حيتاننا بخروا (( ثقة )) تشرين بالفوز

حمودة الحطيني · #1 (**permalink**) 23/12/06, 05 :14 05:14:44 PM

السلام عليكم

انا حبيت اكتب هالموضوع (( ردا )) على كل كلمة قيلت في الشارع الرياضي باللاذقية ألا و هي فوز تشرين و بنتيجة كبيرة (( و الفوز مضمووووووووون متل ما شايفك )) ..

لكلا الجمهورين الحق في التفاؤل المشروع ... ما حدا زعلان بس لدرجة 4 او 5 صفر او انو الفوز بالجيبة .. او متل تصاريح بعض اللاعبين متل معتز كيلوني يلي انا شخصيا بحترموا و ما في اي شخص في سوريا بينكر انو هو لاعب ممتاز و من طراز نادر ... انو يقول (( سأهدي الفوز لجمهور تشرين )) ... و أي فوز يا (ميزو) و أي فوز و الله لولا الحظ العاثر للاعبينا لكانت النتيجة رائعة لنا ...

او اللاعب ( الهداف و المحترف ) على النونو ... بأنه سينافس عارف و زياد ... و الله لا سمعت به بالملعب و لا رأيته الا عند التبديل .. و لا احسست بخطورة اي لاعب تذكر بهذه الصور الذي صوروها مشجعي تشرين لنا .. فريق تشرين كان فريق اقل من عادي .. مع احترامي الشديد لمشجعيه الاكارم ... و لم ينل اكثر من 3 فرص خطيرة بعض الشيء ...

هيدا الموضوع لتأكيد أن لاعبينا قدموا مباراة رد على كل كلمة انتشرت قبل المباراة ... على كل شخص ظن بأن الحيتان سيخسروا المباراة ...

و الله لما شوف الخضرة ما شاء الله عليه الله يحرسو (( يتلاعب )) و بكل معنى الكلمة بلاعبين تشرين ... و أحمد ديب و بكل ثقة و خبرة يخلص الكرة من اقدام الكيلوني ... و على طه اللي بسمر النونو .. و عمار ياسين ( المارد الحطيني ) اللي و كما قالت الصحف قطع الماء و الهواء عن الاعبين
و حارسنا و اركانو و حمودة فارس و عزيم .. ووو وو و ...وو الكل كان مجتهد بهذه المباراة ...

و طبعا شكر للكابتن الهواش و الجازين الاداري و الفني ....
بقول بالاخير الله يحمي الحيتان ... و ان شاء الله بيعوضوا في القادمات لانها اكتر من الرايحات

و اسف للطولة يا شباب ...

ابو عدنان

th_hutten th_hutten th_hutten th_hutten th_hutten th_hutten th_hutten th_hutten th_hutten th_hutten

حمودة الحطيني · #2 (**permalink**) 23/12/06, 05 :17 05:17:35 PM

طبعا في شكر لابو احمد الغالي ... و الله يشفيه لانو مهم في جماعة الحيتان ...

و الكل كان برأيي رائع و الحمد الله على كل شي ...

ابو عدنان

#3 (**permalink**) 23/12/06, 05 :28 05:28:21 PM

الله يعطيك العافية يا ابو عدنان موضوع رائع وبمحلو
فعلا ردينا عالتشرينيه بالملعب ووقفناهم عند حدهم والخضرة الله يحمية بيسوا 100 نونو
هيك بيصير بالمتغطرس
عكل حال هاردلك للشباب وبتتعوض على وش المرحوبي

باتي البرشلوني · #4 (**permalink**) 23/12/06, 06 :03 06:03:27 PM

اخوي ابو حميد والله عم تحكي اكتر من صح من خلال الشارع الرياضي وبعض الاصدقاء التشرينين الذي قالوا النتيجة ب الجيبة والله اليوم ماحدا كان عم يطلع منون مظبوط لانون عرفوا الله سترون من الخسارة بس والله انا كتير مبسوط لاني حطين كان ظابط اعصابوا وان شاء الله بتكون مرت سحابة الخلافات التي كانت موجودة وبيرجع حطين متل ما عودنا وبيرجع البسمة على وجه الجمهور التي كانت على بعد مليمترات يوم امس والحمد لله على كل حال وهيا يا حوتنا عود الى زمن الانتصارات فجمهورك متعشط لهاااااااااااااااا ...........................

فاروق ابن البحر · #5 (**permalink**) 23/12/06, 08 :43 08:43:58 PM

اكيد حطين قدم مباراة كبيرة وتوقعات تشرين خابت بس يا شباب والله انا حكيت الف مرة قبل المباراة انو تشرين كان بمباراة الوحدة سيء سيء سيء تأكدوا من كلامي هلئ

حمودة الحطيني · #6 (**permalink**) 24/12/06, 12 :37 12:37:42 AM

فعلا يا فاروق و انا كمان قلت انو لعبة تشرين ابدا مالها مقياس

و ها هي نحنا طلعنا افضل و الحمد لله ...

ابو عدنان

ذئب روما · #7 (**permalink**) 24/12/06, 01 :55 01:55:02 AM

والله بيضوها الشباب وخاصة فرجو قيمتو لهدا فاتح ذكي ****** ..والنونو دخلك شو سوى يعني ...بالتوفيق للحطينيين...

