وهاهي العقوبة قد صدرت

[FIRAS]

بسم الله الرحمن الرحيم

أعلن رأس الفساد الكروي في سوريا الدكتور(أحمد الجبان) أن عقوبة نادي حطين عن أحداث

الشغب التي رافقت المباراة والتي حدثت بعد انتهائها هي كالتالي:


1- خسارة نادي حطين قانونياً (3-0)

2-حرمان نادي حطين من المشاركة في بطولة كأس الجمهورية لعامين قادمين

3-تغريم نادي حطين مبلغاً وقدره 200 ألف ليرة سورية


ملاحظة : تم إعلان العقوبة خلال برنامج باب الملاعب الذي يقدمه الإعلاميين إياد ناصر وفايز وهبي

[حسون الحطيني]

حسبنا الله ونعم الوكيل من موسمين لما جمهور الكرامة نزل على ارض الملعب بمباراة تشرين ليش ما حرمو موسمين
الله عالظالم

[مشجعي حطين بالشام]

هذه هي المرة الثانية التي يحرم فيها حطين لعامين متتاليين من المشاركة
الاولى كانت بعيد خسارة النهائي مع الوحدة على ما اعتتقد

وهنا اسال هل نسي اتحاد الكرة ما فعل الكرامة مع الحرية وما فعل الفتوة مع كل الفرق وعلى راسها حطين
وما فعل الاتحاد والوحدة ........
هل نسي كل ذلك وتفالح على حطين
افولها صراحة لا
انه لم ينسى
ولكن الحقائق تشير الى ان تلك الفرق لها ادارات تعرف ان تتعامل مع هذا الاتحاد الفاسد
اما نحن فللاسف
بالتاكيد لا في لا ادارة ولا غيورين
في شوية بلطجية على حرامية
شافو انو البقرة الحطينية خلصت حليبها بانتهاء ا لدوري والكاس فاحجموا جميعا عن حتى حمايتها
وتركوها للذئب الفاسد

فهنيأ لك جبان على هذه الخطوة الجريئة
وانشا الله عقبال ما نخلص منك ومن السرحان " اكثر الكارهين لحطين " في يوم واحد

وهزلت........

[حطيني مغترب]

لك بكره بيطلع الاعفاء يا حياتي ..
بس تندفع الغرامة ...
شو ما حلكم تحفظواااا

[SALAHDIN]

-حرمان نادي حطين من المشاركة في بطولة كأس الجمهورية لعامين قادمين

إن شاء الله هالعامين بيمرقوا متل كابوس على من أصدر هذا القرار

[hutteenvalencia]

حسبنا الله ونعم الوكيل هلأ لازم ننبسط على يلي صار بس بنفس الوقت قرار صدر من أسوء اتحاد كروي يمر في تاريخ سوريا للاسف عادي جدا وتوقعت ذلك ولكن اتوقع تغيير هذا القرار

[علي الحطيني]

لاحول ولاقوة الا بالله العظيم قرار فاشل لاتحاد فاشل

[صلاح الدين شاويش]

في عيد الرياضة أعفى الجبان الطليعة
يا ترى ما هو العيد الذي سيعفي به الجبان عن حطينا أعتقد عيد الحب ؟؟؟؟؟؟؟؟؟؟

[الشاعر الصغير]

أرسل أصلا بواسطة صلاح الدين شاويش

في عيد الرياضة أعفى الجبان الطليعة
يا ترى ما هو العيد الذي سيعفي به الجبان عن حطينا أعتقد عيد الحب ؟؟؟؟؟؟؟؟؟؟

قال عيد الحب قال...واضح أديش بحبونا........لك الله لا يوفقون...ليش سنتين؟؟؟؟ نحن بالدوري كل مرة منتبهدل و ما إلنا غير الكأس

[InVaDeR]

ليش يا ولاد الست ميت ولاد الشرفا..........

[real medo]

والاتحاد ما رح يتعاقب ..والحكام ما رح يتعاقبوا ...يعني ما بعرف دائما ليش بيتعاقب صاحب ردة الفعل وبينسوا صاحب الفعل..[/b]

[real medo]

والحكام ما رح يتعاقبوا ...يعني ما بعرف دائما ليش بيتعاقب صاحب ردة الفعل وبينسوا صاحب الفعل..

[LIVERPOOL 22]

عـــــــــــادي بكرا بيطلع عفوووووو وبتنحل القصة بكام ليرة .

[Omar-]

يعني شوبدكون تعملو نحنه ما عنا واسطة بالاتحاد السوري اتدافع عننا
متل الحرية والفتوة والوحدة والجيش والمجد والاتحاد و مافي عنا ادارة تبرطل كام واح من الاتحاد السوري معليش بس يصير عنا هيك شي رح ناخد الدوري والكاس

[فاروق ابن البحر]

متل ما كنت متوقع
خلي يلي عملو الشغب ينبسطوا
الله لا يعطيهم العافية

الكلام موجه فقط لكل شخص شارك باعمال الشغب

[ابو الليل]

السلام عليكم


إلى رئيس إتحاد الكرة

هل نذكّرك بما فعله جمهور الطليعة بلاعبي الكرامة

أم جمهور الفتوة بلاعبي الطليعة

أم .....أم......أم .....................واااااااااااااا أسفاه

[عاشق اليونايتد]

لما جمهور الكرامة نزل على ارض الملعب بمباراة تشرين

وحاول التهجم على لاعبين تشرين اكتفو بخسارة الكرامة

ولم يحرموه لكنه اتحاد كوسة مثل العاااااااادة

[مجنون حطين]

أحمد جبان ؟؟ ؟؟؟
أنشألله ما بتلحق تصدر القرار و بتنشال و ينحط رئيس اتحاد محايد

[ابو صطيف]

يا شباب ما حلكن تحفظوا انو العقوبات بس لحطين
شو هيدا يا الاتحاد الرياضي شكرا على هالمحبة كلها
ليش طلع قرار العقوبة فورا بحقنا
وما عرفوا يحكو كلمة عن ضربة الجزاء الظالمة بالذهاب مع الاتحاد
بس عيب والله

[ميلاد العلي]

يا شباب ماحدا ظلمنا لا اتحاد ولا حدا نحنا ظلمنا حالنا وبتستاهل عقوبة