اعضاء تحت دائرة الاضواء ( الامير توتي )

[الامير totti]

لعمش شو صرلو الرد طلع سنسكريتي ..!!

بعد المشاغل المسنجرية ولا قبل كان الرد ..؟
..

نعيدها مرة تانية ..

احلى ابو جعفر بمناطق الحرة و المحبوسة ..

انو بس حابب اعرف انت ليش بتكرهني و بتتهمني بالتعاون مع الاريضة ..؟

لا سبحان الله ما فيه مرة بنجيب سيرتك الا وبيهفت علي الشغل من كل حدب وصوب ... العمش يا رجل بتقول متواعدين مع طلعتك البهية ... بس بالعموم صارت سيرتك دبلوماسية بسبب ابتعادك عن الطبقة الكادحة ...

هلا ابو محمود منور المنتدى ..

[صلاح الدين شاويش]

أرسل أصلا بواسطة الامير totti

يعني فيك تقول انك شايفني ...
هع

إن شاء الله ناتقي شي يوم في الملعب ونتعرف على بعض أكتر

[ابو الليل]

السلام عليكم

أبو جعفر الحبيب كيفك

طبعاً انا كان لي شرف اللقاء بالأخ أبو جعفر مرة ومرطين وحياتكم

شخص هادئ جداً يفكر بصمت يملك أسلوب الأقناع بالدليل

انا بحب قلك أنو كل من يذهب إلى ابو كمال البطلان يتبارك بوضوء جيرانه

سؤال واحد :

متى سنذه إلى الدريكيش بمعيتك

هع

[الامير totti]

إن شاء الله ناتقي شي يوم في الملعب ونتعرف على بعض أكت

اخوي صلاح ضروري يكون التعرف بالملعب ...لان يمكن اعتزلنا الغرام نحنا .... بقا بنشوفك على شي طاولة مع اي نوع تحدي بتحبو ..نحنا جاهزين ...النا الشرف اخوي ..

[الامير totti]

السلام عليكم

أبو جعفر الحبيب كيفك

عليكم السلام ورحمة الله وبركاته ..هلا ابو الليل العزيز ..الحمد لله بخير انت كيفك ان شاء الله بخير .

طبعاً انا كان لي شرف اللقاء بالأخ أبو جعفر مرة ومرتين وحياتكم

شخص هادئ جداً يفكر بصمت يملك أسلوب الأقناع بالدليل

انا بحب قلك أنو كل من يذهب إلى ابو كمال البطلان يتبارك بوضوء جيرانه

من زوقك اخوي وانتو صدق ناس ولا اطيب من هيك شفت ...

بالنسبة لجيران ابو كمال ..الله يكون بالعون ..بس هيك زعلتوني يعني كنتو تعرفو وخليتوني روح ..الله يسامحكن بس ..

سؤال واحد :

متى سنذهب إلى الدريكيش بمعيتك

والله بس حتى انزل باول اجازة ان شاء الله فيه مشروع عم نحكي فيه ...وان شاء الله ما بتكونو غير مبسوطين ... وتشوفو بلد حلوة بطبيعتها وتنبسطو بالقعدة ... ما مطولة جاييكن

هع

[ابو الليل]

السلام عليكم

نريدك سالماً غانماً سعيداً بحياتك

وفقك الله

[الامير totti]

أرسل أصلا بواسطة ابو الليل

السلام عليكم
نريدك سالماً غانماً سعيداً بحياتك
وفقك الله

تسلم ابو الليل من زوقك اخوي ..والله يوفقنا جميعا

[حسن مكيس]

شو منشان في عالم انهملت الاسئلة تعيتها قصد
هع تذكيرية

[ابو البحر]

اخوي ابو جعفر الغالي
كان لي الشرف بمقابلتك بالصدفة بمباراة لحطين لا اذكر مع من
انت عرفتني بس للاسف انا ما عرفتك وعرفتني بحالك ويومها كنت مستعجل وما قدرنا نحكي كتير
اسئلتي هي :
اعتبر نادي حطين النادي الاكثر تعرض للظلم في اندية الدوري السوري فما رأيك ؟

جيل الاهرامات وهو جيل ال 96 هل تتوقع ان يتكرر مثل هذا الفريق في نادينا الحبيب ؟

الاحظ دائما انك هادئ جدا فهل هذا الصفة تخفي او تطغى على عصبيتك التي ربما لا تتمنى ان يراها احد ؟

اعضاء خيبو ظنك ماذا تقول لهم ؟

هل تتوقع معجزة من الله ليصبح نادينا خليفة نادي الكرامة اذا اسعفتنا الظروف ؟

يتبع

[ليفربول22]

ابو جعفر الغالي انت ما بتنوصف وشو ماحكيت عنك ما بوفيك ومابدي تعبك باسئلتي
انا بطلب من رب العالمين ان يوفقك وييسر لك عملك ويدوم الصحة عليك يارب .

