حطبن (1) × (2)الاتحاد ( تعليقات الاعضاء) - نادي حطين السوري

Kh@led · #1 (**permalink**) 29/12/06, 06 :01 06:01:39 PM

تلقى حطين اول خسارة له هذه الموسم على ارضه من ضيفه الاتحاد الذي لعب معظم المباراة ب عشرة لاعبين بعد طرد عبد الفتاح الاغا لضربه علي طه من دون كرة ثم في المنتصف الثاني طرد مجد الحمصي لتلقيه الانذارين .. و مع ذلك تقدم الاتحاد عبر لاعبه وائل عيان الذي احرز هدفين متتالين .. الاول جاء من تسلل واضح على لاعب الاتحاد بكري طراب بعد ان لعبت الضربة الحرة بشكل سريع فمررها للعيان الذي عالجها بالمرمى هدف التقدم...

على العموم .. حطين قدم شوط اول سيء للغاية .. حيث كثرت اخطاء اللاعبين بالاضافة الى التمريرات الخاطئة ..وحدها تسديدة العزيم التي هزت عارضة تستحق الذكر ...

المدرب احمد هواش لم يستطع قراءة المباراة بشكل جيد .. فقد استعجل كثيرا باخراج اركان مبيض من الشوط الاول ..بالاضافة الى التبديل الاضطراري لعلي طه .. فكان من الاجدر له التريث لغاية الشوط الثاني ... بالاضافة الى التبديل الغريب باخراجه للمغربي المرحوبي و ادخاله لمحمد علي ... فضعفت القوة الهجومية للفريق و افتقد للكثافة امام المرمى ..

و يبدو ان الرواتب كان لها التاثير العكسي على اللاعبين .. فقد ظهروا بشكل بارد .. لايملك اي منهم الحماس للعب ...

و بالنهاية لا يصح الا الصحيح .. الجو العام بالنادي لا يبشر ابدا .. و النتائج الحالية تعكس هذا الجو .. و الفريق دخل في مرحلة الخطر ... كونه فقد نقاط كثرة على ارضه ... و مباريات الاياب الصعبة كلها خارج ارضه ...

نحتاج للحلول السريعة .. فمباراة الكرامة تنبأ بهزة قوية للفريق .. خاصة مع غياب الياسين المطرود ..و العيسى المصاب ...

#2 (**permalink**) 29/12/06, 06 :10 06:10:28 PM

لا حول ولا قوة الا بالله
ضلينا نقول لا تستهتروا ولا تلعبوا ببرود
شو بدو يحكي الواحد حتى للعبة يلي بنكون عادة ضامنينا ع ارضنا خسرناها
يا رب استرها معنا بجاه هالعيد

SALAHDIN · #3 (**permalink**) 29/12/06, 06 :15 06:15:15 PM

الإتحاد صحيح لعب ب9 لاعبين بس ال9 كانوا متمركزين بمنطقتون , وضيعوا وقت على أبو موزة , الحارس الجركس يعرف كيف يمتص فورة لاعبينا وقت يعمل حالو مصاب , وكملها الحكم يلي كان سئ عالطرفين في "جزء إلنا وفي جزاء إلون"

شو بدو يحكي الواحد
جمهورون طول اللعبة عم يكبر ويصلي عالنبي , وجمهورنا قاعد عم يكفر , فمن وين رح نتوفق ؟؟؟؟؟؟؟؟؟؟؟؟؟؟؟؟؟؟؟؟

SALAHDIN · #4 (**permalink**) 29/12/06, 06 :17 06:17:11 PM

كلوا بكوم والباص تبع الخضرة يلي عطاه للمرحوبي , ما عرف يستغلوا وتباطئ بالركض

nawwar · #5 (**permalink**) 29/12/06, 06 :27 06:27:18 PM

يا شباب مافي شي مظبوط بالنادي والحمدالله يعني عنجد حاجتو للهواش لأنو اثبت انو مدرب فاشل بكل معنى الكلمة الكل بيعرف انو محمد فارس لاعب هجومي اكتر مانو دفاعي ئام ئتلو بهالمركز وئتل الفريق معو و الحاج محمد اثبتجدارة ليش ما بتلعبو وبترجع العزيم لورا وهيك بتئوي دفاعك المهتز يعني بس بدي اعرف خطة 4-4-2 من شو بتشكي والله لما بلش فريئنا يلعبا مشي حالو بتمنى ما حدا يفهمني غلط بس عنجد الهواش حلو بئا

