برج دوار سيبنى في دبي وسيكون من 80 طابقاً وسيتكلف 700 مليون

[sun79]

صدى سوريا: صرح ديفيد فيشر المقيم في إيطاليا كشف عن تصميم لما يعرف بالابراج الدوارة أو المتحركة يتيح لكل طابق في ناطحة السحاب الدوران بشكل مستقل عن المبنى وفقا لرغبة سكان الطابق أو الجهة التي تدير المبنى ليوفر للنزلاء التمتع بمناظر متنوعة للشروق والغروب ولكن من موقع واحد. فيشر في عرضه للمشروع بمدينة نيويورك أمس االاول إن أول «برج دوار» سيبنى في دبي وسيكون من 80 طابقاً وسيتكلف 700 مليون دولار ويتم الانتهاء منه في العام 2010 ثم يليه برج متحرك ثان في العام نفسه في موسكو وبرج ثالث مماثل في نيويورك في وقت لاحق. وبإمكان مدن أخرى التقدم للتعاقد على بناء أبراج متحركة ولكن سعر المتر المربع لن يقل عن 30 ألف دولار.

وأشار فيــشر إلى أن الشــقق السكنية في البرج المتحرك ستكون بطريقة المباني سابــقة التجهيز التي تبنى في مصنع ثم ترفع لتثبت على هيكــل أسمنتي قائم في موقع البرج المتحرك و ان هذا من شـأنه أن يوفــر العمالة والمال.كما سيكون للبرج اكتفاء ذاتياً من الطاقة حيث سيكون مزودا ً بتوربينات لتوليد الطاقة من الرياح بين الطوابق وألواح شمســية لانتــاج كمية من الطاقة تكفي المبنى والمباني المجاورة له.

وبالإضافة إلى المرافق الفارهة الملحقة بالأبراج مثل أحواض السباحة والحدائق فإن تلك الناطحات المستقبلية ستجهز بمصاعد للسيارات حتى يتمكن السكان من إيقاف سياراتهم في طوابقهم. وسيتراوح سعر الشقة الواحدة في هذه البناية بين 4 و40 مليون دولار.

[الحوت المهاجر]

مشكورة دكتورتنا

فعلا بدبي عم تسابقو الشباب بالعمارات والاشكال المختلفة وبالاطوال

وفي اية بالقران على هالشي

[مهرتوو]

سدئوني يا شباب دبي مدينة العجايب

[سامر خالد منى]

طيب ليش هالفلوس كلها وملايين الفقراء والأيتام في عالمنا يموتون جوعاً !!

[sun79]

معك حق اخ سامر , ملايين بتروح على المظاهر و ملايين ميتين جوع و فقر بس بدك ناس تعرف كيف تحس بغيرها

[ابو الليل]

السلام عليكم

أهل الخليج أهل البطر

[Bouji]

لك عمي شو هالقصة اذا بدهم كل فلوسهم يوزعوها على الجوعانين و الفقراء بيصيروا أفقر بلد

مشاريعهم الخيرية مالية العالم العربي و الاسلامي و بنفس الوقت لازم يطوروا بلدهم و لهيك صارت الها مكانة على مستوى العالم

بس نحنا شعوبنا أغلبها تنابل و ما بدهم يشتغلوا

العالم بتفتكر انو الفلوس بتيجي ببساطة لأ ما صحيح الناس هون عم تموت باليوم مليون مرة لتجيب القرش

ليش حكومات هالشعوب الفقيرة و يلي بلدانها مليانة خيرات و ثروات ما بتفكر بمشاريع و استثمارات لتطوير بلدها بدل الفقر بس نحنا مضيعين وقتنا بالحروب و الدسائس و مابعرف شو

أكبر مثال على كلامي انو سوريا عم يصير فيها نهضة عمرانية و اقتصادية و صناعية و تعليمية و تنظيمية غير شكل على حسب ما منسمع بالأخبار و من الناس يعني سوريا مو ناطرة على حدا و عم تستغل ثروات البلد صح

شعب الامارات و حكومتو بيتعاونوا ليبنوا البلد فما مضطرين انو لازم كل فلوسهم يحولوها للدول الفقيرة

و متل ما قلت مشاريعهم الخيرية مليانة بالعالم العربي و الاسلامي من سوريا للبنان و فلسطين و السودان و الصومال و باكستان و غيرها و غيرها فشوا المطلوب منهم أكتر من هيك.

على كل الأحوال التطور و التقدم يلي عم يصير بدبي لازم يكون دافع لباقي الدول لحتى تحاول تمشي بنفس خط التطور يلي ماشية فيه دبي

و بالنهاية : الاختلاف بالرأي لا يفسد للود قضية و أنا بحترم كل الآراء و شكرا الك اخت
sun79

[فهد الطليعة]

ميرسي حبيب بتمنى لو كان في صورة ........