حطين × الجيش 1/3 (تعليقات الاعضاء)

[فاروق ابن البحر]

انتهت المباراة الاولى لحطين في الدوري السوري لموسم 2008/2009 بالخسارة امام الجيش بثلاثة اهداف مقابل هدف واحد
تقدم حين في الشوط الاول بهدف للمحترف النيجير ايمانويل و عليه انتهى الشوط الاول
في الشوط الثاني نجح الجيش بتسجيل ثلاثة اهداف عن طريق محترفه سيمو كوندا 2 و محمد عفا الرفاعي
وقد تاضى الحكم عن ركلة جزاء طالب بها لاعبو حطين بعد لمس احد لاعبي الجيش بيده داخل منطقة الجزاء
نتمنى لحطين عودة سريعة و اعادة ترتيب الاوراق قبل المباراة المهمة الاسبوع القادم ضد تشرين

[عزو حطين]

رجعت حليمة لعادتها القديمة الله يستر

[HUTTEEN_NOT_FOR_SELL]

مبروك للجيش وهلق رجعتي من الملعب قدم حطين اداء سيء في الشوط الثاني واسنحق الجيش الفووز

نقطة تعجب على اداء لاعبي الحوت خصوصا خط الدفاع والهجوم

[wala fil a7lam]

كنت بتمنى شوف مستوى مبشر بالمباراة الوحيدة اللي رح شوفها للفريق قبل السفر... ولكن هيهات...

باعتقادي مشكلة العام الماضي تتكرر مع الدحبور... للأسف نحنا كابرنا على حالنا وقبلنا بالدحبور اللي ماقدر يجاري الخانكان اليوم

لياقة الفريق بدت ضعيفة في آخر المباراة

أستغرب عدم تبديل البيازيد مع بداية الشوط الثاني

سليم أكثر من الاحتفاظ بالكرة... الفارس خارج السرب... الياسين يجعل من الكرات المباشرة بلا معنى بتسديداته الطائشة... الخالد ليس بالفورمة وانفتحت شوارع من جهته في الشوط الثاني... ووحده ايمانويل يلعب من قلب ورب

الامور ليست جيدة... عل القادم أفضل مع أن مباراة اليوم لا تبشر بالخير

[الحوت الأزرق]

لاحول ولاقوة الا بالله

[HOLACO]

ياشباب ما بعرف شو بدي قول بس والله العظيم عيب وضيعان المية ليرة فيون والدحبور أتوفع أن يقال بعد مباراة تشرين لأني ضل متمسك بالتبديلات حتى سجل الجيش وكأنو عم نلعب بالشام

[YOUSEF..MS]

الفريق تعبان تعبان تعبان تعبان

عمار ياسين : محتكر الضربات الحرة
الحجي : جاب عارضة بلعبة ودية صار بدو يشوط كل ما استلم الطابة
الفارس : خارج التغطية
السيد : ؟؟ العمر الو حقو
الجعفر : ما لحق يعمل شي بسبب تأخر تنزيلو
الخضرة : احتفظ بالكرة كتير ومع ذلك حراام تبديلو
ايمو : كويس وضيعانو بهيك فريق
الخالد : ما هادا المنتظر منو وناطرين الافضل
البركات : كويس
الديب : متراجع
الحسونة : ما فيني احكم عليه
الازور : ما بيتحمل ولا هدف الاهداف كلها اخطاء دفاعية

الدحبور و الحاج عمر ؟؟؟؟؟؟
سؤالي بس ليش اتأخرو بالتبديل

من الاول لازم ينزل الكركوتي عالجهة اليمنى اللعب كلو صار عاليسار ( ايمو والفارس ولخضرة والخالد عندو نزعة هجومية )

الباش بيوك والجعفر لازم ينزلو من اول ما سجلو الهدف الاول علينا

بس الظاهر المدرب رضيان بالنتيجة والاداء السيء

[نوار مالك مجبور]

عني اقســـــــــم بالله شــــــــي بهدلة الشوط التاني

لك يا ناس سليم خضرة روح فرص بس هو كان دينمو الفريق

ننصعك عندما تم استبداله من قبل الدحبور

ليش كيف و مشان شو ؟؟؟؟؟؟؟؟ظ

بعدين السيد كبير ما بئا متل اول

يعني شوط بيكفي

:::::::::::::::::::::::::::::

ولا حول ولا قوة الا بالله

صبرا جميلا والله المستعان

::::::::::::::::::::::::::::::::

