صدمتنا يا كرامه

[SAHED]

انتهت مباراة الكرامه والاتحاد السعودي بفوز الإتحاد بهدفين مقابل لا شيء بعد مستوى لم نكن نتوقعه من فريق الكرامه والباقي خليه بدون تعليق احسسسسسسسسسسسن
لأنو الظاهر رجعت حليمه لعادتها الئديمه كل ما يطلع فريق وبدو يعلى لفوق بكون في عالم عمتشتغل من تحت لتحت

[الآغا]

كلامك صحيح بس الفريق السعودي فريق اوروبي ومتجانس و قوي وعم يلعب بين جمهورو وشكرا للاحتراف يلي طعمى الكرامة الجول الاول الكرامة كان متواضع أداءاً ونتيجة بس مع هيك انا متفائل السبوع القادم بحمص ويا ريت نحن كاعضاء رابطة المنتدى نساهم باي شي من شان هالمبارة

[الامير totti]

لا يا شباب ..الاتحاد السعودي مو فريق سهل .وشفتو الاسماء اللي عم تلعب معه ..يعني فارق المستوى واضح بعدين النتيجة مو كبيرة ..2 صفر نتيجة عاددية وأقل من هيك ..الاتحاد وجماهيره كانو يمنو النفس بالخمسة والستة ..وان شاء الله التعويض في ارض حمص

[Saeedoo]

ياشباب الواقع فرض نفسو ...
منحمد الله أنو انتهت على اتنين ...ماتنسو التلات لاعبين المحترفين مع الاتحاد
كل واحد منهم فريق ...


بغير هالطريقة باللعب ممكن تفلت الأمور ,,,

الحل الوحيد بحمص ان شاء الله ...مع أنو المهمة صعبة
بس بكل الأحوال الكرامة شرفنا بهالبطولة

[hutteen love story]

انا عارف الاتحاد ومتابعه من حوالي 8 سنين 0بس كان بايد الكرامه يطلع احسن من هيك لان الاتحاد ما كان بوضعه الطبيعي

[juventini]

فريق الاتحاد السعودي عندو ألقاب كتيرة و محترفيه فليفلة.. بس مع هيك صدمني المستوى اللي ظهر عليه الكرامة.. كان في شي غير طبيعي عم يصير..

[باتيستوتا]

النتيجه بهدفين مقابل لا شيء واقعيه ومنطقيه مع فريق صاحب القاب عربيه واسيويه ويضم نخبه من اللاعبين المحترفين ويلعب بارضه و بين جماهيره وكنت اود لو استطاع فريق الكرامه تسجيل هدف لكي تسهل عليه المهمه في حمص وليس بالامكان افضل مما كان مع تمنياتنا بالتوفيق لفريق الكرامه في مباراة الرد":"016

[الامير totti]

والله كلامكن زينة العقل ..يعني شفنا محترفين الاتحاد عنجد بيخوفو ..

[Bayren]

ما في مجال للمقارنة بين الاتحاد السعودي و الكرامة السوري


الاتحاد خايض عالم الاحتراف من زمان بسمهم الاحتكاك و الفائدة

اليوم خسرنا اتنين

بكرنا بنخسر واحد و بعدين منتعادل و بعدين منفوز و ان شاء الله خير

سلام

[SAHED]

والله الكل كلامو صح ونحنا ما منلوم فريق الكرامه منلوم المسؤولين عن الرياضه يلي انا واثق ما عطوهم تشجيع قبل هيك مباريات ولا وعود بمكافئات عاليه بس لو انو غير فريق بلا ذكر اسامي يعني عرفتو شلون يعني مو فريق واسطات عرفتو شلون كان قامت الدنيا وما قعدت كرمالو

[SALEM]

يا عيني عليك يا أبو أصطيف يا عقل نحنا ما قلنا بالقصر الا مبارح العصر شو ما عمل الكرامة فهو جيد لانو المقارنة صعبة بين الفريقين الكرامة جديد على هيك اجواء و معو معو بيتعود و بالتوفيق للكرامة

[BaTiGoAl]

والله كلامكن مظبوط بس يعني سؤال للكل ليش نحنا دائما منحط ببالنا انو الخسارة ما في طريق تاني اذا الخصم صعب الله يعطيهن العافية للشباب بس فيه حدى قال بافعل ما كان فيه همة ولا تشجيع للفريق من المسؤولين عن الرياضة يا ريت تتصلح الامور بحمص وانا ما تفاجئت بالنتيجة متل ما قلتو الاتحاد كبير لكن الكرامة عودنا عالمفاجئات الكبيرة وما كانت بعيدة عنو ابدا بس انشالله الله كريم

[fadoooooo]

شو هالخطة و الله ايطاليو ما لعبت هيك بهالدفاع العقيم و الله ما توقعت هيك؟

[amino]

000

[أحمدعيد]

شباب الحقيقة كلياتنا اتفاجأنا
مو بالنتيجة لانو النتيجة منطقية قياسا للفريفين ولعامل الرض والجمهور والرطوبة العالية
بس المفاجأة كانت بالمستوى الهزيل اللي قدمو ا فريقنا
وانا بصراحة كنت متوقع الخسارة بس مو بهالطريقة
يعني الكادر الاداري بيتحمل جزء كبير من المسؤولية ابتداء من الاستغناء عن اللاعبين و عدم جلب البديل
نهاية بطريقة الدفاعية اللي لعبنا فيها واللي عمرنا ما كنا منعرف نطبقها
وان شاء الله الصورة بتتحسن بالاياب ع القليلة نحفظ ماء وجهنا
والسلام

[ذئب روما]

والله يا شباب لا تظلمو الكرامه لأن الفريق الاتحادي بأرضو ومعاه كافه المحترفين من أجانب ومستواه على مستوى أوربي وأقول لكم دائما انو الكرامه كانت تتوقع الخساره ولكن تحاول أن تخرج من المباراة بأقل ما يمكن من الأهداف ومع هذا فان الكرامه ستحاول جاهدة في حمص أن تطعم الاتحاد بأكثر من هدف وسترون أن الكرامه سيبذل طاقته وأكثر لأنه عرف النقاط التي لعب بها الاتحاد السعودي وسيكون الفرح مضاعفا في رد النتيجه ولاننسى عندما كان الكرامه خاسر بالذهاب أمام الغرافه القطري وبالاياب فاز وتصدر المجموعه ومع هذا فان الاتحاد السعودي خائف من ملاقاة الكرامه على أرضه ونرجو التوفيق للنسر الأزرق وللزعيم السوري في مباراته القويه...امام اتحاد جده السعودي....الدعاء للكرامه والنصر لسوريه والشكر لكم وللمنتدى الحطيني الرائع وشكرا لك ايها الصديق (الأغا )و (لتوتي حطين) وللمشرفين وللأعضاء...انا ذئب روما المخلص للذئاب (روما الايطالي)