ما هو الحل لعودة الجمهور المثقف الى الملعب؟؟

[محمد نور]

سؤال يطرح نفسو
اين الجمهور المثقف الواعي؟؟؟
اين الناس التي كانت تاتي لتشاهد الكرة وليس للسب والشتم؟؟
شو قصة الصغار اللي بجيبو معهم (درمبكة) وبينزلو مسبات من قبل اللعبة؟؟
والله بذكر من شي 5 سنين كنت اقعد على يسار المنصة كنت اسمع تحاليل للعبة من ناس كبار بالعمر وفهمانين وينهم وين راحو؟؟
شو الحل ليرجع هالجمهور الواعي؟؟
والله قلبي عم يحترق لما بشوف واحد من الجمهور بحرك الجمهور كلو يسب ويشتم لأ وعمتطور لكفر والعياذ بالله

قلبي معصور على هديك الايام وعلى حال جمهورنا اليوم

شو رأيكم الحل لترجع هديك العالم المثقفة؟؟

محمد نور

[عاشق اليونايتد]

لك ااااااااااااااااااااااااااااااااااه

بس ليصير في ادارة جيدة وقلبا عحطين وبتنتهج المهنية في عملها بعيدا عن اي مؤثرات خارجية وتتعاون هالادارة مع اللاعبين والمدرب على ايجاد مخرج للي نحن فيه وتنجح هالادارة ب ايجاد مخرج ساعتا كل يلي عم يكفر رح يصير مثقف غصبا عنو فضلا عن عودة بعض المثقفين من انصار حطين ممن يأسوا من الحال التي وصلنا لها

[ابو الليل]

السلام عليكمالحل موجود ويكمن في أن :1- يتخلى اللآعبون عن المزاجية في اللعب .2- عودة قدامى النادي لأنهم هم الأساس ويفهمون الكرة أكثر من غيرهم ومثال على ذلك الكابتن بشار بقيادته لفريق الشباب .3- موقعنا ممتاز ولكن يجب أن يكون هناك عمل دؤوب لحل ولو جزء بسيط من المشاكل العالقة .4 - العودة ليست مستحيلة ولكن تحتاج إلى الشرفاء والأختصاصيين واللعب للقميص لا للفرد

[ابو البحر]

اخوي ابو احمد الغالي
ربما ان الجمهور المثقف لم يعد يرى لنفسه مكانا على المدرجات وقرر الانسحاب ليحافظ على نفسه
وربما انه يدرك تماما انه يوم من الايام سوف يفقد سيطرته على نفسه بأحدى المباريات

راحو يا ابو احمد هالناس الكبار لانو ما ضل حدى بالنادي محترم حالو(طبعا مو الكل )

راحو يا ابو احمد لانو ما عاد حطين تبع ايام زمان
حطين يلي لما بتدخل على المباراة لتشوفو بتعرف حالك جاية لتحضر مباراة كرة قدم ( مو خبط ولبط )
ايام العز يلي نادرا عم نشوفها بهالايام والنكهة الكروية يلي كمان نادرا لتشوف منها لقطة بكل مباراة
كان حطين النادي الذي تهابه كل الاندية السورية
النادي الذي قهر اكبر الفرق

بس بحب قلك شغلة ومع احترامي للجميع
بس يكون حطين كبير بأرض الملعب صدقني رح تشوف جمهور مثقف جمهور جاية على الملعب ليحضر سمفونية كروية

[حمودة الحطيني]

و الله اخويي ممنوع دخول الصغار

[ذئب روما]

نرجع لأيام المثقفين بعدم تذكر الماضي مثلا والله هل الفريق خسرنا بأرضو وطعمانا قتلة والله لأعمل هيك وهيك فيه...هاي 1..
2- لانسمع للجمهور ولو هتف ضدنا بس عنا شو لا والله ما بسكتلو ,,,والله ما رح خليه يطلع لا اللاعبين ولا جمهورو من الملعب وراح أقفل الباب عليهن كمان متل بعض النوادي التي تتظاهر باللعب الجماعي ولكن هي بلا حس ولا أخلاق وعرفوووو مين هنن...بالتوفيق يا حوت ونتمنى انو يوقف من جديد...تحياتي

ذئب روما

[الآغا]

( المنتدى الالكتروني ) لكن !!!

