التجاهل الإعلامي لنادي حطين

[SAHED]

سم اله الرحمن الرحيم
رح بلش موضوعي بسؤال موجه للجميع في حدا منكم ما حس بيوم من الأيام بالتجاهل الإعلامي لنادي حطين على جميع المستويات من صحافه إلى تلفزيون إلى راديو ؟؟؟؟؟
على سبيل المثال :
1 – الصحافة : في أي جريده رياضيه منشوف الاهتمام الكبير بالأندية ذات القاعدة الجماهيرية الكبرى مثل الاتحاد والوحدة و حتى الجيش بسبب القوة الكامنة بالفريق منشوف دائما تحليلات وتعليقات ومقابلات وأراء مثلا بصحيفة الرياضية كل أسبوع في زاوية تستضيف رؤساء نوادي وأشخاص مهمين بالنوادي و تتحدث عن هموم ومشاكل النادي وعن أي شي ممكن يحدث بالنادي ما بذكر إني مرة وحدة شفت مقابلة مع احد رؤساء نادي حطين أو أعضائه أو لاعبيه وفي زاوية اسمها كواليس وعلى سبيل المثال الأسبوعين يلي كانوا قبل مباراة الوحدة ما شفنا كواليس مباراة حطين ويعتقد لو ما كانت مباراتنا مع الوحدة كانت رح تغيب عنا كمان بهالاسبوع وأكثر ما ممكن نشوفه هو مقابلة مع احد اللاعبين وبطريقة مختصرة جدا أو خبر صغير جدا بأحد الزوايا مثل عدد يوم السبت يلي رقمه 349 وتاريخه 21/ 10 /2006 وتضمن موضوعين فقط عن نادي حطين وبشكل مختصر وصغير جدا الأول للصحفي رائد عامر عن مكافئات اللاعبين وكان مكون من سبع اسطر وبالحجم الصغير والثاني عن التعيينات الجديدة بالنادي وكذلك مكون من 6 اسطر بالحجم الصغير وبالمقابل نجد بنفس العدد وبزاوية مفتش برس لقاء مع اللاعب الموهوب والمدير السابق لنادي الوحدة حسام السيد مكون من صفحتين كاملتين ويتكلم عن كل شيء بالنادي بالتفصيل الملل ويلي قبلوا الاتحاد والجيش والكرامة والفتوة ويعتقد انو صدارة نادينا ومستواه المتميز يستحق توقف ولو بصفحة واحدة والأمثلة كثيرة في جميع صحفنا الرياضية .
2 – التلفزيون : من أكثر من 5سنوات ويلي أنا ملاحظه وكمان متأكد انو الكل مثلي لاحظه انو معظم مباريات حطين لا تعرض رغم إن إطرافها كانت فرق قوية جدا فمثلا نرى مباراة حطين وتشرين لا تعرض ومباراة الوحدة والمجد تعرض مباراة حطين والكرامة لا تعرض ومباراة الكرامة و الحرية تعرض و و و و و و والأمثلة كثيرة وصارت مشاهدة مباراة حطين على التلفزيون أمنية وحتى في هذا الموسم كلنا منعرف انو التلفزيون برمضان لا يعرض مباريات ولكن فوجئنا بعرض مباراة الاتحاد وتشرين وقبل أسبوع كانت مباراة الوحدة وحطين ولم تعرض مباشرة والجميع يعرف إن مباريات حطين والوحدة هي متعة الدوري السوري والجميع شهد على جمالية تلك المباراة .
3 – الراديو : برامجنا المحبوب والرائع ملاعبنا الخضراء والذي ينقل المباريات مباشرة نجد التعليق يبدأ من دمشق وينتقل لحمص وبعدها حماة وجبلة وفجأة يقفز إلى حلب ومن ثم دير الزور والقامشلي وترا اللاذقية أخر الختام وبالذات في مباريات حطين وأكيد انو الجميع لاحظوا هيك شي .

موضوعنا هون وباختصار هو توجيه رسالة الى الصحافة عن التجاهل الإعلامي الكبير لنادي حطين العريق ويتمنى من كل عضو محب لنادي حطين إبداء رأيه بالموضوع لأنو في نهاية الموضوع رح نجمع كافة الأفكار و الاراء ونبعث موضوعنا هذا مع الأفكار إلى بعض إطراف صحافتنا العزيزة لنحاول قدر الإمكان حل هذه المشكلة ويتمنى من جميع الأفكار تكون موضوعيه وبطريقة علمية وتكون الأفكار بناءة لنادينا وأيد بأيد لرفع سمعة نادينا العريق حطين

[NARAMoo]