نيدفيد الحطيني · #6 (**permalink**) 29/12/06, 06 :31 06:31:36 PM

لك شو بدو يحكي الواحد بحياة الله

خليه يصير عنا جمهور بعدين منفكر نفوز على المتصدر أو عل كرامة

هي انا وهي انتوا اذا منفوز على الكرامة هون باللادقية

لكن بحياة الله جمهور بيسب لعيبتو لك روحوا ولو

صدقوني ممكن نفوز على الطليعة بأرضهم بدون جمهور

اذا ما قرفني جمهور اليوم الرياضة لكككككككككككككك ما بدي احكي كلمة غلط هلق
لا حول ولا قوة إلا بالله

ولا اللعيبة ما بقى حدا يعرف يحط غووووول شو هل عيب ولو
كل مرة منكون كاملين والفريق التاني بينطرد منو لاعب وبيلعب الفريق التاني احسن مننا

شو هاد ولوووو

nawwar · #7 (**permalink**) 29/12/06, 06 :43 06:43:46 PM

السلام عليكم يا اخواتي

حابب احكي موضوع مهم كتير وانشالله الكل بيفهمني.....!!!!!
من وين رب العالمين بدو يوفق الفريق بس بدي أعرف!!!!!!!!!!
1- اليوم اتفاجأ كل الجمهور بلعبة الأتحاد انو بطاقات لدخول الملعب ما في واذا بدك تدخل بدك تدفع 100 عالباب ياشباب والله حسيت حالي داخل احضر دوري درجة 3 شو هالمسخرة انا متأكد انو نص الجمهور اذا ما كلوا دخل ببلاش بعد تكسير البواب....
2- يا شباب انا صرلي شي سنين بحضر حطين بس من كام سنة وطالع اقسم بالله اشتهيت اقعد بالملعب جنب حدا بيفهم بالطابة وبالفريق اقسم بالله ما بيعرفوا اسماء لعيبتنا......
3- النقطة التالتة وهي أهم نقطة من وين الله بدو يوفئنا:
يا شباب اليوم بالعبة الأتحاد الكفر ما ئلو قيمة ( مع تفنن بالكفر)
أتخيلوا اليوم يوم فضيل والناس كلا صايمة والحجاج على عرفة جمهورنا مبلش الكفر !!!!!!!
هيداغير المشاكل يلي ارت بعد اللعبة مع الشرطة والتكسير يلي صار عادة عند جمهور حطين
وتقليد بعد كل لعبة اربحناها أو خسرناها سواء

بئا ئلولي كيف حطين بدو يعرف طعمة الفوز؟؟؟

La Balena · #8 (**permalink**) 29/12/06, 06 :46 06:46:41 PM

السلام عليكم
والله ياشباب الواحد ما بيعرف شو بدو يحكي يعني طالما عنا هيك جمهور مع احترامي للجمهور الرائع والحضاري منهم ما رح نتوفق ما بأي شكل
يعني مثلا كل مباراة فيها كفر استغفر الله اي من وين رح نتوفق
شغلة ثانية الجمهور يقاتل بعضو يعني انا لهلق بتذكر مباراة حطين والحرية بحلب وقتها وصلت للشيطان الرجيم لما الله ستر كان راح كم واحد لشغلة تافها
خليها على الله احسن شي
وتحياتي القلبية للجميع

#9 (**permalink**) 29/12/06, 06 :54 06:54:01 PM

استغفر الله رب العظيم يا زلمه الله بينزل رحمتو بهاليوم وبيقبل الدعاء
هيدا يلي طلع معون
والله شو ما الله عمل بهالبشر قليل

Bayren · #10 (**permalink**) 29/12/06, 06 :58 06:58:40 PM

عادي النادي عبارة عن كتلة من المشاكل .......

