ارحموا نادينا

موج البحر · #1 (**permalink**) 11/10/06, 01 :19 01:19:45 AM

يعني بدي أعرف لايمتى شوية مندسين وغوغائيين ضمن جمهورنا رح يستمروا باساءاتهن للنادي اللي كان أول نادي هالموسم بيتعرض لعقوبتين ورا بعض يعني معقول الادارة بدل ماتدفع رواتب اللاعبين والمدربين وأجور الحكام تدفع غرامات مالية كل أسبوع لاتحاد الكرة كرمال شوية طايشين و أوباش والله عيب وألف عيب هالشي اللي عم يصير وين دور رابطة المشجعين وشرطة حفظ النظام لتقمع هالظاهرة البشعة اللي بتسيء لاسم نادينا وكمان الصحافة ماعم تقصر بأنو تلفت النظر لهالظاهرة وتأكد عليها كأنو ما في غير جمهور حطين اللي عم يتصرف هيك عل كل حال شوبدنا بغيرنا المهم أنو ماعاد نشوف مفرقعات وشتائم ولك شو ذنبو تشرين اذا سجل هدف بالشام تنسب أختو وأمو ------- حاجتنا بقا واجا الوقت نخلص من هالتصرفات الصبيانية

Kh@led · #2 (**permalink**) 11/10/06, 01 :33 01:33:06 AM

ما معك حق تحمل رابطة النادي المسؤولية ... انا براي انو هل الشي مدسوس من قبل البعض يلي من مصلحتون يتضرر النادي ...

محمد نور · #3 (**permalink**) 11/10/06, 02 :05 02:05:44 AM

منحكي منحكي وكاني عم بحكي بالطاحون لك يا اخي ذكرنا انو ضبط المشجعين شغلة الشرطة مو شغلتنا وخصوصا برمي المفرقعات
اما بالنسبة النا فنحنا قمنا برمي قصاصات توضح للجمهور خطورة هذه الافعال
والرابطة التانية مرقت علم بتحذر من المفرقعات بقد البناية اللي عايش فيها حضرتك وما حدا فهم
يعني الرابطة عم تعمل اللي عليها وعندي موضوع لضبط المشجعين رح اكتبو لاحقا وخصوصا امر المفرقعات

أحمد دالي سلو · #4 (**permalink**) 11/10/06, 02 :11 02:11:10 AM

كلام السيد خالد صحيح والرابطة عملت العليه بس شو بدك تقول.؟؟؟؟؟؟؟؟
دق المي وهي مي.

الآغا · #5 (**permalink**) 11/10/06, 02 :15 02:15:27 AM

ملاحظ انو تعابيرك رح تخليك خارج السرب طول العمر ؟؟؟ والله الملافظ سعد

SAHED · #6 (**permalink**) 11/10/06, 02 :16 02:16:12 AM

والله معناتا على كلامك اخي بحر لازم الرابطه توقف على الابواب وتفتش من ورا الشرطه متفرج متفرج اذا رموا قصاصات ورق مشان هالشي وعلئوا لافته قد بنايه وما حدا رد شو بدهم يعملوا اكتر من هيك وكلنا واثقين انها اعمال ناس مندسه بين الجمهور

hmo · #7 (**permalink**) 11/10/06, 02 :32 02:32:16 AM

الله ايكون با لعون

BaTiGoAl · #8 (**permalink**) 11/10/06, 05 :21 05:21:41 AM

يا شباب ما ناس مندسة ...اولا فيه ناس طشة جاهلة ما بتلاقيلا حل لا بتقدر تعرف شو بدها بتشوفن هيك فجاة خربو الدنيا ومن دون سبب؟ هاد نتيجة الجهل والله ما بعرف كيف رح نقضي عها الحالة لكن الواحد يكون واقعي شوي...
اي شو جمهورنا كمان ما في متلو اكيد كل الاندية بسوريا عندا نفس الجمهور وبعانو من نفس المشكلة بس ليش العين مفتحة علينا زيادة ما بعرف..هي اول شي
القصة بعدين معلشييييي ليش يا موج البحر جبت سيرة تشرين فورا؟ اول شي لقلك دائما كمان جمهور تشرين عغفلة ما بتشوفو الا بلش مسبات عحطين ... يعني عادية .. هيك شغلات ما فينك تسوي كل جمهور حطين مثقف ...
ولا اي جمهور بالعالم ...ليكن الانكليز شفتو شو بيعملو وشو بسبو كلشي
يعني الخلاصة الواحد بيعمل اللي عليه وبريح ضميرو وبعدين شو بايدو يعمل؟ اكتر من هيك !! مننتظر عسى ولعل الله يهدي كل واحد جاهل ويصير يعرف شو عم يعمل

karroom · #9 (**permalink**) 11/10/06, 11 :30 11:30:37 AM

دق المي وهّي مي...