اي والله معك حق بكل كلمة

[محمد سركس]

معك حق

[SAHED]

يا اخواني بتمنى من الجميع ينتبه لأخر فقرة بالموضوع


((( موضوعنا هون وباختصار هو توجيه رسالة الى الصحافة عن التجاهل الإعلامي الكبير لنادي حطين العريق ويتمنى من كل عضو محب لنادي حطين إبداء رأيه بالموضوع لأنو في نهاية الموضوع رح نجمع كافة الأفكار و الاراء ونبعث موضوعنا هذا مع الأفكار إلى بعض إطراف صحافتنا العزيزة لنحاول قدر الإمكان حل هذه المشكلة ويتمنى من جميع الأفكار تكون موضوعيه وبطريقة علمية وتكون الأفكار بناءة لنادينا وأيد بأيد لرفع سمعة نادينا العريق حطين )))

يعني بتمنى الكل وضع افكاره ورأيه لنكون رسالة مقنعة للجميع بأن نادينا مظلوم

[abu marwan]

يا سيدي كلامك مظبوط مليون بالمية بس انا سبقتك بهالموضوع ومن الموسم الماضي بعتت ايميلات لبعض رؤساء التحرير وبهدلتون بهدلة من تحت الدست وخصيت بالحكي حسام ضويحي رئيس تحرير جريدة الموقف السابق ولمها بدر الكل بيعرفهاوكتبت بالايميل
لعنة الله على هيك صحافة وصحافيين
اللذين هم لطريق النقد البناء ضالين
اللذين هم لعملهم غير مخلصين
والذين هم لبعض الفرق متحيزين
لا يكتبون الا عن الجيش والاتحاد وتشرين
وتناسو فرق الجهاد والفتوة وحطين
على مين عم تضحكوا على مين

ولسه كنتوا بدكون ترفعوا السعر للعشرين
واللـــــــــــــــه كتير عليها الليرتين
على كل حال شكرا لانكم ساعدتوني لأكون للرياضة من الكارهين
يميناعليي كل ما سمعت احدا يدعوا عليكم ساقول ورائه آمين

[SAHED]

أرسل أصلا بواسطة أبو مروان الحطيني

يا سيدي كلامك مظبوط مليون بالمية بس انا سبقتك بهالموضوع ومن الموسم الماضي بعتت ايميلات لبعض رؤساء التحرير وبهدلتون بهدلة من تحت الدست وخصيت بالحكي حسام ضويحي رئيس تحرير جريدة الموقف السابق ولمها بدر الكل بيعرفهاوكتبت بالايميل
لعنة الله على هيك صحافة وصحافيين
اللذين هم لطريق النقد البناء ضالين
اللذين هم لعملهم غير مخلصين
والذين هم لبعض الفرق متحيزين
لا يكتبون الا عن الجيش والاتحاد وتشرين
وتناسو فرق الجهاد والفتوة وحطين
على مين عم تضحكوا على مين

ولسه كنتوا بدكون ترفعوا السعر للعشرين
واللـــــــــــــــه كتير عليها الليرتين
على كل حال شكرا لانكم ساعدتوني لأكون للرياضة من الكارهين
يميناعليي كل ما سمعت احدا يدعوا عليكم ساقول ورائه آمين

كلامك على عيني وراسي بس صدقني بهيك رسائل رح تصير الشغله جكر ورح يحاربونا اكتر من اول نحنا بدنا نكون موضوعين وعمليين ومع براهين وبطريقه غير استفزازية

[abu marwan]

أرسل أصلا بواسطة SAHED

كلامك على عيني وراسي بس صدقني بهيك رسائل رح تصير الشغله جكر ورح يحاربونا اكتر من اول نحنا بدنا نكون موضوعين وعمليين ومع براهين وبطريقه غير استفزازية

صدقني يا ساهد حاولت كتير ........اكتر من انو مدحتون وسويتون افضل جريدة في العالم ......بس دق المي وهيي مي

[SAHED]

والله يا ابو مروان بعرف بس نحنا رح نعمل يلي علينا وبكل الطرق التي لا تستفز احد ومنشوف النتائج واكيد منكون عملنا يلي علينا

[الآغا]

دق المي وهي مي

[abu marwan]

