مجموعة اقتراحات للمنتدى - نادي حطين السوري

#1 (**permalink**) 15/11/06

خلال الايام الي مرت على وجودي بهالمنتدى الغالي حاولت اعصر مخي وركز تفكيري على كتير افكار بسيطة بس بنقدر من خلالها نطور المنتدى وانا رح اعرضها وانتوا شوفوا شو الي ممكن ينعمل وشو الي بكير ينعمل...
اولا: بالرد السريع عم يطلع الخط كتير صغير ولما نفتح الرد المتقدم عم ياخد وقت احيانا ف ليش ما بتحط ايقونة تكبير الخط عالرد السريع بحالة حدا فينا ما بدو يحط اي رموز او ابتسامات داخل المنتدى وخصوصا في ناس بتعاني من بطئ الاتصال بالانترنت
تانيا: بخانة الابتسامات شو رأيكم نزيد العدد شوي يجيب الاعضاء مجموعة اشكال جديدة ونصوت عليها كلنا ونثبتا بالمنتدى
ثالثا: بقترح اضافة الاقسام التالية :
قسم عن مدينة اللاذقية وكلشي بيخص هالمدينة والصور القديمة والاخبار وكلشي بيتعلق فيها بظن ان هدا الشي رح يفرح الاخوه المغتربين كتير ورح يذكرنا ب ايام حلوه
قسم عن كأس العالم فيه اخبار وذكريات والهدافين والغرائب وكتير شغلات
قسم عن كاس امم اوروبا 2008 بالايام الجاية
قسم ديني بيخص المواضيع الدينية
قسم للخليوي
و اقسام كتير ممكن تضيفوها
بيجوز هالاقتراح يكون ساذج بالنسبة الكم وانتو اكيد ادرى بالامكانيات وغيرها
بتمنى اي حدا عندو اقتراح او فكره للمنتدى يناقشا مع الاداره
ويعطيكون الف عافيع

maher43 · #2 (**permalink**) 15/11/06

اقتراحات حلوة ومنيحة اخي

syriana · #3 (**permalink**) 15/11/06

اقتراحات حلوة .. بس انا مع تخصص الموقع بالرياضة ما امكن ...

YOUSEF..MS · #4 (**permalink**) 15/11/06

حلو كتير

الآغا · #5 (**permalink**) 15/11/06

مشكور اخ بشار على هالاقتراحات الحلوة وبجد كلك زوق والكرة بمعلب الاداريين بالموقع

#6 (**permalink**) 15/11/06

العفو حبيب ئلبي

SAHED · #7 (**permalink**) 15/11/06

إقتراحات جميلة وتستحق الدراسة

ذئب روما · #8 (**permalink**) 16/11/06

مشكور وبالنسبه للاقتراحات رائعة جدا..الاول حلو كتير..والتالت منشان المدينه كمان حلوه ..وانا مع اقتراح قسم لكأس العالم خاصة ومشكورين............

SOUMAA · #9 (**permalink**) 16/11/06

حلو الموقع الديني

Bayren · #10 (**permalink**) 16/11/06

مشكور للاقتراحات :

1- بس من شان توصل اقتراحات بسرعة المكان المخصص للاقتراحات هو بالمنتدى العام فقرة مثبتة من قبل خالد ((تاني مرة اذا بتضيف اقتراحاتك هونيك أحسن))

2-بالنسبة للمواضيع البقية خالد رح يجاوبك عنا

مع فائق الإحترام
مصطفى نورالله

Kh@led · #11 (**permalink**) 16/11/06

الاول محلول من زمان ... و كل عضو فينو يثبت نمط الخط يلي بد ياه بحيث يصير بيطلع بالرد السريع حتى لو ما عمل تعديل .. و هل الشي عن طريق لوحة تحكم العضو == تحرير الخيارات بعدين في شي اسمو الخط الأصلي في المناصب بتحط منو الخط ..

موضوع المنتدى الديني .. فهو موضوع غير قابل للنقاش... و مرفوض جملة و تفصيلا..

اما موضوع مدينة اللاذقية...بعتقد في منتديات كتير بتحكي عن مدينة اللاذقية...

الخلاصة .. ما بدنا نتوسع كتير ...و نطلع خارج نطاق هدفنا الرئيسي... يعني نحن هيك و ما خالصين .. بقا كيف لو لسا بنفتح منتديات ما بتختص بحطين..

و شكرا على الاقتراحات

#12 (**permalink**) 16/11/06

شكرا عالتوضيح استاذ خالد ويعطيك الف عافية

abu kamal · #13 (**permalink**) 16/11/06

36_1_11[1

اقتباس:

أرسل أصلا بواسطة khaled

الاول محلول من زمان ... و كل عضو فينو يثبت نمط الخط يلي بد ياه بحيث يصير بيطلع بالرد السريع حتى لو ما عمل تعديل .. و هل الشي عن طريق لوحة تحكم العضو == تحرير الخيارات بعدين في شي اسمو الخط الأصلي في المناصب بتحط منو الخط ..

موضوع المنتدى الديني .. فهو موضوع غير قابل للنقاش... و مرفوض جملة و تفصيلا..

اما موضوع مدينة اللاذقية...بعتقد في منتديات كتير بتحكي عن مدينة اللاذقية...

الخلاصة .. ما بدنا نتوسع كتير ...و نطلع خارج نطاق هدفنا الرئيسي... يعني نحن هيك و ما خالصين .. بقا كيف لو لسا بنفتح منتديات ما بتختص بحطين..

و شكرا على الاقتراحات

باتيستوتا · #14 (**permalink**) 17/11/06

اقتراحات جيده

حمودة الحطيني · #15 (**permalink**) 18/11/06

يعطيك العافية اخووووي

ابو البحر · #16 (**permalink**) 19/11/06

اقتراح حلو كتير وخير ان شاء الله

أدوات الموضوع	البحث في الموضوع
عرض نسخة للطبع إرسال هذه الصفحة إلى بريد إلكتروني	البحث في الموضوع: بحث متقدم
أنماط العرض
النمط الخطي الانتقال إلى النمط المختلط الانتقال إلى النمط الموضوعي

مستخدمين موجودين حالياً يشاهدون الموضوع: 1 (0 أعضاء و1 ضيوف)

اعلانات