كيف استعداد المنتخب لنهائي اسيا للشباب ؟
الحمد لله صرلنا ماشيين شهرين معسكرات متقطعة ببداية كل اسبوع بعد نهاية الدوري عنا ثلاثة ايام منعمل معسكر بحمص او الشام ورح تكون المهمة تجميع اللاعبين والتجانس واقامة لقاء ودي مع احد اندية المحافظة في الدرجة الاولى
في لمسات فنية مندخلها للفريق ومنوقف على تطور اللاعبين من خلال الدوري ومراقبة مستواهم مين عما يشارك بالرجال و بالشباب ريثما ينتهي الدوري (15-5-2008) ممكن تكون في مباريات مؤجلة بتوقف الدوري نحن مارح نوقف على هذا الشيئ
ورح نبلش بالجد و المعسكرات الطويلة قد بتطول خمسة ايام في الاسبوع مع مراعات بعض طلاب الجامعة و المدارس ( طلاب بكالوريا ) ولكن ماشين بالخطة المبرمجة وجيدة وعنا مباراة ودية رح تكون اول مباراتين ودية مع منتخب تونس يوم ( 19-5-2008) بعدها عنا بايران مباراتين
ولسه مااتفقنا على مباراة العودة من تونس و ايران و مباراتنا الخارجية ستكون جيدة نتامل اقامة مباريات استعدادية مع منتخبات متطورة اكثر كورية - يابان - الصين منتخبات شرق اسيا بشكل عام رح نحاول المشاركة بدورة تشرين باللاذقية او بدورة الصحفيين رح نحاول نلعب اي مبارات ودية نستفيد منها
وخاصة اذا بتكون مستواها اعلى من مستوى المنتخب حتى نستفيد اكثر
الشغل الجدي للمنتخب رح يبلش ( 15-5-2008) تحديدا وهذا موعد انتهاء الدوري
سمعنا اخر اخبار المنتخب وهو انه يمكن ان تستدعي لاعبين من خارج سورية الا يمكن بعد هذا الاستدعاء حرمان بعض اللاعبين من داخل سورية ؟
سننتظر اذا كان مستوى اللاعب من خارج سورية نفس مستوى الذي عنا مارح ينضم للمنتخب اما اذا كان لاعب على مستوى عالي و يملك حس وطني فاهلا وسهلا فيه اما اذا انه يريد اللعب ضمن المنتخب لمجر اللعب فقط و الشهرة ومستواه مثل مستوى اللاعبين يلي عنا فلا مكان له بيننا
شو صحة الكلام الذي اشيع مؤخرا بموجود مدرب اجنبي سيكون مشرف على منتخب الناشئين و الشباب ؟
في متل هيك كلام بس انا مابقبل اي شخص يدخل معي
كابتن محمد هل سوف تستدعي لاعبين اخرين او انك اكتفيت بهذا القدر من اللاعبين ؟
لا هؤلاء اللاعبين فقط ونحن انتقينا و استدعينا الافضل وكلما عم نجيب لاعب عما نلاحظ انو عنا احسن فهذه التشكيلة النهائية وهم الافضل
شكرا الك كابتن محمد جمعة و بالتوفيق للمنتخب الشباب
شكرا الك و لموقع نادي حطين
22/04/08, 12 :41 12:41:18 AM
النمط الخطي
