.:.: الجيش * حطين ( 3 / 0 ) : تعليقات الاعضاء :.:. - نادي حطين السوري

الحوت المهاجر · #1 (**permalink**) 05/07/08, 07 :58 07:58:32 PM

انتهت قبل قليل مباراة الجيش مع حطين في المرحلة الاخيرة من الدوري الكروي بخسارة

ثقيلة على فريقنا بثلاثة اهداف مقابل لاشي

سجل الاهداف : احمد عزام هدفين ومحمد الرفاعي

....... هنا تعليقات الاعضاء .........

مهرتوو · #2 (**permalink**) 05/07/08, 08 :00 08:00:47 PM

شي بخلينا نتشائم وخاصة انو مبارتنا مع جبلة بالاكأس بعد كام يوم
يعني شو ماكان عيب نخسر بهيك نتيجة كبيرة

abu marwan · #3 (**permalink**) 05/07/08, 08 :02 08:02:20 PM

المركز التامن من شو بيشكي

هادا هو المركز اللي وعدونا فيه ادارتنا الكريمة

علي الحطيني · #4 (**permalink**) 05/07/08, 08 :02 08:02:32 PM

معقول ناكل 7 اهداف من فريق الجيش هل السنه 4 ذهاب و3 اياب

مبروك علينا الهروب المبكر من الدخول في معمعة الاندية الهابطة لدرجة التانيه
اين المسوؤلين عن الرياضة في اللاذقية لمحاسبة الجميع
حان وقت الحساب

ابو فارس الحطيني المشتاق · #5 (**permalink**) 05/07/08, 08 :11 08:11:23 PM

ههههههههههههههههههههههههههههههههههه
هاد هو الفريق يلي قلتو علية انو كويس بعد تعادلو مع الاتحاد و بارضو ؟؟؟؟؟؟؟؟؟؟؟
ولك عيب و الله عيب و صار شي يدعو للمسخرة هارد لك للحطين
هارد لك لجمهور حطين الحزين
هارد لك للاعبين الرجال (ههههههههه)
عنجد افضل لحطين انو ينسحب من كاس الجمهورية لانو منصير مسخرة اكتر ما نحنا مسخرة
و شكر خاص للادارة الحكيمة
وشكر خاص للمدربين و اللاعبين
مات حطين مات
حسين فارس منزلجي

Achilles OF Hutteen · #6 (**permalink**) 05/07/08, 08 :14 08:14:09 PM

طولو بالكن ياشباب
الخسارة تقيلة والأداء حسب الأخ علي أقل من عادي
بس تعودنا على هالهزات وقفت على هي
انشالله بالكأس كلام تاني

عاشق الحوت الأزرق حسام · #7 (**permalink**) 05/07/08, 08 :15 08:15:36 PM

الله يستر من لعية الكأس

عوجا

فاروق ابن البحر · #8 (**permalink**) 05/07/08, 09 :49 09:49:18 PM

شباب الفريق ما كان سيء للدرجة يلي انتو متصورينا
بس بالشوط الاول لعبنا بالجعفر و الجمعة بالهجوم و للاسف وضحت قلة الخبرة عند اللاعبين
و ما شاء الله عنا حارس فلتة من قلتات الزمان
و التبديلات يلي صارت بتبكي الحجر
و عنا ياسر عكرة خارج التغطية الا من شوطة اجت بالعارضة
بس مع هيك انا واثق مليون بالمية انو بنربح على جبلة و برياحة
عنجد بشوية تركيز و بمشاركة الشعبان بالمرمى لعبة جبلة اعتبروها بالجيبة

الامير totti · #9 (**permalink**) 05/07/08, 10 :20 10:20:44 PM

بعد ما انتهى الدوري

لا نستطيع ان نقول سوى هاردلك لاسم نادي حطين

ونقول سنكون حطينيين في الموسم المقبل وكل المواسم ..

لكن علينا تصحيح المسيرة الحطينية السيئة من مواسم عدة

Saeedoo · #10 (**permalink**) 05/07/08, 10 :35 10:35:49 PM

أداء عقيم عقيم عقيم

لا تكتيك ولا تركيز ولا كأنو في عقل مفكر للفريق ..

لكن معقول 12 ركنية لحطين بالمباراة ما منطلع مهم بفرصة ...!!!

وضح بشكل كبير أنو أركان كان نص الفريق ... ونصو التاني اللي كان اليوم الوحيد عميلعب هو إيمو الله يحميه ... ماكان في حدا غيرو كأنو اليوم

سليم خضرة موهبة كبيرة بس طلع علساننا شعر نقول بدو تعليم ..طيب رقص بالطابة وراح وإجى ونيم كام لاعب بعدين ما بيعرف شو بدو يعمل بالطابة

خط الدفاع ...لا تعليق ... والله يسترنا من شردات علي حسونة

المدرب مع إحترامي إلو لا حول ولاقوة ..... يعني ما كأنو في مدرب للفريق لأنو 90 دقيقة الأداء هو هو ,,,بياخدو الطابة بيطحشو لمنطقة جزاء الجيش وبتروح ... بأحسن الأحوال لركنية

إلا بتسديدتين إجو بالعارضة

بس الفريق افتقر الروح القتالية والحماسة والتكتيك صفر .. والدفاع سلامتكم

وإذا ضل الفريق هيك ...الله يستر

لك الله يحميك ويحرسك ياأركانو

الحوت المهاجر · #11 (**permalink**) 06/07/08, 12 :05 12:05:16 AM

شباب انا ما حضرت المباراة

بس لاحظت من تعليقات الشباب الي حضرت المباراة

انو الاداء كان ضعيف والفريق غير متماسك وما في خطة واضحة

في مين حكا عن ضعف خبرة الشباب ( الجمعة والجعفر )

نادينا كتير وحكينا انو لازم نشوف الشباب بالفريق لان من اربع خمس مراحل وضع

الفريق ونفدنا من الدرجة الثانية وكان المفروض نشوف هالشباب ونصبر عليهم

الجعفر ما حدا بشك بموهبته بس موضوع الخبرة لازن نشتغل عليه ونصبر كرمالو

اكيد انتهى اطول واسوء دوري ( او من الاسوء ) بالنسبة لفريقنا

ولازم ننظر للموسم القادم ونفتح صفحة جديدة مع ادارة جديدة وافكار جديدة

ما كتير باني امال على موضوع الكأس لان المكتوب مبين من عنانو

لهيك خلونا نفكر بالموسم القادم من هاللحظة .

