أعضاء تحت دائرة الأضواء (( باتيغول ))

[SAHED]

اليوم رح نستضيف الأخ (( باتيغول )) ورح نعرفكم شوي عن باتيغول وكالعادة من وجهة نظري الشخصية وعن فعاليته بالمنتدى
انضم للمنتدى بتاريخ 31/03/2006 مشرف منتدى التعارف والتهاني صاحب المركز الثاني من حيث عدد المشاركات بــ 2432 حتى تاريخ 23 / 11 / 2006العاشق المتيم بفرق - حطين - الزمالك - ميلان - أرجنتين - ايطاليا
مواضيعه نراها على كافة الجبهات وتراه يتنقل بين جميع المنتديات ليغنيها بالمواضيع والمعلومات الهامة تتميز مواضيعه بصيغة الاسئلة فنراه يسأل عن كل شيء ويحاول طرح المواضيع التي تهم الجميع والتي تتكلم عن كل شيء وعلى مختلف الانواع اكثر مواضيعه ردودا هو مو ضوع :
نقل مباشر لمباراة الحرية وحطين بــ 152 رد

نقل مباشر لمباراة حطين والحرية


تتميز ردوده بالهدوء الشديد احيانا والاحيان الاخرى ترتفع الوتيرة لدرجة الانفجار يملك انامل سحرية لكتابة الردود فنرى الردود المناسبة في المكان المناسب ونرى نقاشاته العالية المستوى والتي تصدر من انسان خبير
و نحن نستقبله
بكل احترام وتقدير
ومن يريد الأسئلة والاستفسار منه فعلى الرحب والسعة
وأنا رح أبدء الأسئلة وكالعادة الاسئلة التقليدية :

1 - الاسم الحقيقي وليش اخترت اسم باتيغول وشو بيعنيلك ؟

2 - من أنت ( بثلاثة اسطر ) أو أكثر ..؟

3 - كيف انضممت لمنتدى حطين؟؟

4 - ماذا تعني لك الحياة ؟.

5 – طموحاتك وكيف تتمنى أن يكون مستقبلك ؟

تحية طيبة لك

[باتيستوتا]

مشكور اخ ساهد على هالمقدمه الجميله

[الآغا]

باتيغول أنا بسميه وردة المنتدى لانو محليها بمشاركاتو وخاصة العصبية منها بحب اسالو عن دراستو وبتمنى نلاقي صورة ومشكور

معلم باتيجول والله معلم

[Bayren]

حبيبي باتغول و أحلى شب و أحلى وردة الشباب

أسئلتن غطوا يلي كنت بدي أسالك ياه


بتمنالك أحلى الأوقات و هون كلنا عيلة مع بعض



ساهد حبيبي الله يعطيك العافية, و الله أنت مكسب الله يوفقك

[حمودة الحطيني]

حلوة جدا جدا جدا و خاصة المقدمة .... مشكور اخ ساهد انت غير شكل و الله

[Saeedoo]

مشكور ساهد عالمقابلة وعإختيار العضو المناسب

باتيغول من الأعضاء اللي تشرفت بمعرفتهم

نشيط جدا وذكي ومحنك و عندو جلد مميز بالنقاش

وعندو روح رياضية رائعة لمستها خصوصي ببعض مناقشاتو مع أعضاء من خارج المنتدى

أسئلتي إلو :

1- من هو لاعبك المفضل : حطينيا - سوريا - عربيا - عالميا

2-أحلى مباراة لحطين حضرتها ...وأحلى مباراة عالميا حضرتها.

3 هل تتابع رياضات تانية غير كرة القدم أو بتمارسها ...؟؟ وشو هي ؟

4- من إيمت تتابع المنتديات ؟

5- مكانك المفضل بللادقية وين وأحلى ذكرياتك .؟

6- كيف تعرفت عالمنتدى ؟

7- باقة ورد في المنتدى لمن تقدمها من الاعضاء (غيري) 36_1_21[1].*

وألف شكر لكم وإذا تذكرت لسا أسئلة برجعلك

بالتوفيق

[فاروق ابن البحر]

الله يعطيك العافية اخوي ساهد والله انك عضو نشيط بالمنتدى ومكسب حقيقي الله يوفقك ويقويك

[Rammstein]

...................................................................................

