حطين يهزم نفسه امام النواعير ( تحليل _ تعليقات الاعضاء) - نادي حطين السوري

Kh@led · #1 (**permalink**) 22/04/06, 02 :43 02:43:41 AM

خسر حطين امام النواعير بهدفين مقابل هدف ..دخل حطين المباراة

بتشكيلة و خطة لعب اشبه بخطة لعب فريق روما الايطالي..

حيث غياب المهاجم الصريح عن التشكيلة.. الا ان حطين افتقد

للاعب شبيه لمانسيني لاعب روما ...

تاثر الفريق كثيرا بغياب الخضير.... و تعب و ارهاق الفارس لدرجة انه

غاب تماما عن مجريات اللقاء...

سجل النواعير

اولا عن طريق مقوم عباس اثر تشتيت غير ناجح من شادي زرطيط.

و لكن حطين استطاع التعديل من ركلة كرة اسكنها المبيض على

يسار الحارس...ثم يبدا بعدها اضاعة الفرص من حطين و خاصة من

السيدة الذي لم يستغل خطا الهمو..و انفرادة العابدين الذي

راوغ اكثر من اللازم...

و قبل النهاية ..يرتكب الزرطيط خطا ... غريب جدا...باعاقته للاعب

النواعير داخل منطقة الجزاء على الرغم من ان الزرطيط كان بامكانه

اللحاق باللاعب و قطع الكرة منه دون الاضطرار لاعاقته..

الا ان الزرطيط يستمر هذا الموسم بمتسواه الهزيل..

ليعد اليوم السبب الاول للخسارة...

اتفضلو شباب ...يلي حضر اللعبة يسمعنا تعليقو للعبة.

مهند شاويش · #2 (**permalink**) 22/04/06, 02 :57 02:57:38 AM

والله يا خالد كلامك سليم وتحليلك كمان سليم
شادي بعيد جدا عن مستواه وصاير بطيء لدرجة غير مقبولة
صرنا بموقف حرج جدا والمصيبة إنو ما استغلينا الفرص بشكل جيد بس السؤال للهواش شو الفكرة من إنو يحط هشام بمركز المهاجم خسرنا مركز المهاجم وخسرنا قدرة هشام على تحريك الوسط بفاعلية
الله ينهي هالدوري على خير والله قلبي ما متطمن وحاسس إنو الوضع عم يمشي باتجاه غلط وغلط كبير
منقول يارب

Kh@led · #3 (**permalink**) 22/04/06, 03 :05 03:05:05 AM

نفس سناريو الموسم الماضي... بعد ما فزنا اللعبة قبل لعبة الطليعة...و الكل قال انو نفدنا من النزلة...خسرنا مع الطليعة ...و خسرنا مع تشرين و خسرنا مع الاتحاد و الله اطلع فينا...
والله يستر هل الموسم.... ومنشان تلعيبت هشام... معك حق...بس مروان ما خرج تعتمد عليه من اول اللعبى..وشفت شو عمل وقت نزل...انا براي انو كان لازم يلعب جمعة ولو على اخر 5 دقايق.... وما بعرف ليش ما عمل التبديل التالت

Kh@led · #4 (**permalink**) 22/04/06, 03 :06 03:06:43 AM

شو رايك ...

مهند شاويش · #5 (**permalink**) 22/04/06, 03 :15 03:15:51 AM

معك حق مروان سيدة صاير عم يستعرض من دون نتيجة كتير بدك رأيي كان لازم يلعب الفارس ادام وعاليسار نزار الحسين وورا علي حسونة واليمين اركان
بخصوص التبديل معك حق انا مستغرب من السيد هواش كيف ما بتعمل اتبديل التالت لتقتل الوقت مو منشان شي تاني عنجد حرام لو عمل تبديل بالدقيقة 90 ما بعتقد كان صار اللي صار

