هام جداً للتشرينيين والحطينيين

[treze1984]

في هذه الفترة وقبل اللقاء المرتقب تكثر الحوارات الساخنة بين أعضاء في المنتدى من الطرفين وبعض هذه الحوارات والردود تخرج عن إطار الرياضة والأخلاق العامة... وبعض المشاركات تكون أصلاً بغرض الاستفزاز وإثارة الفتن داخل المنتدى...
الرجاء ثم الرجاء من جميع اعضاء منتدى حطين وخاصة الذين دخلوا الى منتديات جماهير تشرين وقامو باثارة الفتن والردود غير الاخلاقية التحلي بالنهاية بالاخلاق لاننا سوريون ولسنا اعداء فاخوك واخي من الطرف المعاكس (تشريني او حطيني) واصدقاؤنا المقربين كذلك ....
ومني دعوة للحطينيين اللذين احدثا المشاكل في منتديات جماهير تشرين الدخول مرة اخرى لكن بصفة ايجابية واخص بالذكر ابو مروان الحطيني والرجاء في النهاية عدم حذف هذه العضوية ....
وشكرا
مشرف الكرة العالمية في منتديات جماهير تشرين

[juventini]

مين التاني أخي الكريم؟

[BaTiGoAl]

لا تعليق ...
بس مشان عدم حذف العضوية؟
ليش مين قلك انو نحنا متبعين سياسة اي واحد تشريني بيدخل منحذفلو عضويتو؟
اهلا وسهلا بكل واحد تشريني محترم ... منحطو عالعين والراس...
ولا مرة ما عملناها لانو تشريني حذفنالو عضويتو...
فينك تتاكد اخي وتسال اي تشريني دخل عمنتدانا وحكى بالزوق كيف كنا نرد عليه ....

[hmo]

ياريت انتوا كما ن

[مهرتوو]

والله اهلين فيك وبكل تشريني كويس هون بس انوو يكون عندي اخ او قرايب غير حطين ما بعترف عليه من أصلوو

[ذئب روما]

اهلا فيك حبيبي التشريني أنا بالاصل دمي أزرق ان كان كرماوي وان كان حطيني لذلك انت مابتعرف انو بعض من التشرينيين هم الذين يدخلون بأسماء غريبه ومسالمة على اساس ..ولكنهم يثيرون الفتن هنا ويخرجون لذلك انو ابو مروان اذا اعطاكن كم بيت شعر حلو ما معناها انو نعاتبو ...وأكيد العتب من المحبة ما هيك أخ تشريني ..وانتا مشرف لذلك ارجو التنبيه على التشرينيين المخلصين شرواك.........

ذئب روما

[Saeedoo]

أرسل أصلا بواسطة treze1984

في هذه الفترة وقبل اللقاء المرتقب تكثر الحوارات الساخنة بين أعضاء في المنتدى من الطرفين وبعض هذه الحوارات والردود تخرج عن إطار الرياضة والأخلاق العامة... وبعض المشاركات تكون أصلاً بغرض الاستفزاز وإثارة الفتن داخل المنتدى...
الرجاء ثم الرجاء من جميع اعضاء منتدى حطين وخاصة الذين دخلوا الى منتديات جماهير تشرين وقامو باثارة الفتن والردود غير الاخلاقية التحلي بالنهاية بالاخلاق لاننا سوريون ولسنا اعداء فاخوك واخي من الطرف المعاكس (تشريني او حطيني) واصدقاؤنا المقربين كذلك ....
ومني دعوة للحطينيين اللذين احدثا المشاكل في منتديات جماهير تشرين الدخول مرة اخرى لكن بصفة ايجابية واخص بالذكر ابو مروان الحطيني والرجاء في النهاية عدم حذف هذه العضوية ....
وشكرا
مشرف الكرة العالمية في منتديات جماهير تشرين

أهلين وسهلين اخي أول شي

تاني شي ...نحنا بحياتنا ماحذفنا عضوية حدا بالنظر لانتماؤو الرياضي حطيني أو تشريني أو غيرو

تالت شي الحمد لله نحنا ما عنا لافتن ولا ردود غير أخلاقية من وقت اللي فتح المنتدى ولحد الساعة ...وأعضاءنا كلهم متل العسل والفل ودور بالنتدى وشوف ..

