حوت حطّين يطعن بسيخ ناعورة حماه.....هذا هو الوضع الحالي - نادي حطين السوري

InVaDeR · #1 (**permalink**) 21/04/06

للأسف وصلت الأمور بفريق حطّين أنّه و في كلّ عام يصعد فريق من الدرجة الثانية و يذيق حطّين المزيد من العار

هل كان النواعير او الطليعة أم غيرهم يحلم بالتعادل مع حطين قبل 3 سنين مثلا

ما هذا الحال المذري

نريد إيقاف الأسباب المسبّبة لهكذا مطبّات

و نطالبهم بالحذر لأنّ النادي مهدد و بغضون مبارات واحد فقط أن يصبح في عداد الدرجة الثانية

abu kamal · #2 (**permalink**) 21/04/06

طول بالكم ياشباب انشالله الأمور هالسنة محلولة وبعدا
النا وقفة طويلة انشالله

ragheb · #3 (**permalink**) 22/04/06

والله حرام ع الادارة المحترمة التلاعب بمشاعرنا ومشاعر جمهور النادي الطيبين الذين يؤازرون النادي لو الى المريخ ... يكفي هذه المسخرة ضيعنا كل نجومنا وضيعنا تشوبا اللي طلب قبل سنتين 15 الف دولار للعب مع حطين ولكننا رفضنا .... لانو اذا عطينا تشوبا المبلغ شو بدنا نسرق

الحل هو بايد الجمهور جمهور النادي ... اللي لازم تكون الادارة منو وبس لانو هو الوحيد الي بخاف ع مصلحة النادي وشكرا .................

SALAHDIN · #4 (**permalink**) 22/04/06

يلا بسيطة ......
هي بس تمرق هالكام لعبة على خير ........ ونضمن نبقى بالأولى ,,,,,,,, بعدين لكل حادث حديث

BaTiGoAl · #5 (**permalink**) 22/04/06

والله يا شباب المشكلة اكبر من المتوقع المشكلة عقيمة واذا ما تحركنا رح نبقى هيك لانو ما في شي واعد ولا شي بيفائل بالخير ... ولا شباب ممكن تقلنا انو بكرا بتشوفو حطين كيف رح يصير بس نترفع ؟؟... مشكلة الها من وقت ما طلع عارف وسليم وسيد بيازيد عالرجال .. هنا بلش حطين ينهار وما حدى حاسس ليش لانو كنا نشوف حطين عارف وسليم وسيد وجمال كاظم وبشار وبس ونسينا القواعد الشبابية ...ليكن هن راحو وكبرو شفنا حطين على ما هو عليه ...
بقا لازم نتحرك لازم نعمل شي مشكلة الدرجة التانية انا ما بشوفها كبيرة ...لكن المشكلة بعد تخطي هذه العقبة هل حطين سيبقى ... مثل السنة الماضية؟ وهذه السنة يكافح للبقاء في الدرجة الاولى؟؟؟!!! هل سيبقى شبابنا نائما ً حتى تسوء احوالنا اكثر مما هي عليه الان ...
هل ستبقى الادارة تشتري لاعبين .. وتتجاهل شباب النادي ؟ ليبقى الحوت الكبير صغيرا في عيون الكبار !!!!

BaTiGoAl · #6 (**permalink**) 22/04/06

والله يا شباب المشكلة اكبر من المتوقع المشكلة عقيمة واذا ما تحركنا رح نبقى هيك لانو ما في شي واعد ولا شي بيفائل بالخير ... ولا شباب ممكن تقلنا انو بكرا بتشوفو حطين كيف رح يصير بس نترفع ؟؟... مشكلة الها من وقت ما طلع عارف وسليم وسيد بيازيد عالرجال .. هنا بلش حطين ينهار وما حدى حاسس ليش لانو كنا نشوف حطين عارف وسليم وسيد وجمال كاظم وبشار وبس ونسينا القواعد الشبابية ...ليكن هن راحو وكبرو شفنا حطين على ما هو عليه ...
بقا لازم نتحرك لازم نعمل شي مشكلة الدرجة التانية انا ما بشوفها كبيرة ...لكن المشكلة بعد تخطي هذه العقبة هل حطين سيبقى ... مثل السنة الماضية؟ وهذه السنة يكافح للبقاء في الدرجة الاولى؟؟؟!!! هل سيبقى شبابنا نائما ً حتى تسوء احوالنا اكثر مما هي عليه الان ...
هل ستبقى الادارة تشتري لاعبين .. وتتجاهل شباب النادي ؟ ليبقى الحوت الكبير صغيرا في عيون الكبار !!!!

مهند شاويش · #7 (**permalink**) 22/04/06

متل ما قال ابو كمال وصلاح بدنا ننتظر لتمرق هالكام لعبة وبعدها ربك بيفرجا صدقوني هي آخر سنة رح نكون بهالمستوى بدها شوية صبر المهم نبقى جنب الفريق

Saeedoo · #8 (**permalink**) 22/04/06

لك أخ يا شباب ....