بس احب ان ابدي اعجابي بالحارس الله يحميه بالفعل هو الوحيد ياللي كان كويس

تحية لبدر الدين الازور

""""""""""""""""""""""""""""

ابو النور

[أبو البلابل]

ليش ما يبدلو فريق الشباب بفريق الرجال....والله أحسن

[LIVERPOOL 22]

رغم تغاضي الحكم عن ركلتي جزاء واحدة بالاول وواحدة بالتاني
إلا ان الفريق لم يكن بالمستوى المأمول والمطلوب ولايلبي
طموح الجماهيرالذين جاؤ الى المبارة بكثافة ولم يقدم الفريق
اي لمحة يؤكد لنا انه فريق كرة قدم وفريق حطين بارض الملعب
الفريق بحاجة لكثير من العمل وخاصة عندما ظهر بالتاني لاحول
له ولا قوة لضعف اللياقة البدنية وكان للخطة الدور الاكبر بضياع
اللاعبين والتبديلات لم تكن موفقة لا من الناحية التكتيكية
ولا البدنية ..
مع ان فريق الجيش مانوا هالفريق القوي والبعبع صدقوني
فريق عادي بس فريقنا كان ضعيف جدا جدا ....
ملاحظة في بالفريق لاعبين يجب على المدرب اعادة
النظر بوجودهم بالفريق ........

[YOUSEF..MS]

صحيح نسيت ما اذكر الحكم اتغاضى عن ضربتين جزاء واضحين متل عين الشمس
بس هالشي ما معناها انو فريقنا كان كويس وخسر ظلم

فريقنا ما تتوقعو منو شي هالسنة

الله يستر من لعبة تشرين

[i love hutteen]

يا شباب ما تغير شي ؟؟؟؟؟ كل أخر لعبة إلنا كام غول .... هيديك السنة متل اللي قبلا و لقبلا ....... أنا برا البلد و ما بعرف شو اللي صار بس أكيد نحنا ما نظلمنا و لا المدرب ألو علاقة .....حسب ما كنت عم شوف أنو المدرب إجا متأخر يعني المسؤولية عل ضيع كل الصيف بالحكي و المسبات و بعد ما راحو لاعيبن الفريق أل هلأ بدن يجربو لاعبين .....للأسف نادي حطين لا يفقه شيء بالرياضة

[messi19]

أرسل أصلا بواسطة YOUSEF..MS

صحيح نسيت ما اذكر الحكم اتغاضى عن ضربتين جزاء واضحين متل عين الشمس
بس هالشي ما معناها انو فريقنا كان كويس وخسر ظلم

فريقنا ما تتوقعو منو شي هالسنة

الله يستر من لعبة تشرين

السلام عليكم شباب لهل درجة فريقنا سيئ

[الحوت المهاجر]

الفريق بالشوط الاول كان متوسط او فوق المتوسط وخاصة كان فريق الجيش غايب

بالشوط الثاني وضح ضعق لياقة الفريق بشكل عام وغياب بعض اللاعبين عن المباراة

متل الفارس والبيازيد و الحسونة

تبديل المدرب باخراج الخضرة وادخال الحعفر كان خاطئ 100 %

لان بعد خروج الخضرة وصلنا مرة وحدة لمرمى الجيش ومن مباشرة مرفوعة للبيازيد وبقدمه ينقذها ا

الحارس

التاخر بالتبديلات اثر على الفريق وكان بدو دماء جديدة

محمد فارس كلاعب وسط ما عطا دور وخصوصا بالشوط الثاني كان غايب

سليم خضرة كان الافضل على الرغم من الاحتفاظ الطويل بالكرة بدون مبرر والمراوغات الزايدة

واضاع فرصة على خط ستة حرام تضييع

الحكم اثر بنفرزة لاعبينا والشغلة ما رح نخلص منها بحياتنا بلحظة بيتنرفز الفريق

اكلنا انذارات مجانية وحرام للخالد والخضرة ومن ورا نرفزة عمار ياسين

غياب اركان غير الفريق كلو وكاني ما في لاعب يمين بحطين كلووووو والمدرب غير الخطة والتشكيل

الفريق لعب 5 3 3 والخطة جربناها بلعبة الفتوة الودية وكان الفريق سئ فيها

4 4 2 اظن لانسب للاعبينا ولامكانياتهم

في عدة امور يجب اعادة النظر فيهاااااااا

ان شاء الله نسنتفاد من الدرس وما يتأثر مستقبل الفريق بالخسارة

*** الدخول للملعب كان قمة في المسخرة وكاننا على باب فرن طجشة ودفش وابواب قليلة مفتوحة

حرام هالجمهور مو غلط نحترمه ونرجية بالدخلةو الطلعة من الملعب واكيد منظر حضاري حلو

[Kh@led]

اتمنى ان لا نستعجل في الحكم على الفريق , فهو مازال بحاجة للوقت , للتاقلم و رفع اللياقة البدنية و زيادة التجانس بين الخطوط و عودة اللاعبين المصابين , بالاضافة الى حضور المهاجم المنتظر .