و شي كتير طبيعي يكون هل الشي لي عم نشوفوا

Bayren · #11 (**permalink**) 29/12/06, 07 :03 07:03:54 PM

جمهورنا أخي العزيز عاطفي جدا, و العاطفة إلا جمالا و إلا بشاعتا

طبيعي الكل ما بأيد بعض الحركات الانفعالية يلي عم تصير بس هيدا الجمهور

و حكينا من أول ما انفتح هل الموقع لهلا أنو لازم يتوعى الجمهور ....بس هيهات يا عيني

بس بكل الأحوال ما في أحلى من جمهورك يا حطين

ذئب روما · #12 (**permalink**) 29/12/06, 07 :10 07:10:05 PM

الله يوفق البشر وكل عام وانتم بخير...........

ذئب روما

Rammstein · #13 (**permalink**) 29/12/06, 07 :13 07:13:32 PM

.. متل ما قال(( نيدفيد)) ...
.. يعني جمهورنا عم يسبوا لعيبتنا ... الهواش ضيع بتبديلاتو ..
.. وكان من الافضل ما ينزل المرحوبي اساسي .. الو الزلمه شهرين ما لعب لعبه ...
,, واحلى شي ابو الريف نازل على السكور .. وحاطط علاء ارناؤوط بررا ...
... تبديل اركان كان متسرع فيه ..
... صحي شو الخله على الملعب .. كانك طالع بالميكرو على صلنفه يوم الخميس .. وما بقيان باصات ..
.. ولسسا كتير ... شو الحل ..؟؟؟؟؟؟

ذئب روما · #14 (**permalink**) 29/12/06, 07 :15 07:15:22 PM

بالتوفيق ياشباب وعن جد ما قادر أحكي شيء ...بالتوفيق عن جد بتمنى لحطين الوقوف والعودة...

ذئب روما

Kh@led · #15 (**permalink**) 29/12/06, 07 :52 07:52:17 PM

للمرة الرابعة هل الموسم.. بينطرد لاعب من الفريق الخصم ..
مباراة المجد انطرد لاعب للضرب بدون كرة.. و الفتوة انطرد لاعب لانذارين ..الشرطة انطرد لاعب للضرب بدون كرة ... و اليوم بينطرد لاعبين كمان...
مرتين استفدنا من النقص ..و مرتين ما استفدنا ..

قلب حطين النابض · #16 (**permalink**) 29/12/06, 08 :35 08:35:11 PM

كل عام وانتم بالف خير
وان شالة العيد الجاية (عيد المشمش) يكون فريقنا بطل الدوري

YOUSEF..MS · #17 (**permalink**) 29/12/06, 08 :44 08:44:16 PM

لك آآآآآآه زمن اول حول

نوار مالك مجبور · #18 (**permalink**) 29/12/06, 08 :53 08:53:22 PM

جيت من مصر

قلت بلكي

بفرح بفوز على الاتحاد

بس ياللي شفتو بعيني

مو معقووووووووول

عنا 3 اموات بالفريق

لازم دفنهم

وخلووووووووها

لله

يا بيجبوا مهاجمين متل البشر

يا يروحوا يحرقوا حالون

بلكي بتطهر نفوسهم

و

العياذ بالله

أبو النور

فاروق ابن البحر · #19 (**permalink**) 29/12/06, 09 :01 09:01:20 PM

لا حول ولا قوة الا بالله المهم الحمد لله على السلامة اخي ابو النور

ABO ALZOZ · #20 (**permalink**) 29/12/06, 09 :15 09:15:54 PM

الحمد الله فوز صريح ب 9 لاعبيين وبنص اللاذقية

هارد لك ياشباب ومبروك لألنا

أدوات الموضوع	البحث في الموضوع
عرض نسخة للطبع إرسال هذه الصفحة إلى بريد إلكتروني	البحث في الموضوع: بحث متقدم
أنماط العرض
النمط الخطي الانتقال إلى النمط المختلط الانتقال إلى النمط الموضوعي

مستخدمين موجودين حالياً يشاهدون الموضوع: 1 (0 أعضاء و1 ضيوف)

اعلانات