Saeedoo · #10 (**permalink**) 11/10/06, 11 :35 11:35:14 AM

هيدا القسم الجاهل بجمهورنا ...ما حلهم يفهمو أنو المفرقعات بتخسر النادي

والله العظيم عيب ..

juventini · #11 (**permalink**) 11/10/06, 01 :40 01:40:09 PM

بدي إسألكون يعني جزء من الجمهور جاهل و ما بيفهم و بيدخل عالملعب منشان يفش خلقو و كلياتون معترين و همشرية و الفهمان فيهون انقرض من زمان.. من وين رح يهتموا بمصلحة الفريق أو النادي؟
مشوارنا طويل و هالعالم الوسخة المندسة بجمهورنا رح تضل موجودة لفترة طويلة بس واجبنا نحد من تأثيرها حتى نوصل لمرحلة نقلع هالشوكة من خاصرتنا و يكون كل الجمهور اللي بالملعب ناس محترمة و فهمانة وفيها عقل..

نوار مالك مجبور · #12 (**permalink**) 11/10/06, 04 :41 04:41:51 PM

لازم تعرفوا يا شباب انو المرتزقة تبع اتحاد الكرة

عم عيشو من ورا هالعقوبات

خلونا نموتهم من الجوع ولبئا نرمي مفرقعات 36_1_11[1

أبو النور

SAHED · #13 (**permalink**) 11/10/06, 05 :02 05:02:27 PM

بس كمان حضرة جناب الاتحاد الرياضي لازم يفهم انو في شي اسموا عالم جاهلة وفي شي اسموا جمهور مندس وإذا ما كل حدا رمى مفرقعات بالملعب نعاقب النادي صاحب الأرض معناها بكرا كل ما تصير لعبه لفريق ما بحبوا بروح وبزت مفرقعات وغيري يعمل هيك و منشتغل ببعض والاتحاد الرياضي بيشغل العقوبات وان شاء الله عمرهم اللاعبين ما ياخدوا رواتبهم .
قبل ما يعاقبوا الأندية يروحوا يحطوا حفظ رجال نظام مدربه و فهمانة وتعرف تفتش مثل العالم والخلئ ويحطوا كاميرات مراقبه عالمدرجات ليعرفوا من وين عمتطلع المفرقعات لأنو أنا واثق إنهم بينعدوا عالا أصابع يلي يعملوا هيك وأنا بتحدا انو معظمهم من خارج الأندية بكفي مسخره بكفي مسخره كل ما دق الكوز بالجرة عقوبة ماليه عقوبة ماليه وأخر شي بأتحفونا بمقولة تطوير الكره السورية إي كيف بدكم تطوروها إذا عمتسرقوها وعمتسرقوا الأموال بطرق أكثر من ملتوية لسا شخص بقول الحق على فلان والتاني بقول الحق على فلان الحق عالشرطه وحفظ النظام والشرطة العسكرية مو كل هدون الجهات الأمنية بتتواجد بالملعب يدوروا على كل شخص ببرمي مفرقعات وهون يأخذ كل ذي حق حقه

Khalil · #14 (**permalink**) 11/10/06, 08 :52 08:52:03 PM

أمر يستحيل الحل

حمودة الحطيني · #15 (**permalink**) 11/10/06, 10 :40 10:40:24 PM

ما دخل الرابطة ... الظاهر لازم تعرف شو مهمة الرابطة قبل ما تكتب

محمد نور · #16 (**permalink**) 12/10/06, 03 :12 03:12:39 AM

بس مفهومة هاللعبة
لك على مين بدكون تتضحكو؟؟؟
لك نحن اللي دهنا الهوا بويا وحلقنا للجبل وبلطنا البحر
ولك نحن جمهور حطين ورح اعرف كيف وقف هالظاهرة بطريقتي الخاصة

SAHED · #17 (**permalink**) 12/10/06, 03 :40 03:40:09 AM

والله كفو ابو احمد والله يقويك يا رب 36_1_11[1 36_1_11[1

juventini · #18 (**permalink**) 12/10/06, 02 :20 02:20:28 PM

اقتباس:

أرسل أصلا بواسطة عمر كنفاني

ولك نحن جمهور حطين ورح اعرف كيف وقف هالظاهرة بطريقتي الخاصة

قدها و قدود أبو أحمد.. الظاهر عندك أفكار قوية بالنسبة لهالموضوع..؟

abu kamal · #19 (**permalink**) 12/10/06, 05 :39 05:39:23 PM

ولله ياريت انت أول شي تطلع منا وتريح حالك
وتاني شي
الله يكون بعون العالم كمان بدون يحاسبون ع فرحون
الحق ع اتحاد القدم ما ع الجمهور

hutteen my love · #20 (**permalink**) 12/10/06, 10 :27 10:27:00 PM

مسيو سامر زين شو بدك هلأ من هالقصة كلها

ولا شو ما عم تلاقي شي موضوع تعملو نسخ لصق بالجريدة

لك كبار شوي خلصنا ولدنة

أدوات الموضوع	البحث في الموضوع
عرض نسخة للطبع إرسال هذه الصفحة إلى بريد إلكتروني	البحث في الموضوع: بحث متقدم
أنماط العرض
النمط الخطي الانتقال إلى النمط المختلط الانتقال إلى النمط الموضوعي

مستخدمين موجودين حالياً يشاهدون الموضوع: 1 (0 أعضاء و1 ضيوف)

اعلانات