بعد الأسبوع الأول..الوحدة الله يكسر رجليكم ومبروك للحطينية

Abu Waseem · #1 (**permalink**) 25/09/06, 03 :02 03:02:09 PM

السلام عليكم

كيف الشبيبة؟؟ ما اشتقتولي؟
والله يا جماعة صرلي أكتر من 6 سنين ماحضرت لعبة قدم بالعباسيين بالشام لمليون سبب أولهم مليت من ملاعبنا ووجع القلب المهم أخر لعبة حضرتها هية الوحدة والجيش ووقتها لعبو رفقاتي بعقلي وخللوني أحضرها وربحنا عالجيش برياب الموسم الماضي
قلت لحالي لأحضر المباراة الافتتاحية مع المجد وشوف (يعني مالي متأمل كتير) يا بكمل يا اما لاء ...طبعاً لاء يلي تحققت
الفري خالص والوضع الاداري مزفت واللاعبين مافيهون اخلاص كللو تحويشة وخسارة بتضحك والمجداوية جنو للفوز وبالآخر
مو رايحة غير عليك يا جمهور يا خسارة....صح الرياضة فوز وخسارة وعادي أنو نخسر بس يلي كان عم يصير شي تاني ماعم افهمو ...شو عم يصير بنادي الوحدة؟؟؟؟ على الله

وتاني شي زلف ألف مبروك الفوز الحطيني على جبلة والله فرحتونا ومنو كسبنا تحلاية من عمي، علقنا علي أنو أول مباراة والفوز كبير....يا جماعة ألف مبروك وسلمولي عالبحر وأن شاء الله بتكونو بخير دائماً

syriana · #2 (**permalink**) 25/09/06, 03 :26 03:26:13 PM

شكرا وانشالله بتكون كبوة جواد( مع انو كل انديتنا مانها جواد بل جحش لكن لا يقال كبوة جحش لضرورة الشعر )
المهم ما استغربة ( وهو ليس غريب بسوريا ) ان بعض جماهير الوحدة حطت الحق عالمدرب ومع ان المدرب يشهد له الجميع بالكفاءة .. ولكن لو كان كلينسمان او بكنباور او مدري مين ( ما منقول كارلوس البيرتو لانو مانو مستوا يعني ) ما رح يمشي الحال .
مشاكل ادارية وعدم فهم ووعي لفلسفة الاحتراف ستجعل الكرة السورة الرقم الاخير في الترتيب العالمي ...
والله يعين

Abu Waseem · #3 (**permalink**) 25/09/06, 03 :31 03:31:19 PM

أة نعم....بالفعل كلام صحيح
الغريب فعلاً أنو أعلب الجماهير حطت الحق عالمدرب المسكين ٠يلي ممكن يكون سيء) بس ما أخد فرصتو ووانوجد بظروف هي الأسوء والتي تعصف بنادي الوحدة الدمشقي للأسف
يعني أحمد تركماني قدام مترين من الغول الفاضي وهو ملبك بحالو ومو عرفان شو يساوي غير يرقص بالطابة ويكبها بجسم المدافع وبعدو عارضة للسيد الماهر بيكملها موفق الحسين يلي بحياتو مارح يتوفق برعونة سخيفة في المرمى يلي حارسو عالأرض وكأنو عم يقللو خود الكرة صدها بسهولة...يعني شو ممكن يساوي الكوتش كع هيك لاعبين ينزل يشوط عنهون؟؟؟!!!!
المشكلة بكل النادي صارت والعفن وصل للمدرب يلي كمان مالو قليل

SAHED · #4 (**permalink**) 25/09/06, 04 :18 04:18:55 PM

الله يبارك فيك يا غالي والوحده فريق كبير وان شاء الله بيرجع كبير متل اول

محمد نور · #5 (**permalink**) 25/09/06, 07 :00 07:00:00 PM

سيدي الفريق اللي عندكم ما بيعرف يلعب شوف فريقنا كلو تنسيق وحركات ومهارات
شجع حطين احسلك

نوار مالك مجبور · #6 (**permalink**) 27/09/06, 06 :13 06:13:23 PM

الوحدة كبير

وبالعلامة انو من النادر انو نفوز على الوحدة باللادئية

كلمة حق تقال

سيستعيد الوحدة نشاطه عن قريب

أبو النور

SAHED · #7 (**permalink**) 27/09/06, 06 :41 06:41:46 PM

اقتباس:

