الخطيبةوالموبايل

[YOUSEF..MS]

خطبها وجبلها موبايل هدية
عزمها على العشا وبعدين شوفو شو صار معو


إتركيه من أيدك إتركيه
لك حلي عنو بقى هلكتيه

وإتطلعي فيني العمى بقلبك
صرلك ساعة عم تكبسي فيه

أي شو هو أهم مني لحتى
كل وقتك واهتمامك تعطيه

لسا كل ما رن بتنطي بأربعتك
وبنشوة عارمة بتفتحيه

نفسي أعرف قبل ما يصل لعنا
شلون عشتي بلا ما تحمليه

اللي بشوفك هيك بيقول حتما
إنك من كل قلبك بتعشقيه

إذا ما بتضبيه بشنتايتك هلأ
بدي كسر المطعم باللي فيه

ولك أنا حبيبك شونسيتي ولا
النوكيا نساكي اللي بتحبيه

إلهي لموبايلك يبعتلو حمى
لإشارتو ولصوتو يخفيه

وتجي لتشغليه ما يشتغل
وكل سوفتوير العالم ما يشفيه

خلص لا تبكي أمري لله
طالعيه من الشنتة وإحمليه

بس مشان الله ركزي معي
عم غار منو بس تحضنيه

أقلك شغلة أنا قايم أمشي
وأنت خليكي مع اللي بتعشقيه

أنا ماشي ورح أدعي من قلبي
روحي إلهي ربي تعدميه

بس أوعي تعزميني على عرسك
حاكم مو بعيدة تتجوزيّه

منتدى شباب مستقبل سوريا

[روبا]

هههههههههههههههههههههههههه

حلوة كتيررررررر ابو مروان

[Rana]

مسكين أجت فوق راسو ...

[حطيني وبس]

هههههههههههه حلوة ابو مروان