الخسارة اسبابها نتائجها

[مهند شاويش]

ما سبب خسارة اليوم الرقمية ان توقعناها فنيا فلم نكن نتوقعها رقميا ؟؟؟
هل هذا هو مستوى فريقنا الحقيقي وهذه امكانياتهم؟
هل تخاذل لاعبو الفريق كي ترحل الادارة او الكادر الفني ؟
هل تخاذل لاعبو الفريق لانهم لم يقبضوا مستحقاتهم قبل العيد؟
وجهة نظري :
ان كان هذا مستوى فريقنا الحقيقي فإني أدعو الادارة وبشكل عاجل الى فسخ عقود كل لاعب بالنادي فوق 28 عام واشراك الشباب فلن يكونوا أسوأ من الموجودين ..
ان كان هناك تخاذل فإني ايضا أوجه دعوة عاجلة لادارة االنادي بإجراء تحقيق مع اللاعبين تحقيق جدي ورسمي بمحضر جلسة واتخاذ العقوبات بحق المحرضين ورفع توصية لمنظمة الاتحاد الرياضي العام لفصلهم من المنظمة..
اسم حطين ليس رخيص علينا واليوم من جديد دخلنا بمتاهة كل موسم ويجب أن لا نقبل بعد اليوم بأنصاف الحلول...

[ابو بشار الحطيني]

اخ مهند .....بصراحة اقولها نعم الخسارة متوقعة مع المجد .......فالظروف التي يمر بها نادينا غير صحية على الاطلاق بدءا من الادارة وانتهاءا باصغر لاعب في النادي ..........وعتبي الشديد للاعبينا الذين يريدون تصغير اسم حطين و اذلاله ......ويجب العمل قبل كل شيء على اصلاح الوضع الاداري اولا ثم يعده ياتي دور اصلاح وضع الفريق ......اما الان في ظل الاستقالات الحاصلة في الادارة وتهربهم من تحمل المسؤولية من سيعالج وضع الفريق؟؟؟؟؟؟ومن سيحاسب اللاعبين المتخاذلين و المستهترين الذين يتلاعبون بنادينا و بجمهورنا ؟؟؟؟؟؟؟؟؟؟؟؟؟؟؟؟

[أحمد وزان]

نادي كل مين ايدو الو أخوي مهند ... يعني صرنا حافظين هالديباجة وعيارون لبوكرا وبتشوف ابر المهدء والمخدرة والذي منو نزلت بالصحف والمقالات واللقاءات ... سيتم نكش تبريرات من تحت الأظافر وكل واحد بيشلحا بضهر التاني و هكذا دواليك .... يعني من بوكرا الصبح مع صدور الرياضية رح ندخل بحلقة تكرارية برمجية ألها أول ما ألها أخر ... يعني فينك تقول للانهاية بقيم موجبة وغير الله ما بيعرف أيمت تنزل معجزة تنخط على حيطان هالنادي المهرر ليتم انقاذ اللي ضل بهالخرابة ...
حاجة هيك الكيبورد بلشت تكرفس علي


سلمات

[مهند شاويش]

بس نحنة كجمهور أخي أحمد لازم ما بقا نلع هيك تبريرات وانا من ناحيتي ناط لقاءات الاستاذ عبد الباسط مع بعض اللاعبين لحتى نسمع وجهة نزرت ووقتا لكل حادث حديث بس الله يكون معن من لساني

[B u FF o n]

لازم نشوف حل لهل المشاكل يلي عم نوقع فيا كل سنة
اول المشاكل هي الادارة؟؟؟ و الكابتن عماد بالفعل اليوم
دل على زكائو المحدود ..

[الدكتور]

و الله الحمد لله إنو أخدنا بالعبطة هالكام نقطة لأنو ما رح نشم ريحة النقط بعد هلا عهالمستوى و الأداء

[NARAMoo]

لك يا عالم يا ناس

شوفو التشارنة فريقون وادارتون مو احسن مننا

بس شوفو نتائجون ولعبون كيف

عنجد بحيههم بحرارة

اما لاعبينااااا يا لطيف على هيك ولاد ضعاف

ما عندون لاحس بالمسؤولية ولا شي

[NARAMoo]

اما المدرب الكبير اللي عامل حالو فوق الناس كلهاااا

شوف نتائجك يا كوتش

ما بتخجل على حالك او بتئول بتفهم بالكرة وعندك تكتيك عالي

لك روح بعلك شوي بطاطا اكرملك

[ابو عمر الحطيني]

شباب لا حدا يزعل لانو هادا مستوانا فريق بيعتمد كشف التسلل وبياكل اربع كوال منها لازم يلعب بالدوري الانكليزي!!!!!!