يا خوفي والله ...

كل سنة منقول هي أخر سنة منشوف الحوت هيك ومنرجع منخبص السنة البعدها ..
والله مسخرة ...لك اللي شفتو مبارح والله شي بيخجل ...والله استحيت من رفقاتي الغير سوريين من هالمستوى

لك بس بدي أفهم كيف منربح الاتحاد ومنعادل الجيش ...وبعدين مع شبه فريق مع احترامي بس النواعير مبارح كان ولا شي ...لاعبين بس بالملعب يونس سليمان والمحترف السنغالي والباقي ولش ...

والله هالفزلكة والتراخي ...من اللاعبين والمدرب مالو مبرر ...شو هالمسخرة ...يعني إذا رايحين تلعبو عالتعادل بتبزقو الفوز بزق ...

أي والله أحيانا بقول بيستاهلو ينزلو عالتانية ليتربو عهالتصرفات ...
بس والله ما بيهون علي شوف حطين بالتانية ..

صحي أملنا كبير نضل ....بس ياعمي ليش كل سنة نضل هيك لأخر لعبة ...
والله حرااااااااااااام ...لك حرااااااااااااام

zidan005 · #9 (**permalink**) 22/04/06

كما قال الشاعر كبوة جواد إذا على أخر الزمن صار النواعير بدو يطلع على كتافنا

BaTiGoAl · #10 (**permalink**) 22/04/06

لسا بدنا نعيش كتير لنشوف كتير الله يستر من اندية الدرجة التانية للسنة الجاية !!

InVaDeR · #11 (**permalink**) 22/04/06

كلامكن يا شباب على العين و الراس و انا برأيي كمان انّو:

النادي بمشكلة تحديد مصير و مستقبل فإذا نزل للدرجة التانية مستحيل يرجع يطلع بسهولة و كلكن بتعرفوا السبب

نحنا هلأ بدنا شباب بمستوى عالي مو بهل مستويات المتوسّطة و المتواضعة

ما بدنا السنة الجاية ناخد الكأس بأجانب او محترفين بدنا على الأقل المركز السادس أو السابع مع لاعبين جدد شباب من النادي و السنة اللي بعدها تقدّم أفضل بأفضل

هاد الواقع المطلوب

اللي صاير بدنا إدارة من ولاد النادي من اهلها ما آراء متحجّرة و بالية و كلها أخطاء باخطاء

حطّين أكتر من مجرّد نادي بالنسبة للحطّينيين لهيك ما بيصير تنهز صورته ولا يكون مفكك و ضعيف ليعكس الصورة الحلوة للنادي و محبيه و كل شخص عم يعمل لغير هل شيء لازم يتحاسب يعني فريق بهل جماهيرية الكبيرة معقول يكون بهل مركز و هل درجات لازم مكاننا يوكن بين أفضل 4 مو أسأ4

BaTiGoAl · #12 (**permalink**) 23/04/06

اقتباس:

أرسل أصلا بواسطة arablek

كلامكن يا شباب على العين و الراس و انا برأيي كمان انّو:
النادي بمشكلة تحديد مصير و مستقبل فإذا نزل للدرجة التانية مستحيل يرجع يطلع بسهولة و كلكن بتعرفوا السبب
نحنا هلأ بدنا شباب بمستوى عالي مو بهل مستويات المتوسّطة و المتواضعة
ما بدنا السنة الجاية ناخد الكأس بأجانب او محترفين بدنا على الأقل المركز السادس أو السابع مع لاعبين جدد شباب من النادي و السنة اللي بعدها تقدّم أفضل بأفضل
هاد الواقع المطلوب
اللي صاير بدنا إدارة من ولاد النادي من اهلها ما آراء متحجّرة و بالية و كلها أخطاء باخطاء
حطّين أكتر من مجرّد نادي بالنسبة للحطّينيين لهيك ما بيصير تنهز صورته ولا يكون مفكك و ضعيف ليعكس الصورة الحلوة للنادي و محبيه و كل شخص عم يعمل لغير هل شيء لازم يتحاسب يعني فريق بهل جماهيرية الكبيرة معقول يكون بهل مركز و هل درجات لازم مكاننا يوكن بين أفضل 4 مو أسأ4

والله كلامك سليم نحنا بدنا مركز سادس سابع منرضى فيه بس يكونو ولاد النادي ومن جيدا لاحسن منطلع متل ما كل العالم بتفكر صح وبتطلع درجى درجة...
يا رييت نلاقي اذان صاغية بها الادارة الحالية ... تلبي الصح وليس ما يريده البعض من جمهور حطين !!! تقبل تحياتي

أدوات الموضوع	البحث في الموضوع
عرض نسخة للطبع إرسال هذه الصفحة إلى بريد إلكتروني	البحث في الموضوع: بحث متقدم
أنماط العرض
النمط الخطي الانتقال إلى النمط المختلط الانتقال إلى النمط الموضوعي

مستخدمين موجودين حالياً يشاهدون الموضوع: 1 (0 أعضاء و1 ضيوف)

اعلانات