وهادا اول ايميل ببعتو للرياضية
بسم الله الرحمن الرحيم

السلام عليكم ورحمة الله وبركاته :
في البداية اعذريني لأني كاتب الأيميل باللهجة العامية لأن الصراحة ما دارس صحافة وياريت لودارس صحافة وكنت صحفي بجريدة الرياضية لكنت عدلت بالكتابة بين الاندية وما كتبت عن الجيش ونسيت حطين وما كتبت عن الوحدة ونسيت حطين
الصراحة .. انا حطيني للعظم بس معليش اعذريني لان بلشت بهالطريقة بس والله من كتر زعلي من جريدة الرياضية
طيب معقول انو 3 اعداد من الجريدة ما مذكور فيها عن حطين الا الشي المعروف واللي عدم كتابته كان افضل وكام سطر بس رفع عتب
والمشكلة صايرة الجريدة ما عم تحكي غير عن الجيش و الوحدة ( البرتقالة ) والاتحاد والكرامة وتشرين كان الدوري 5 فرق بس الصراحة صرنا نعرف شو مكتوب بالجريدة قبل ما تصدروما بقى فيها شي مميز متل الاعداد الاولى
اما باقي الفرق فلها زوايا من العدد وكام كلمة بس رفع عتب
والله بدي اطلب من مديرية المهرجانات لعمل مهرجان متل مهرجان المدن المنسية بس يكون مخص للاندية المنسية بحب ذكرك بأول أعداد الرياضية كيف كانت تكتب عن كل الفرق والالعاب الاخرى بس شو هالتغيير اللي صار ما عم أعرف ما بيكفي انو الاتحاد الرياضي نسيان هالفرق وبتجوا انتوا بتكملوا عليها وبتمنى انو تخصصوا صفحة كاملة لحطين مو بس كام كلمة وكام سطر وبرجع بقول اعذريني بس والله لأنو بحب الرياضية عم أكتب هيك
واذا بيصير سعر العدد 1000 ليرة انا اول مين رح يشتريه
والله يعطيكي العافية
ياترى بكون غلطان شي بهالايميل

[SAHED]

لا مانك غلطان حبيبي بالعكس كلامك جميل بس نحنا هون رح نبعت رأيي الجميع وليس رأيي فردي او رساله فرديه يعني الرساله رح تكون مذيله بتوقيع جماهير نادي حطين

[abu marwan]

يا سيدي متل ما اتفضلت وحكيت منعمل اللي علينا والباقي على الله

[حمودة الحطيني]

أرسل أصلا بواسطة أبو مروان الحطيني

يا سيدي كلامك مظبوط مليون بالمية بس انا سبقتك بهالموضوع ومن الموسم الماضي بعتت ايميلات لبعض رؤساء التحرير وبهدلتون بهدلة من تحت الدست وخصيت بالحكي حسام ضويحي رئيس تحرير جريدة الموقف السابق ولمها بدر الكل بيعرفهاوكتبت بالايميل
لعنة الله على هيك صحافة وصحافيين
اللذين هم لطريق النقد البناء ضالين
اللذين هم لعملهم غير مخلصين
والذين هم لبعض الفرق متحيزين
لا يكتبون الا عن الجيش والاتحاد وتشرين
وتناسو فرق الجهاد والفتوة وحطين
على مين عم تضحكوا على مين

ولسه كنتوا بدكون ترفعوا السعر للعشرين
واللـــــــــــــــه كتير عليها الليرتين
على كل حال شكرا لانكم ساعدتوني لأكون للرياضة من الكارهين
يميناعليي كل ما سمعت احدا يدعوا عليكم ساقول ورائه آمين

أمين يا رب العالمين انك سميع مجيب لدعوات المظلومين يا ناصر المظلومين يا الله

[أحمد وزان]

ياشباب

مابدنا نحكي بس
بدنا مين يسمع هل الحكي و يشتغل فهنة

لازم نوصل لمرحلة
متل ماهل الفرق الخمسة يلي عم تذكروون عمينتابع

لازم نوصل لمرحلة
متل ماهل الفرق الخمسة يلي عم تذكروون عمينتابع أخبارون
نحنة أحسن منهم بكتير بس بدنا إدارة وكادر مجتهدوليسسسسسسسسسسسسسس
بتعرفوا كلياتكم

لازم نوصل لمرحلة
متل ماهل الفرق الخمسة يلي عم تذكروون عمينتابع أخبارون
نحنة أحسن منهم بكتير بس بدنا إدارة وكادر مجتهدوليسسسسسسسسسسسسسس
بتعرفوا كلياتكم الباقي

لك

لك

لك طول بالك ماصايم أنتة
علق الإنتر عندي
حبيب قلبي sahed

ياشباب هل الموضوع لازم مايقوف على حكينا بين بعض
يجب العملالجاد
لتحقيق المراد
ولا شو رأيكون

