عارف الآغا الله يا زمان

[أبو ناظم]

شباب الموضوع دار براسي بعد ما سمعت نتيجة الطليعة و الجيش و تسجيل ابو فريد لهدف الطليعة

و الله الشغلة لا حسد و لا ديئة عين بس و الله لما عم شوف صورة ابو فريد باللون الاحمر عم تفر الدمعة من عيني
و الله بقولا و بكل صراحة مشتاق لابو فريد بالازرق
يمكن هالحكي فاضي بهالوقت و ما بيقدم ولا بيأخر
بس الشوق لابو فريد و اهدافو رح تدبحني يا شباب
ما عم اقدر انسى حركتو بالملعب مع الشباب

دو الله بقولا من كل قلبي

بتمنى شوف ابو فريد عنا السنة الجاية لانو هالشب قمة بكل شي
و بالاخير سامحوني على الطولة

[الامير totti]

جميعاً نحب ان نرى أولاد النادي يدافعون عن قميص الحوت الازرق ...
لكن في القلب حسرة ...وفي العين دمعة ...
ندعو لهم بالتوفيق ..

[virus]

الله يوفقو كيف ما راح و كيف ما أجى....

[Khalil]

بالنسبة لي
كنت حبو كتييييييييير
بس هلأ ما بتمنا يجي على الفريق
لأنو أي لاعب من الشباب سيخدم الفريق أكثر من عارف

[أبو ناظم]

شباب في حدا عندو صورة لعارف

و اذا بالتحديد صورتو بلعبة تشرين 3-1 لما حط الهدف الثالث

[الآغا]

اه يا ابو ناظم ليش حدا بينسى الآغا ؟؟؟ وانا مسمي حالي الآغا نسبة لحبي لهاللاعب وعشقي لاهدافو ... صدقوني الجيل اللي رح يطلع بعدين رح يحسدنا لما يشوف جوال ابو فريد متل هاللاعب ما رح يجينا بعمرو لانو الاغا مرة بالدهر بتمنى يكون السنة القادمة مع الحوت وعارف من النوع المؤدب والاصيل ما حدا يفكرو باع النادي وابو فريد اصيل شو ما صار يصير

[نوار مالك مجبور]

لح كون قاسي وصريح اسمحولي

ياللي ثبّت حب نادي حطين في قلبي

هو حذاء عارف الآغا الدهبي و عقل سليم جبلاوي

يا شباب والله العظيم شو صار معي بلعبة حطين والطليعة كأس الجمهورية باللادئية ما بعرف

خسرنا و كنت مبسوط و سعيد / حتى أنا خجلت من نفسي / ليش هيك حسيت

لذلك عارف الآغا في قلب كل حطيني أصيل حتى لو لعب مع الشيطان

أبو النور

[ذئب روما]

حطين بحاجه الى الاغا والاغا بحاجه الكن بس ماحدا عم يفهمو الظاهر لذلك ساعدوه ياشباب..باي طريقه..

[SAHED]

أرسل أصلا بواسطة أبو ناظم

شباب في حدا عندو صورة لعارف

و اذا بالتحديد صورتو بلعبة تشرين 3-1 لما حط الهدف الثالث

اي والله يا ريت انا هي اللعبه طلعت من الشام عاللادئيه لأحضرها وما بنسى الجول التالت بعمري

[باتيستوتا]

(يلي باعك بيعوا ) والحجج هي الاحتراف اللاعب الاصيل يبقى وفيا لناديه ولجمهوره ويبقى حطين كبيرا وباذن الله سيصنع حطين نجوما افضل من النجوم غير الاوفياء الذين باعوا ناديهم وجمهورهم من اجل زياده في الليرات وعندما يسجلون اهدافا في مرمى فريقهم السابق حطين بكل عزيمه يقولون انه الاخلاص لقميص النادي الذي نلعب له واريد ان اسألهم اين هو اخلاصكم للنادي الذي انشأكم وترعرعتم به اين هو الوفاء لجمهور حطين العظيم الذي كان يتابع اخباركم لحظة بلحظه والناس معادن

[محمد سركس]

والله مشتلقو كتير
وياريت يرجع ونحن مناخدو بل الاحضان

[YOUSEF..MS]

والله انا حاسس فيك ابو ناظم

[حمودة الحطيني]

الله يسعدو و يبعدو

[عامل الصومعة]

الله يوفقو......وهادا هو الإحتراف.....بضل عارف أسطورة وبقلبنا كلنا....وطبعا كمان أبو علي.

[the-boss15]

أرسل أصلا بواسطة نوار مجبور/أبو النور/

لح كون قاسي وصريح اسمحولي
ياللي ثبّت حب نادي حطين في قلبي
هو حذاء عارف الآغا الدهبي و عقل سليم جبلاوي
يا شباب والله العظيم شو صار معي بلعبة حطين والطليعة كأس الجمهورية باللادئية ما بعرف
خسرنا و كنت مبسوط و سعيد / حتى أنا خجلت من نفسي / ليش هيك حسيت
لذلك عارف الآغا في قلب كل حطيني أصيل حتى لو لعب مع الشيطان
أبو النور

ولك أخوي شوف الصوره اللي حاططها والله العظيم كل ما بحضر لعبة لفريقنا بتذكر أبو فريد و أبو علي و هداك اليوم كنت عم قلو لرفيقي بالملعب أنو ناقصنا سليم لأنو عن جد محلو ما بيتعبى بحياتو
تحياتي للجميع
و لأبو النور خاصة على كلامو الحلو و الصريح

[Rammstein]

أرسل أصلا بواسطة باتيستوتا

(يلي باعك بيعوا ) والحجج هي الاحتراف اللاعب الاصيل يبقى وفيا لناديه ولجمهوره ويبقى حطين كبيرا وباذن الله سيصنع حطين نجوما افضل من النجوم غير الاوفياء الذين باعوا ناديهم وجمهورهم من اجل زياده في الليرات وعندما يسجلون اهدافا في مرمى فريقهم السابق حطين بكل عزيمه يقولون انه الاخلاص لقميص النادي الذي نلعب له واريد ان اسألهم اين هو اخلاصكم للنادي الذي انشأكم وترعرعتم به اين هو الوفاء لجمهور حطين العظيم الذي كان يتابع اخباركم لحظة بلحظه والناس معادن

اخوي نحنا ما عم نحكي عن انتمائه ووفائه للنادي وكلامك صح 100% ... بس عم نحكي انو لاعب كبير ...
وانشالله يطلع من النادي خليفه الووو ...
":"016

[باتيستوتا]

[quote=Rammstein]اخوي نحنا ما عم نحكي عن انتمائه ووفائه للنادي وكلامك صح 100% ... بس عم نحكي انو لاعب كبير ...
يااخي العزيز اللاعب الكبير كبير بكل المقاييس بالاخلاق والانتماء والوفاء اولا ومن ثم المهاره

[Saeedoo]

الله يوفقو ويهنيه ...نضل منفخر أنو صناعة حطين ...وكل ماحط كول الكل بيقول هاد إبن حطين ..

والله يبعتلنا لاعب متلو وأحسن ..والبركة بالشباب أدها وقدود