فكِّر معي : كيف دفع سليم 150 ألف دولار وبقيت معه ؟!! - نادي حطين السوري

سامر خالد منى · #1 (**permalink**) 19/04/08

فكِّر معي :

كيف دفع سليم 150 ألف دولار وبقيت معه ؟!!

قُبض على الموظف سليم في عمله بأمريكا متهماً باختلاس 150 ألف دولار !!

حاول القاضي أن يجعله يعترف بمكان الفلوس فرفض رفضاً تاماً ، رغم أنَّ القاضي قال

له : " اعترافك بمكان النقود يخفف الحكم عنك !! "

أصرّ على رفضه ، فأمر بحبسه عشر سنوات ، كان فيها مثالاً للطيبة والهدوء والمعاملة الحسنة

فأُفرج عنه بعد انقضاء ثلثي المدة !

وبطبيعة الحال خضع لمراقبةٍ شديدةٍ دون أن يشعر فلا يجب أن ننسى أنَّ النقود ما زالت

مفقودةً ، وفُوجِئَ به الضابط في مخفر الشرطة يدخل عليه حاملاً حقيبةً ، وضعها على

الطاولة وقال : " سيادة الضابط هذه هي النقود أسلمها لكم !! "

عدَّها الضابط فإذا هي 150 ألف دولار كاملةً ، تعجب الضابط وسأله :

" لو سلمتها قبل المحاكمة لخفف الحكم عنك !! " .

ابتسم سليم وقال : " المهم عادت نقودك إليك " .

بعد يومين ركب سليم في طائرة عائداً لبلده ، وجلس بالقرب من رجلٍ ودودٍ فتجاذبا أطراف

الحديث ، فقال له سليم : " أنا عائد لبلدي ومعي 150 ألف دولار !! "

============================================

السؤال الآن :

كيف سلَّم سليمٌ الضابطَ 150 ألف دولار ، وكان معه مثلها ؟!!

حسون الحطيني · #2 (**permalink**) 19/04/08

طيب كيف شغلة بتحط الاعل بالكف

الشاعر الصغير · #3 (**permalink**) 19/04/08

????????????

محمد حجار · #4 (**permalink**) 19/04/08

بيكون شغلها بشي شغلة يعني فتح شي مشروع

سامر خالد منى · #5 (**permalink**) 19/04/08

اقتباس:

أرسل أصلا بواسطة محمد حجار

بيكون شغلها بشي شغلة يعني فتح شي مشروع

أخي محمد تشرفنا بمرورك وقدومك علينا

هل تضمن خلال هذه السنوات أن يردَّ الفلوس لك من استثمرتها عنده ؟

ولا سيَّما أنَّ المال مسروق فأنت لن تؤمن عليهِ ما دمت تعرف كيف جنيته !!

سامر خالد منى · #6 (**permalink**) 19/04/08

اقتباس:

أرسل أصلا بواسطة The Blue Whale

????????????

!!!!!!!!!!!!!!!!!!!!!!!!

اللاذقية · #7 (**permalink**) 19/04/08

بسيطة استاذنا
بيكون سليم حطهم بالبنك وبغير ولاية لانو عندون الاحكام الي بتتطبق بولاية ما بتكون سارية المفعول بولاية تانية والمبلغ صار عليه ارباح عما تنضاف لرأس المال والربح الجديد أو الفائدة بتشمل أصل المال والفائدة.
دمت بود

مهرتوو · #8 (**permalink**) 20/04/08

اذا ما هادا الحل والله شي بيدوخ معناها انا شخصيا ما بقول غير زور العملة ممكن

LIVERPOOL 22 · #9 (**permalink**) 20/04/08

مدة السجن يلي قضاها سليم حقها 150000 الف دولار
وهيك رجع للبلد ومعو ذكريات السجن

سامر خالد منى · #10 (**permalink**) 20/04/08

هل من مزيد من الآراء والحلول ؟

الامير totti · #11 (**permalink**) 20/04/08

صعبة ..

نتالي · #12 (**permalink**) 20/04/08

بجوز لعب فيهن شي لعبة قمار ولاشي بلوة من بلاويهم وكسبهم مرة تانية

قلنا الحل أخي سامر صار عندي فضول اعرف كيف ؟؟؟؟

سامر خالد منى · #13 (**permalink**) 20/04/08

أمهلكم يوماً أخت نتالي
لأنَّ المزيد من الآراء ستأتي اليوم بالتأكيد
فلن أحرمهم فرصة التفكير !!

Rana · #14 (**permalink**) 20/04/08

ممكن لإنه لص محترف ... ونظرا لإنه الشرطة عم تراقب كل تحركاته ...

اتبع الطرق الحديثة بالسرقة... فحاليا مش بالضرورة لحتى تكون سارق محترف يكونو الفلوس معك والشطارة ( بمعنى المكر والدهاء ) يتم تحويل النقود الكترونيا...

