بسم الله الرحمن الرحيم
ان ما سأكتبه ادناه هو رأيي الشخصي كتبتو وانا بكامل قواي العقلية ولا يعبر عن اراء المنتدى من اداريين واعضاء ومن يريد ان يحاسبني فليتفضل ويحاسبني
اسمي بشار محمد سعيد حنونه
ــــــــــــــــــــــــــــــــــــــــــــــــــــــــــ
من اجل التاريخ ومن اجل جماهير حطين الوفية ومن اجل كل ماحدث ويحدث بنادينا الغالي علينا ولاني دوما اعتدت على قول الحقيقة ولا اخاف من احد ابدا سوى ربي دعوني أوضح لكم ماحدث لحطين من وجهة نظر التاريخ وكيف وصل نادينا الى هذا الحال المؤسف الذي نراه اليوم وسـأذكر بعض الاسماء وانا مستعد لتحمل كافة العواقب ...
اولا: الى من يقول ان جمهورنا هو جمهور متخصص بالسب والشتم والكفر ف انا اتحداه ان يجد جمهورا اكثر اخلاصا ووفاء من جمهور نادي حطين واتحدى أي جمهور على وجه الارض ان يقف بجانب ناديه كما يقف هذا الجمهور
اتريدون ان تعرفوا لماذا كفر الجمهور اليوم انها ليست معاناة اليوم او الامس انها معاناة طويلة سأحكيها لكم وسأترككم تحكموا عليها ب انفسكم
لو كان ما يجري في النادي حاليا سليم لما كفرت هذه الجماهير اليوم وانطلقت بالسباب على اللاعبين والاداريين ولكن ما يحدث هو عبارة عن تصفية حسابات بين اداريي نادينا الذي يضرب فيه المثل بتغيير الادرات ليس على مستوى سوريا بل على مستوى العالم ككل
بدأت المأساة منذ اليوم الاول بعد احراز حطين كأس الجمهورية فتذكروا معي ماالذي حدث
منذ ان تخلى النادي عن الشعبو والطريفي وقائمة طويلة تشمل الاغا والجبلاوي و الصاري ... قارنوا بين ادارتنا السابقة وادارتنا الحالية ؟ والله العظيم حرام تكون هيك ادارة مع رئيس مجلس الادراة شو رأيكم انو احد اعضاء مجلس الادارة كان خايف من مباراة الشرطه مع احترامي لفريق الشرطه يعني ومقعدلي هشام عابدين المعاقب وقتا بدكة الاحتياط منشان يتفرج ع فريقنا وهو عم يتبهدل ... لماذا استغل احد الاداريين غياب القدور ليحرم 2 من لاعبي حطين ونحن في امس الحاجة اليهما ماهو تاريخ غازي حاج قاسم ليكون اداري بالفريق ويشيل ويحط بنادي حطين كيف يعهد احد افراد الادارة مباراة ثم يقبض التعهد ويستقيل ثم يعود عن استقالته عند عودة رئيس مجلس الادارة من السفر؟؟ شو هالمسخره هيدي؟؟
فعلا معو حق يقعد السيد محمد قدور مع الجمهور بلعبة تشرين هربا من ادارته ولسا لو بدي احكي على الي صار بفريق السلة ليشيب راسكم صرلنا 3 سنين ماعم نعرف نفوز على تشرين لا بالناشئين ولا بالشباب ولا بالرجال حدا فيكم بيقدر يقلي ليش؟؟ ليش هديك السنه جبنا الجبيلي ودفعنالو هداك المبلغ وماشفنا وشو الا بكام ليش اقلتوا الماردكيان هداك الموسم بس لانو ما اشرك اللاعب المدلل عنا وهلأ نازلين عم تسبوا بالهواش؟؟ سؤال ليش فرطتو بالاغا والجبلاوي وغيرو وغيراتو وين كنتوا اول الموسم وهلأ عم تشكوا انو ماعنا هداف بدي اسأل الكابتن الهواش كام سؤال وبدي اجابة واضحة ليش حرمت العابدين والعزيم بلعبة الشرطة ؟؟ شو هي الخطة الي لعبت الفريق فيها مع الشرطه وليش اتبعت هالخطه؟؟ ليش ما حرمت احد اللاعبين يلي كان طرف بالمشكله وحرمت 2 غيروا؟ الفريق اليوم بدو شغلتين اولا مدرب منيح يوظف امكانيات الفريق ويعرف يحط كل واحد بمحلو وعندوا القدره انو يستغل امكانيات اللاعبين الاستغلال الامثل بدنا مهاجم منيح يكون عندوا قدرة انو يترجم الفرص يلي عم تروح كب مع احترامي للمرحوبي وانا بعرف انو صرلو شهرين محروم وماحلو يرجع لمستواه وانا كتير مستغرب ليش انسب كل هالسب اليوم وبدنا ادارة تكون ايد وحده وتخاف على حطين متل ما جمهوره بيحبو وبيخاف عليه لان الي صار اليوم مع الاتحاد ما الو أي مبرر ووضعنا صار خطير وصار لازم نكشف وراقنا منيح والا رح يتدمر النادي ورح نخسر كلشي يعني بصراحة ملينا وصار بدنا لحل جذري لكل يلي عم يصير وبسرعة قبل ما توقع الفاس بالراس وتقبلوا تحياتي حطيني مغترب 
29/12/06, 11 :38 11:38:30 PM
النمط الخطي
