أعضاء تحت دائرة الأضواء (( ديـــــــــــار ))

[SAHED]

زهرة من زهور المنتدى عضو جديد ولكنه في قمة الفعالية أثبتت وجودها منذ اليوم الأول لدخولها المنتدى بردود رائعة ومواضيع مميزة تتميز بحسها العالي في الكتابات وزوقها الرفيع في التعبير طريقة كتابتها لمذكراتها تجعلك تعيش في سحر أخر يوصلك إلى اللانهاية فترى مواضيعها تتنوع بين الشعر والمذكرات والكمبيوتر والفلسفة ونراها بعيدة كل البعد عن المنتديات الرياضية بمعدل (( صفر موضوع )) ليه ما بعرف ردودها تتميز بالواقعية وبأسلوب رائع وتراها تندمج مع الموضوع مهما كان مستواه تعطي دفعة معنوية لكاتب الموضوع بطريقة الرد فترا التشجيع تارة و النقد تارة أخرى
عزتها بنفسها تتجلى بأنها أنثى وممنوع نقد الأنثى عندها 36_1_7[1]. .

واليوم يشرفني ويشرف منتدى قناة حطين استقبال العضوة

(( ديار ))

ورح نعرفكم شوي عن ديار طبعا من وجهة نظري الشخصية وعن فعاليتها بالمنتدى

انضمت للمنتدى بتاريخ 24 / 11 / 2006 عدد المشاركات 451 مشاركة

العمر 18 سنة تدرس إدارة أعمال سنة أولى جامعة مقيمة في دولة الإمارات العربية المتحدة

تهوى اللغة العربية وتحب القراءة .

مع أنها لا زالت بالبدايات إلا أنها دائما تسعى لتطوير ما عندها من قدرة على مجارات لاعبي الشطرنج

تحب الفلسفة وعلم النفس والأدب العربي

أكثر مواضيعها ردودا

:::"::::من أنت بكلمات :::":::::"

بـــ 27 ردا

وكالعادة رح يكون بداية طرح الاسئلة بأسئلتنا التقليدية .

1 - ليش اخترتي اسم ديار وشو بيعنيلك ؟

2 - من أنت ( بثلاثة اسطر ) أو أكثر ..؟

3 - كيف انضممتي لمنتدى حطين؟؟

4 - ماذا تعني لك الحياة ؟.

5 – طموحاتك وكيف تتمني أن يكون مستقبلك ؟

تحية طيبة لك .

ديار تلك الانسانة المجتهدة والتي تضفي ألقا على المنتدى وتثتبت يوما بعد يوم انها متميزه
كتاباتها جميلة ومميزه واهتمامها بمواضيع المنتدى الادبي والاجتماعي زاد المنتديين اثراء واضفى روحا من الالق على المنتدى المتميز
طالبة بارعة في اللغة الانجليزية
سباقة الى الاطلاع والمشاركة .... في مختلف موضوعات المنتدى
وفقك الله واتمنى لك التوفيق في مجالات الحياة كافة
مع تحياتي ....

[نتالي]

دياااااااااار هنا مية أهلا وسهلا شرفتي والله

أول شي اتفضلي كاسة مي مشان الرعبة

يعني بتعطي رهبة هالاضواء

ثانيا : كيف رضاكي علي وانشاء الله ماكون مجننتك معي

":"016

علي الأمان ديار ترى أسئلة مرتبة جاييتك وخاصة مشان

هاللون الأزرق 36_1_12:

اللي صار باسمك نزل وزني من الغيرة

اذا علي الأمان مشان بلش فيكي

[ابو البحر]

اخت ديار
ام المواضيع الادبية
كتاباتك تكشف عن شخصيتك وتبرهن لنا يوما بعد يوم ان هناك موهبة مخزنة لديك في هذا المجال
سؤالي لك
هل فكرتي ان تكوني يوما من الايام احد لاعبات نادي حطين في اي لعبة نسائية
وشكرا

[الآغا]

الأخت ديار هي وردة من ورود المنتدى هي والاخت نتالي ومواضيعهم كتير حلوة وبجد كلهم انوثة وفائدة للمنتدى .
بالنسبة للأسئلة بحب اسأل الأخت ديار 3 أسئلة
1 - هل انت سعيدة بحياة الغربة ؟؟؟؟؟
2 - ما رأيك بأعضاء موقع ومنتديات حطين ؟
3 - هل تحبين الرياضة ؟ اذا كان الجواب نعم لماذا لايوجد ولا موضوع رياضي ؟

[YOUSEF..MS]

الاخت ديار عضو من الاعضاء المجتهدة بالمنتدى
ناطرين اجوبتك

[ديار]

أخي ساهد أنا بشكرك على هالمقدمة الحلوة.....
و سعادتي كبيرة بكوني عضوة من الأعضاء بهالمنتدى
بالنسبة للمواضيع الرياضية, أنا من مشجعي الرياضة و محبيها, إلا أنني ببساطة ما بحب افتي بشغلة ما بفهم فيها,يعني أنا لسه بالرياضة في طور التلقي ولما بصير بطور العطاء ما راح أبخل بأي شي شو ما كان طول ما أنو بيفيد الغير....بتمنى كون وضحت الأسباب