وبخصوص العضوين اللي عمتحكي عنهم ما عندي أي علم مين هنن ولا إذا كان أبو مروان نفسو واحد منهم أو شخص تاني بس نحنا أعضاءنا من خيرة الناس وما بتوقع يفتعلو مشاكل بأي مكان


ورح نترك موضوعك لتشوف ويشوف الكل أنو نحنا ما منقمع حدا

إلااااااااااااااا

إذا إذا طلع الكلام غير صحيح أو أخد الموضوع منحى تاني وتحول لمهاترات ساعتها مارح نقعد متفرجين

وأهلا وسهلا فيك وبوجهلك نفس الكلمة اللي قلتها أنو بتمنى منك تشارك معنا بالمنتديات بصورة إيحابية ونحنا منرحب فيك

[نوار مالك مجبور]

أهلين أخوي الغالي:


1/ طلبك صحيح 100%

انو ما حدا يدخل من الطرفين ويسيء للأخر

وانا بضيف عليه انو ما حدا يدخل لعند التاني بالمرة ابدا ابدا

كل واحد وعندو منتداه


2/ اما حذف عضويتك ما تخاف


عندكون شباب بالموقع دخلوا على منتدانا


وغيروا خطط المدرب الهواش


وعطونا تعليمات ودروس عن كيفية تشجييع فريقنا


وانتقدوا سياسة نادينا


ومع ذلك ما تم طردون


3 / انا كنت بتمنى تجيب شو كاتب شاعر منتدانا ابو مروان الحطيني عندكم بالمنتدى

لانو انا بشك انو أساء لسيادتكم ...



4 / مرة تانية أهلا وسهلا فيك معنا أخوي وطلبك على العين والراس

انا لح خبر الاعضاء ياللي بمون عليهم ما يدخلوا ابدا أبدا

وإذا انت بتعمل نفس الشي مع شباب منتداكم بيكون أحسن

يعني حتى لا يصير خلافات


ونتمنى التوفيق للفريق الأفضل بمباراة الجمعة






أبو النور

[T . AJJAN]

مافي شي كلامك اخ التشريني على العين والراس
بس بنفس الوقت كنت لازم تكتب انو انت كمان نبهت اعضاء منتدى تشرين ومتل ماقالو الشباب نحنا مامنحذف لا ردود ولا اجابات وكلنا اخوة
وبالتوفيق لحطين الجمعة

[Rammstein]

... ابو النور وسياسه القمع ...

[محمد نور]

اخي الكريم على راصي انت ومنتداك
تاني شي أبو مروان والشخص التاني من خيرة الشباب عنا وكل الشباب خير وبركة
المشكلة بلشت منعدكون
يعني يدخل واحد من اعضاءكم ويرسم صور تقبيحية لحطين ونضل ساكتين ...؟؟؟؟
اي الله ما قالها
ولمعلوماتك لو وصلني خبر صوركم اللي انشرت لكنت انا اللي اتدخلت مو أبو مروان
لأنو عنجد عيب
فالدفاع عن النفس ليس جريمة ولا حتى ذنب
نحن دافعنا عن حطين في عقر منتداكم
وعندما نسيء لكم في منتدانا تعالوا ودافعو عن ناديكم
وصدقني اختلاف وجهات النظر لا يفسد للود قضية
محمد نور

[YOUSEF..MS]

السلام عليكم ورحمة الله في البداية صح انا اللي كتبت الرد بموقع تشرين الكل عم يسأل شو اخدني على موقعهم ؟ اوكيه انا رح جاوب :عم اعمل بحث بالغوغل عن صور حطينية بلكي لعل وعسى في موقع غير موقع حطين منزل صور لحطين واذ بلاقي صور سيئة للغاية بتشوه سمعة حطين وجمهوره فتحت الصورة واذا بموقع تشرين المحترم هو اللي ناشر الصور بعنوان موضوع عمل ومصالح الحطينية او ما شابه ذلك ( الصراحة ) ماذاكر اسم الموضوع بالضبط شو بتتوقعو من مشجع لما يشوف هيك صور يرد ؟الصراحة ما اتمالكت اعصابي ؟لهون وصلت المسخرة ولا ما عم يعرفو يردو على اشعاري !! بنفس طريقتي بعد لحظات حسيت بغلطي وندمت لان نزلت مستوايي لمستوى اللي منزل هيك صور بس عتبي على مشرفين الموقع تبعهم لانو سمحو بنشر هيك صور الله وكيلكم لو كان هالموضوع بمنتدانا لحتى ما ضل ولا ثانية .......

