كرنفالات حطين

[usamafares]

يمكن الموضوع ينحط بمنتدى الذكريات,بس أنا كتبت الموضوع هون لأنو ما بدي ياه يكون ذكرى و بس...بدنا نرجع أيام زمان وقت كانت سوريا كلها تنتظر شو رح يعمل جمهور حطين بالملعب..و بعدها كل الأندية صارت تقلدنا..كانت اللادقية كلها مزينة بأعلام و شعارات حطين..و طبعا تشرين كمان بس اليوم!!!!!!
الجمهور واجهة النادي...و هو يللي بيوقف ورا الفريق مو حدا تاني...
يعني باسمع عن رابطة جمهور الاتحاد و الكرامة و..و..بس ما عم اسمع عن رابطة جمهور حطين يللي لازم تكون مسؤولة عن التشجيع الجميل و النظيف و منع البعض من توجيه الشتائم للحكام و الفرق الأخرى لأنها ما بتجيب غير و جع الراس و العقوبات..
مرة أحد المعلقين السوريين قال:جمهور حطين أوروبي ..و الله شي بيزعل
حطين يا روح

[GUEVARA]

عفوا منك اخوي
بس كل الاندية السورية بتعرف مين هية رابطة مشجعين نادي حطين
بعدين لازم تكون الرابطة في مين يساعدها ويعطيها فلوس كرمال تشتغل
اما تشتغل على حسايها الخاص ومن جيبة المخلصين للنادي
بعدين كيف الرابطة بدها تشتغل وفي مصاري جوات ادارتنا المصونة من لعبة تشرين

[usamafares]

يا أخوي أنا ما قصدي قلل من قيمة الرابطة...بس ما عم نشوفلها دور فعال؟و الدليل ما حصل في مباراة الفتوة..و فيما يخص المساعدات و التمويل فأنا اتفق معك 100% و بخصوص الإدارة...خلينا ساكتين..
كان قصدي من المقال إنو لازم نرجع التشجيع لأيام زمان..لا أكتر و لا أقل

[GUEVARA]

لك اخوي كلشي عملتو الرابطة بداية الدوري ما عجبك
بعدين انت عم تحكي على لعبة الفتوة
اخوي جمهورنا كان مشحون من لعبة الذهاب انت لورح دير الزور كنت شفت بعينك
يعني بالنهاية الرابطة مافينها تمنع شغب الجمهور

[ابو البحر]

كان يا مكان
هيدي حكاية قديمة وقت يلي بيكون شخص كبير بيوجه الشباب والاطفال الكل بيتجاوب معو بأحترام
من كام يوم كنت عند ابو صطيف دكر وقلي كنا وقت نحكي الكلمة مع اي شخص ما نعيدها وكانو يقولو امرك كان في احترام متبادل بس هلئ حاول توقف بوجه ولد صغير عم يضرب حجرة على ارض الملعب او عم يسب وشوف شو رح يجاوبك يمكن تكون المسبة او الحجرة من نصيبك
انت عم تحكي على ايام الخوالي
اخوي كانت فكرة تأسيس الرابطة بتجمع حاليا اعضاء شخصيتها قوية وقادرة تضبط الجمهور والكل بيشهد على هالشي بس للاسف الاخطاء والامور التي مرت على الرابطة خلت الاعضاء يكرهو شي اسمو رابطة واغلبهم اعتزل وفضل الجلوس على المدرجات بس بقلك انو هالسنة كانت اجمل سنة بتمر على رابطة النادي لانو كان فيها شي كتير حلو ومميز وجديد بس للاسف
كل شي ضاع

[ليفربول22]

أرسل أصلا بواسطة usamafares

يا أخوي أنا ما قصدي قلل من قيمة الرابطة...بس ما عم نشوفلها دور فعال؟و الدليل ما حصل في مباراة الفتوة..و فيما يخص المساعدات و التمويل فأنا اتفق معك 100% و بخصوص الإدارة...خلينا ساكتين..
كان قصدي من المقال إنو لازم نرجع التشجيع لأيام زمان..لا أكتر و لا أقل

اخوي من الصعب انك تشتغل رابطة وحفظ نظام بنفس الوقت وهاد الشعل بدوا نفس طويل
ودعم معنوي ومادي بس للاسف هاده ما متوفر اذا الشخص يلي دافع من جيبتوا للعبة تشرين
ما اخد حقوا من المال الذي دفعه وطلب منه ان يروح يلم المال من المحبين والمتبرعين يعني بالاخير
بدوا يشحد مالوا يلي دافعوا من الناس وكيف الواحد بدوا يشتغل

[الامير totti]

هناك الكثير والكثير والكثير ..نتمنى ان يعود القه في نادي حطين ...!!!

[mimoo]

بصراحة اغلب الجمهور ابتعد عن متابعة المباريات بالملعب من وقت تراجعت النتائج
لانو مو هاد ملعب اللادقية قبل خمس او ست سنين لما كان منظر الجمهور بيخوف كل الناس
ما عاد نزلت ع الملعب متل اول والسبب هو النتائج التغيرة
اول كل موسم بتلاقي جمهور بس بعد اربع او خمس مباريات بيروح الجمهوور

[حطيني وبس]

والله اللي بينكر انو هالسنة الرابطة الحطينية ما اشتغلت بكون غلطان اول الدوري وقت كان عنا امل بالدوري تذكروا شو سوت
والله احلى جمهور بالعالم
حطيني وبس

[abu marwan]

سبب ابتعاد الرابطة هو المال ممكن تشتغل مباراة او اتنين بحسابها الخاص بس ما معقولة تشتغل بالدوري كلو .. من دون مساعدة من اي شخص بالادارة

[عاشق الحوت المغترب]

الجمهور السوري بشكل عام جمهور نتائج
بس اخوي جمهورنا عم يكون اوروبي بدايه الدوري بس النتائج هي اللي عم تعطي المفعول السلبي

[صلاح الدين شاويش]

جمهورنا جمهور نتائج وليس جمهور دائم

[فاروق ابن البحر]

المشكلة الرئيسية انو ادارة النادي ما عم تدعم الرابطة
اما الرابطة والله كانت اكتر من رائعة هي السنة بس للاسف الشباب وقت ما لقوا تعاون من ادارة النادي ملوا و طفشوا

[ابو علي]

النتائج السبب

الكرنفالات بتصير مع المنافسة والنتائج القوية

وما بحاجة لدعم الادارة

[سامر خالد منى]

لا بد من وجود فريق قوي مزاحم على البطولات ،
وإدارة واعية تمد الكرنفال ورابطة المشجعين بالمال ،
واتحاد كرة لا يعاقب فريقاً ويدلل فريقاً
ودورياً نزيهاً !!