اعتزلناك يا منتخب

مهند شاويش · #1 (**permalink**) 09/09/06, 05 :29 05:29:07 PM

وبيسألونا ليش منحط اعلام البرازيل وايطاليا وانكلترا على البلاكين
لأ وبخونونا كمان ببعض الأحيان
منتخب الوطن يا حسرة ما في داعي علق بشي
بس اللي لازم قولوا وبكل صراحة المشكلة يا شباب هون مانها بقا مشكلة لاعبين ولا مدرب ولا جمهور
المشكلة هية بعقلية من يحكم الرياضة السورية بشكل عام وبالنظام الرياضي للبلد
كل انجازاتنا الرياضية طفرات او مجهود شخصي مادي وتدريبي
فاشلين كمنتخب بكل شي الله خلقوا ألعاب
ما حدا بينكر انجازات الاندية ببعض الأحيان بس انجاز الوطن ما بيساويه انجاز
لسا بيحكوا عن الحماس وحب الوطن والتضحية وكانو باقي النتخبات بتلعب بلا انتماء وبلا حب للوطن
حاجة مزايدات والكل لازم يتحمل المسؤولية ونقول كلمة الحق لو على قطع رقابنا
الرياضة السورية بهيك وضع من سيء لأسوأ والسبب العقلية اللي عم الرياضة بهالبلد وما وراء هذه العقلية من فساد
على فكرة انا بتمنى منتخب الناشئين يتأهل لكأس العالمبس اذا ما تأهلنا طبيعي وعادي هيدا واقعنا واذا تأهلنا برجع بقول طفرة سرعان ما تنطفئ

abu kamal · #2 (**permalink**) 09/09/06, 05 :44 05:44:55 PM

ياعين أبو مروان الحبيب عائد بقوة ولله

nedved juve11 · #3 (**permalink**) 09/09/06, 05 :45 05:45:12 PM

إيه والله معك حق ... مو حرام نتابع ونشجع هيك منتخب .... (مسخرة )
والله لو كان منتخب الناشئين اللي مشارك بكأس أسيا عم يلعب مع إيران لسوى نتيجة إيجابية ولعب بشكل أحسن بكتير من هالمنتخب ...
شو بدنا نحكي عن طيبنا منشجع الفرق والمنتخبات الأوروبية ...
تعازي الحارة على منتخبنا وعلى إتحاد كرة القدم

hutteen my love · #4 (**permalink**) 09/09/06, 05 :46 05:46:25 PM

أنا معتزلوا من زمان

أحلى مهند

الامير totti · #5 (**permalink**) 10/09/06, 07 :27 07:27:29 AM

وانا كمان من زماااان معتزل هالمنتخب ....

Bayren · #6 (**permalink**) 10/09/06, 10 :34 10:34:23 AM

يا سيدي شو بدو يحكي الواحد طلع على لسانا شعر نحنا و عم نحكي
شو بدنا نقول على هل المنتخب و الله آه و 1000 آه

juventini · #7 (**permalink**) 10/09/06, 11 :33 11:33:41 AM

أحلى هنودة.. اشتقنالك يا غالي.. كلامك صحيح و لسا بيقولوا ليش كل واحد عم يشجع فرق و منتخبات أجنبية.. أنا متلك رح قول: "اعتزلناك يا منتخب.."

SAHED · #8 (**permalink**) 10/09/06, 04 :18 04:18:57 PM

الفالج لا تعالج خلص هاد المرض عضال صعب نعالجو

ابوروما · #9 (**permalink**) 10/09/06, 04 :44 04:44:02 PM

اي والله معكون حق

على فكرة هاد المنتخب هو ثلاث أرباع منتخب الشباب اللي ربح عإيطاليا وتعادل مع كندا وخسر بألف زور وبالغش مع البرازيل منتخب الكابتن كيفورك بس للأسف فرفطوه
في حدا من داخل القيادة الرياضية ما بيريد اللعبة تطور لأسباب شخصية لا أعرف عنها شيء ولا أعرف هؤلاء الأشخاص

وللآسف ما ريحة غير علينا نحن الجمهور بيفورولنا دمنا عالفاضي
ولسا بيقولولك ليش كترانة الجلطات
شوب ورطوبة وقطع كهربا ...وووووو...وووو..وووو..وو.وكمان منتخب ظراطة اي والله الله ما قالا

