تعليقات الأعضاء على مباراة حطين والإتحاد

[hutteen my love]

أنتهت المباراة بالتعادل الإيجابي 2-2 سجل لحطين محمد جعفر وأيمانويل صانداي وللإتحاد الأمنة و الأغا. هاردلك لنا التعادل وحظ أوفر فيما تبقى من مباريات.

[ابو فارس الحطيني المشتاق]

حظ اوفر اخوي ابو كمال ؟؟؟؟؟؟


يعني بربك من وين بدو يجي الحظ الاوفر اذا عندك هيك لعيبة

يعني شو بدو يحكي الواح اذا اخر 10 دقايق راح 4 فرص و الحارس برا الغول ؟؟؟؟؟؟؟؟؟؟

اكتر من هيك حظ شو بدون

[Achilles OF Hutteen]

اسمحولي قول مبروك الفوز مع أنو كنا أفضل
بس وضع الفريق صعب كان بالفترة االماضية وواجهنا فريق عندو دافع أكبر منا ومحضر منيح

وشكراً للعيبتنا
أصيلين والله

[ابو فارس الحطيني المشتاق]

أرسل أصلا بواسطة Achilles OF Hutteen

اسمحولي قول مبروك الفوز مع أنو كنا أفضل
بس وضع الفريق صعب كان بالفترة االماضية وواجهنا فريق عندو دافع أكبر منا ومحضر منيح
وشكراً للعيبتنا
أصيلين والله

اخوي انت غلطان كتيررررررررر لانو فريق الاتحاد اكتر مننا في عندو مشاكل بادارتو

وووووووووين الفوز يلي عم تحكي عنو

طول عمرو التعادل بارضنا خسارة هلئ صار التعادل فوزززززززززززز؟؟؟؟؟؟؟؟؟؟؟

صار بدها تفكير ع هل الحالة اخوي

[Achilles OF Hutteen]

هلأ تحضيرنا بفترة التوقف بتسميها تحضير بالنسبة للإتحاد
وحاجة أنو لعيبتو ن عم يلعبوا و الرواتب مدفوعة
وبعدين إذا في مشاكل بلادارة عندون أي نحنا ماعنا بالمرة

[ابو الليل]

السلام عليكم


برأيي انو التعادل أفضل من الخسارة بعد هالتوقف الطويل ويجب أن تكون المباراتين القادمتين حقل تجارب لذهاب نصف الكأس ولا تنظروا للنتائج بتمنى تحكوا كيف كان الأداء لأني ماحضرت اللعبة

هع امتحانية

[ابو فارس الحطيني المشتاق]

اخوي يعني منرجع و منقول انو ما عنا فريق بالمرة و ماعنا ادارة

و ما لازم نفتخر انو هاد فوز

هادا اسمو فقر كروي و طفرة كروية عم تشل النادي عنا

[La Balena]

هاردلك التعادل حيتان

بالمختصر المفيد :


خط دفاعنا يرسم عليه الف علامة استفهام وبشكل خاص اللاعب احمد ديب يلي بإعتقادي بيتحمل الهدف الاول بنسبة 70 بالمية وكاد يتسبب بهدف تالت للإتحاد بعد انفراد محمود امنة

وبإعتقادي الشخصي ... يُلاحظ عدم مساندة لاعبي الوسط للدفاع

ولكن بشكل عام خط الوسط والهجوم ... علامة فارقة بالحوت

واذا بدي اختار نجوم للقاء :

سليم خضيرة ... لاعب فنان بكل معنى الكلمة ... على الرغم من ان اغلب هجمات الاتحاد والثغرات الدفاعية من الطرف يلي بيشغله سليم ... بس بشكل عام لاعب رائع

محمد جعفر ... هاللاعب له مستقبل رائع ... مع اني مو هو محمد جعفر هداف كأس اسيا للناشين ... بتمنى يعود لمستواه .. وعندو الكثير ليقدمو

هشام عابدين ... ملك ماشاء الله عليه

والحمد لله عنا لاعبين شباب رائعين بكل معنى الكلمة ... وما ناقصنا الا الاستقرار الاداري والمادي يلي هو اساس كل نادي ولكل لاعب ليقدم المستوى المتنظر منو

واذا بدي اختار اسوء لاعبين ... هنن :

احمد ديب ... وبتمنى يرجع احمد ديب لمستواه .

وثاني لاعب : ويلي هو مروان سيدة ... يلي لو في جائزة بتنعطى لهداف الفرص الضائعة لكان بطلها مروان

وبشكل عام ... قدم الحتيان مباراة رائعة .

وكل التوفيق للحيتان بالمباراة القادمة امام الطليعة

[basharo13]

يالله خيرها بغيرها بس حرام هل فرص تضيع

[الحوت المهاجر]

هاردلك التعادل اليوم يلي برأي جيد من فريق باسم الاتحاد

ما شفت اللعبة بس عرفت التشكيلة

كنت بتمنى يكون العنصر الشبابي غالب عليها

بس الظاهر مدربينا ما بعرف على شو عم يدورو ؟؟ تلات نقاط لا بتقدم ولا بتأخر

هادي فرصة نشرك كل لاعبينا الشباب ونعطيم فرصة رسمية افضل من 100 مباراة ودية

النتجية لا رح تقدم ولا تأخر !!!

