::.:.:.:: العابدين رسمياً إلى النواعير ::.:.:.::

[abu kamal]

بسم الله الرحمن الرحيم

في اتصال هاتفي أجريته منذ لحظات مع دينمو وسط الحوت هشام عابدين أخبرني بأنه الآن عائد من حماة وأنه وقع رسمياً على كشوف النواعير وانتقل إلأى صفوفه ليلعب معه لموسم واحد

بالتأكيد هي صفقة أمثر من ناجحة للنواعير وخسارة كبيرة جداً للحوت
بالتوفيق للعابدين الذي عان كثيراً هذا الموسم من محاربة حقيقية تعرض لها من قبل إدارة الحوت وكادره التدريبي وبعد هذه المهازل التي حصلت مؤخراً فضل الانتقال إلى النواعير وهذا هو ما ذكرته في موضوع سابق لي

:::...::: هل انتهى الغرام بين العابدين والحوت :::...:::

لعله الخبر الأسوء الذي أكتبه منذ دخولي عالم الانترنت والمواقع لأنني بصراحة لم أتخيل نفسي يوماً أكتب هكذا موضوع لهذا اللاعب تحديداً

مبروك الك أبو أحمد هاد حقك

وبقول حسبي الله ونعم الوكيل والله ع الظالم
للأسف أبو كمال

[abu kamal]

توقعوا حدوت ماهو أكبر من ذلك في قادم الأيام شي فاخر ولله
لسا بدون يرشحو حالون
حسبي الله ونعم الوكيل

[SALAHDIN]

خسارة كبيرة , بس هاد حقه الطبيعي

[LIVERPOOL 22]

اللــــــــــــــــه لايوفقوا يلي كان السبب .....
صحتين على قلبك ابو احمد لامكان للعواطف ....

[محمد رجب]

ابو احمد خسارة كبيرة لحطين
بس شو فينا نعمل الله عالظالم

[الحوت المهاجر]

بالتوفيق ابو احمد

رح تبقى بقلوبنا وتبقى الذكريات الحلوة دائما معنا

[حسن مكيس]

بالتوفيق لابواحمد ولكل لاعبينا

[عاشق الحوت القاتل]

بالتوفيق لأبو أحمد رغم الحزن الشديد ويمكن كان أخر لاعب بتوقع أنو ينتقل بس شو بدنا نعمل

[كاكا22]

مو معقول لاعب متل هشام يخلو يترك النادي بس ياحراااااااااااااااااااااااااااااااااااام

[عبد الباسط حجازي]

خسارة كبيرة ياأبو أحمد
لكن هذا من حقك لأن الأمور ربك أعلم متى ستتوضح بنادينا الله يوفقك ياأبو أحمد

[دل بــييرو]

اي ستوضح المور في الاحتماع القادم

[هشام]

خساره يا ابو احمد والله يوفئك مع النواعير

[wahdawi]

والله هشام خسارة كبيرة لحطين
لا حول و لاقوة إلا بالله

[صلاح الدين شاويش]

حرام الذي يجري في نادي حطين
يا أيها المنتافسون على رئاسة حطين أبعدوا مشارعكم الفسادية
ومخططاتكم التي ترسمونها لنصب النادي حتى لا يهاجر أبناء الحوت أجمعهم
لماذا يريد (سبع الليل )*أن يكون رأيسا للسنة القادمة أيضا
إذا تم نجاح سبع الليل لماذا حلت إداراة الاندية
ماذا قدم السبع الليل للنادي
وما ننتظر من غيره
كفانا ضحك على بعضنا
لا تتوقع عزيزي القارئ أن هناك رجل بين المرشحين يريد الفوز من أجل
إعادة الحوت إلى وضعه الطبيعي

ومع نجاح سليم سبع الليل في ذاللك السنة الماضية نجاح باهر

[InVaDeR]

خبر بيزعل من هل صبح

الله يوفقو وين ما راح

صحيح رح نزعل على انتقاله بس كمان هادا حقه

[ragheb]

صحة والف صحة والف مبروك لابو أحمد حاجة اللي صار معوا ها الموسم

الولاء والوفاء عندما يقابل بمثل هكذا جحود سيكون المتوقع اكبر من ذلك بكثير ...