Kh@led · #6 (**permalink**) 22/04/06, 03 :52 03:52:06 AM

انا يلي زعلني من الخسارة انو فريق النواعير هو يلي خسرنا...لك بتطلع كيف فازونا ما حدا بيعرف...ولسا في عالم بتقول انو جمعة خضير ما لو تاثير على الفريق

abu kamal · #7 (**permalink**) 22/04/06, 05 :06 05:06:20 AM

أأأأأأأأأأأأأخ الله يسترنا بس انشالله خير

BaTiGoAl · #8 (**permalink**) 22/04/06, 05 :17 05:17:28 AM

والله كلامكن سليم .... يا شباب بس جمعة خضير الو تأثير هالموسم بسبب افتقادنا للمهاجمين بعد الاستغناء عن الكل الحمد لله بس ما هون المشكلة؟انا ما بعرف شو كان ببالو الهواش من هالخطة ... والصراحة يا شباب كان ما بينلام لو نزل شب من الشباب اللي عالخط بس خطتو... كانت فظيعة ...يعني متل حج محمد علاء ارنؤوط ..لك بركي عملو شي ما بتعرفو لكن ندخل بخطة متل اللي شفناها اليوم!!! كانت فعلا صدمة للكل خصوصي هالاستهتار من الدفاع ...صارت كل لعبة هيك بحسسونا انو ممكن نخسرا باخر ثانية لك كل اللعب هيك فتوة بالذهاب ... هيك وحتى بالاياب لو ما اجانا كول رحمة كانت صدمة فظيعة كول الفتوة خصوصي انو باخر لحظة الشباب الله يعطيهن العافية بينسو الطابة اذا تقدمو بفرق كولين ...
باخلاصة خطة خاطئة ... تشكيلة خاطئة اداء سلبي من الدفاع ...استهتار ورعونة داخل منطقة الجزاء ... غريبة جدا ادت لها الحال
والاوضاع ما هي مريحة كتير الصراحة يا شباب الله يستر
منتمنى التوفيق للحوت يا رب

Saeedoo · #9 (**permalink**) 22/04/06, 09 :18 09:18:34 AM

لك أخ يا شباب ....

والله مسخرة ...لك اللي شفتو مبارح والله شي بيخجل ...والله استحيت من رفقاتي الغير سوريين من هالمستوى

لك بس بدي أفهم كيف منربح الاتحاد ومنعادل الجيش ...وبعدين مع شبه فريق مع احترامي بس النواعير مبارح كان ولا شي ...لاعبين بس بالملعب يونس سليمان والمحترف السنغالي والباقي ولش ...

والله هالفزلكة والتراخي ...من اللاعبين والمدرب مالو مبرر ...شو هالمسخرة ...يعني إذا رايحين تلعبو عالتعادل بتبزقو الفوز بزق ...

أي والله أحيانا بقول بيستاهلو ينزلو عالتانية ليتربو عهالتصرفات ...
بس والله ما بيهون علي شوف حطين بالتانية ..

صحي أملنا كبير نضل ....بس ياعمي ليش كل سنة نضل هيك لأخر لعبة ...
والله حرااااااااااااام ...لك حرااااااااااااام

Saeedoo · #10 (**permalink**) 22/04/06, 09 :24 09:24:19 AM

لك يا شباب ....دفاعنا ومنعرفو ...والظرطيط وغلط ماشي ...بس كل الفريق بيتحمل المسؤولية
من الغبي الهواش ...لهشام والسيدة وعلي حسونة والكل تقريبا ...

والله حكيت قبل اللعبة وقلت لازم الفهمان الهواش يشوف الفريق اللي قدامو ويلعب
لكن بربكم بالشوط الأول عميلعب بلا هجوم وهشام بيدخل شوي مع الهجمات...
لك معلش لو نزل السيدة من أول اللعبة شو كان صار ...
خليه يكب 3 ...4 ..طابات بعدين يحط كول ...لك هجومنا مافي حدا ...ودفاع النواعير شوربا والله
يعني مهاجم واحد كان يمكن جبلنا كول ...
صحي السيدة ضيع لعبتين تلاتة بعد ما نزل ...بس شفتو السيطرة والطابات كلا إلنا بعد ما نزل ورجع هشام لمحلو ...

لك أخ منك يا هواش أخ ...وأخ من هاللعيبة البليدة المزلكة اللي لازملهم هالخسارة ليتربو

zidan005 · #11 (**permalink**) 22/04/06, 01 :55 01:55:23 PM

والله يا خالد الحكي تمام ولازم بعض اللاعبين يطلعوا على حالون لأني صار بدنا صفنه

BaTiGoAl · #12 (**permalink**) 22/04/06, 03 :36 03:36:19 PM

اقتباس:

أرسل أصلا بواسطة zidan005

والله يا خالد الحكي تمام ولازم بعض اللاعبين يطلعوا على حالون لأني صار بدنا صفنه

ايه والله فيه كام لاعب الاحرى منهن انو يتطلعو على حالن وين صارو ... ويخافو على مستواهن الرائع بالمواسم الماضية ما يخربوه هالسنة....

