&& مقهـــــــى بطولة امم اروبـــــ 2008 ــــــــا && - الصفحة 3 - نادي حطين السوري

حسن مكيس · #41 (**permalink**) 08/06/08

والله يا اب كرم انا شفت جول لاعب الريال الاول تبع البرتغال شو كان اسمو يمكن انت بتعرفو
هع
المهم كانت لعبة البرتغال وتركيا احلى بكتير اسرع وفيها جمل اكتر ويمكن اخطاء اكتر من الطرفين بس انا كمان غفيت بالشوط التاني قبل ما يجي الجول التاني وسحبتها لل 8 صباحا ً
يالله ولا يهمك اليوم الاول كان تجريبي بالمقهى بكرا بس تسمع الشباب فيه بتهل عليه وما بيلحق الصبي الهندي الي عندك تقديم مشاريب للزباين..
هع وصلحو

الحوت المهاجر · #42 (**permalink**) 08/06/08

هادا البرتغالي الي بيعلب بنادي مدري اسباني مدري ريالي مدري مدريد

يمكن اسمو بيب توت تيت ذكرتني ب بيب بيب

نستني ئلك يسعدلي صباحك حبيب ئلبنا

احلى اب خالد

شكلنا مشتركين بعادة النوم من دون ميعاد

هيك فجأة بتجي الغفوة العجيبة والنومة الاحلى من دون تحضير وتحت المكيف وبتلج بس نايم

ومبسوط

الحوت المهاجر · #43 (**permalink**) 08/06/08

يا فتاح يا عليم يا رزاق يا كريم

اول زبون وافتتاحية مباركة

برنغ ون تي لعمك اب خالد يا صديق

حسن مكيس · #44 (**permalink**) 08/06/08

يسعدلي صباحك يا غالي انا لما كتبتلكالرد كنت لسا ما فتت
والله متل ما قلتلك هيدا الي صار
لك صحي في ضربة جزاء لتركيا ما حسبها الحكم ولا عطاه صفرة للاعب التركي لانو عما يمثل
تعا اعربلي اياها يرحم امواتك انا روكبت
بس بشكل عام التحكيم ما كان عالمستوى حتى بالافتتاحية في شغلات كتير مرت بس يمكن ما كانت مؤثرة كتير او مرت من تحت ايدي وانا ونعسان
هع
بس الله اعلم انو التحكيم رح يكون علامة استفهام كبيرة
بتعرفنا حطينية وما بايدنا منعشق نظرية المؤامرة ومنعملها اسقاط دائما ...

حسن مكيس · #45 (**permalink**) 08/06/08

شكرا شكرا اب كرم
بس تي بلا كاري يرحم امواتك يمكن الهنود بيحطو كاري وتوابل على الشاي كمان

الحوت المهاجر · #46 (**permalink**) 08/06/08

هلا ابو خالد الغالي

ضربة الجزاء اكيد الي كانت على نيهات مو هيك

هي بصراحة بالاعادة البطيئة ومن كام زاوية اللاعب البرتغالي سيماو سابروزا وصل للكرة الاول

واللاعب التركي رمى نفسو بطريقة تمثيلة واضحة ما مشيت على الحكم عازف البيانو

اكيد رح يكون في اخطاء بالبداية ورح يعملو تصفية للحكام شوي شوي

بس سمعتلك عن هالكرة الجديدة انو سريعة يبو

لهيك ما رح احضر ولا مباراة بالملعب منخاف تجينا شي كرة طائشة

بعدين نظرية المؤامرة بكرة منعمل جزء جديد منها للمنتخب الايطالي وتبرير الفشل ( لا سمح الله )

حسن مكيس · #47 (**permalink**) 08/06/08

اب كرم انت يمكن اتطلعت على رجلاللاعباليمين وكان لازم تنتبه على رجل اللاعب اليسرى لانو الخطأ صار برجلو الشمال وكانت ورا رجل اللاعب التركي واللي اسمو نهاد يمكن هيك تعريبو للاسم
هع
منشان الطابة كل مالون بيخففوها وبيزيدو الارتداد تبعها بكرا بتشوف الحراس بعد كام بطولة معهم الشبكة تعيت صيد الفراشات الي بيحطوها بافلام كرتون
اما عن نظرية المؤامرة وايطاليا ليش مرتبط الموضوع ببعضو هون عنا بسورية وكل ما الحكم غلط او جامل فريق بيقلولو مشجعي الفريق التاني ايطاليا ايطاليا
بقا لا تشتغلنا بالازرق يبوووو

الحوت المهاجر · #48 (**permalink**) 08/06/08

والله ابو خالد

ما انتبهت على رجله اليسار للاخ نهاد بس اكيد البرتغالي وصل للطابة وشاطها من دون احتكاك قوي معه وبظن هادا السبب انو ما احتسبت