[الامير totti]

عدنا هع عم تشرشر لئم

ما غريبة

مين أكتر شخص بتعزو بالمنتدى ماتقلي أنا مراح صدقك

اكتر شخص ( جحا الافتراضي )

مين أكتر شخص بتكرهو بالمنتدى ماتجيب سيرة ولا واحد بالادارة والمشرفين وابوخالد مكيس

ما بكره حدا بس اذا كان اجباري السؤال ... دورت بين العالم ما طلع معي غير هشام ( ابو محمود ) لانو اصفر واحمر ..هع

لو خيروك تتعرف على شخص واحد فقط من اللي تعرفت عليون بالموقع مين بتختار وليش

ابو مروان لان ما تعرفت عليه منيح ولا قعدنا قعدات طويلة ..كلها كانت سريعة ...

ليش كل مابتحضر لعبة الطليعة معنا بنخسر

والله ما بعرف بس عنجد لازم لاقيلا حل للقصة ..لعبتين ..مرة بالكاس ومرة بالدوري ..بس بظن من النق الي بتنقوه عليّ

شو سبب تعلقك بحطين مع العلم أنو أغلبية أهالي دريكيش والشيخ بدر وتوابعها تشرينية

اول شي لان عمي حطيني وكان متعلق كتير بحطين وكنت تابع معو مباريات حطين ...وتاني شي
لاني كنت ساكن باللاذقية وكنت ادرس بجول جمال ..ورفقاتي كانو حطينية اكتر ما هني تشرينية ..ولاني كنت حب اسم عمار عوض ..واتعودت على الحوت الازرق ... بعدين مين قلك انو الاغلبية الي حكيت عنها تشرينية ..ما بدك بالاول يعرفو شو هي الطابة ..هع

شو قصة تعليقك لعلم حطين على سطوح بيتكون وشو صار

هي يا سيدي كنا اول ما طالعين على الدريكيش وقت الي كنا منتقلين من اللاذقية ..وطبعا بما اني بعدت عن جو حطين والملعب والمباريات .. فعملت علم كبير نصو ازرق ونصو ابيض وعلقتو على سطوح البيت .. وعلى مدرج البيت كنت كاتب حطين انت او لا احد ..وحطين بحبك ..بيوم من الايام اجا ابوي عالبيت وقلي تعال لاحكيلك شو صار اليوم ..قلتلو شو ..قلي اجت جهة امنية لعندي عالمكتب بيسالو لمين هالعلم الي على سطوح البيت ......... فقلن ابوي هيدا ابني بيشجع نادي من اللاذقية اسمو حطين ..والوان النادي ازرق وابيض ...... واجرينا لاني هددت اني ما بشيل العلم عن السطح لو انطبقت السما عالارض ...

ليش أنت هيك

ضربة شمس اخوي ..بزماني اكلت ضربة شمس بشهر كانون التاني ...اكلتها باصبعي ..عرفت كيف ..

حاجتك اليوم

حليق برم ونعّم

[الامير totti]

مرحبا ياغالي هلأ رح نبلش أسئلة وبدك تجاوبني عليها إن ألت أي وإن قلت لأ هع

شو هالديمقراطية هي ...

ممكن أسئلك ياها

يا رااااجل

إذا ممكن هي الأسئلة

ما قلتلك اسالني ..هع

شو رأيك فيني كعضو ؟؟

من تتبعي لاغلب الردود بالمنتدى ..ما شاء الله عليك ..ردودك حلوة بس احيانا عصبي شوي ..

كم مرة حبيت فيها ؟؟

مرتين ..

في بنت حلال عينك عليها حاليا ؟؟

ان شاء الله خير

وضعك المادي كويس حاليا انشاله للخطبة ؟؟

ما المشكلة بالماديات المشكلة بالعسكرية ...

