نقطة مهمة

[مهند شاويش]

شباب الموقع الغوالي
الكل مبسوط بحطين هالسنة وانا منون بس لازم نكون واقعيين حطين عم يعاني من خلل دفاعي واضح وخاصة الأطراف وللاسف البديل غير موجود
في لاعب اسمو مصطفى فوال لعب بكل فئات النادي وهوة من جيل محمد علي واركان والسيدة بيلعب دفاع وهوة جاهز فنيا وبدنيا لأنو تحضر مع تشرين بدورة تشرين بس ما وقع والهواش بيعرفو منيح وما عندو مشكلة يضمو للفريق بس لازم الادارة تطلب اللاعب ومتسعد يوقع لحطين على بياض بيتمتع الفوال ببنية قوية وبكرات الرأس ممتاز بالاضافة للكنترول الجيد جدا
همنا حطين وهيك لاعب اذا ما فاد الفريق فاكيد ما رح نخسر شي
بالتوفيق لحطين وبتمنى لفت نظر الادارة للفكرة والتجريب حاليا ما بيمنع لهيك لاعب
لازم نلحق حالنا قبل ما توقع الفاس بالراس

[karroom]

فكرة حلوة بتمنى تدخل بحيّز الاهتمام...بس ان شاءالله بعودة الكابتن عمار والحسونة رح تتحسن الامور الدفاعية..

[T . AJJAN]

عادوا الحيتان

[أبو ناظم]

و الله الأمر للادارة و انشالله بتدرس الموضوع

[T . AJJAN]

ممكن الفوال يكون ممتاز بس فريقناكبير ومافي مشكلة اذا كل اللاعبين الصغار يعودون للفريق وهون في هي النقطة بيكبر حطين

[T . AJJAN]

ابوناظم مرحبا اخوي وين انت بالشارقة لانو انا كمان بالشارقة

[الآغا]

والله كلامك صحيح والمشكلة الدفاعية ضاهرة تماما انا ما بعرفو للفوال بس حسب وصفك الو بيستاهل الاهتمام فاتمنى الاهتمام من الادارة

[نوار مالك مجبور]

والله ياريت

حدا يرسل للمدير خالد وهو بيوصل للجهات المعنية بالنادي

أبو النور

[abu kamal]

خير انشالله أبو مروان

[محمد سركس]

ماشي شباب لازم نحرك حالنا وانا اليوم بحكي ابوي بهل الموضوع بركي بيصير شي وقول يارب ويلي فيني يحكي مع حدا كمان ما يقصير والله الموفق

[BaTiGoAl]

الله يعطيكن العافية يا رب ...
ابو مروان ... هفوات دفاعية ... دائما ما تظهر في فريق حطين ...بالعكس باول مباراه حضرتا هون ضد الفتوة كان فيه ثغرة الاطراف وهي مشكلة اي فريققق بيلعب بخطتنا لانو عم يجبر الباكات يتقدمو للهجوم ويتركو مكانن ولاحظ الهواش عم تكتيك حلو لما شاف محمد علي مكانو عم يفضى خلا الفارس يكون قدامو ... وما خلاه يقدم كتير متل قبل... يعني الخلاصة .. انا شايف الفريق منيح كتير وبجد فائلني هالسنة وخصوصي انو كلو من حطين وشباب حطين وعزيمتن صدقوني غير قبل بكتير ... لكن هالشي ما بيمنع اذا كان اللاعب موهوب وذو بنية قوية يندرس وضعو ..ليشارك الفريق

[nawwar]

حطين بحاجة لخط احتياط أفضل من الموجود وبتمنى من الكابتن هواش انو يفكر مظبوط بكل لاعب عمينعرض عالفريق

[مهند شاويش]

كلام نوار مظبوط انا حضرت تمرين يوم الاربعا قبل مباراة الفتوة واللي لاحظتو وقلقني كتير هوة عدم وجود بديل جيد بخط الدفاع حطين من خط النص لادام ممتاز بس الدفاع لسا
كلامك يا ابو كمال بخليني اتفائل دائما

[Kh@led]

كلياتنا متفقين على هل الشغلة.. الفرييق بحاجة للاعبين على الاطراف...ما حدا بيقدر يتدخل بعمل المدرب.. لانو هو مقتنع باللاعبين يلي موجودين ... و لو كان بدو حدا .. ما كان قصر ..وطلب من الادارة

[Kh@led]

كنا بنتمنى يستفيدو من مشكلة غسان معتوق مع الوحدة ..ويلعب عنا .. لانا بحاجة لهل اللاعب كتير. بس ... !!!!!

[SAHED]

يا ريت تنحل هيك مشكله باسرع وقت بأي لاعب ممكن يستلم هيك مركز ويكون جدير فيه

[حمودة الحطيني]

و الله يا شباب صح و لازم ننظر للموضوع بشكل جدي

و الدفاع عنا ما ب 100% لذلك لازم يصير شي و و نهتم و نعالج قبل مباراة الوحدة

و ان شاء الله الفوز المبين

[حمودة الحطيني]

حطينية حطينية

عااااااااااااااااااااااااادوا الحيتان من رحلتهم البحرية و بحوزتهم 3 نقاط غالية من البرتقالة الدمشقية ليعتلوا بها صدارة الدوري السوري و عرش الفرق ... ان شاء الله

[juventini]

يا شباب على كل حال بعتقد إنو لعبة قوية متل لعبة الوحدة رح تكشف كل نقاط الضعف اللي ما كانت مبينة من قبل.. ان شاء الله بتطلع مخاوفي أوهام و بيطلع دفاعنا صخر قولوا يا رب..

[juventini]

أرسل أصلا بواسطة محمد سركس

ماشي شباب لازم نحرك حالنا وانا اليوم بحكي ابوي بهل الموضوع بركي بيصير شي وقول يارب والله الموفق

الله يعطيك العافية يا محمد..