6 رسائل لغريمي التقليدي ...... - نادي حطين السوري

YOUSEF..MS · #1 (**permalink**) 14/12/06

حبيت اكتب 6 رسائل لغريمنا التقليدي تشرين
بمناسبة اقتراب موعد اللعبة المنتظرة

1- يا تشرين سنينك فاتو ونسرك هرو ريشاتو
لما حوتي ضوا الملعب نسرك انكسرو جناحاتو
.......................................................
2- قالولي بلعبك ماهر فيك العالم مغشوشين
بعدك بضل الخاسر ولعبك بدو تحسين
.....................................................
3- يالجاية تتحدى البحر اوعى تقرب شطئانو
بتضيع بالمد والجزر اسال الاندية اللي قبلك كانو
خرجك تلعب حد النهر وتتخبط بمي سيانو
وتوقفلي حاجب بالقصر وبابي تبوس درفاتو
....................................................
4- يا لاعب كيف بدك كيف توقف بوجه الاعصار
لو بغضب والصبر بعيف بخلي الليل يصير نهار
تحتي حصان وحامل سيف شق الملعب 10 متار
ومدريد نازل عندي ضيف لصححلو هجماتو
.....................................................
5- يا تشرين بتمنى عليك تقاوم لحظة قبالي
هاللحظة وحدها بتكفك تقاوم كل الفتالي
يا تشرين بدك تكتيك لتوصل لحوتنا العالي
فيني عالبحر بوديك وما بتشرب من مياتو
.................................................
6- يالماشي بعكس التيار وعكس المي الجرياني
الناس بتمش لقدام وانت بتمي خلفاني
طولك بعدو 3 اشبار وجايي لتتحداني ؟
بخاف عليك تصير غبار لو حرك ذيلو حصاني
بعدك دوري وريشك طار وصل عالشط الثاني
جاي تتحدى بمنقار.... الحيتان الزرق الغضباني
انغرو قبلك فرق كتار وصالو وجالو بميداني
بتذكرهم باستهتار وما بسميهم عالساني
وعلقو بسنان المنشار متل الخشبة التخاني
......................................................
واخيرا : ما بتشرب من راس النبع الا العنزة الجرباني

اخوكم ابو مروان 36_1_12:

#2 (**permalink**) 14/12/06

اه يا ملك اطربتنا والله
العين ما بتعلى عن الحاجب
وياتشرين وينك وينك من حطين الله يعينك

مهرتوو · #3 (**permalink**) 14/12/06

واخيرا : ما بتشرب من راس النبع الا العنزة الجرباني
ويا تشرين ويا
بس يالله حرام نسبون يالله
وكتير الكلمات حلوة والله يعطيك العافية

نوار مالك مجبور · #4 (**permalink**) 14/12/06

ابو مرواااااااااااااان الغالي ما طبيعي

أنا لح اجمع كل اشعارك بموضوع اسمو مواضيع أبو مروان وأغلقة

وكل ما بتكتب فيه بضيف عليه

بااااااااااااااااااااااااااااااك الله فيك

يا شاعرنا الغالي

أبو النور

ديار · #5 (**permalink**) 15/12/06

يا سلام والله شعر بيفتح النفس وبيحمس يعني لو كنت لاعب كنت سجلت شي5جوال ورا بعضن بسبب هالشعر36_1_21[1].*

SAHED · #6 (**permalink**) 15/12/06

الله الله الله يا ابو مروان يا فنان يا كبير يا عظيم

36_1_11[1 36_1_11[1 36_1_11[1 36_1_11[1 36_1_11[1

ابو البحر · #7 (**permalink**) 15/12/06

شو هاد يا ابو مروان انت شغلة بربي بدي حبك خلص
36_1_21[1].* 36_1_21[1].* 36_1_21[1].*

ذئب روما · #8 (**permalink**) 16/12/06

رائع يا شاعرنا الرائع الى الامام ...وبزكاتك بدي شعر يكسح الاتحاد الرياضي ....

ذئب روما

YOUSEF..MS · #9 (**permalink**) 16/12/06

ابشر اخوي ذئب
الف طلب متل هالطلب

الآغا · #10 (**permalink**) 18/12/06

شكرا شاعر المنتدى

أدوات الموضوع	البحث في الموضوع
عرض نسخة للطبع إرسال هذه الصفحة إلى بريد إلكتروني	البحث في الموضوع: بحث متقدم
أنماط العرض
النمط الخطي الانتقال إلى النمط المختلط الانتقال إلى النمط الموضوعي

مستخدمين موجودين حالياً يشاهدون الموضوع: 1 (0 أعضاء و1 ضيوف)

اعلانات