ولك عطشاااااااااان ..................

[نسيم الوادي]

يوم السبت 6/9/2008 الموافق 4/رمضان/1429هـ

حكمة اليوم : أوعا..! - لا تشكو للناس جرحا انت صاحبه....! - لأنو: لا يؤلم الجرح إلا من به ألم.... !

الساعة الآن أربعة إلا ربع بتوقيت اللادئية

ئاعد لحالي ئدام هلشاشة الـ إل سي دي , و دايق خلئي كتير ومالل و عطشان ومعصب ومرتخي .....

رح طق من الـ shووب , و نعسان ولا استطيع النوم
السبب : منطفية الكهربا و الساونا في البيت عنا بأعلى درجاتها ,,


وفعلاً فعلاً يا محلاكي يا سلمى و دورين وكسب و صلنفة


الله يزكرك بالخير يا ابو حميد وزان , ما كنت شوفك الا بسلمى معظم ايام الأسبوع

صارت الساعة أربعة إلا عشرة , , حاسس انه الوقت عم يمر كـ الزلحفة بـ بطئ شديد ,,


ولك بس يأذن ما رح ارحموا ابداً لـ خزان المي اللي فوق بيتنا بالقلعة , و رح اقضي على صينية فطاير كاملة


صحي انا فرحان هلأ لأني فزناً ودياً على جبلة وبدي ياهن يربحوا عل الكرامة و الجيش والاتحاد و [تشرين] , بس بنفس الوئت زعلان على عارف الآغا .. اللي رح يضل بقلوبنا ,, الله يرحم ايامك يا اغا ,, و يا عجيل ,, ويا كنفاني ,, ويا جمال يا كاظم يا اته ..


بتعرفوا ؟؟
انا زعلان أوي من مؤلف باب الحارة لأنه موّتوا للحلّاق ,
وزعلان كتير من آب بدر لأنه ضرب إيدو بالشاكوش من دون قصد , ودموعوا كتير غالية عليي ,
بس عتبان كمان على سعاد خانوم لأنها بدها تزوجها لنور , ئصدي دلال , أبل سنوية آب عصام رحمة الله عليه ...
والله يرزئك يا أبو غالب , ويسعدك ويبعدك .. و يئلل من امثالكـ ,,


اسقالله لما ضعنا انا وابو حميد وزان بضيعة ترتياح , يحرء حريشك يا آب علي على هلطريئ المعفّن
بس منيح آخر شي اننا ئدرنا نوصل لبر الأمان ,

صحي انا عم أركل كرز هلكام يوم بدل التفاحتين , بيكوز عم حاول غير روتيني آل
و كتير سعيد هلأ لانني استطعت بئدرة آدر أني علم احد الأصدقاء علـ أركيلة ,, لهيك بقولولي رفآتي .. لك أهلين بالمعلم ...!!

هلأ انا معلّم ؟؟ تؤلمني الحقيقة المرة أحياناً ..


اليوم عاملين كوكتيل فطاير رح ناكلهم عل طاير , و البارحة كنا عاملين شيش بالصينية , لا الملكي ولا اللفاح ولا طال خبرون , و بكرة اللي يحب يشرفني اهلا وسهلا فيه , عامل لحالي جز مز .. ,


ياربي .. . ايمتى يأدن عطشاااااااااااااااان

جاية على بالي الخرنوب من عند الجود
و مندرين كولا اطيب من البيبسي
لك جاية على بالي تانج وشمسي و سكويز و بانش و يومي و سلس ع ليمون و منجا وع كل شي و شراب عمار كمان بكل نكهاتو وسيفن آب لك و ميرندااااااااااااااااااااااااااااااا



حاجتي لهون , لقوم روح عـ الصليبة جبلي كيسين خرنوب قبل ما تعجق عند الجود
صحي , من كم يوم وعند الجود نشلوه لرجال عمرو بـ 55 سنة , 10 آلاف سوري يا حرام .. معلشي عوضوا ع الله


بخاطركون يا رجال ...


ملاحظة:فعلا ما في شي مهم بهالموضوع بس عم فش خلقي .................

[hutteen my love]

ليش هيك عم يصير معك


أحد ضحايا هيروشيما

[روبا]

نسيم

مأثر عليك الصيام كتيررررررررررر

بس على فكرة انا كتير بحب كتاباتك لانا من القلب لا فيها تصنع ولا زواق

[نسيم الوادي]

سلام عليكم ,,


فعلاً هلأ انا وعم برجع اقرا هلموضوع ,,


لك شو مخبص انا هيك صحي ؟؟ [؟]


خالط عباس بدباس ,



احسن شي اتجنب دخول الانترنت اثناء فترة الصيام ,

مشان ما نضحك العالم علينا


هع

[روبا]

ولا يهمك نسيم

انت شو ما بتكتب بيكون زى النسيم

[نسيم الوادي]

أي والله يا روبا
شي بيئهر منطفية الكهربا كانت ومشوب .. أي والله معي حق
وانا من الصيام ما اعرف بقى شو يطلع براسي ,
لحتى آخر شي طلع معي هلـ سنفونية التحشيشة هي


و إلى اللقاء في حلقة قادمة

[روبا]

والله عجبتنى السنفونية كتيرررررررررررررر

فى انتظار باقى الحلقات

[نسيم الوادي]

لكان اسمعي هلـ سنفونية السريعة

مرة كنت باعلى الغابة قامت وقعت الطيارة وراح الأرنب ياكل جزر قام بنشر دولاب السيارة وهربت السمكة من حوض السمك والقطار ماشي بسرعة 200 يالطيف بقوم الأسد بدور على شي فريسة ومابلاقي شي

[InVaDeR]

اكلت كوكتيل فطاير و ما عزمتا....... وشيش و كمان ما عزمتنا و هلأ عم تعزمنا على جظ مظ (ما جز مز)


ايه ما بدي اجي لكن............