يالله خير ان شاء الله وهاردلك

[Saeedoo]

ياسيدي أركان وسليم رووووعة اليوم

الله يحميهم ...

ولياقتهم ممتازة

بس الصراحة اليوم الفريق كلو كان ممتاز

أحمد ديب كان رائع اليوم ماعدا غلطة وحدة

بس بشكل عام ثقتو بنفسو ممتازة وليبرو رائع ... و نسانا غياب عمار ياسين

لأنو بيتميز بهدوء الأعصاب إضافة للثقة

هشام عابدين اليوم لفت نظري ... من زمان ما شفتو بهالمستوى
على راسي أحلى أبو أحمد وياريت تضل هيك ...فعلا" أبو أحمد بس يكون بمستواه بكون وسط حطين نار


بس لو ما مروان سيدة جلطنا وضيع 3 كوال أخر اللعبة بتبكي كانت النتيجة غير

بس بشكل عام الحمد لله انبسطت كتير بمستوى الفريق اليوم

خاصة خط الوسط كان ماسك اللعبة قبل المدري ما يبدل التبديل العجيب وينزل العكرة

بقول مبروك إلنا المستوى ...وهاردلك أنو كان فيننا نجيب اللعبة

[Saeedoo]

أنا أكتر شي مبسوط بعودة أبو أحمد لمستواه

ألف تحية لأبو أحمد التايغر

وان شاء الله بحافظ على مستواه هيك وأحسن

[سامر خالد منى]

النتيجة كويسة بعد كل هالانقطاع

لاتنسوزا جبلة شو صار فيه أمس

[مهرتوو]

اكيد النتيجة كويسة وما تنسو جبلة وتشرين شو صار فيون لان مشاكلهون متل مشاكلنا يعني نحن بالهم سوا بس اكيد نحن ك حطين ما منرضى بهي النتيجة وخاصة انو كنا منشتحق الفوز

[صلاح الدين شاويش]

النتيجة لا تهم لماذا لم تنظروا لجواني الايجابية في الفريق ومنها :
محمد جعفر وهشام عابدين و سليم خضرة

المهم التدريب الصحيح لمواجهة جبلة في الكأس

[ahmad_hutteen]

بغض النظر عن الاداء بشكل عام و النتيجة ولكن الذي افرحني في هذه اللعبة هو محمد جعفر فمن اول لعبة يسجل بمرمى القلعة الحمراء و على فريق كبير كالاهلي هو مشروع هداف كبير بسوريا على ان يصقل موهبته اتمنى له كل التوفيق

[ابو البحر]

السلام عليكم
بالحقيقة المباراة كانت بشكل عام جميلة وممتعة وهذه هي مباريات الحوت التي يتمنى الجميع مشاهدة مثل هذا الاداء الرجولي رغم وجود بعض الاخطاء ولكن الفريق افضل مما تركناه في اخر مباراة قبل التوقف يلزمنا التوفيق والتركيز من لاعبينا خاصا مروان سيدة لاعب مهاري رائع ولكن ينقصه الهدوء والتركيز عند المرمى
يستحق لقب الفرص الضائعة هذا الموسم
مروان كلنا منحبك بس ركز اكتر من هيك املنا بمباريات الكأس

[مهند شاويش]

ما حضرت اللعبة وما بقدر علق
بس الموضوع صدقا بحطين ما بيتعلق بلاعبين لعبوا او قدموا مستوى بحطين الوضع مختلف تماما وصار الي وجهة نظر ما رح تتغير حول انو نادينا ما رح يقوم ولا بعشر سنين اذا ما تغيرت عقلية الجمهور وبالتالي عقلية اللي بيشتغلو بحطين

[LIVERPOOL 22]

أهم مافي المباراة أنه ولد هداف جديد بالحوت بعد انقطاع دام 5 سنوات
الجعفر هداف وقادم بقوة ولكن مشاركته بالفريق جاءت متأخرة كتيررررر
برافوا رجال حطين وانشاء الله بتفرحونا بالكأس اكتر والمستوى يرتفع
تدريجيا من مباراة الى مباراة ويوجد افضل من هيك يا لاعبينا انتم رجال
ولاعبين بقية الفرق رجال فماذا ينقصكم .

[فاروق ابن البحر]

انا برأي انو الفريق كان كويس و خصوصا انو عم نلعب مع ثالث الدوري و فريق كان عم يلعب بدوري ابطال اسيا و اهم شي انو الفريق اذا لعب متل ما لعب اليوم انشاء الله رح يحقق نتائج كويسة باللعبتين الجايين بالدوري و انا متأكد انو رح نفوز على جبلة بالكأس بكل اريحية