني المشتاق]

اخوي احمد و اخوي هنود كلامكون مظبوط مليون بالمية و مليار بالمية انو يمكن القانون ما يطبق بس بتعتقدو انو ما راح يطلع معنا شي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لكن ليش كل واحد من الشباب مع احترامي للكل بيطلع ببداية كل موسم بينشر قصايد عن الفريق و بيحكي انو الفريق زعقة هل السنة و انووووووووووووووووووووووووووووووو..........................

معناها اخوي احمد مع احترامي الك اذا ما اقدرنا نعمل شي السنة القادمة تاكد ولا بالالفين و عشرين اذا الله عيشنا لهداك الوقت راح يطلع معنا اكتر من المركز السابع او التامن بالدوري
و برجع بقول فكرتي و قتناعتي معناها ع هل الحال ينزل حطين ع الدرجة التالتة او التانية شي خمس سنين نفضل فيها لحتى ننشأ جيل جديد من الشباب و نعلمون خطوة خطوة مع ادارة كاملة الصفوف و مكتملة و محبة لبعضا البعض و ما حدا فيهم يحكي ع التاني و لا حدا يضرب بالتاني بضهرو و قتا بكون كلشي عنا تمام و يمكن وقتا بقلك انو بالافين و عشرة حطين الو امل يدخل ع كاس اسيا بامل

( حلم صعب المنال )

بحبك يا حطين بحبك

[الهولندي]

اكيد كل واحد بحب حطين بيتمنى انو تنعطى فرصة للشباب بس لازم يكون في استراتيجية معينة عند الجهاز الفني بحيث تنعطى الفرصة بشكل متكافئ بين كل الشباب دون استثناء مع تحقيق توليفة ممتازة مع لعيبة الخبرة اللي قادرة لسة تخدم الفريق شي سنتين تلاتة

[ابو البحر]

هذا ما نطالب به دائما
ولكن ؟؟؟؟؟؟؟!!!!!!!!

[مشجعي حطين بالشام]

هذه المشكلة التي طالما تناولها موفعنا
لا تعني باي شكل الاستغناء عن اوفياء حطين
لكنها بالوقت نفسه يجب ان لا تصل الى مرحلة المساس بهم
خاصة ان جميع مبارياتنا القادمة قوية ان كان مع فرق الهبوط او المقدمة
ولا اريد لاحد ان يتهمنا بشيء
وفهمكم كفاية