فكلنا نذكر ان فترة التحضير جاءت في شهر رمضان , ولم يساعد ذلك على زيادة المخزون البدني للاعبين , بالاضافة لقلة المباريات الودية .

ولا ننس مباراة الجار الاسبوع القادم , فهي بحاجة لدعم الجماهير للاعبينا و جهازنا الفني , وسيعمل الكابتن سامر حاج عمر و الكابتن عماد دحبور على تلافي اخطاء اليوم , و من المبكر جدا الحديث عن التغيير ,لأن التغيير لن يقدم شي للفريق , شاهدنا هذا الموسم , محليا وعالميا , ان مباريات الجولات الاولى , ليست مقياسا على مستوى الحقيقي للفرق .

[ابو فارس الحطيني المشتاق]

لا تعليق

[ابو فارس الحطيني المشتاق]

كلامك سليم جدا يا خالد و منطقي لابعد الحدود

و بتصور انو الفريق اسى اوراقو كلها مانها جاهزة و بدو فترة لحتى يرجعها و هل الشي بدو وقت و ما بينعتب لا على مدرب و لا على لاعب كل العتب على الظروف التي مر بها النادي و الله يسامح الي كان السبب

[بانياسي حطيني وافتخر]

معليش شو صار حطين متل النار وانشالله الفوز على تشرين مهم كتير وضروري مع وجود بعض التحفظات لانريد ذكرها الان ولكن سنتحلى بالصبر الى ان............................وفهمككم كفاية وتاكدوا ان جماهير بانياس لن تتخلى عن حبها الابدي حطين مهما صار فحطين اكبر من ان نتخلى عنه من اجل اشخاص

[messi19]

والله ياشباب نحكي بالمنطق الجيش حضرللدوري مباشرتن بعد انتهاءدوري الماضي ومعسكرات وووووالى اخره بس لحني مرئة ايام علينا كتير صعبة لاجة ادارة متئخرة كتير ومامننسا ارجعنا هديك السنة عشر سنين لورة بادارة سبع الليل وبترجا من لجميع التكاتف من اجل حطين ونتعلم من غلط الماضي ونعتبر هل لعبة درس اكبر فرق على مستوى العالم بلشة خسائرومنتمنا من الكادر الفني اعادة النظربالفريق والتشكيلة والتبديلاة وتفادي الاخطاء وخلوناننسا لعبة الجيش ونبلش من لعبة تشرين باذن الله وبتمنا من جمهورنا لغالي الصبر على المدرب وللاعبين من اجل حطين وماتنسو تحضيرنا لم يتجاوز الشهر يعني مع الاسف مبارات اليوم المنطق فرض نفسه

[InVaDeR]

جيشاوية ................ جيشاويّة

مبروك الفوز شباب بس انا بستغرب ليش الجمهور ما شجّع الجيش بحرارة

فريق ما بيستاهل مني تعب ايديي بالكتابة عنو شي...............

ما رح اخد سيئات بالكفر و المسبات لهيك رح ضل مروّق

روحوا نامو لعيبة حطين و الحشى و الحشى حاجتكن درجة تاتلة

مافي غير الأزور بكلّ اللعبة

الله لا يسامح اللي كان السبب

و كل مين بدو يروح علعبة تشرين مع احترامي الو بيكون زوّدا كتير ........

و انا الي من انا و بصف التامن متابع للعبة الفيفا و الطابة بشكل عام العالمية و المحليّة و حتى لعبة ps
و السوني و النيتيندو و مافي دوري ما شفت منو لعب كتيرة ما شفت مدافع بيشوط كل طابات الفريق متل الكابتن بيكهام عنّا و للأسف ولا طابة ثابتة جابت خطورتا مع انو أطول لاعب عنا و لازم يروح عنطح الطابة جوات الجزاء

بشكل عام فريق بيخجل ولا تحذفولي ردي لأنو هيدا اللي بقلبي

و اللي بدو يقيّم اللعيبة الجدد بدي الو: ما بيحقلك تقيمن لانو هيدول هنّة اللعيبة اللي تجيبن ببلاش.....