أيمت رح تخطب انشاله ؟

اذا ضليت وراي ...شكلي رح شيل الفكرة من راسي هلا ..هع

مو قبل سنتين

منغير هالسيرة

لللييييش الحمد لله

شو الموقف يلي خلاك تتمنى تنشأ الأرض وتبلعك ؟؟

حكيت عليه ..هوي مرض ابوي وامي ..وانا بالغربة ...

معك شهادة سواقة ولما قدمت للفحص مشي حالك مع ولا بدون وفي حال بدون مشي حالك من أول مرة ؟؟

معي وبدون ..هع مو من اول مرة ..من نص مرة مشي الحال

قديش عمرك وكام ولد بدك تنرزأ بإذن الله وشو جنسون بنت ولا صبي ؟؟

27
اللي بيبعتو ربنا يا محلاه ...وبحب البنات اكتر من الصبيان ..

إذا رجعت على اللادئية ممكن نتعرف ونحضر لعبة لحطين سوا ؟؟

اكيد ان شاء الله بنتعرف عليك وعلى كل الشباب الحطينية الطيبين الي لسا ما حصلي الشرف وشفتهن .بنحضر لعبة بس مو حطين والطليعة ...

وتاني شي يمكن تقلت شوي بالأسئلة وفي بعضا مالو داعي بس الشباب ما خلو شي أسئلك عليه ماشاء الله وفي حال خطر على بالي سؤال تاني رح أرجع هع

لا عادي لا تقلت ولا شي ...اسئلتلك ولا شي قدام اسئلة بعض العالم ...

[الامير totti]

أرسل أصلا بواسطة حسن مكيس

شو منشان في عالم انهملت الاسئلة تعيتها قصد
هع تذكيرية

ضيق الوقت ..والغبرا والرمل والاستعمار اب خالد وراء التاخير والنسيان ...هع

[hutteenvalencia]

قديش عمرك وكام ولد بدك تنرزأ بإذن الله وشو جنسون بنت ولا صبي ؟؟

27
اللي بيبعتو ربنا يا محلاه ...وبحب البنات اكتر من الصبيان ..




وأنا كمان

[أحمد وزان]

كيفك أبو جعفر الحبيب
تأخرت عليك بالأستئبالية بس شو بدك تسوي مشاغل و الذي منه .. هع
حبيت سلم و امشي ...
بيجي يوم و بستلمك
هع ترقبية


سلمات

[الامير totti]

اخوي ابو جعفر الغالي
كان لي الشرف بمقابلتك بالصدفة بمباراة لحطين لا اذكر مع من
انت عرفتني بس للاسف انا ما عرفتك وعرفتني بحالك ويومها كنت مستعجل وما قدرنا نحكي كتير
اسئلتي هي :

هلا ابو البحر العزيز ...

اي التقينا بلعبة حطين والطليعة اذا ماني غلطان واب خالد قلي هيدا ابو البحر ..وانا عرفتك بدون ما يقلي ..وكنت مستعجل على ما بتذكر من المشكلة الي كانت صايرة معكن .. بس سليمة اجت ..

اعتبر نادي حطين النادي الاكثر تعرض للظلم في اندية الدوري السوري فما رأيك ؟

انا بعتبر نادي حطين بالفعل من الاندية المظلومة ..عموما اندية الساحل بالمقارنة مع اندية العاصمة وحمص وحلب وحتى دير الزور ..من الاندية التي تظلم بشكل غير طبيعي من اللجان التنفيذية ومن الاتحاد الرياضي العام ... يجب ان يكون لكل نادي مندوب في الاتحاد الرياضي يتابع كل صغيرة وكبيرة في الامور الادارية التي تحصل وان يكون شبيه المحامي في الدفاع عن حق النادي الذي يمثله ..وكلما يذكر الاحداث التي جرت مؤخرا في دير الزور وما تابعها من احداث في اللاذقية .. ولو قارنا بين العقوبين لرأينا الفرق ..فنادي الفتوة لديه عضو اتحاد السيد وليد مهيدي وهو لا يقصر ابدا في الدفاع عن ناديه الفتوة وطبعا هذا حق مشروع ووجاب عليه .. اما نادينا فلا كلمة له ولا مسمع ....