ذئب روما

abu marwan · #8 (**permalink**) 24/12/06, 02 :27 02:27:44 AM

الله وكيلك .. التشرينية فرحانين بالتعادل لك تاري يا زلمي النقطة من حطين بتساوي عشر نقاط من برشلونة

الامير totti · #9 (**permalink**) 24/12/06, 03 :39 03:39:34 AM

الفريقين لعبو مباراة عادية .. كنا افضل من تشرين بمليون مرة بالشوط الاول ... ولو استغلينا فرصة من الفرص الكتيرة لكانت النتيجة فوز الحيتان وبجدارة ..... ما زعلان غير على فرصة اركانوو كان بدي ياه يسجل بتشرين كول ..لو عالموت ... بس يعيطيه العافية ما قصر ..هوي وكل الشباب اللي كانو اكتر من رجال بالملعب .... ... ولو تعرفوا قديش العالم هون انبهررررررررررت بأداء سليم الله يحميه .....وعين الحسود فيها مليووووون عوووووود

الآغا · #10 (**permalink**) 24/12/06, 03 :42 03:42:13 AM

حلوة منك ابو مروان شغلة برشلونة هههه

مهرتوو · #11 (**permalink**) 24/12/06, 04 :02 04:02:28 AM

اكيد الله يعطيك العافية بعد كل هل حكي وكل هل مشاكل انا كنت من اشد المتفائلين بس مع انوو كنت متوقع انوحطين يربح بس يالله صارت وبركي بيعرفوو انو هادا الحوت الذي لا يقهر ويارب

باتيستوتا · #12 (**permalink**) 24/12/06, 05 :04 05:04:20 AM

مشكور ابو عدنان و انشاء الله التعويض بالقادمات

Bayren · #13 (**permalink**) 24/12/06, 10 :54 10:54:31 AM

مشكور الموضوع حلــــــــــــــــــــــو و بيلفت النظر إلى نقط قوة الحوت أحتى في

أصعب اللحظات

hutteenimot · #14 (**permalink**) 24/12/06, 11 :06 11:06:01 AM

يا شباب ,, معلاشي بس طول عمرن التشرينية بيطبلوا و يزمروا عالفاضي .. يعني اهداءات الفوز و انو النونو رح يعمل ويسوي , كل مين عندو رأيو الشخصي ... بس سؤالي انهم مابيحسوا بنوع من البرخة بعد ما بتتبخر احلامن على قولة اخوي حمودة ؟؟ بربي يا شباب يعني مابدي قولها بس مسخرة بكل معنى الكلمة ....

عاشق اليونايتد · #15 (**permalink**) 24/12/06, 01 :08 01:08:21 PM

مع احترامي للاراء

بس بينت جمهور مين رقص بعد اللعبة

rooney · #16 (**permalink**) 24/12/06, 02 :41 02:41:09 PM

مشكور

حسون الحطيني · #17 (**permalink**) 24/12/06, 08 :23 08:23:34 PM

th_hutten بشهادة الجميع حتى من th_hutten خارج اللاذقية انو حطين كان th_hutten الاجدر و الاحق بالفوز من th_hutten تشرين
th_hutten وجمهور الحوت كان الاجمل و th_hutten الاكبرth_hutten th_hutten

maher43 · #18 (**permalink**) 24/12/06, 10 :03 10:03:39 PM

درر كلامك اخي وفعلا كلام صحيح بس الحظ العاثر وانا باذن منك نقلت الموضوع للمنتدى بصحيفة حطين

wolf1982 · #19 (**permalink**) 24/12/06, 10 :16 10:16:28 PM

والله يا شباب انا ما سمعت انو جمهور تشرين متفائل بالفوز الا منكون , يعني لو تابعتوا المواضيع بمنتديات جماهير تشرين , لكنتوا عرفتو وايقنتوا انو نحنا ما متفائلين بالفوز للدرجة التي تتحدثون عنها , اما عن تصريحات اللاعبين , فهذا امر طبيعي يحدث في جميع الدوريات العالمية والعربية , دائما تصريحات اللاعبين تستند الى خطة نفسية او معنوية الغرض منها التأثير على الفريق الآخر او اعطاء الثقة لللاعبين الجدد او الصغار .

حمودة الحطيني · #20 (**permalink**) 24/12/06, 11 :32 11:32:21 PM

اقتباس:

أرسل أصلا بواسطة maher43

درر كلامك اخي وفعلا كلام صحيح بس الحظ العاثر وانا باذن منك نقلت الموضوع للمنتدى بصحيفة حطين

على حسابك الموضوع و صاحب الموضوع ...

ابو عدنان

أدوات الموضوع	البحث في الموضوع
عرض نسخة للطبع إرسال هذه الصفحة إلى بريد إلكتروني	البحث في الموضوع: بحث متقدم
أنماط العرض
النمط الخطي الانتقال إلى النمط المختلط الانتقال إلى النمط الموضوعي

مستخدمين موجودين حالياً يشاهدون الموضوع: 1 (0 أعضاء و1 ضيوف)

اعلانات