خبرونــا كيـــف بتقضوا العيــد ؟؟ - نادي حطين السوري

نتالي · #1 (**permalink**) 30/12/06

كل عام وأنتوا بخير يارب

حبيت نتشارك كلنا بهالموضوع مشان نشعر بفرحة العيد

سوا والكل يخبرنا كيف بيقضي العيد شو بيعمل

وين بتروحوا أول يوم ؟؟

شو مشاريعكم مين بيزوركم ؟؟

شو حضرتوا أكلات طيبة ولذيذة

والمغتربين كمان اتصلتوا بمين أول شي وعايدتوا عليهم ؟

وكيف بتقضوا العيد بالغربة ؟؟

اللي بدبي وبمصر وبالسعودية أحكولنا شو بتعملوا ؟؟

يلا الكل يخبرنا عن العيد بالنسبة إله

طروقة الحطيني · #2 (**permalink**) 30/12/06

هاي وكل عام وإنتو بخير
طبعا نحنا هون بدبي عم نحاول ننبسط بالعيد قد ما نقدر لحتى ننسى الغربة بس بيضل العيد بسوريا غير شكل
المهم من الصبح عايدنا الأهل أكيد وفيقناهم من النوم وبالعيد منجتمع مع شباب البلد ونروح مشاوير بس بصراحة
بالنسبة إلي حاس العيد متل أي يوم بس المهم عطلةةةةةةةةةةةة
ومرة تانية كل سنة وإنتو بخير

نتالي · #3 (**permalink**) 30/12/06

والله انا بقول ياريت كنت بدبي عند اخواتي واللي بدبي بده

سوريا شغلتنا شغلة نحنا بس مابتقصر أخي طروقة

الحطيني أبسط حالك بأي طريقة المهم الواحد يغير جو

وكل عام وأنت بخير يارب وكل أهلك كمان ..

باين بس أنا وأنت اللي عيدنا الباقي مدري وينهم ؟

#4 (**permalink**) 30/12/06

انا بالنسبة الي بفيق الصبح بعايد اهلي وبفتح المنتدى بشوف شو في مافي بتصل برفقاني بعايدن برجع عالمنتدى بروح باكل وبرجع عالمنتدى بيجو لعندي الكل وبقعد عالمنتدى
المسا بنطلع مشوار وبيكون معي الاب توب فاتحو عالمنتدى واخر الليل برجع عالبيت وبفتح المنتدى انا طول عمري مقضيه ب احلى منتدى واحلى اعضاء

ديار · #5 (**permalink**) 30/12/06

كل عام وأنتي بألف خير نتالي و إنشالله هالسنة بتكون فاتحة خير عالجميع يا رب
والله أنا بالنسبة ألي هالعيد بالذات ما إلو طعمة لأنو صادفت هالسنة إمتحانات النصف الدراسي الأول مع العطلة يعني بعد العطلة مباشرة منبلش إمتحانات يعني ما في شي أسمو عيد بتاتا

محمد نور · #6 (**permalink**) 30/12/06

وانا كل عيد بحس بغصة ما بعرف ليش
هيدا شعوري وما عمبقدر انبسط

ذئب روما · #7 (**permalink**) 31/12/06

بالنسبة لإلي اليوم قضيتو بعد ما فقت طبعا من النوم عايدت على الأهل وفطرت وبوجهي على المحل فتحت المنتدى وشاركت بشو في جديد طبعا وبراجع شو في انا كاتبو ومردود عليه ..عالغدا رجعت وقبل ما آكل والله تذكرت بعض الأصدقاء الغاليين بالمنتدى اتصلت فيهن وسلمت عليهن .واتمنيت انو معي أرقام تلفونات الجميع فردا فردا لأتصل فيهن والله وسلمت على الغالي أبو النور وأقول له حمد لله على السلامة الوطن نور بزيادة بوجودك ياغالي...وأكلت ونمت قيلولة صغيرة ورجعت عالمحل وباشرت كمان ..هاي أول يوم بالعيد قضيتو ..كل عام وأنتم بألف خير وسوريا وفلسطين وحمص واللادقية بألف ألف خير ..

ذئب روما

YOUSEF..MS · #8 (**permalink**) 31/12/06

الصراحة: بين الاهل والكمبيوتر!!!!
........

Rammstein · #9 (**permalink**) 31/12/06

اقتباس:

أرسل أصلا بواسطة حطيني مغترب

انا بالنسبة الي بفيق الصبح بعايد اهلي وبفتح المنتدى بشوف شو في مافي بتصل برفقاني بعايدن برجع عالمنتدى بروح باكل وبرجع عالمنتدى بيجو لعندي الكل وبقعد عالمنتدى
المسا بنطلع مشوار وبيكون معي الاب توب فاتحو عالمنتدى واخر الليل برجع عالبيت وبفتح المنتدى انا طول عمري مقضيه ب احلى منتدى واحلى اعضاء

... لسسا شوي بصدقك ...
.. سمي حالك عاشق المنتدى ..