ياشباب هل الموضوع بلش
ومارح ينتهي بإذن الله إلا بحل جذري

ياشباب

ياشباب يلي بيقدر يساعد مايقصر ولو بالدعاء وهدا أضعفالإيمان
والله يفوق

ياشباب يلي بيقدر يساعد مايقصر ولو بالدعاء وهدا أضعفالإيمان
والله يفوق حطين

ياشباب يلي بيقدر يساعد مايقصر ولو بالدعاء وهدا أضعفالإيمان
والله يفوق حطين لكل ماهوة خير

[SAHED]

شبك حبيبي حطيني موت حط ردك بموضوع واحد مو الف رد وكل رد بكلمه وحده ؟؟؟؟؟؟؟؟؟

[Phoenicean]

أنا بضم صوتي شباب لأني ملاحظ من زمان هالشي ... فعلاً بجريدة الرياضية كتير مرات بيحطو كواليس كل المباريات إلا مباراة حطين و مقابلات نادرة و مختصرة ... التلفزيون حدث و لا حرج ... و أنا بضيف أنو مو ملاحظين أنو حطين بيعتبروه فريق مو سوري !! ... من إيمتا ما شفنا لاعب حطيني بمنتخب سوريا الأول ؟؟؟ ... بينما منشوف لاعبين ما بيلعبو مع أنديتن بالدوري أو من أندية ورا حطين بالترتيب ؟!!!! ....

[أحمد وزان]

لقد أسمعت لو ناديت حياً و لكن لا حياة لمن تنادِ

ولو ناراً نفخت أضاءت و لكنك تنفخ في رماد

[فاروق ابن البحر]

كلامك صح مية بالمية اخوي وحطين مظلوم بكلشي مو بس بالصحافة وهادا كلو سببوا الغيرة من نادينا يصطفلوا ما بدنا منيتون

[أبو ناظم]

شباب هادا الموضوع القديم الجديد
و هالشي من زمان موجود من زمن المرحوم عدنان بوظو
التحيز لاي فريق عم يلعب ضد حطين "شوفو تعليق المعلقين شي بيجلوط"
انا برئي هالشي مو رح يتغيير شو ما عملنا
لانو هي عقيدة مترسخة باذهان هالطبقة
انا برئيي خلونا نركز على الصدارة و هيك بس منجبرون يركزو علينا

[virus]

تحية للشباب جميعا.... يمكن بسبب علاقة شغلي بالصحافة فيمكن عندي كام فكرة ممكن تساعدنا...لأنو متل ما حكيوا الشباب أنو اذا بدنا نشوف شي خبر لحطين لازم يكون معنا مكبر أو ( مجهر ) منشان نشوف أخبار حطين بالجرايد ....علي الحلال مرة شفت خبر بجريدة محلية هون بالإمارات بيحكي عن حطين ع قد ما حكوا عن حطين كل عمرو بصحافتنا....ع كل حال النقط اللي ممكن نستفيد منها هي:
1- تأسيس علاقة قوية جدا مع الصحافة و الصحفيين المختصين بالشأن الرياضي
2- عند وجود أي حدث مميز في نادي حطين ( دعوة الإفطار التي أقيمت منذ فترة قصيرة ) يجب دعوة هؤلاء الصحفيين للتواجد أثناء هذا الحدث مع دفع تكاليف سفرهم كاملة اذا كانوا من خارج المحافظة
3- إقامة مؤتمرات صحفية يدعى إليها كل مختص بالشأن الرياضي و ذلك دوريا ( اسبوعيا - شهريا أيا كان ) تكون هذه المؤتمرات لتسليط الضوء على بعض نشاطات النادي
4- تكثيف الأحداث الإجتماعية التي تهم الرأي العام عموما و الشارع الرياضي خصوصا ( مسابقات رمضانية مثلا - دورة منافسة بكرة القدم برعاية نادي حطين بمناسبة تصدر الدوري ....الأفكار كتيرة و أنا جاهز لتقديمها للمسؤولين )
5- ليالي أو سهرات تدعى ( لمّ الشمل ) في أي فندق أو مطعم راق موجود في المحافظة أو خارجها
6- بطاقات شكر ( ع الطالعة و ع النازلة ) لكل المسؤولين باتحاد الكرة أو للمسؤولين الرياضيين بشكل عام و تكون البطاقات موجهة شي من الجمهور و شي من إدارة النادي و شي من رابطة مشجعي موقع نادي حطين و هكذا
7- تكريم الصحفيين ( بمناسبة ومن غير مناسبة ) بأدرع تذكارية لجهودهم المميزة.

و أكيد في أفكار كتيرة و متل ما حكيت يا شباب أنا جاهز ... و كلو لعيون حطين لأنو فعلا هالموضوع من يوم يومو بيقهرني