لان وصل للكرة وهادا المقياس

اما حبايبي الطليان دخيل الي خلقهم دائما بياخدو تعطاف العالم لان طيبين وبسيطين وولاد حلال

هع انسانية

حسن مكيس · #49 (**permalink**) 08/06/08

هههههههههههههههههههههههه
ايطااااالياااا ايطاااااالياااااا ايطاااااليااااا

YOUSEF..MS · #50 (**permalink**) 08/06/08

نييييهاااااااااااااااااااو

الحوت المهاجر · #51 (**permalink**) 08/06/08

هلا اب مروان

واحلى ايطالي اب خالد

الحوت المهاجر · #52 (**permalink**) 09/06/08

رح نقفل اليوم الشباب نعسانين

حسن مكيس · #53 (**permalink**) 09/06/08

اي يبو صباح الورد والفل والياسمين
شو الاخبار اب كرم شكلنا رح نسكر القهوة ما في زباين مداومين الا انا وانت والهندي تبع المشاريب ..
كيفك شو علومك
انا امبارح قرفت الطابة بعد مباراة المنتخب ولا تسالني ليش
هع

الحوت المهاجر · #54 (**permalink**) 09/06/08

هلا اب خالد الغالي ويسعدلي صباحك يلغالي

الاخبار بخير والصحة وبخير والحمدلله

شكلنا لازم نعمل حملة اعلانية للكفي تبعنا

عروض مغرية ( بالاسعار تبعا ) وللازم نغير هالهندي يخرب بيتو على الشاهي ( الشاي ) تبعو

معك حق شي مقرف مبارح واخطاء ساذجة من ابو شاكر وجررررررر

حسن مكيس · #55 (**permalink**) 09/06/08

هلا بيك يا غالي
طيب هات لنحلقلو برم للهندي تبعك ونوقع عقد احتراف احتكاري مدى الحياة مع القاااااق شو رايك بيضل زجرتي ومعدل يعني منو جرسون ومنو بادي جارد مع انو ما بعرف كيف ركبت معون
هع
أنا بدي أعرف شغلة وحدة بس ما يكون الحطينية هنة السبب لانو منحوسين وربهم ما كاتبلهم الفرح الرياضي واذا هيك المشكلة هات لحتى نقاطع المنتخب بركي النحس جاية من جهتنا
هع

الحوت المهاجر · #56 (**permalink**) 09/06/08

مين هادا القاق يبو ؟؟ نمرة جديدة

شكلنا رح نرجع لمقاطعته رضينا او ابينا ؟ الله يستر من الخروج شو رح يجر وراه

بعدين الحطينية نحسهم منهم وفيهم يعني دود خل تماما

شو يبو اليوم بتصحصح مية في لعبيتن ناااااااااار

منسخن على فرنسا ورومانيا ومننزل الملعب على ايطاليا وهولندا

وينك عن تحضر المباريات ؟؟ متلي وحيدا

حسن مكيس · #57 (**permalink**) 09/06/08

له له له
معقولة ما عرفتو للقااااااق
هيدا بايام شامية ( بسام كوسى ) غريمو لمحمود الفوال والي علم عليه سيفو
هع تعتيرية
اي بالله عما احضرون لحالي منطيبي عما نام
بس اليوم لازم يكون في متعة لانو المجموعة حسب الاسماء نارية
خخ

Rana · #58 (**permalink**) 09/06/08

ليش لاء ...

حلو هالمقهى ......

يعطيك العافية أب ليمار .... ويعطيك العافية عمي حسن ....

ومبارك الافتتاح مع إنه أجت متأخرة شوي ....

لنشوف التعليقات بعد لعبة هولندا وايطاليا ...

إن شاء الله الفوز حليف الّي في بالي ...

الحوت المهاجر · #59 (**permalink**) 09/06/08

احم احم احم

سكرنا اليوم يا شباب

تفضلو كل واحد على بيتو

ريحين لنام طب

الحوت المهاجر · #60 (**permalink**) 10/06/08

يا فتاح يا عليم يا رزاق يا كريم

رش المي يا ولد وشغل الغاز تحت المي

شغل الراديو وجبلي فطور

سرعة سرعة ما بدي تاخير

هع اخطبوطية

أدوات الموضوع	البحث في الموضوع
عرض نسخة للطبع إرسال هذه الصفحة إلى بريد إلكتروني	البحث في الموضوع: بحث متقدم
أنماط العرض
النمط الخطي الانتقال إلى النمط المختلط الانتقال إلى النمط الموضوعي

مستخدمين موجودين حالياً يشاهدون الموضوع: 1 (0 أعضاء و1 ضيوف)

اعلانات