ابو فارس الحطيني المشتاق · #12 (**permalink**) 06/07/08, 12 :41 12:41:08 AM

اقتباس:

أرسل أصلا بواسطة الحوت المهاجر

اكيد انتهى اطول واسوء دوري ( او من الاسوء ) بالنسبة لفريقنا

.

اخوي الحوت كل سنة منعيد نفس الجملة و منقول انتهى اسوء دوري لفريقنا

حاج نضحك ع بعض

ليش كان ي فريق من اصلو ؟؟؟؟؟؟؟؟؟

و الله من حبنا لحطين و عشقتنا الو كنا نشوف انو الفريق ماشي حالو

لانو في مثل بقول ( الجمل ما بشوف حردبتو )

دمتم و مات الشعور بداخلنا اخوي

الحوت المهاجر · #13 (**permalink**) 06/07/08, 12 :44 12:44:47 AM

اقتباس:

أرسل أصلا بواسطة ابو فارس الحطيني المشتاق

اخوي الحوت كل سنة منعيد نفس الجملة و منقول انتهى اسوء دوري لفريقنا
حاج نضحك ع بعض
ليش كان ي فريق من اصلو ؟؟؟؟؟؟؟؟؟
و الله من حبنا لحطين و عشقتنا الو كنا نشوف انو الفريق ماشي حالو
لانو في مثل بقول ( الجمل ما بشوف حردبتو )
دمتم و مات الشعور بداخلنا اخوي

اخي ابو فارس قلنا ورح نضل نقول ونحكي لحتى الله ياخد هالامانة

مو بايدنا شو منعمل ؟؟ حطين بجري بعروقنا

اكيد مرحلة صعبة بتاريخ النادي بس في شي رح يتغير

ممكن تطول كام سنة بس اكيد في شي رح يتغير

لان بالنهاية ما بصح الا الصحيح

دلبييرو · #14 (**permalink**) 06/07/08, 12 :46 12:46:34 AM

هيدا فريقنا

الله يوفق

ابو فارس الحطيني المشتاق · #15 (**permalink**) 06/07/08, 12 :50 12:50:52 AM

اقتباس:

أرسل أصلا بواسطة الحوت المهاجر

اخي ابو فارس قلنا ورح نضل نقول ونحكي لحتى الله ياخد هالامانة
مو بايدنا شو منعمل ؟؟ حطين بجري بعروقنا
اكيد مرحلة صعبة بتاريخ النادي بس في شي رح يتغير
ممكن تطول كام سنة بس اكيد في شي رح يتغير
لان بالنهاية ما بصح الا الصحيح

اخوي العمر الطويل باذن الله

بتعرف انو انا بتمنى يكون موتي لمى شوف حطين رافع الكاس تبع الدوري

لانو بكون اسعد يوم بحياتي

و الله يصبرنا لنرجع نشوف حطين القديم

الدكتور حاتم · #16 (**permalink**) 06/07/08, 01 :26 01:26:14 AM

من يوم ماوعينا على حطين المشكلة الأزلية هي هي ....وهي أن نتسجيلنا الأهداف مثل قبع الأضراس ........أما طريقة أكلنا للأهداف فتشبه الى حد كبير أكل الغزلو .......

ماأصعب أن نسجل ..........وما أسهل أن يدخل مرمانا هدف ............

حطين هو الفريق الوحيد في العالم الذي يلعب لاعبوه ليستمتعوا هم فقط أو يمتعوا الخصم .....

دلبييرو · #17 (**permalink**) 06/07/08, 01 :41 01:41:32 AM

طب برأيكم شو الحل

ليفربول22 · #18 (**permalink**) 06/07/08, 01 :55 01:55:53 AM

الحل ان جلدنا تمسح ونادي حطين بدوا نفض من الاساس للرااااااس
والله ياشباب انا حضران فريق الثمانينات صحيح كنا نخسر وسنة
بالاولى وسنة بالثانية بس كنا نلعب من قلب ورب ونقاتل للكنزة
بس هالايام ولاعبين هالايام كلشي متأمن لهم ولكن عبث .

ابو الليل · #19 (**permalink**) 06/07/08, 01 :57 01:57:24 AM

اقتباس:

أرسل أصلا بواسطة دلبييرو

طب برأيكم شو الحل

السلام عليكم

الحل هو الحل

مجنون حطين · #20 (**permalink**) 06/07/08, 06 :29 06:29:16 PM

الحل ب
لا حول و لا قوة ألا بالله

أدوات الموضوع	البحث في الموضوع
عرض نسخة للطبع إرسال هذه الصفحة إلى بريد إلكتروني	البحث في الموضوع: بحث متقدم
أنماط العرض
النمط الخطي الانتقال إلى النمط المختلط الانتقال إلى النمط الموضوعي

مستخدمين موجودين حالياً يشاهدون الموضوع: 1 (0 أعضاء و1 ضيوف)

اعلانات