1.أخترت أسم ديار لاني خارج الديار(الوطن),و لأنو هالأسم بيعنيلي كتير ومعاني رائعة و غامضة بقدر ما هي حلوة للي بيفهمها-يكمن عم بتفلسف بس هي هي الأسباب- و لأنو مقتبس من النشيد الوطني السوري.....
2.أنا-و أعوذ بالله من كلمة أنا- طالبة علم ومعرفة,أسعى لما يفيدني ويقدم المنفعة لغيري
وممكن باحثة عن المجهول بحياتي وحياة غيري
3.أكتشافي للمنتدى كان عن طريق الصدفة البحتة, أما أنضمامي فلم يكن صدفة أبدا....
4.الحياة:عمل وبحث وعبادة و فشل ونجاح وتفاؤل ومشاعر وأحاسيس
يمكن هالمعنى يتغير مع الأيام والتجارب بس أنا أكيدة أنو راح يزودني هالتغير بالمطلوب
5.طموحاتي:ما بتخلص كل شوي شغلة أما كيف بتمنى مستقبلي:فما فيني قول غير الله يكون معي و يعيني
و شكرا مرة تانية
( الأجوبة محاضرات بس مو مشكلة تحملو شوي)

[ديار]

أخي بشار:
أنا شهادتك بعتز فيها وإنشالله الله بيكون معي لقدم الأفضل و الأفضل إلي وإلكن
وشهادتك كمدرس بتدفعني أكثر وأكثر
بس إنشالله كون طالبة ممتازة بالفصل لأني ما بشاغب أبدا36_1_21[1].* 36_1_21[1].*

[ديار]

نتالي مو مشكلة خدي راحتك36_1_12:

لأنو راح يكون حسابك تحت الأضواء يعني بعيدا عن المشاهدين
أي حبابة المكان كلو إلك لأنو ما بيصير نطلع بصورة مو حلوة قدام المشاهدين.......
أنا أصلا عم أكتب أجوبتي بالاحمر منشان هالأزرق اللي لاحقتينا في 36_1_21[1].*
المهم رضاكي نتالي":"016

[ديار]

أخي أبو البحر أنا بفضل دعمكن الدائم موهبتي عم تتطور , وأنا فعلا حبي للكتابة عم بيزيد يوم عن يوم والله يقدر اللي في الخير.......
أما بالنسبة للسؤال فأنا متل ما وضحت بحب الرياضة وإهتمامي بها محصور بزمان ومكان محددين أما أني كون لاعبة في الفريق فهذا لا أعتقد أنو ممكن الحدوث -الله أعلم-بس انا ما بشوف حالي بالرياضة يعني الرياضة هواية, عادة يومية بالنسبة إلي...........
وبتمنى أني كون جاوبت على السؤال

[ديار]

أخي الأغا : شكرا على هالكلام و بتمنى أني كون مفيدة لغيري بقدر ما هالمنتدى عم بيفيدني وهاد بمساعدة نتالي و باقي الاعضاء بلا إستثناء
1.أبدا أبدا أبدا.......الغربة مزعجة جداو صعبة و ما بتمناها لحدا عدو أو صديق
بس بالنسبة للمكان اللي عايشة في بحس أنو صار متل بيتي التاني,لكن يكفيني أني أشعر بالأمان والطمأنينة بالقرب من أهلي والحمدالله على كل شي
2.شهادتي بالأعضاء و الإدارة والمشرفين راح تكون مجروحة لأنن ما قدموا إلا المفيد إلي ولغيري
-و بالمناسبة- أنا واحد من أسباب تسجيلي بالمنتدى كان الأعضاء والمشاركات اللي أطلعت عليها قبل ما سجل........
3.نعم والجواب لنصف الأخر من السؤال موجود بالأجوبة السابقة

[ابو البحر]

أرسل أصلا بواسطة ديار

أخي أبو البحر أنا بفضل دعمكن الدائم موهبتي عم تتطور , وأنا فعلا حبي للكتابة عم بيزيد يوم عن يوم والله يقدر اللي في الخير.......
أما بالنسبة للسؤال فأنا متل ما وضحت بحب الرياضة وإهتمامي بها محصور بزمان ومكان محددين أما أني كون لاعبة في الفريق فهذا لا أعتقد أنو ممكن الحدوث -الله أعلم-بس انا ما بشوف حالي بالرياضة يعني الرياضة هواية, عادة يومية بالنسبة إلي...........
وبتمنى أني كون جاوبت على السؤال

مشكورة اخت ديار على اجوبتك الجميلة والتي احسنتي فيها

[فاروق ابن البحر]

