ماشاء الله ...الله يزيد ويبارك

[Saeedoo]

الحقيقة كنت حابب أكتب هالموضوع من عدة أيام

بس فضلت أنتظر لليوم

واليوم بعد ما تجاوز عدد أعضاء المنتدى 500 عضو ...وأكتر من 80 عضو نشط

حبيت أكتب هالموضوع ....وقول ما شاء الله ...وألف مبروك هالتطور والنجاح لمنتدى نادينا الحبيب

بعد ما كانت الفكرة من أكتر من سنة ..كنا أربع اعضاء حاولنا كتير نرجع الموقع القديم لنادي حطين
وخالد وصلاح ومحمد الله يعطيهم العافية بذلو كتير جهد بهالطريق وما مشي الحال
وبعد أكتر من محاولة لم يكتب لها النجاح بافتتاح موقع جديد

بدأ خالد بتحقيق الحلم الصغير اللي كان بحاجة لإيدين تشد معو لحتا يكبر ويتطور
هالإيدين طبعا كانت بالبداية صلاح وأبو كمال المحشية والزيدان ...وبدأت الأكف تنمد لتساعد كمان وكمان وتشيل معنا الحلم لنرفعو ....
كتير ناس بدأت تعمّر معنا ...بعتذر عن ذكر الأسماء منشان ما نظلم حدا

ويوم مع يوم الموقع والمنتدى كان عميكبر ويتطور لصار الموقع الرسمي للنادي
وصار المصدر الرئيسي للأخبار

مرينا بفترات ركود ..وفترات جمود ..وهاد الشي طبيعي
بس بالفترة الأخيرةوالحمد لله متل ماتوقعت صار في زيادة ملحوظة بتسجيل الأعضاء يوميا"...ومبادرة أخرين كانو عميكتفو بالقراءة فقط بالكتابة والردود ...الأمر اللي فرحنا كمان وكمان..

ألف شكر لكل مين كتب ورح يكتب رد يعبر عن رأيو وعن حبو لحطين
وألف شكر لكل مين سجل ورح يسجل
بس منتمنى أنكم تساهمو معنا كمان ...لو برد.... لو بجملة.... لو بكلمة
لأنو متل ما قلنا ورح نضل نقول :

حطين إلنا

[SAHED]

كلو لعيون حطين بهووووووووووووووووووووووووون

حطين منا والنا 36_1_11[1

[ابوروما]

حطين دمي ودموعي و ابتسامتي (الغائبة)

[الآغا]

الحمد لله ......... حسيدة ولا ديقة عين هههههههههه عم امزح ونادينا جمهورو اكبر من هيك وهيدا دليل على انو جمهور مثقف كرويا

[hutteen love story]

الشكر للشباب لي بذلت مجهود لحتى تجمع الحطينيه0وخاصه لي بالغربه صراحه كأنو نحن الغربتليه اكتر المستفيدين منه

[الامير totti]

ان شاء الله عقبال ما جمهور حطين كلو يصير معناااا ...ونعرف كيف نخلي حطين أرقى نادي وافضل جمهور وأروع عااالم

[محمد نور]

والله هالشي بسر ولو عندي كان أفكار نزيد دائما عدد أعضاء المنتدى فيها
بس يالله نخلي الأفكار للأيام الجاية
والله يزيد ويبارك والله يعطيكون العافية واصبرو اكتر بتشوفو أكتر
أخوكم أبو أحمد

[juventini]

أنا كتير فرحان باللي عم شوفو و كل يوم بدخل عالموقع و المنتدى و بتابع مين سجل جديد و عدد الأعضاء و كتير مبسوط هالإيام و انشالله هيك على طول و بركي بكره انشالله بس يبتدي الدوري رح تولع الدنيا.. قولوا يا رب..

[باتيستوتا]

holeee holeee holeee لعيون حطين

[SALAHDIN]

holeee holeee holeee

يداً بيد .... نعيد بناء حطين الغد

بكم يزهر المنتدى

[hutteen my love]

موقع رائع وأعضاء أروع

ياشباب أقسم بالله العظيم عالم كتير عم تحسدنا على موقعنا وعلى أعضاءنا

بس بدك مين يقدر هالشي

مشكور أبووليد على الموضوع الحلو

حطين حياتي الك

[الآغا]

الحمد لله على كل شي بس في حدا حاططنا عندو كموقع صديق ؟

[نوار مالك مجبور]

يا خالي شو بحبك يا حطين

أبو النور

[saniya66]

مشكورين جدا ونشالله منكون أيد وحدة بخدمت حطين

[ابو علي الحطيني]

36_1_11[1 احلى نادي واحلى موقع ولله وانا عندي نادي حطين بالدنيا كلها

[BaTiGoAl]

والله كلامك عسل يا ابو وليد لما قريتو كلشي الحمد لله عم يتطور بالموقع الاعضاء حتى الجمهور ما كنت بحياتي اتوقع ينلم جمهور حطين المثقف مع بعضو ويروح علعبة ..بس الحمد لله ليك الشباب البركة فيكن وليك نحنا المغتربين هلق ولو اني رجعت شوي بس راجع رايح عم نعرف شو عم يصير بحطين اول باول وكل هالشي البركة فيكن ...
الله يوفقنا لنقوم بالموقع لسا اكتر واكتر ...ليصير موقع حطين مع نادي حطين الاول في سوريا انشالله
تقبلو تحياتي

[أحمد دالي سلو]

ما شاء الله ..................
اللهم زيد وبارك.

[ابو البحر]

الله يزيد ويبارك انو بربي حطين بيستاهل وهادا دليل على وعي جمهورنا الحبيب المثقف

وقبلوني العضو 501 حبيباتي تسلمولي ما احلاكون

[أبو ناظم]

الله يعطيكون العافية على هالجهود و انشاء الله بيكون هالموقع فاتحة خير على الحوت الأزرق

و مناخود الدوري يللي صرلنا عم نحلم كتير في حتى سمونا حطين البطل غير المتوج


holeee holeee

[ذئب روما]

حطين بقلبنا ونحنا جاهزين لأي شي لنرفع اسم النادي اكتر واكتر والله يزيد ويبارك ...