[hassnnet]

بدي افهم شو بدون اللعيبة مصاري ولا مدرب ولا ادارة ولا جمهور , يفهمونا شو بدون
مشان يجيبو نتائج
رايي اللاعبين مابيعرفو شو بدون لانو هنن مانون لاعبين ,عبارة عن اشباه لاعبين شاطرين ع
امية وعفرين والحرية وجبلة بارضنا بس
وهادا دليل انو الجمهور هو يلي بيفوز ع هالفرق بين قوسين ( بيخجلو اللعيبة قدام الجمهور )
اما برا فما عندون مشكلة يتبهدلو ما مشكلة كل الفرق بتخسر اما متل خساراتنا ما شفت
لانو اليوم ما لعبنا طابة ولا قدمنا اي شي الو علاقة بالطابة
اليوم : اللاعبين ماكان عندون شي يقدموا
او لا يوجد لاعبين في الملعب
او بدون يطفشو المدرب او الادارة او احد اعضاء الادارة

رايي السبب انو مافي لاعبين بالملعب عبارة عن ( . . . . . . ) لابسين طقم حطين وياريت شاطرين بشغلة
يلي شاطرين فيه هو لعب الشدة والكزدرة بالسيارة والحكي ع الموبايل ( هيدي الحضارة )
ولاعيبة حطين بيطبقوا ع اصولا

يلي بدو يروح الجمعة الجاية ع الملعب لازم يروح يبهدل هيك لاعبين ويطلع بودن ما يتفرج ع لمسخرة القادمة امام الاتحاد

[دل بــييرو]

بس نحنة كجمهور أخي أحمد لازم ما بقا نلع هيك تبريرات

أخوي سبب الخسارة واضح
هو الغياب المؤثر للاعب علي حسونة
ما في كلام

[الامير totti]

غياب الضمير عن كافة اللاعبين
وموت الانتماء لقميص النادي
فقط لا غير

[h@a]

يجب على الجمهور مقاطعة الفريق حتى يصحى الضمير عندن

[nawwar]

لك والله يا ابو مروان ما بقا عدنا عرفنا من وين العطل
بدك الادارة تحاسب اللاعبين
ليش مارح يكون عندك ادارة بتحترم حالها بالأول

[LIVERPOOL 22]

الادارة استقالت والكادر الفني استقال ولم يبقى سوى اعتزال كام لاعب بالفريق او فسخ
عقود ........
برافو هشام عابدين برافو عارف برافو دنورة وحتى مروان سيدة وذياد شعبو برافو
طلعتو من حطين مرفوعين الراس وتعرفون بان ناديكم والعاملين بناديكم لا يملكون المال
فقررتم الرحيل اما من بقى ويعرف النادي لا يملك المال لماذا وقعتم ولماذا تلعبون للفريق
ولماذا تذلوووووووو جماهير حطين وكل ما تفعلون يسجل لكم ..........

[دل بــييرو]

أرسل أصلا بواسطة الامير totti

غياب الضمير عن كافة اللاعبين
وموت الانتماء لقميص النادي
فقط لا غير

هيدي مفروغ منها اخوي اب جعفر من زمان
بس شو بدنا غياب البركات والحسونة ما أثر على الفريق

[المدفع الحطيني]

والله شي بوطي الراس ومشكلة كبيرة لازم ينوجدلها حل

[عاشق اليونايتد]

والله فريق الشباب على الاقل عندو ضمير وبيخافو على اسم ناديهم

[*OSAMA*]

والله بظن ان الخسارة استهتار من اللاعبين لانو عندن 2_1مثل 5_1

[InVaDeR]

ليك اخوي من يوم الاثنين وصلني خبر عن نية تطفيش المدرب من مصدر مقرب بالنادي ولعدم وجود الدليل سكتت و الت خلي النتيجة تحكي.........