[abu kamal]

يعطيك العافية ساهد ع برنامجك الرائع
أول شي برحب بمحمد وبسلم علي
وهو أخ وصديق ومن الشباب الميزين اللي تتعرفت عليون بكورة قبل المنتدى




حابب اسألك محمد
محمد كيف بتشوفو هلأ وبكرا
وشو بيعنولوا والداه
ومين الأعز على قلبك هون بالمنتتى وبالحياة طبعاً وبدون مجاملة
وشخص بتعتز فا معزة خاصة




وأخر شي بقلك الله يوفقك يارب ويسرلك دربك يارب

[BaTiGoAl]

أهلا وسهلا بكل الشباب اولا بحب اشكركم جميعا ...
واوجه شكر خاص للأخ .. ساهد على الكلام الحلو .. اللي حكاه عني ..
رح ابدأ بالاجوبة حسب ترتيب الردود وشكرا الكم كلكم مقدما

[BaTiGoAl]

1 - الاسم الحقيقي وليش اخترت اسم باتيغول وشو بيعنيلك ؟
لاسم الكامل محمد عمر سيد
أما بالنسبة لاختيار هذا الاسم فكلنا يعلم غبرييل عمر باتيستوتا الذي كان يلقب ((باتي غول)) نسبة لاهدافه السريعة والرائعة وحتى الان لا تغيب أهداف باتستوتا من ذاكرتي
2 - من أنت ( بثلاثة اسطر ) أو أكثر ..؟
شاب في العشرين من العمر احب التواضع والصراحة دائما في جميع المواضيع ... هواياتي الكمبيوتر كرة السلة ... السباحة ... السفر ولكن ليس لفترة طويلة... ((بعيد عن سوريا))
بالنسبة للمستوى الدراسي الان في السنة الاولى من INFORMATION TECHNOLOGYا في الامارات

3 - كيف انضممت لمنتدى حطين؟؟
3-عن طريق منتدى كورة من الصديق الغالي صلاح ((SALAHALDEN)) حيث اخبرني بانه تم انشاء موقع لحطين ...
4 - ماذا تعني لك الحياة ؟.
الحياة من دون هدف وطموح لا تعني شيئا ... لأي انسان

5 – طموحاتك وكيف تتمنى أن يكون مستقبلك ؟
اتمنى متابعة اختصاصي وان احقق اهدافي واعود للوطن ...

وبالنهاية بحب اشكر مرة تانية الاخ ساهد على موضوعه .. وان شالله كون عطيت الاسئلة حقها ..
تقبل تحياتي

[SAHED]

قلمك سحري وردودك رائعة مشكور اخوي على تقبل الموضوع بروحك الرائعة وكلماتك السحرية

[BaTiGoAl]

أرسل أصلا بواسطة الآغا

باتيغول أنا بسميه وردة المنتدى لانو محليها بمشاركاتو وخاصة العصبية منها بحب اسالو عن دراستو وبتمنى نلاقي صورة ومشكور

بشكرك كتير اخ الكريم الاغا وهاد والله كلو من زوقك ...
بالنسبة للمستوى الدراسي كتبت انو اول سنة انفورمايشن تكنولوجي .. بالامارات
بالنسبة للصورة والله ما بدك هالجفلة هلق 36_1_21[1].*
لا فعليا بالنسبة للصور فيه بمنتدى التعارف موضوع تعرفو علينا بالصور فيه ...
تقبل تحياتي

[BaTiGoAl]

الاخ بايرن ... حطيني مغترب ... بشكركم كتير كتير على مروركم وكلماتكم الحلوة ...عطيتوني اكتر ما بستاهل والله
وانا فعلا هون حاسس حالي انو بين اهلي ...
بوجود الشباب الطيبة والاكابر متلكن

[BaTiGoAl]

1- من هو لاعبك المفضل : حطينيا - سوريا - عربيا - عالميا
حطينيا عارف الاغا ... سوريا عارف لا احد اخر ...
عربيا حازم امام
عالميا غبريل باتستوتا
2-أحلى مباراة لحطين حضرتها ...وأحلى مباراة عالميا حضرتها.
أحلا مباراة لحطين مع الشباب السعودي باللادئية خلصت 1-0 لصالحنا
عالميا أرجنتين انكلترا مونديال 98 ألمانيا ايطاليا بنصف نهائي كاس العالم 2006 36_1_21[1].*
راح صوتي وقت اللعبة ووقت كول دل بييرو التاني ...
3- هل تتابع رياضات تانية غير كرة القدم أو بتمارسها ...؟؟ وشو هي ؟
بحب كتير كرة السلة والسباحة وبحب كتير تابع الNBA
4- من إيمت تتابع المنتديات ؟
اتابع المنتديات منذ 7 سنوات... ولكن لفترات متقطعة ... لكن بدايتي كانت مع منتدى الحلم ...للكمبيوتر.. والانترنت
5- مكانك المفضل بللادقية وين وأحلى ذكرياتك .؟
أجمل الذكريات في مصيف كسب ... الساعة 5 الصبح وقت بتطلع الشمس ..وبكون صحيان عم بتفرج عطلوع الشمس من ورا الجبال......بالاضافة للذكريات الرائعة اللي قضيتها هنيك
بالنسبة للادئية ...كل منطقة فيها بحبا ما في مكان معين لكن وبصراحة ... ما بنبسط بمحل بالعالم متل ما بنبسط باللادئية ...
6- كيف تعرفت عالمنتدى ؟
دخلت بعضوية بموقع كورة من شي سنة ونص تقريبا ... وذهلت لما شفت اعضاء حطينية ... ومنتدى سوري وصراحة اخدت اهتمام كبير الي لما شفت اعضاء فهمانين وعم يتناقشو بامور حطين تابعت بمنتدى كورة بس بعد ما خبرني اخ صلاح انو تم انشاء موقع حطين تركت منتدى كورة نهائيا والتفتت للموقع الغالي ...
7- باقة ورد في المنتدى لمن تقدمها من الاعضاء (غيري)
طبعا انت ابو وليد الك معزة خاصة .... واحلا باقة ورد كمان ...
بهديها لكل الاعضاء ابتداء من المشرفين ... وانتهاء بكل عضو حطيني مخلص وعم يدخل المنتدى ويشارك من منشان حطين ...

