شروط الجنسية الحمصية

[نتالي]

هي بعض الشروط لتصير منا (يعني حمصي)

أول شي لازم تعرف أنو الجنسية الحمصية هبة من الله سبحانه وتعالى يعني مو


بتصح لمين ماكان

و لازم تكون مقتنع انو حمص مستقلة و لازم تكون كرماوي لإنو الكرامة إنتماء


منفصل.


أن تكون مستعدا لأن تعّيد يوم الأربعاء ، يعني تصيف عالأخير تمشي بعكس


السير مثلا ، تلعب بالطابة بالشارع ، تلحق بنت وتجننها ، تسبح عالشاطئ ،


مع إنو ما في شاطئ عنا بحمص ، بس بدك تدبر راسك ، يعني : تخرج عن كل


الضوابط والأعراف المألوفة ، فكل ما هو مألوف يجب تغييره يوم الأربعاء .

لازم تكون من العالم اللي بحبو أكلة المجدرة . مع البصل طبعا . فإذا ماكنت هيك

دور على غيرنا

ولازم تكون مطيع كتير لزوجتك ، لأنو الحماصنة مرضيين كتير ، يعني بدك تخفف

شوي من رجولتك .. .

بدك تكون ظريف كتير مع الموظفين ، لأنو عنا الموظفين بحمص حساسين كتير و

بيزعلو أوام ، يعني بدك تراجعهم بذوء وهدوء بدون ما تجرح مشاعرهم ، ولا تنسى ..


المعلوم !! اي المعلوم لأنو بلاه ما في شي بيمشي .

لازم يكون عندك فراسة وسرعة بديهة ، وتعرف الشوفير اللي ماشي قدامك لوين


رايح وكيف بدو يلف او بدو يضرب فرام ولا لاء !!

لأنو عنا بحمص ما حدا بيعطي إشارة وكلو بيطحش على كلو !! وعلى فكرة لازم


تزكرو ا كمان انو يشغلك العداد لأنو وين مارحت رح ياخد منك 50 ليرة لذلك فزكرو


منشان يشغل العداد

لازم تكون رئتك ملوثة بنسبة 99.999 % لأنو إذا كنت متعود على الهواء النظيف


والعليل ، ما راح يمشي حالك عنا بتمرض بعدين بأمراض مزمنة

. لأنو عنا كل أنواع التلوث .. والحمد لله ، إلا إذا حبيت تسكن غرب حمص ، على ضهر


القصير مثلا أو بالقرب من مرمريتا ، فيمكن يشي حالك وبيجوز تموت هنيك


(_بعيد الشر عنكم ) لأنو الحماصنة بس طلعو من حمص بموتو و طلع السبب انو عم



يشموبرات حمص هوا نضيف . مو متعودين عليه بدكم ماتأخذونا


لازم تحكي عالعريض ، أما شو يعني عالعريض ، فلازم تسأل مهران يوسف تبع


برنامج سؤال عالماشي ، وإذا حزرت إنت وعشرة كمان فراح يقسم الجائزة بيناتكم ،


وغالبا راح يحجبها عنكم

ولا ننسى الأركيلة .. لازم يكون عندك نفس مرتب يعني نمرة ون .

ممكن تحصل على مرتبة الشرف إذا علقت مع تنين حموية ..

أكيد بدك تحفظ شعار الحماصنة .. وهوي


الحماصنة الصقور الحرة .. نظرتهم حادة ومرة . . واللي بيحبهم مرة بيحبوه ألف


مرة ومرة ..

وأخيرا وليس آخرا : إذا وجدت هذه الشروط منطبقة عليك أو بإمكانك الوفاء بها ،



فلحق حالك ها لأربعاء لأنو كل أربعاء الشروط بتتغير....!!

*****************

اللي عجبته يبعتلي السيفي لندرس وضعه واللي مابده حاجي يوم ويندم لحقوا


حالكم



وصلتني عبر الايميل ....