[YOUSEF..MS]

عجزت

[محمد نور]

أرسل أصلا بواسطة الآغا

( المنتدى الالكتروني ) لكن !!!

ولكن قلة من الجمهور من يستخدمون الكمبيوتر
والأقل من يستعملون النت

[Phoenicean]

حطيت إيدك على جرح يا أخ محمد ... فعلاً بيشتهي الواحد يروح على الملعب يشجع و يتفرج على كرة قدم مو يسمع مسبات و كفر و إبداع باختراع الشتائم لأبعد الحدود !! .. و منظر هالولاد عم ينطو متل السعادين و ما بيعرفو ليش جايين على الملعب إلا للتهريج و التخريب !! يا ريت يكون جمهور كرة القدم متل جمهور السلة ... لما بحضر مباراة لحطين بالسلة بيكون الوضع أفضل بكتير .... بتعرفو ؟ ... أنا مع رفع قيمة البطاقة متل ما عملو بسينما الشام لأنو هيك ما بيفوت إلا اللي بدو يحضر ما اللي بدو يعمل مشاكل !!

[Bayren]

يعني بصراحة جزء كبير من الجمهور المثقف الواعي هجر الملعب للإحساسة, بأن ما يحدث من

عدة سنوات عبارة عن مسرحية ليس هناك وفاء للقميص و لا للأي اعتبار و الواسطة و طق البراغي...........الخ

نحتاج إلى إعدة هيكلية بنادي حطين..... فلنكن صريحين نحتاج إلى إعادة بناء من الصفر

لنحقق ما نصبو إليه


:::::::::لن يعود الجمهور المثقف بأغلبيته بالوقت الحالي فلنكن واقعين:::::::::

[SALEM]

حاليا مستحيلة

[hutteen love story]

موضوع رجوع الطبقه المثقفه صعب جدا لاسباب كثيره جدا

[الامير totti]

عودة اداء حطين الرفيع في ارض الملعب ... عودة الروح القتالية للاعبين .. عودة النتائج الطيبة التي كان حطين يحققها .... ستكون لها شأن في عودة كل جمهور حطين المثقف والواعي

[فاروق ابن البحر]

أرسل أصلا بواسطة أبو مروان الحطيني

عجزت

له يا ابو مروان الحل موجود


الحل انو كل واحد من هالجمهور الغير واعي ندبحو ونطالع جيل واعي ومثقف انا برأي هادا الحل الوحيد لمشكلة جمهورنا المثقف

[ديار]

بسم الله الرحمن الرحيم
أخواني إذا فعلا بدكن يرجع الجمهور المثقف-أقول ما أقوله كرأي شخصي و كمقترح للمشكلة من وجهة نظر شخصية أيضا-:
بداية: يجب التخلي عن السلبية التي نرى بها الوضع الحالي من مختلف الجوانب لأن هذا سوف ينعكس على نفسيات الجمهور أجمع بالسلب و أن كنا نمثل جزءا بسيطا منه
ثانيا: أنو الواحد يتحسر على اللي راح فهاد الشي ما راح يفيد بالعكس راح يعقد المشكلة و متل ما شفت أنو المشكلة بالولاد الصغار منشان هيك:
من الممكن أن نقوم بإستغلال تواجد الجمهور ذو الفئة العمرية الصغيرة و بما أنو عم يتواجد بنسبة كبيرة بين المدرجات على الشكل التالي:
أولا أكيد في كتير من أعضاء المنتدى بيتواجدوا بين المدرجات فليش ما بتقولولن أنو الدربكة ممكن نستخدمها وقت ما منفوت جول على الفريق التاني و بالتدريج بيتخفف من أستخدمها و هيك بس يشعر الجمهور المثقف القديم بتنظيم المدرجات بيرجع,و بنفس الوقت من كون عم نبني جمهور جديد عم يتثقف بالتدريج
صحيح هالشي بدو شغل و ما بيتم بيوم أو بيومين و بدو صبر بس نتائجو على المدى البعيد مضمونة و أكيد بهمة جماهير حطين راح يمشي الحال بإذن واحد أحد
أعتذر على الإطالة ولكن لضرورة