معسكر الحـــــــــــــــــــــــــــــــــوت " اليوم الرابع "

[abu kamal]

تمرن اليوم الحوت تمرين خفيف صباحاً وفي فترة المساء التقي احتياطي الفريق مع فريق النضال بمباراة ودية انتهت بالتعادل 1/1 تقدمن خلالها الحوت من الشوط الأول إلى أخر 5 دقائق حيث عادلنا النضال لتنتهي المباراة بهدف لهدف سجل للحوت مروان سيدة وأشرك المدرب بالمباراة ال13 لاعب الاحتياط عدا علاء أرناؤوط لأنه مصاب بالأنفلونزة كما أشرك المدرب الحارسان شفان كدو والحارس مصطفى السيد أحمد

بقي أن أذكر أن مباراة الحوت المقبلة غداً كما أعلمناكم سلفاً مع الشرطة في ملعب نادي الفيحاء في تمام الساعة الخامسة مساءاً

[BaTiGoAl]

الله يعطيك العافية ابو كمال بس كانو النتيحة ما كويسة ؟ 1-1 ليش هيك؟

[Saeedoo]

شكرا أبو كمال عالنقل والمتابعة

بس ياريت نشوف بعض المباريات القوية بالمعسكر

مع احترامي لكل الفرق

[saniya66]

الله يعطيك العافية أبو كمال الغالي وبتوفيق للجميع

[hutteen love story]

خير ان شاء الله

[موج البحر]

والله عيب اللي عم بيصير معقول ولا فريق عليه القيمة رضي يلعب معنا ---كل هاد صار نتيجة الفوضى والتخبط وسوء الاختيار للمعسكر ---يعني لو بقيوا باللاذقية بشاطيء النخيل أو وادي قنديل واستضافوا فرق درجة أولى عالأقل مو كان أشرف وأحسن ولا شو رأيكم؟؟؟؟؟؟؟؟؟؟؟؟؟؟؟؟؟؟

[fadoooooo]

يسلموااااااااا

[nawwar]

انا مع موج البحر لازم الفريق يلعب مع فرق قوية مشان ما نتفاجئ بالدوري لا سمح الله
وانشا الله خير

[Kh@led]

أرسل أصلا بواسطة موج البحر

والله عيب اللي عم بيصير معقول ولا فريق عليه القيمة رضي يلعب معنا ---كل هاد صار نتيجة الفوضى والتخبط وسوء الاختيار للمعسكر ---يعني لو بقيوا باللاذقية بشاطيء النخيل أو وادي قنديل واستضافوا فرق درجة أولى عالأقل مو كان أشرف وأحسن ولا شو رأيكم؟؟؟؟؟؟؟؟؟؟؟؟؟؟؟؟؟؟

يا سيدي لو انك فهمان ... لكنت ما قلت هل الحكي ... لانو لو رجعوا على اللادقية...
فالشميتة ..منك و انت وماشي ما رح يرحمون .. فلهيك المعسكر لو بالحفة او اي محل احسن
من اي معسكر باللادقية .. و موضوع الفرق القوية .. الادارة حاولت .مع الوحدة و الجيش
بس ما مشي الحال ..

[الامير totti]

بالتوفيق للحوت ان شاء الله ...حتى لو لعب مع ابو حردوب ...المهم نطلع بشي من اللعب هيدي

[باتيستوتا]

والله يا موج البحر شكلك جايه تبيع المي بحارة السئايين بصراحه كل ما بشوف اسمك بالمنتدى بصير بدي حبتين وجع راس وبعض الاحيان العلبه كلها اعتقنا يا اخي بعدين غيرلي عبارة عيب والله عيب شو ما حافظ غيرها

[goldenfh]

احلى ابو كمال يكتر خيرك على الاخبار الجديده بس دير بالك على صحتك

[juventini]

أرسل أصلا بواسطة توتي حطين

حتى لو لعب مع ابو حردوب

هههههههههه حلوة.. بس نسيت "خربة الجوزة" و "عشك يا بلبل"

و يسلموا ايديك أبو كمال عالمتابعة و الله يقويك يا رب..

[fadoooooo]

الله يوفق شفان

[abu kamal]

أبشر فرسو لعيناك

[Bayren]

و الله المهم الفائدة و النتائج الإيجابية

بعدين من المعروف في عالم كرة القدم انو اللعب التحضرية ما ضروري ابد تكون مع فرق قوية
لأنو الغاية منا التحضير النفسي و البدني(البدني الخاص بداخل الملعب) و كسر الرهبة عند اللعبين الجدد و التأقلم بين اللاعبين المنضمين للفريق مع اللاعبين القدامى
حتى عالميا بتلاقي الفرق الاوربية القوية بتلعب مع فرق أوربية من الدرجة الثانية أو من دوريات ضعيفة

يعني لو كان المعسكر بأوربا و ما كان في فائدة شو استفدنا المهم الفائدة و يا رب يتوفق حطين

[Rammstein]

كلامك منطقي ..ابو صطيف .. بس ع القليله نلعب لعبه قويه .. مشان يعرف المدرب نقط الضعف بالفريق ويحاول يغطيها قبل الدوري ما يبدا 36_1_11[1

[الآغا]

بالتوفيق للفريق ... بس الي تعقيب على الأخ موج البحر هل انت ناااااااااااااااقد حطيني ؟؟؟

[ale1981]

شكرا ع اخبار اول باول

[Bayren]

أرسل أصلا بواسطة الآغا

بالتوفيق للفريق ... بس الي تعقيب على الأخ موج البحر هل انت ناااااااااااااااقد حطيني ؟؟؟

نحنا كلنا اكيد مع النقد بس النقد يلي هدفة النادي و الفريق ما النقد يلي هدفو ؟؟؟؟؟

بقى ما في مشكلة اخ آغا المهم الشخص يكون منطقي بطرحو
بالنسبة لأخ موج البحر فهو حر بأرائة
بس يا ريت ياخد بعين الاعتبار الطريقة يلي عم ينقل ارائة فيا

وشكرا