هههههه بس ماكتبتيلنا عنوان القنصلية الحميصية منشان نروح نقدم طلبات للحصول عالجنسيه

[wolf1982]

طيب ما بيمشي الحال كون كرماوي درجة تانية يعني بعد تشرين

وايمت بدكون تفتتحوا القنصلية منشان نقدم عليها

ويا ترى كم شنة بدنا نعيش بحمص لحتى ناخد الجنسية

هههه

[syriana]

ما فيني عيش بخمص خيتو .. شنو مافي مطعم متل مطعم جمال ابو سويس عندكون .. 36_1_7[1].
عيشة ما بتنطاق ..36_1_21[1].*

كمان ما فيني استغني عن طلة لبابة يونس الشايفة حالا . عالتلفزيون اللاذقاني يعني ..
ولا فيني اسمعوتابع اخبار الفضائية الساعة 8 ونص قال بيكون عز الضهر بحمص ...

منشان هيك رح ضل بللاذقية مكتفي بهوية بلا جنسية ...

[نتالي]

والله بدكم تعذروني لانه القنصلية الحمصية بيتغير مكانها كل أربعاء

[hutteen my love]

حلوة

اوف انا بعمري ما سمعت عن قنصلية بتمشي!!!

[الآغا]

بتوقع كل شي بحمص يصير حتى كأس العالم

[Bayren]

مشكورة حلوة

[الامير totti]

أفكار حلوة ..مشكورة

[أحمد دالي سلو]

كما قالت الأخت نتالي أن حمص مستقلة
صرح أحد المسؤولين الحماصنة أيام الحرب على لبنان أن أي إعتداء على سوريا هو إعتداء على حمص .
(هي نكته على الحماصنة)

[باتيستوتا]

نريد بعض الاستفسارات عن دخل المواطن الحمصي وكم تساوي العمله الحمصيه بالنسبه لليره السوريه و الدولار مع جزيل الشكر

[juventini]

حلوة يا نتالي.. قال في واحد حمصي وقف مع العالم على راس الجبل ليلة العيد منشان يدور عالهلال, فجأة بيصيح: ليكو الهلال! و بالفعل الناس شافت الهلال قام واحد و عطاه خمسمية ليرة, عجبتو الحكاية للحمصي قام صاح مرة تانية: ليكو هونيك هيدا هلال تاني..!
شو هيك بتأهل للجنسية الحمصية ولا لسا؟

[wahdawi]

يا حبيبي الحصول على الجنسية الحمصية طلع أصعب من الامريكية

[نوار مالك مجبور]

أرسل أصلا بواسطة wahdawi

يا حبيبي الحصول على الجنسية الحمصية طلع أصعب من الامريكية

والله يا حبيب قلبي

الامريكي عم يشكل طوابير امام السفارة الحمصية بامريكا

للحصول على الهجرة

أبو النور

[hmo]

من شان البند البقول (تلحق بنت وتجننها يوم الاربعاء)نحنا باللادقية كل يوم عنا اربعاء36_1_12:

[نتالي]

خلص كلكم بدنا نعطيكم الجنسية شأتم أم أبيتم بدكم تاخدوها

اما بالنسبة للعملة الحمصية فهي تشهد صعود منقطع النظير بيوم الأربعاء يعني لا اليورو

ولا الدولا بيوصلها يوم الأربعا

افرحوا كله حياخدها وقفوا بالدور ...

[SAHED]

أرسل أصلا بواسطة juventini

حلوة يا نتالي.. قال في واحد حمصي وقف مع العالم على راس الجبل ليلة العيد منشان يدور عالهلال, فجأة بيصيح: ليكو الهلال! و بالفعل الناس شافت الهلال قام واحد و عطاه خمسمية ليرة, عجبتو الحكاية للحمصي قام صاح مرة تانية: ليكو هونيك هيدا هلال تاني..!
شو هيك بتأهل للجنسية الحمصية ولا لسا؟

أخوي وانت سادء عيدوا تاني يوم رمضان لأنو شافوا الهلال على سيارة اسعاف ماشية بالشارع

36_1_21[1].* 36_1_21[1].* 36_1_21[1].*

[نتالي]

لاءا مو التاني شو نسيت يوم الوقفة عيدنا الثالث

[hutteen my love]

قال بيقول المثل : لاتناقش حمصي نهار الأربعا وتشريني بقية الأسبوع