يعني بيكون لعب لعبة جديدة بتحويل نفس المبلغ من المال عن طريق التلاعب بشبكة النت لحساب خاص إله خارج الأراضي الأمريكية بحيث إنه الشرطة لن تتمكن من متابعتها أو ملاحقته واستردادها...

ونظرا لإنه مراقب ولإنه لسا ما كمل مدة السجن الأصلية رح تكون عقوبة قابلة للتنفيذ في أي لحظة في حال تم إلقاء القبض عليه متلبس ...

وهو الآن أصبح مش بحاجة للمبلغ نقدي فضلا عن تسهيل عملية الهجرة والسماح إله بالمغادرة بدون أي عوائق بالمطار ... لإنه طالما ضل محتفظ بالمبلغ وطالما هو تحت الرقابة وما كمل مدة السجن الأصلية مارح يسمحو لإله بالمغادرة أبدا ...فضلا عن صعوبة حمل هيك مبلغ معه في المطار والسفر فيه...

ولحتى يقدر يهاجر بكل سهولة وبدون أي مشاكل قام بحركته الغريبة وهي تسليم المبلغ النقدي اللي معه... وبالتالي بيقدر يمارس حياته بدون أي مشاكل قانونية وبعيد عن الشبهات.....

هاي وجهة نظري الأولى...

أما التانية... فممكن يكون قال الكلمة لرفيقه بالطيارة على سبيل التهكم والسخرية من الموقف يالي صار معه ... وتسليمو للنقود لإنه ضميرو صحي فجأه ...

في انتظار الحل النهائي أستاذنا..

سامر خالد منى · #15 (**permalink**) 20/04/08

أخت رنا

النقود كانت معه في الطائرة !!

لكن حلك الذي ذكرتيه جميل فعلاً

غير أني ما فهمت كيف حول النقود خارج

الأراضي الأمريكية وسلمها !!

Rana · #16 (**permalink**) 20/04/08

اقتباس:

أرسل أصلا بواسطة سامر خالد منى

أخت رنا
النقود كانت معه في الطائرة !!
لكن حلك الذي ذكرتيه جميل فعلاً
غير أني ما فهمت كيف حول النقود خارج
الأراضي الأمريكية وسلمها !!

هيك إنت صعبتها عليي،،، ...

أنا قصدت إنه لعبة جديدة ... يعني سرقة جديدة...

ما سمعت قبل هالمرة عن قصص بيتم فيها سرقة مبالغ وتحويلها لحسابات متعددة خارج حدود الدولة بدون ما يكون بإيدك أي مبلغ من المال ..

وبمجرد وصولك للمكان يالي حولت لإله المبلغ بتقدر تحصل عليه نقدي لإنه عبارة عن حوالة نقدية في حسابك... لازم تابع قناة ام بي سي 2 أو آكشن أو قناة دبي 1 .....

طيب حل آخر..

ممكن يكون سرق نفس المبلغ من الشرطي ...

Rana · #17 (**permalink**) 20/04/08

أستاذ سامر..

حسب ما حضرت بكام فيلم قبل هالمرة ...القانون لا يعاقب المجرم على نفس الجريمة مرتين...

ممكن لإنه سليم تمت محاكمته وبالفعل قضى مدة الحكم وفق قرار المحكمة والعقوبة سقطت عنه...
ما بيحق لإلهم يعاقبوه مرة تانية أو ياخدو المبلغ منه .... وقام الشرطي رجعو لإله...

مابعرف شكلي اخترعت قانون جديد .... بما إني لسا ماحضرت هالقضية بأي فيلم ...

رح أفكر بطريقة أكثر عقلانية .. الله يسامحك يا سليم .. كنت ضليت ساكت وما خبرت حدا...

سامر خالد منى · #18 (**permalink**) 21/04/08

أعتقد هذا القانون في إنجلترا

على كل اصبروا قليلاً !!

فاروق ابن البحر · #19 (**permalink**) 21/04/08

انا من ناحيتي ناطر الحل بدون ما فكر لانو خلقة ماني قدران شغل مخي بسبب ازمة المازوت

سامر خالد منى · #20 (**permalink**) 21/04/08

فاروق من دون أزمة مازوت

هذه المسألة حلها عالكهرباء

بس

تذكرت الكهرباء عندك مقطوعة

ترقب الحل عن قريبٍ جداً !!

أدوات الموضوع	البحث في الموضوع
عرض نسخة للطبع إرسال هذه الصفحة إلى بريد إلكتروني	البحث في الموضوع: بحث متقدم
أنماط العرض
النمط الخطي الانتقال إلى النمط المختلط الانتقال إلى النمط الموضوعي

مستخدمين موجودين حالياً يشاهدون الموضوع: 1 (0 أعضاء و1 ضيوف)

اعلانات