....برنامج ملاعبنا الخضراء والحيادية في نقل المباريات..!!

[Saeedoo]

كثيرا ما لاحظنا تحيز من المعلقين في المباريات بكافة المحافظات على فرق معينة

هلق بالنهاية المعلق رياضي...وأكيد متابع للرياضة

وأكيد بيشجع فريق من فرق مدينتو ..



بس هاد ما بيعني أنو يتحيز بالتعليق معو ..أو ضد الفريق المنافس له بالمدينة

وهنا يبرز تميز المعلق ...بأنو مايحسسك أنو بيشجع أحد الفريقين اللي عميلعبو

والأمثلة كبيرة بهالمجال متل يوسف سيف ...وعصام الشوالي



عنا بسورية على العكس تماما ...من أول كلمة بتعرف المعلق مع أي فريق

هالشي برز من فترة معنا باللادقية ..وبالذات مع عبدالله خفتة

لأنو مشجع تشريني قديم ...فكان دوما ينحاز لصالح تشرين وضد حطين خصوصي بمباريات الدربي في اللاذقية

ولكن الحق يقال أنو مؤخرا صار يلتزم الحيادية بأغلب المباريات ..وصلح الوضع خصوصي مع فرق اللادقية التانية



ولكن الأمر الذي أثار استغرابي ..المعلق شعبان خليل ...واللي هو عضو مجلس إدارة في نادي الحرية ...!!

كيف ممكن عضو مجلس إدارة نادي ينقل مباريات ناديه في برنامج ملاعبنا الخضراء ..!!

واللي تابع النقل لاحظ أنو ماذكر وجود أي فرصة حطينية عالمرمى بينما متابعي المباراة وكمان بالتقرير ببرنامج كول شفنا كتير فرص بالشوط الأول ...وعارضة ما سمعنا خبرهم بالتعليق..!!

أنا ما عمبحكي عالمشاكل والجممهور واللي عملو جمهور حطين بعد المباراة لأنو انتهينا منو

بس عمبحكي على نقل وقائع المباراة الرياضية ..!!



ياترى عأي أساس يختار برنامج ملاعبنا الخضراء معلقينه ..!!؟؟

[SALAHDIN]

على أساس الجود بالموجود

وحاكم موجود

إنت إذا بتعرف حدا بيعرفوا لوجيه شويكي فينك تروح تعلق على شي لعبة

هي أبو الجوج عم يحضر خليفة لألو (( ابنو ))

منشان ماينقرض نسل الشويكي إعلامياً

[حمودة الحطيني]

حكلي لحكلك ..... واضحة

[ذئب روما]

الشويكي والله مافي منو بس المشكله صار في عالم ما تعرف بالتعليق صارت تعلك عفوا تعلق بأمور لاتفقه بها شيئا..

[SOUMAA]

على أساس
(((( لمين تمسيح الجوخ ))))

[العنكبوت النونو]

أرسل أصلا بواسطة ذئب روما

الشويكي والله مافي منو بس المشكله صار في عالم ما تعرف بالتعليق صارت تعلك عفوا تعلق بأمور لاتفقه بها شيئا..

لك خصوصا بعد ماحشر ابنو أنس بالنص آدمي كتيييييييييييير لك الله يلعن الآدمي منون

حطيني حزين ومعصب

[حسون الحطيني]

ليش عنا معلقين متل العالم والناس لحتى تسال عالحيادية

[عبد الباسط حجازي]

بس انذكر اسم الشويكي بتذكر كيف كان بيهدلو عدنان بوظو وللأسف الشديد ماتعلم من البوظوغير توبيخ االمعلقين وهو وجيه مفكر حاو فهمان مع انه صاحب العبارة الشهيرة ((أرضية زاحفة تعلو المرمى بقليل))

[hutteen love story]

الاحتراف اهم شي للاسف غير موجود عنا بسوريا وبدنا مية سنه ضوءيه بعدين ممكن نتعلم

[amino]

..

[amino]

ليش مين ما بيعرف أيمن جادا
قلعوه من التلفزيون السوري((قالوا ما بيفهم))
قام راح عالخليج وصار مدير البرامج الرياضية بمحطة mbc ((أغبياء mbc ما بيفهموا))

[ابو الليل]

السلام عليكم
نحن لا نريد من أحد أن يمدحنا أو يتكلم عنا حتى بالمنيح نحن بدنا نقاتل على الصدارة حتى نجبرهم أن يتكلموا عنا وبال................!!!!!!!!!!!!!!!!!!؟؟؟؟؟؟؟؟؟؟

وشكرا

[SAHED]

من يوم يومو التعليق عنا على هالحاله وحتى لاحظوا لما تكون مباراة لحطين باي موقع من سوراي اخر موقع بينتقل له النقل الاذاعي هو مباراة حطين وبأقصر الاوقات وبقمة الايجاز وعوجاااااااااااااااااااااااا ورح تضل عوجااااااااااااااااااا
ومن يوم يومو شعبان خليل ما بيفهم بشي اسمو تعليق وشاطر بس بتهويل الامور ولما تسمع تعليقه على مبارايات حلب بتفكر المباراة بين فريق سوري وفريق برازيلي لك حتى لما يكون في هججمه بلا طعمه بتلاقيه نط عالمايك وبلش يلعي ( الله الله الله ما هذا لا أصدق ما أرى الله الله فرصة ولا اروع ) الله يريحنا منهم يا رب

[باتيستوتا]

والله انك سافل و منافق يا شعبان خليل