خلي الادارة السريالية اللي مرشحة حالها لرئاسة النادي توزع قمصان اللاعبين المهاجرين عليها

حتى ينزلوا يلعبوا محلهن الموسم القادم بس يخلوا قميص رقم 17 لحالوا بالملعب بدون لاعب

لانو بس الرقم بفزع الخصوم لانو مرتبط روحيا بابو احمد

ولا الكن شباب بلشوا حطوا مقترحاتكم لها الادارة الفاشلة قبل تشكيلهــا


لعبة ربط الاسم بالرقم يالله 11 - 12 -17 -6 - ويمكن5- الخ ....... توكلوا ع الله وخلونا نلعب

شر البلية ما يضحك

سلام

[الحوت المهاجر]

العابدين جديد النواعير | موقع الكرة السورية

انضم صانع ألعاب حطين ومهندس عملياته هشام عابدين لصفوف النواعير بشكل رسمي بعد ان وقع على كشوفه مساء أمس الجمعة بعقد يمتد لموسم واحد لم يكشف النقاب عن قيمته المادية ولكن موقع الكرة السورية حصل على معلومات تفيد بأن العقد الذي تم توقيع بين الطرفين نال رضا العابدين وهو مغر للغاية خاصة ان العابدين بقي له بذمة ناديه الأم حطين مبلغ 300 الف ليرة مستحقة من عقد الموسم الفائت, لينزل هذا الخبر كالصاعقة في الأوساط الحطينية التي تداولت هذا النبأ بكثير من الأسف وحملت ادارة النادي الحالية المسؤولية التي وصل لها الحوت والنزيف المتواصل للاعبيه بعد رحيل مروان سيدة للطليعة وشادي زرطيط للأردن والآن هشام عابدين وقد يكون عمار ياسين الورقة القادمة التي ستفقدها الكرة الحطينية اضافة لمفاوضات وعروض كبيرة تنهال على المحترف النيجيري ايمانويل الذي كشف باتصال هاتفي مع موقع الكرة السورية بانه مازال ينتظر الحصول على بطاقة الطائرة كي يتمكن من زيارة عائلته في نيجيريا فهو الى الآن لم يحصل على اجازته ولم تمنحه ادارة النادي بطاقة الطائرة ..

[i love hutteen]

المشكلة صارت ما بس بإنتقال اللاعبين ......المشكلة أكبر صرت حاسس أنو النادي كلو صار للبيع ما حد عم بيفكر بالفريق ؟؟؟؟كل ما نادي معو كم ليرة بياخد اللاعب اللي بدو يا و الإدارة و الجمهور بس حكي حكي ......... من سنة 2000 و لهلأ كل دوري منحس أنو بأي لحظة ممكن ننزل عل درجة الثانية ...صار الجمهور فاقد ثقة بالفربق أي لعبة ممكن نخصر لو مع فريق مدرسة ؟؟؟ و السبب عدم التخطيط ..... صرلي 3 شهور عم بسمع بس حكي حكي حكي ....عن الإدارة و بالأخر رح يصير رئيس نفس الرئيس ؟؟؟؟طيب ليش حاربتو من القول أدا ما عندكون البديل ؟؟؟؟؟نحن برا البلد و بس منسمع أخبار منكن دون أي ردة فعل إيجابية أو سلبية ....شو ناطرين ؟؟

[احمد مطرجي]

وداعا يا حطين وداعا يا حطين وداعا يا حطين
والله عجز لساني عن التعبير عن حالتي الان وانا اقراء الخبر 0000000000000000000بالله عليكم من المستفيد من هذه الامور ودمار النادي من المستفيد اقسم بالله العظيم ازا بيستلم سليم سبع اليل بدو يكون اكبر الخسائر للنادي لانو المؤمن لايلدغ من حجره مرتين شفناك فوق وشفناك تحت وخلص ينسحبو من الدوري ازا مافي غيرو يستلم احسن ما نتبهدل اكتر من هيك لانو اصبحنا ملطشة للي بيسوا ولي ما بيسوا {اخلاق نظام عمل } هاد شعار النادي الي ما حدا عما عما يشتغل ولا بصفة من هل الصفات جايين على السرقة والنهب والله حاسس النادي متل ليلة سقوط بغداد للسلب والنهب وبل النهاية ما ريحا غير علينا نحنا الي منن حر على النادي وغيرنا ولا على بالو000000000000 وخلص

[Saeedoo]

ياحرام بس ياحرام

بغض النظر عن الخسارة الكبيرة لقلب حطين النابض أبو أحمد اللي ما بيتعوض

وحتى لو قلنا جدلا" أنو بيتعوض

بس مجرد خروج أبو أحمد بعد السنوات الطويلة اللي قضاها وبعد رفضو لعديد العروض بالسنوات الماضية

خروجو هالسنة وبهالتوقيت بيجزم أنو الوضع الإداري اللي وصل إلو حطين أسوء وضع من أكتر من 15 سنة

خروجو وتوقيعو مع النواعير بعد كل هالسنوات بدل أننا وصلنا لحافة الهاوية ... والله يستر يمكن بدأنا بالسقوط ويمكن الرجوع صار صعب كتير كتير

ياحرام شو عمبصير فيك ياحطين

ومبروك لمن يتغنو بالبطولات والإنجازات

سجل ياتاريخ ,,, إنجاز جديد ..!!