الحلقة الأولى . . . الخميس 10/7/2008

نسيم الوادي · #1 (**permalink**) 11/07/08, 03 :35 03:35:17 PM

سلام عليكم

البارحة كان يوم الخميس

وكنا بالمصيف [سلمى] ,

فـ صدفت احمد وزّان عند بيّاع الخضرة , و بعدين رحت انا و هو عند أبو علي [دليبيرو ] , بـ قرية ترتياح , و يااااا لطيف نحن ورايحين نجيبو شو صار معنا , ضيعنا بالطريق وشفنا نجوم الليل بـ الألوان هع وضلينا اكتر من نص ساعة مضيعين وما شايفين بوجهنا إلى طريق خالي من أي انسان او حيوان او جماد , فقط نبات ...!

بس بعدين بفضل جهودنا المبذولة من أجل دفع عجلة الـ خوف للوراء , استدلينا على الطريق و قدرنا نوصل عـ بيت أبو علي بخير و سلامة , دون اي اصابات او حالات عض أو افتراس من قبل الحيوانات الطرقية .

واليوم الجمعة نأمل ان نقابل الأخ أبو خالد [ سامر خالد منى ] , و اتشرف بـ لقاءه انا ,

ومن الناحية الرياضية , تم العثور على محمود اليوسف ماشياً في شارع المشوار , و عيونه على الطابات ....!! الـتي تسير على يمينه و على شماله ومن خلفه و امامه ,

ومن ناحية تحشيشة , تم انهاء 3 باكيات دخان من بينهم حمراء طويلة , خلّت أبو علي [يزه زه ] ,

........

مقتطفات من اللقاء :

[لم يكتمل اصتهاج أبو علي كثيراً بسبب عدم شراءه ميراندا تفاح لندرة وجودها في المحلات ]

[تم بعونه تعالى و بفضلي , إنقاذ احمد وزّان من موقفين تحشيشين وذلك بأخذ السيجارة منو في عدة مواقف :أهلية: حالت دون تأنيبه و كشفه ]

[منعتنا الحكومة من وضع الفدرالي أبو الـ وي وي , على ظهر السيارة فـ اضطرينا نحطها على التابلو من قدام و تم تشغيلها و التشبيح عليها ]

[ أنسحابي أنا نسيم الوادي من السهرة لأسباب أمنية منزلية و هضمية ]

إلى اللقاء في حلقة قادمة

مع تحيات المخرج علوووش

.

Rana · #2 (**permalink**) 12/07/08, 02 :55 02:55:21 PM

تلات باكيتات دخان .... يابلاش ...

وقال شو الحلقة الأولى كمان...

بس بتمنى منك يا نسيم وإنت عند الأستاذ وبعد ما توصلو سلامنا تحكيلو عن هالحلقة الأولى وخصوصا مشهد التحشيش وإنقاذك للباش مهندس ... لنشوف شو رح يكون نقدو الفني لحضراتكم..

دلبييرو · #3 (**permalink**) 12/07/08, 08 :46 08:46:22 PM

وانا عم قول ليش فركتها هداك اليوم بدك تفضحتا عالنت مو هيك ---بكمشك
وبعدين مبارح وين هربت شربنا ميراندا تفاح انا وأخوك اب عبيد

هع

ابو فارس الحطيني المشتاق · #4 (**permalink**) 12/07/08, 10 :17 10:17:54 PM

ايوا خواتي نيالكون

حدا منكون يطلع ع صلنفة لانو و الله ناطف قلبنا

و هل السنة ما نازلين اجازة هع تمويتية

نسيم الوادي · #5 (**permalink**) 14/07/08, 12 :55 12:55:25 AM

والله انا مو مبسوط هلأ إلا لأنك شربت ميرندا [واخيراً] ,

اخت رنا , انا لهلأ لسا ما شفت الأخ سامر , وبس لشوفو رح وصلو سلاماتك , تكرمي . .

و بعين الله اخوي آب فارس , إلا ما تفرج وتجي عللادئية ئريباً . .

ترقبو الحلقة الثانية ئريباً جداً ..

أحمد وزان · #6 (**permalink**) 14/07/08, 04 :33 04:33:46 PM

شكلها رح تكون الحلقة التانية وقت اللي شفتو لنسيم وهو لابس الشحاطة الزهرية البلاستيكية بعز دين الضهر وقلتلو طلاع بالسيارة لاستر عليك بس هو رفض و أبى إلا أن يطلع بسيارة خالو
بس أحلى لقطة كانت بمساء اليوم المذكور وقت نسيم كان مطلع راسو من سقف السيارة البللور و عم ينده حطينية حطينية حطينية
حطين بدمنا ما فينا بلا حطين يا خااااااااااااااي

يالله علوشة بانتظار حلقاتك البقية
تقبل تحياتي

سلمات

الحوت المهاجر · #7 (**permalink**) 14/07/08, 04 :38 04:38:35 PM

ايامكم يا عم

دلبييرو · #8 (**permalink**) 15/07/08, 12 :15 12:15:14 AM

اقتباس:

أرسل أصلا بواسطة الحوت المهاجر

ايامكم يا عم

مسايا أبو كرم

هي دعوة إلك على الهواء مباشرة ً حتى نستضيك معنا بالحلقة 7
شو رئيك

ليفربول22 · #9 (**permalink**) 15/07/08, 03 :28 03:28:41 AM

خيـــــــــــــــــــــــــانة عظمى وعقوبتها حرمان من لعبة تريكس

دلبييرو · #10 (**permalink**) 15/07/08, 03 :36 03:36:55 AM

له يا خال اذا أنا ما كنت بقبالك مين بدو يلعب معك

حسون الحطيني · #11 (**permalink**) 15/07/08, 03 :47 03:47:54 AM

عيشو حياتكن
الله يخليكن لبعض
ويخليلكن الشحاطات الزهرية
هع
بلشت الفضايح

ابو الليل · #12 (**permalink**) 15/07/08, 03 :58 03:58:28 AM

السلام عليكم

كأني شايف هالمسلسل شو كان اسمو ......؟؟؟؟؟ مممممممممم ضيعة ضايعة

هع سلنكية

علي الحطيني · #13 (**permalink**) 15/07/08, 06 :40 06:40:56 AM

ربي من عنده يديم علينا هل المحبة والاخوة

Fadi · #14 (**permalink**) 15/07/08, 08 :36 08:36:17 AM

آمين خي علوش

أدوات الموضوع	البحث في الموضوع
عرض نسخة للطبع إرسال هذه الصفحة إلى بريد إلكتروني	البحث في الموضوع: بحث متقدم
أنماط العرض
النمط الخطي الانتقال إلى النمط المختلط الانتقال إلى النمط الموضوعي

مستخدمين موجودين حالياً يشاهدون الموضوع: 1 (0 أعضاء و1 ضيوف)

اعلانات