أحمد دالي سلو · #13 (**permalink**) 22/04/06, 05 :06 05:06:31 PM

أيها الأصدقاء.
براي الشخصي بأن الهواش هو المسؤول الأول و الأخير عن هذه الخسارة
بسبب الخطه العجيبه التي لعب بها .
فهل من المعقول أن نرى هشام قلب هجوم ومروان سيده على الخط
بعدين عم تحملو شادي المسؤليه عن الهدفين .دخلكم عمار ياسين شو كان عم يسوي طول المباراة.
أرحمونا ياشباب صدقوني مابقا في أعصاب تتحمل.

فهد الطليعة · #14 (**permalink**) 22/04/06, 06 :06 06:06:41 PM

يا شباب طولوا بالكون على الللعيبة انا حضرت اللعبة
بصراحة الشوط الاول كان نواعيري تماما بس الشوط التاني دخل حطين فريق جديد ولك حرام ما يفوز كمان بس عرقلة لاعب النواعير من قبل الزرطيط هي اللي خليت العالم تقوم ما تقعد ولو تاركو للاعب متل قلتوا كان شايط الطابة برا
بعدين حطين باقي بلدرجة الاولى خليكون متفائلين كل فريق بيخسر وبفوز

BaTiGoAl · #15 (**permalink**) 23/04/06, 04 :31 04:31:48 AM

اقتباس:

أرسل أصلا بواسطة فهد الطليعة

يا شباب طولوا بالكون على الللعيبة انا حضرت اللعبة
بصراحة الشوط الاول كان نواعيري تماما بس الشوط التاني دخل حطين فريق جديد ولك حرام ما يفوز كمان بس عرقلة لاعب النواعير من قبل الزرطيط هي اللي خليت العالم تقوم ما تقعد ولو تاركو للاعب متل قلتوا كان شايط الطابة برا
بعدين حطين باقي بلدرجة الاولى خليكون متفائلين كل فريق بيخسر وبفوز

نحنا يا فهد باذن الله ...انا من جهتي واثق انو حطين ما بينزل انشاء الله ... بس الكلام لايمت بدنا نبقى هيك هاد
اللي نحنا ما عم نرضى فيه بتعرف حطين وين مركزه كل عمروه مع الكبار هلق صرنا عم ننافس عالهبوط ..يعني شي مخزي فعلا ... واداء مخزي وادارة سيئة وتخبط جمهور ولاعبين ...ما في شي مستقر صديقي

juventini · #16 (**permalink**) 24/04/06, 06 :04 06:04:05 PM

كنا قاعدين كذا واحد حطيني عم نتابع الراديو و وقت اللي أعلن الحكم عن ضربة الجزاء بآخر دقيقة كنا رح ننجلط.. عن جد ضربة أليمة و ما وقتها هلأ على الإطلاق..

مهند شاويش · #17 (**permalink**) 24/04/06, 07 :55 07:55:13 PM

خبر عالراديو بيسم البدن اكتر من التلفزيون خصوصي للي بالغربة هههههههههههههههه
هاردلك بدر الغالي ولا تاكل هم حطين الله حاميه

BaTiGoAl · #18 (**permalink**) 25/04/06, 04 :09 04:09:11 PM

يالله المباراة مضيت ولازم نفكر بالايام الصعبة الجاية لانو القرداحة اعلن انسحابة من الدوري بس ما قريت اذا الاتحاد الرياضي قرر هبوطه للدرجة التانية او لأ؟!!! يعني لسا المسألة صعبة ... فلازم نخاف عحالنا شوي ما بتعرفو شو بتطلع قصص

أدوات الموضوع	البحث في الموضوع
عرض نسخة للطبع إرسال هذه الصفحة إلى بريد إلكتروني	البحث في الموضوع: بحث متقدم
أنماط العرض
النمط الخطي الانتقال إلى النمط المختلط الانتقال إلى النمط الموضوعي

مستخدمين موجودين حالياً يشاهدون الموضوع: 1 (0 أعضاء و1 ضيوف)

اعلانات