ع وراق الورد (من تأليفي)

[فتى المتوسط]

ع وراق الورد كتبتلا
شو بدي احكيلا وقلا
مشاعر قلبي ورحي كلا
للي كل تكة بتتحلى
وحكيت مع موج البحر
ع عيونا المليانة سحر
عن قلبا اللي دقاتو عطر
قصة هوى عمرا دهر
بس الموج الازرق قرر
عن حبي يسكت يتستر
شافا نجمة وعم تتمختر
جن بلون الشعر الاشقر
وزهر الحلا ضحكتلو تخجل
يحكي حكاية حبي توجل
قلت لقلبي بسرعة تعجل
قصة حبي ما بتتأجل
لما شفتا عين بعين
متلا وردة مافي اتنين
حروف بتحكي بجيب منين
همس الشوق بقلبي وين
نغمة صوتا بلهفة بتطرب
قلبي بسرعة كان عم يضرب
أشواقي ركضت صارت تهرب
وشمس الهوى ع شوي رح تغرب
لكن قلبي بلحظة تشجع
وكل شي ضايع مني رجّع
همس الهوى ع لساني جمّع
وصت الشوق عيوني دمع
تاري الحب بقلبا مخبّا
وأنا وبس اللي ساكن قلبا
معبق عطر الحب بدربا
قالت حلما انو حبّا
قولولي بصراحة مارأيكم؟؟؟

[سامر خالد منى]

هو زجل

والزجل الشعبي فن من الفنون الجميلة

تصلح لأغنية

وشكراً لك أخي أحمد !!

[فتى المتوسط]

أخوي أبو سمرة بس المهم تكون نالت رضاك

[سامر خالد منى]

بالتأكيد أخي أحمد

نالت رضاي

[اللاذقية]

أغنية جميلة وتعابيرها راقية وشفافة أرجو منك الاستمرار لأنه وبعد العودة لما كتبته هاهنا أرى تقدم ونضوج التجربة فإلى الأمام والآتي أفضل بإذن الله .
اعذر تطفلي
دمت بود

[فتى المتوسط]

شكرا اخوي اللاذقية لكلامك

[Fadi]

كلام جميل جداً أخي أحمد الله يقويك... وأنا بدوري اسمحلي إني اهدي هالكلمات الطيبة لأحلى وأرق وأجمل ما رأت عيني .....إلى اللاذقية حبيبة قلبي وعشقي الأبدي

[فتى المتوسط]

أهلين خي فادي
بتستاهل حبيبة قلبنا اللاذقية كل خير والله

[روبا]

تجنن والله كلمات رقيقة وتجنن بجد

[فتى المتوسط]

شكراً ليكي يا مصرية انتي يا روبا

[حطيني وبس]

حلوة كتير شو هالحلو هاااااااااااااااد
حطيني وبس

[فتى المتوسط]

تسلم يا أخوي حطيني وبس
بس شباب انا منزل هالكلمات بكذا محل
مثل سوريا لأجلك وهو منتدى شبابي ومنتديات مروان خوري ومنديات فضل شاكر وموقع ابناء اللاذقية باسماء مختلفة مثل عاشق ملك الاحساس قلب مروان فتى المتوسط
فاقتضى التنويه