[BaTiGoAl]

أرسل أصلا بواسطة abu kamal

حابب اسألك محمد
محمد كيف بتشوفو هلأ وبكرا
وشو بيعنولوا والداه
ومين الأعز على قلبك هون بالمنتتى وبالحياة طبعاً وبدون مجاملة
وشخص بتعتز فا معزة خاصة
وأخر شي بقلك الله يوفقك يارب ويسرلك دربك يارب

بشكرك كتير يا غالي ابو كمال ...على كلامك وانت كمان متل اخ غالي علي كمان تعرفت عليه هون ...
بالنسبة الي حاليا كيف بشوف حالي ... طبعا يمكن من تجارب الدنيا خلتني دائما كيف ما كنت اتطلع للافضل ... طبعا بس بعد متل ما بقولو الواحد ما بيتعلم الا من كيسو احسن ما يتعلم من كيس حدى غريب 36_1_11[1
بالنسبة لابي هو مثلي الاعلى ... وبتمنى صير متلو ... وحقق احلامي... وحقق احلام ابي انو يشوفني متخرج بشهادة عالية ان شالله ...
بالنسبة للاعز عندي بالمنتدى هون ...
رغم اني ما تعرفت شخصيا الا على مشرفين تنين هون بالمنتدى خالد وابو النور... بس كل الاعضاء والمشرفين هون خيرة الناس وبعتز بالحكي معهن ... والي الشرف احكي معهن ...وان شالله الايام الجاية بتخليني اعرف كل الاعضاء والمشرفين ..
بس بحب اشكر شكر خاص ابو كمال وابوكمال وصلاحو ..وخالد وابو وليد شكر خاص لانو هن اللي دلوني على الموقع ..وخلوني اتعرف عها الناس الطيبة ...
بالنسبة لشخص بعتز فيه كمان خارج المنتدى هو رفيقي العزيز واسمو احمد جمعة وكمان للاسف سافر للدراسة ....
وما عم شوفو لكن بتبقى معزتو عندي كبيرة وخاصة..وبتمنالو التوفيق
وبالنهاية بحب اشكرك كتير يا غالي على اسالتك وان شالله عن قريب بشوفك بالطابوشة 36_1_11[1 حلت بقا بدنا نتناقش بامور الميلان ... لانو جلطوني والله يا ابو كمال

[BaTiGoAl]

أرسل أصلا بواسطة Rammstein

... 7- باقة ورد في المنتدى لمن تقدمها من الاعضاء (غيري) 36_1_21[1].*
.؟..؟ اكيد ل الي ... والله بقصف عمرو اذا ما هيك ...
...
.. اذا بتحبوا انا بجاوب عن كل اسالتو ..

... انا عندي سوال ...؟؟؟؟
.. ايمت مسافر على الامارات ...لانو بصراحه فحصنا بعد شهر ....وموادنا هل الفصل سم .. وانا كل يوم ما عم ادرس من ورا النزله كل يوم معك انت والشباب ..؟؟؟؟

ولا زيدووو...
صحي نسيت ما قلكم ...
هاد زيد شندو
حطيني للعضم ... بس مرضان قال بحب ديكو وبرشلونة وهولندا((قلنالكم مرضان))
ما رح رد عسؤالك

[الامير totti]

صراحة انا ما بعرف الاخ باتيغول او ابو حميد .. منيح ....

بس بتابع الردود اللي بيكتبها ومعجب بالطريقة اللي بيناقش فيها ...

واسئلتي للاخ محمد ...

سؤال واحد فقط


ماذا يعني لك حطين ؟ وماذا بعد ؟

[نوار مالك مجبور]

أنا صرلي شوفو مرة واحدة


بس اكيد

بدي كتير لاقدر اوصف اخوي محمد

زادك الله بكل ما تحب

وحفظك


ســــــــــــــــــــــــاهد / مفخرة بني امية /


أبو النور