جيل الاهرامات وهو جيل ال 96 هل تتوقع ان يتكرر مثل هذا الفريق في نادينا الحبيب ؟

نحلم ان يتكرر وما زلنا نحلم بعودة الزمن الجميل للكرة الشاملة الحطينية كرة الامتاع واللعب الانيق والمواهب الكروية الزاخرة ..وهذا ليس بصعب المنال ..انما يحتاج الى تظافر الجهود والالتفاف خلف اسم حطين ... وعودة الروح الحطينية القديمة التي كنا نتميز بها ..ليس هناك شك من ان الدعم المادي ممكن ان يسهم بشكل كبير بتطور وتقدم الرياضة في نادينا ..خاصة كرة القدم التي تحتاج الى استقرار دائم في ظل الاوضاع العامة الاجتماعية والاقتصادية التي نعيشها .. فاستقرار اللاعبين يؤدي الى تركيزهم في التدريبات والمباريات وبالتالي تقديم مردود افضل من ان يكونوا منهمكين في تامين قوتهم وقوة اسرهم ..فنحن في زمن المادة الكروية ..وادارات انديتنا المتعاقبة ما عدا ادراة السيد محمد قدور اشتكت من الضيق المادي وتعتمد فقط على المنح المقدمة من الاتحاد الرياضي ومن ريوع المباريات والتي لا تكفي الا الشيء القليل من مصاريف النادي او مصاريف كرة القدم فقط .. عندما نستطيع تامين ميزانية سنوية للنادي لا تعتمد على المنح الضئيلة وريوع المباريات ونستقر اداريا وماديا ... عندها فقط اعتقد ان الزمن الجميل سيعود للكرة الحطينية ...لاننا نملك الخامات الطيبة ولسنا بحاجة سوى الى صقل هذه المواهب وتامين مستلزماتهم كافة ...

الاحظ دائما انك هادئ جدا فهل هذا الصفة تخفي او تطغى على عصبيتك التي ربما لا تتمنى ان يراها احد ؟

انا عصبي كتير على قد ماني هادي .. بس الهدوء بيطغى على شخصيتي اكتر وما بحب عصب كتير الا اذا وصل الموضوع للمستوى الي ما عدت اقدر اتحمل فيه ..وقتها ممكن انفجر ...

اعضاء خيبو ظنك ماذا تقول لهم ؟

حطين لنا

هل تتوقع معجزة من الله ليصبح نادينا خليفة نادي الكرامة اذا اسعفتنا الظروف ؟

نعم اتوقع اننا بحاجة الى اكثر من المعجزة ... بحاجة الى ان نشعر بحطين كما يشعر بنا ... بحاجة الى ان نعرف كيف نتعلم قدسية نادي حطين كما قال الدكتور عمار عوض في المقابلة ... لانه بغير هذا لو اجتمعت كافة مقومات النجاح دون النظر الى التوافق والتفاف الجميع حول اسم النادي فانه من الاكيد اننا سنفشل في المساعي التي نسعى لها ..

يتبع

.... ان شاء الله ....

[الامير totti]

ابو جعفر الغالي انت ما بتنوصف وشو ماحكيت عنك ما بوفيك ومابدي تعبك باسئلتي
انا بطلب من رب العالمين ان يوفقك وييسر لك عملك ويدوم الصحة عليك يارب .

هلا بالختيار .. من زوقك يا غالي ... وان شاء الله كل اموركن ميسرة وموفقين جميعا

[الامير totti]

كيفك أبو جعفر الحبيب
تأخرت عليك بالأستئبالية بس شو بدك تسوي مشاغل و الذي منه .. هع
حبيت سلم و امشي ...
بيجي يوم و بستلمك
هع ترقبية


سلمات

هلا ابو عبيد ... الله يقويك ..

ما ناقصني استلامات اخوي ..انطرني لافضى بس

[دلبييرو]

صبااااااااااااااااااااحو اب جعفر
كيفك حب
والله حابب كتير انو اتعرف عليك انت وغيرك من الشباب اللي مسافرين الله يسر اموركم جميعاً
خصوصا ً بعد ما سمعت عنك انك خفيف الظل وصاحب نكتة
بانتظار رجوعك عالبلد يا غالي
اخوك اب علي
اه صحيح بدي اسالك سؤال باعتبارك عضو بالمنتدى

انت كم رغيف بتاكل باليوم
وكم كاسة مي بتشر ب
سلمات حبيايب

[abu marwan]

لقاء رااااااااااااااائع

الله يحميك ابو جعفر