#10 (**permalink**) 31/12/06

ايه ليش لأ ليش عيب ولا حرام

ذئب روما · #11 (**permalink**) 31/12/06

اليوم التاني بين الكمبيوتر والأهل والغدا والأصدقاء.......

ذئب روما

نتالي · #12 (**permalink**) 31/12/06

أخي محمد نور ليه الغصة بالعيد

؟؟؟

*****

وديار معك حق ماتحسي بالعيد لانه صاير مع الفحوصة

وان شاء الله العيد الجاية بنشوفك مترفعة يارب على السنة التانية

*******

وأخي حطيني مغترب و أبو مروان وذئب وروما و Rammstein شكرا لمروكم

بس باين كلكم نفس الشي عيد وكمبيوتر يعني صاروا الأهل والكمبيوتر سوا

وأنا متلكم بس شو قصتك أخي ذئب روما
انت والغدا الغدا والفطور باين بتحب الأكل كتير

***********

وأخي حطيني مغترب بالعكس الإخلاص اللي عم تشتغل فيه رائع

والله يوفقك يارب ...

*****************

واليوم التالي على التوالي ننتظر الضيوف لسا ماطلعنا ولا مشوار

من بكرة بنلبش

ذئب روما · #13 (**permalink**) 01/01/07

اليوم الثالث استيقظت متأخراً وذهبت الى المحل قبل ما آكل اي شي وفتحت المحل وشاركت بالمنتدى الغالي ورجعت تغديت وأكلت منيح ورجعت عالمحل وكمان عدت الى المنتدى يعني بين الغدا والكمبيوتر (المحل)..

لا والله أخت نتالي أنا ما قصة انو بحب الأكل بس هاي روتين وبدنا نمرق فيه لذلك اذا بدك تشوفي حياتي بتلاقيها معظمها محل والله ....مشكورة وأقدّر مزحك بس هاي الحقيقة والله..

ذئب روما

حمودة الحطيني · #14 (**permalink**) 01/01/07

و الله بالنسبة الي انا اول يوم بالعيد ... زرت ضريح البابا الله يرحمو و نظفت القبر و حطيت الريحان ... و بكيت عن سنة و الحمد الله ... و تاني شي عيدت الماما و اختي ... و بعدين رحت عند التاتا لأنها كبيرة العيلة ... بس و انا مو معيد بطبيعة الحال ... و لا حتى اكلت حلو العيد لأنو العيد ما الو بهجة بدون البابا الله يرحمو ... و الله يخليلكون اهلكم .

محمد نور · #15 (**permalink**) 02/01/07

الغصة يا نتالي انو الاخبار ما بتخلي واحد ينبسط من الصبح كليوم بحطها على الاخبار
وبحس باللي مو مبسوطين وما بحب انبسط ولو اضحكت شوي بس بقلبي بضل غصة على المحرومين
ما بايدي هالشغلة

فاروق ابن البحر · #16 (**permalink**) 02/01/07

انا رح طق رح انفجر رح موت هادا اسوء عيد بحياتي من الصبح لاخر الليل بالشغل بتصدقوا و الله خطيبتي لسه ما شفتا هي خلص تالت يوم العيد وخطيبتي حالفة بدا تبطل ":hl

ابو الليل · #17 (**permalink**) 02/01/07

السلام عليكم

كل عام وأنتم بخير أولاً

أنا وأعوذ باللهمن كلمة أنا كل عيد بغص أكتر من العيد اللي بعدو يعني كل مالو العيد عم تخف بهجتوا .
على كل حال أنا بقضي العيد بالبيت أغلب الأحيان والأقارب بيجوا لعنا وبحكي مع رفقاتي
وبس

الامير totti · #18 (**permalink**) 02/01/07

العيد بالغربة ما الو طعمة وبهجة متل سوريا

من جتي مقضي العيد هيدا بالشغل ......

لولي · #19 (**permalink**) 02/01/07

اول شي ترجعيلنا بالسلامة يارب يانتالي ويكون والدك بخير

انا بالنسبة إلي يا نتالي بالعيد بنطلع على أماكن سياحية

بس هالسنة الجو مش بساعد بتاتاً لذلك اكتفينا

بالسهرات برى بقلب البلد يعني وقضينا العيد بهالطريقة

وميرسي إلك

rayana · #20 (**permalink**) 04/01/07

hi natali niyalek bel3id ana ma 7esset inou mara2 3layi 3id yemken la2ani belgherbe w f2adet ktir bas lchi lwa7id li 3iyadet fi ini tsewaret souwar 7elwe bas ma tnghachi w tfakri chi ma7al tsawarton 3al computer yala yen3ad 3;layki w 3al jami3

أدوات الموضوع	البحث في الموضوع
عرض نسخة للطبع إرسال هذه الصفحة إلى بريد إلكتروني	البحث في الموضوع: بحث متقدم
أنماط العرض
النمط الخطي الانتقال إلى النمط المختلط الانتقال إلى النمط الموضوعي

مستخدمين موجودين حالياً يشاهدون الموضوع: 1 (0 أعضاء و1 ضيوف)

اعلانات