[فاروق ابن البحر]

اهلا وسهلا اخ تشريني بالنسبة للشباب يلي دخلوا على منتداكم واساءو على حد قولك فانا بعتذر منك بالنيابة عنهون اذا اساءو بس رجاءً تدخل على موضوع بمنتدانا اسمو سيدات حطين تحرزن برونزية الاسياد وتشوف بعينك رد احد التشرينين على الموضوع وقتا بتعرف اذا كان معنا حق نرد ولا لأ

[دل بــييرو]

احلى شب بالمنتدى ابو مروان احلى زلمي
والله ما يكون اخوي حطيني بدبحوا
وعالمشفى با بو مروان
عفواً يا بو فهد
حطين اليوفي وبس

[باتي البرشلوني]

حبيبي اهلا وسهلا فيك في المنتدى وبكل التشرين الاكابر حصررااا......
وناحية حذف العضوية يمكن الشباب كفوا وفوااااااا ب الحكي

بس انوااااااا الواحد يجي بتهجم علينا ونحن نضل ساكتين بعيداااا عن عينواااااا وشفت انت كيف كان الرد في عقر منتداكم ولكن بطريقة مغايرة وليس ب الطريقة التي قام بها احد الاعضاء في منتدانا واخوي عد المواخذة ب هل الكلمة (الي بدو يدوس على طرفنا بدنا ندوس على ......) هيدي العبارة للي لازم يفهما
ومرة تاني اهلا وسهلا فيك ب منتدانا وكرمالك رح فوت على موقع تشرين والقي نظرة عليه وهيداااا كرمال عيونك

[الآغا]

اخي الكريم ممكن تعرضلنا الصور يلي نزلوا بموقعكم ؟ أكيد لا لأنو رح تاخد جوابك على رد ابو مروان عليكم وما حدا يقرب على ابو مروان لانو يلي بيقرب على ابو مروان كانو قرب علينا كلنا وعلى المشفى يا بو مروان أبشرررررررررر

[عاشق اليونايتد]

برافو

المفروض نهدي النفوس مو نعقدها

اول شي انا هون تشريني وما غلطت مع حدا ما غلط معي

والشباب محترمة كتير

بس المشكلة انو لسا في كام واحد ما طايقين وجودي هون

من يوم ما اجيت على ها المنتدى وابو مروان ما غلط بس

الظاهر في شي كبير زعجو وانا ما عم دافع عن منتدى تشرين

بس اذا في كام واحد غلط يا ابو مروان بعرفك اعقل من هيك

وما ترد كل واحد بيعبر عن حالوووووووووو


يووووووووووسف

[الامير totti]

الشباب كفت ووفت يا اخوي ... وعن الجميع للمرة الالف اهلا وسهلا فيك

[treze1984]

اول شي يسلمو عالردود اللطيفة بس مابعرف اذا الكل طالعة من قلبو
تاني شي انا بشكر ترحيبكون فيي بهالمنتدى
تالت شي اللي بيغلط لازم يعترف وابو مروان ما غلط لما حط الشعر (رغم انو استفزازي)
بس غلط بعدين وحكيو انو عم يدور عالصور مو صحيح لانو مسجل بمنتدانا من فترة منيحة والشب اللي نزل الصور نزلها من كام يوم !!!!!!!!!!!!!!!!
وتاني شي ماعيب تسب ع حدا بنص بيتو انت شتمت التشرينية بالكلمة اللي كتبتها لو عنجد بتعتبر حالك محترم ما بتسب حدا ببيتو مهما وجهلك والشب اللي رد عليك هوي ابن خالتي ورد عليك بعد ماسبيت
والعضو اللي نزل الموضوع وجهنالو انذار واللي سب اخد بطاقة صفرا يعني انذار مضاعف
وبالنهاية بتمنى نشيل فكرة التعصب من بالنا لانو فكرة مقيتة كتير .......... واذا كان عندي حكي لسا رح ارجع احكيه
شكرا للجميع
مشرف الكرة العالمية بمنتدى جماهير تشرين

[glory]

أرسل أصلا بواسطة باتيغول

لا تعليق ...
بس مشان عدم حذف العضوية؟
ليش مين قلك انو نحنا متبعين سياسة اي واحد تشريني بيدخل منحذفلو عضويتو؟
اهلا وسهلا بكل واحد تشريني محترم ... منحطو عالعين والراس...
ولا مرة ما عملناها لانو تشريني حذفنالو عضويتو...
فينك تتاكد اخي وتسال اي تشريني دخل عمنتدانا وحكى بالزوق كيف كنا نرد عليه ....

و الله يا اخي محمد انا بشهد...ووالله كل اعضاء المنتدى من اذوق الناس...و بتمنى الخلافات تزول..و المشكلة تنحل...شباب للتنويه فقط..و طبعا من حقي نوه بأن منتدى جماهير تشرين غير منتدى تشرين الرسمي...اي كي لا تختلط الامور عليكم...هناك منتديين..منتدى جماهير و منتدى رسمي..
و شكرا للجميع