نوار مالك مجبور · #10 (**permalink**) 11/09/06, 01 :26 01:26:26 AM

حشاة الله بخجل شوف مباراة منتخبنا لك كنت بالشام وما حضرتها والله

يا عمي المانيا اشرفلي من منتخب الواسطات

اما الشباب ما خرب والله يستر ما يخربوه

ابو النور

SALAHDIN · #11 (**permalink**) 11/09/06, 12 :22 12:22:13 PM

لك أأأأأأأأأأأأأخ

يعني والله أغلب العالم ( و أنا منون ) بيتحمسوا وقت بيشوفوا منتخبات عالمية عم تلعب أكتر من حماسون لما بيشوفوا منتخب أحمد الجبان عم يلعب ,,,,,,,,,,,,,,

يعني حرام والله حرام , مشاعر الشعب السوري يتحكم فيها واحد متل أحمد الجبان ولا أصدقائه وصدقوني مين ما إجا على هالمنصب ما رح يكون أحسن من الجبان لا المنظر مروان عرفات ولا البوظو ولا حدا

خلص عوجااااااااااااااااا

Saeedoo · #12 (**permalink**) 11/09/06, 04 :37 04:37:12 PM

شكرا مهند عالموضوع والحمد لله عسلامتك

صح كلنا منقول اعتزلناك يا منتخب وما بقى نحضرك يامنتخب

بس والله مالنا قلب ..نعرف منتخبنا عميلعب وما نشوفو ونوقف معو ..لو بس بقلبنا

يا أخي هاد عميحمل أسم سورية ...سورية ...ومين بيقارن أي أسم تاني أو بلد تاني بسورية

والله ما من قلوبكم ...وبذكركم مباراة سورية الجاية كلنا رح نرجع ونقول معك ياسورية ..معك ياوطن

Saeedoo · #13 (**permalink**) 11/09/06, 04 :38 04:38:24 PM

اقتباس:

أرسل أصلا بواسطة nedved juve11

إيه والله معك حق ... مو حرام نتابع ونشجع هيك منتخب .... (مسخرة )
والله لو كان منتخب الناشئين اللي مشارك بكأس أسيا عم يلعب مع إيران لسوى نتيجة إيجابية ولعب بشكل أحسن بكتير من هالمنتخب ...
شو بدنا نحكي عن طيبنا منشجع الفرق والمنتخبات الأوروبية ...
تعازي الحارة على منتخبنا وعلى إتحاد كرة القدم

إذا ما كنت غلطان فأنت فراس ..؟؟

صديقنا القديم بكووورة ...صح

على كل أهلا وسهلا ومرحبا ..إن كنت فراس أو غيرو

باتيستوتا · #14 (**permalink**) 11/09/06, 06 :51 06:51:49 PM

خليها بالئلب تجرح ولا تطلع بره وتفضح(عوجا)

مهند شاويش · #15 (**permalink**) 20/09/06, 09 :18 09:18:48 PM

مظبوط سعيد هيدا فراس بس هوة بالجيش هلأ ورح يرجع بقوة مع بداية الدوري

ذئب روما · #16 (**permalink**) 21/09/06, 03 :22 03:22:51 AM

ااااااااااااااااااااااخ بلاش نحكي طول مافي عالم بدور عالمصاري مافي منتخب لأنن مابهمن المنتخب على قد المصاري اللي بتوصللهم وبقولو ما في دعم ....

خليهم يجيبولي اللاعبين الكبار بالسن والمدعومين وناسيين اللاعبين اللي بغيرو على وطنهم اااااااااااااه ..متل ما قلتو خلوها بالقلب تجرح وبلا ما تطلع وتفضح وخلينا بالانديه والله اشرف يا شباااب .....وبالمناسبه منبارك للكرامه تأهلو لنص نهائي والله يديم الانتصارات

ذئب روما · #17 (**permalink**) 21/09/06, 03 :24 03:24:52 AM

المهم الفرق رح تبقى تنافس والله يحمي سوريا كرماوي يغير على بلده ومستقبلها الكروي

أدوات الموضوع	البحث في الموضوع
عرض نسخة للطبع إرسال هذه الصفحة إلى بريد إلكتروني	البحث في الموضوع: بحث متقدم
أنماط العرض
النمط الخطي الانتقال إلى النمط المختلط الانتقال إلى النمط الموضوعي

مستخدمين موجودين حالياً يشاهدون الموضوع: 1 (0 أعضاء و1 ضيوف)

اعلانات