يكمن عم بتفلسف بس هي هي الأسباب


عفوا من الاخت ديار بس هي الجملة فيها خطأ مطبعي ( يكمن ) نحنا فهمنا قصدك هو ( يمكن )
بس لاتزعلي مني انا عم امزح مو اكتر واكيد انت والاخت نتالي زهرتين حلوين بالمنتدى ومشان هيك التشرينية غيرانين منا
اما سؤالي الك : فهو شو وضع رواتب الموظفين والعاملين بالامارات لانو الاخ ساهد بعد فترة الله ييسرلو امورو يمكن يطلع على الامارات فمشان يتطمن شوي حرااااااااااااااااااااام

[نتالي]

أرسل أصلا بواسطة ديار

نتالي مو مشكلة خدي راحتك36_1_12:

لأنو راح يكون حسابك تحت الأضواء يعني بعيدا عن المشاهدين
أي حبابة المكان كلو إلك لأنو ما بيصير نطلع بصورة مو حلوة قدام المشاهدين.......
أنا أصلا عم أكتب أجوبتي بالاحمر منشان هالأزرق اللي لاحقتينا في 36_1_21[1].*
المهم رضاكي نتالي":"016

خلص ديار حاقعد عاقلة هالمرة مايهمك مشان ماأكلها

تحت الأضواء

خلصنا مزح وبلش الجد :


1- ديار مين قدوتك بالحياة

2- حصل بالأيام وألفتي كتاب لمين بيكون الاهداء

على أول صفحة ...

3- صار معك موقف وبدك تستشيري حدا مين بيكون

هالشخص ( أمك - أبوكي - حدا بيقربك )

4- عندك مبدأ واحد بتمشي عليه طول حياتك

( واذا أي شو هو )


5- شو قصة عشقك للفلسفة والجولجية


6- بلد بتحلمي تزوريها


7- أكبر مشروع بتحلمي تحققيه (.... )


واذا اخترتي شخص يكون ايدك اليمين مين بيكون ؟؟


8- بتوضعي ثقتك المطلقة بأي شخص ولا لاء


9- عتب منك لمين بيكون


10- ووردة لمين بتهديها


*******

هلأ أسئلة من النوع اللي بالي بالك 36_1_12:

بتتوقعي رح يجي يوم

تنجح خططنا الاستعمارية بتكوين جبهة بناتية


امتى اخوكي الصغير بده يبطل بكي كل مابنحكي


بتحبي المعكرونة ولا مابتحبيها


أخر شي بس قبل ماامشي شو ناوية تعملي


في تحت الأضواء

":"016

[Bayren]

سلام للجميع:::

ربما من الصعب أن يعبر الشخص عن إحترامه اللامحدود لبعض الأشخاص, حقيقي شي رائع

تمام هل التفاعل يلي عم يصير داخل المنتدى و عن جد ألفة رائعة جداً, جداً((مشكور ساهد))



:::ديار:: :::ديار:: :::ديار:: :::ديار:: :::ديار:: :::ديار:: :::ديار:: :::ديار:: :::ديار::

تمثل بالنسبة إلي جانب من جوانب المنتدى الهامة, هي إنسانة مثقفة و متزنة أجوبتها

رائعة, و أرى فيها شخص لا يقبل الاستسلام إلا بالحجة و يحب المعرفة...........

تذكرني دائما بالفتاة المثقفة التي تفرض إحترامها على غيرها

أراها تنشط جدا بالمنتدى الإجتماعي و الأدبي و على الرغم من عدم مشاركتي في المنتدى

الأدبي, إلا أني انتبه لمشاركتها الجميلة خلال تفقد الردود الصباحي

.....................بتمنالك كل التوفيق ديار و إن شاءالله بتحصلي على أعلى المراتب باذن الله


مع فائق الإحترام

أبو و ليد

[نوار مالك مجبور]

بعتقد شـــــــــــهادتي

مجروحة باديبة منتدانا

الاخت ديار


بارك الله فيك

وسدد خطاكي

أبو النور

[ابو الليل]

السلام عليكم

أختي ديار :

ماهو شعارك بالحياة ؟

واين قضيت طفولتك ؟

[مهرتوو]

والله الخت ديار كتير امتعتنا بمواضيع عنجد تحفة واجوبة على مواضع تانية كمان تحفة يعني اذا دل على شي يعني بدل على انووو فهمانه الحياة كتير كتير وكمان بشكر الاخ ساهد على الموضوع الكتير كتير مميز وكان بلاخص عن الاخت ديار والله يعطيكون العافية
واهم شي هون هو الاخوة وحب الغير والله يوفق الجميع


مع تحيات مهرتووو

[ديار]

أرسل أصلا بواسطة أبو مروان الحطيني

الاخت ديار عضو من الاعضاء المجتهدة بالمنتدى
ناطرين اجوبتك

شكرا أخي أبو مروان شهادتك ورأيك مهم بالنسبة إلي كعضوة بهالمنتدى وإنشالله كون على قدر المسؤولية ..........

[ديار]

أرسل أصلا بواسطة ابو البحر

مشكورة اخت ديار على اجوبتك الجميلة والتي احسنتي فيها

له يا أخي.....هاد واجبي ولا شكر عليه