نحن اولاد اليوم

[حسون الحطيني]

بسم الله الرحمن الرحيم
بصراحة يا شباب اتفاجأت كتير من ردودكم ومواضيعكم يللي بتدعو للتشاؤم بهالوقت هاد
يللي كلنا مفروض نكون فيه شعلة من التفاؤل وخاصة انو مباراة تشرين يللي رح تكون مفترق الطرق على الابواب
خسارة مباراة ليست نهاية العالم لازم هالخسارة نستفيد منها من شان نتلافي اخطائنا ما نحط اللوم على فلان وعلتان
اما من شان مباراة الجيش ففريقنا قدم شوط اول معقول وتراجع بالشوط الثاني لسبب واحد هو فارق التحضير بين فريقنا وفريق الجيش, فريق الجيش صرلو 4 شهور عم يحضر حالو للدوري اما فريقنا فما صرلو اكتر من شهر واحد واي انسان عاقل بدو يرجح كفة الجيش
الانتصارات قادمة باذن الله واولها بلعبة تشرين بس هاد الحكي بدو شغل ما بدو الوقوف على الاطلال لساتنا بأول اسبوع وهيك ؟؟!!
اما انو نزعل من اول خسارة !!!حتى انو وصل التشاؤم لدرجة التفكير بالدرجة الثانية وهي قمة الغلط
خلونا ننسى هالخسارة ونفكر شو بدنا نعمل من شان مباراة الجمعة لانها الاهم وقادرين باذن الله نفوز بهالمباراة ونرد اعتبارنا من المواسم السابقة ولازم نوقف كلنا ورا فريقنا ونشجع حتى يبح صوتنا
وان شاء الله هالمباراة بدها تكون نقطة التحول ومنها للانتصارات القادمة

[hutteen my love]

كلام صحيح و أتمنى أن نضبط أنفسنا حاليا إلى مابعد مباراة تشرين

أنظرو إلى مشجعين تشرين مجتمعين في مكاتبهم حاليا و تصالحو مع بعضهم البعض والسبب واحد فقط وهو الفوز على حطين

ونحن الأن بحالة غضب وتشاؤم و يسيطر علينا الأن اليأس وغيره

بالله عليكم كيف تريدوننا بعد هذه الأمور الفوز ومن المعروف أن الأهدء هو من يفوز .

[عزو حطين]

حكيك سليم 100% اذا الفريق خسر اول مباراة يعني بدو ينزل على الدرجة الثاني وبدو محاكمة ومقاطعة هادا حكي غير صحيح علينا نحن ابناء النادي ان نصبر على فريقنا حتى اخر نفس
لانو كل ما بطلو عم تتشائمو رح يضل الفريق على ماهو عليه بل الى الاسوء فارجو من الجميع التحلي بالصبر وعدم الاستعجال في قراراتكم وتشائماتكم اسا الدوري باولو ...........والخير لقدامان شاء الله.......................................................

الصبر مفتاح الفرج

[nawwar]

رح نبقى ورا فريقنا باللعبة تشرين بس انا رح قول كلمة الله يستر من اللي بدو يصير اذا خسرنا لاسمح الله

[InVaDeR]

حتى بعد لعبة تشرين ما رح احكي ناطر لشوف لوين رح نوصل

[LIVERPOOL 22]

مباراة الجيش مباراة وراحت وخلونا نفكر بالجاية ونتلافى الاخطاء
وإصلاحها والله يبعت الخير عالنادي ولاعبين الفريق ولازم الجمهور
يكون سند للفريق وليس عبأ عليه ..........

[hutteen king of the syria]

اخوي حسون هاد الحكي السليم وانا معك

[الاذقية حبي وحطين عشقي]

أجواء ما بعد مباراة الجيش لم تكن مريحة للجميع...
جمهورنا عليه نسيان ما حدث ودعم الفريق إذا أردنا الفوز على تشرين (تذكروا كيف ساند جمهور الكرامة لاعبيه حتى عندما كانوا متأخرين فعاد الكرامة)أما أن نكون ضاغطين على اللاعبين فهذا ما قد يسبب الأسوأ لا قدر الله...
بالإضففة لدعمنا يحتاج فريقنا الكثير من الدعاء والتوفيق من رب العالمين

[عاشق اليونايتد]

يعني والله مصيبة شو عيب الخسارة بمباراة الديربي

المفروض مع الفريق الى الاخر ولا يهم مباراة تشرين وغيرهااااا

[Del peiro]

ياشباب الاعيبة بدت التحضير متاخر متلنا متل تشرين ولايقة البدنية اهم شي في كرة القدم
فريقنا جارا الجيش في الشوط الاول بس في شوط التاني بينة فرق اللياقة البدنية
بس مبارانتا مع تشرين رح تكون على ماتوقع بدون المستوى على شان حساسية المباراة
الفريقين خارجين من خسارة +التأخير في عملية تحضير وانتخاب الادارة
الله يوفق نادينا في المباريات الجاية

[الامير totti]

الصبر مفتاح الفرج ..والمدرب + اللاعبين يجب ان يمنحوا فرصة وفرصة طويلة الاجل
لان التحضير كان قصير الاجل

[HOLACO]

معكم إلى الأبد وإنشاء الله رح نفوز بنتيجة عالية

[The_Prince]

أنا برأيي وبعد السلام عليكم بحب قول أنو حلنا نخلص من لعبة الجيش كلنا عصبنا بيومها وانزعجنا كتير بس خلصت اللعبة وخسرنا وماعاد يفيد شي بالعكس لازم نحنا نصالح حالنا مع الفريق يوم الجمعة بالملعب ونكون معو أيد وحدة وأحلا رد عن لعبة الجيش بيكون الفوز على تشرين بظن وقتها منكون أخدنا حقنا وزيادة بتمنى من الكل يروحو عالملعب يو م الجمعة لنعيد ثقة اللاعبين بجمهور حطين لازم نكون نحنا اللاعب رقم واحد وواحد وبس باللعبة ولازم نخل تشرين يخسر معنا من شوفتنا وتنظيمنا مع بعض قبل مايفوت عأرض الملعب
بس عندي رجاء خاص رجاءً الابتعاد عن الألعاب النارية والمفرقعات
كما أرجو من القائمين على المنتدى بالتعاون مع الرابطة العمل على توجيه الجمهور للابتعاد عن المشاحنات مع جمهور تشرين يعني أنا برأي شو ماحكو وشو ماعملوا ولو شتمونا ما لازم نرد بالعكس دع ...... تعوي والقافلة تسير كل سنة هنن بيكونو أضعف مننا بيحاولو يخلقوا مشكلة مشان يأثروا علينا وعفريقنا وبالتالي نحنا لازم مانرد بالعكس كل ما شتمونا لازم نشجع فريقنا زيادة وخليهون يعرفوا كيف صار جمهور حطين
المجد لحطين

[messi19]

الله محييك اخوي كلامك مية بالمية صح وخلونا ياشبا نبلش من لعبة تشرين ونكون سند للفريق وانشالله خير