أرسل أصلا بواسطة نوار مجبور/أبو النور/

الوحدة كبير
وبالعلامة انو من النادر انو نفوز على الوحدة باللادئية
كلمة حق تقال
سيستعيد الوحدة نشاطه عن قريب
أبو النور

والله كلامك صح والوحده فريق غالي علينا وان شاء الله يرجع لمستواه

الآغا · #8 (**permalink**) 27/09/06, 08 :10 08:10:02 PM

شجع حطين وشو بدك بالوحدة ووجع هالراس

Khalil · #9 (**permalink**) 27/09/06, 08 :53 08:53:55 PM

الله يبارك فيك يا غالي
فريق الوحدة دائما فريق كبير ومميز

Saeedoo · #10 (**permalink**) 28/09/06, 12 :14 12:14:57 AM

الحمد لله عسلامتك أبو وسيم اشتقنا لهالطلة

وياسيدي هاردلك للوحدة وإن شاء الله بتعوضو المباريات القادمة

ولو أنو ما حبيتا منك (الله يكسر رجليكم ) ..!!
بيضلو لاعبين فريقك وما حلوة تدعي عليهم ...ومهما كان لاعب سوري ما بتمنى يندعى عليه هيك

والله يبارك فيك عالمباركة يامزوق

ذئب روما · #11 (**permalink**) 29/09/06, 12 :21 12:21:15 AM

طيب بسيطه خلينا كلنا نشجع اليقظه لكن اذا بدنا ندعي على انديتنا شو صار يعني يلعبو ويخسرو احسن ما انهم ينزلو على الدرجه التانيه صح............ وشكرا

Abu Waseem · #12 (**permalink**) 03/10/06, 03 :46 03:46:26 PM

شكراً للكل وخصوصاً سعيدو وأبو النور المزوقين
والآغا ولو يا معلم مع حطين بعد الوحدة ولو حبيبنا

وفعلاً هية كانت فشة خلق، والفريق عوض مع الوثبة بس مازال الأداء سيء مندعي تفرج بقى ويرجع الوحدة متلماكان
ومتل ماقال أبو النور الحبيب فعلاً في رياح تغيير بالنادي عم تصير لتزجع أجواء نضيفة للوحدة

ومرة تانية ألف مبروك الصدارة الحطينية مع الفوزين الكبار ببداية الدوري وان شاء الله تضللو على هالطريق لنهاية الدوري باذن الله

maher43 · #13 (**permalink**) 03/10/06, 11 :30 11:30:09 PM

الله يبارك فيك اخي

الآغا · #14 (**permalink**) 04/10/06, 04 :30 04:30:10 AM

الله يبارك فيك يا مزوق

abu marwan · #15 (**permalink**) 07/10/06, 03 :45 03:45:36 AM

كل شي بيتعوض
بس انو تفوزو علينا ............. ماخرج
واهلا وسهلا فيك

Abu Waseem · #16 (**permalink**) 09/10/06, 01 :55 01:55:29 PM

هههه مبروك ليللي بيفوز وما**عل اذا فزتو

rooney · #17 (**permalink**) 09/10/06, 03 :21 03:21:31 PM

انشا الله يرجع الوحدة لمستواه بس بعد لعبة حطين

نوار مالك مجبور · #18 (**permalink**) 10/10/06, 12 :49 12:49:13 AM

والله اذا فاز حطين على الوحدة انا بتبهدل

امي شامية وبتحب الوحدة كتيييييييييييييييير

يعني بالبقاب على راسي

أبو النور

SAHED · #19 (**permalink**) 10/10/06, 02 :07 02:07:16 AM

لا ابو النور ان شاء الله تبعتلا للست الوالده حلوان فوزنا عالوحده

Abu Waseem · #20 (**permalink**) 10/10/06, 01 :33 01:33:37 PM

والله أنتة يا أبو النو متلي يعني اذا خسرنا ما منزعل كرمال عين تكرم مرج عيون

أدوات الموضوع	البحث في الموضوع
عرض نسخة للطبع إرسال هذه الصفحة إلى بريد إلكتروني	البحث في الموضوع: بحث متقدم
أنماط العرض
النمط الخطي الانتقال إلى النمط المختلط الانتقال إلى النمط الموضوعي

مستخدمين موجودين حالياً يشاهدون الموضوع: 1 (0 أعضاء و1 ضيوف)

اعلانات